စစ်ကောင်စီရေယာဉ်များကို Royal Tiger Force မှ ၁၀၇မမဖြင့် တိုက်ခိုက်

၂၀၂၅ ခုနှစ်၊ သြဂုတ်လ ၂၂ ရက်နေ့တွင် မုံရွာ မင်းထောင့်စိတ်ကမ်းမှ ဆုံလာသော စစ်ကောင်စီ ရေယာဥ် ၃၄စီးမှ နောက်ဆုံး၂ စီးကို ၁၀၇မမ လက်နက်ကြီး ၂လုံးဖြင့် တိုက်ခိုက်ခဲ့ကြောင်း Royal Tiger Force ပြောက်ကျားတပ်ဖွဲ့၏ ထုတ်ပြန်ချက်အရသိရသည်။ အဆိုပါထုတ်ပြန်ချက်နှင့်ပတ်သက်ပြီး Royal Tiger Force ပြောက်ကျားတပ်ဖွဲ့ရဲ့ သတင်းနှင့်ပြန်ကြားရေးတာဝန်ခံ ရဲဘော် ZERO က” ကျွန်တော်တို့ တိုက်ခိုက်ခဲ့တဲ့ စစ်ကောင်စီယာဥ်မှာဆိုရင် တပ်ဖွဲ့ဝင်အင်အား ၂၀၀ကျော်လို့ ပါဝင်ပါတယ်ခင်ဗျ ထို သင်္ဘောမှာ ကျောက်စိမ်း၊ ကြေးနီ၊ စစ်ကောင်စီအသုံးအဆောင် ယန္တရားတွေပါမည် ပြီးတော့ သစ်နှင့် ဆက်စပ်ပစ္စည်းများလည်းပါဝင်ပါတယ်”ဟု The Kaladan Post သို့ ပြောဆိုသည်။ ထိုသင်္ဘောသည် ထမန်စီမှ ဆင်းလာပြီး မင်းထောင့်တံတားမှာကပ်ကာ ဒီလက်ပတောင်းကြေးနီဆက်ရုံမှတဆင့် ကြေးနီ တင်တဲ့သင်္ဘောတွေနဲ့ရောနှောကာ အောက်မင်းဝဘက်သို့ဆင်းသွားပြီး ရန်ကုန်သို့ ဦးတည်သွားကြောင်း သိရသည်။ ထို့အပြင် အဆိုပါ တိုက်ခိုက်မှုအတွင်း စစ်ကောင်စီဘက်ကနေ ၆၀မမ အပါအဝင် လက်နက် ငယ်များဖြင့်ပါ ရမ်းသတ်ပစ်ခတ်မှုများ ပြုလုပ်ခဲ့သောလည်း တော်လှန်‌ရေးတပ်ဖွဲ့ဘက်မှ ထိခိုက်မှုမရှိဘဲ အောင်မြင်စွာ ဆုတ်ခွါနိုင်ခဲ့ကြောင်းသိရသည်။ စစ်ကောင်စီတပ်ဖွဲ့ဝင်များသည် တော်လှန်ရေးတပ်ဖွဲ့ ဝင်ဖက်မှ တိုက်ပွဲဖော်ဆောင်ခြင်းမရှိလျှင်လည်း စစ်သင်္ဘောတွေ အဆုံအဆန်ရှိပါက မြစ်ကမ်းတစ် လျှောက်ရှိ ကျေးရွာတွေကို ရမ်းသတ်ပစ်ခတ်မှုများပြုလုပ်နေသည့်အပြင် မုံရွာ နမခ ကနေပါတိုက်ခိုက် မှုများ ပြုလုပ်ခဲ့တယ်လို့ ၎င်းက ဆက်လက်ပြောဆိုသည်။ ထို့အပြင် တော်လှန်ရေးတပ်ဖွဲ့ဝင်တွေ တိုက်ပွဲ များဖော်ဆောင်နိုင်ရန်အတွက် လက်နက်ခဲယမ်းတွေ အခဲအခက်ကြုံနေရသဖြင့် ပြည်သူတွေအနေဖြင့် ဘယ်တော်လှန်ရေး အင်အားစုကိုမဆို မိမိတတ်နိုင်သမျှဖြင့် ပါဝင်ကူညီပေးကြပါရန် Royal Tiger Force ပြောက်ကျားတပ် ဖွဲ့ရဲ့ သတင်းနှင့် ပြန်ကြားရေးတာဝန်ခံ ရဲဘော် ZERO က မေတ္တာရပ်ခံထားပါသည်။ ထိုတိုက်ခိုက်မှု အတွင်း စစ်သင်းဘော တစ်စီးကိုတည့်တည့်ထိမှန်ခဲ့ပြီး ညှာဘက်အင်ဂျင်တစ်လုံးချို့ရွန်း သွားကာ စစ်ကောင်စီးတပ်ဖွဲ့ဝင်၂ဦး ပြင်းထန်ဒါဏ်ရာရရှိထားကြောင်း ၎င်းထုတ်ပြန်ချက်တွင် ဖော်ပြ ထားပါသည်။