နိုဝင် (၆) သတင်းတို ပေါင်းချုပ်

မင်းလှတွင် တန်ဆောင်မုန်းမုန့်ဖိုး ပံ့သကူပစ်ရင်း စစ်တပ်အတုအယောင်ရွေးကောက်ပွဲ ဆန့်ကျင်ရေးပြုလုပ်

နိုဝင် ၆
The Kaladan Post
ပဲခူးတိုင်း အနောက်ခြမ်း၊ မင်းလှမြို့နယ်တွင် တစ်နိုင်ငံလုံးအတိုင်းအတာ တန်ဆောင်မုန်းလပြည့်နေ့ မုန့်ဖိုးပံ့သကူ ပစ်ရင်း အကြမ်းဖက်စစ်တပ်က ကျင်းပရန်စီစဉ်နေသည့် အတုအယောင်ရွေးကောက် ပွဲကို ဆန့်ကျင်ခဲ့ကြောင်း မင်းလှမြို့နယ် ပြည်သူ့ကာကွယ်ရေးအဖွဲ့က ယနေ့ ထုတ်ပြန်သည်။ မင်းလှ မြို့ပေါ် ရပ်ကွက်များအတွင်း လမ်းများပေါ်တွင် ပြည်သူများကိုယ်စား ပံ့သကူမုန့်ဖိုးများနှင့် အတူ ရွေးကောက်ပွဲဆန့်ကျင်ရေး စာသားများ ဖြန့်ဝေခဲ့ခြင်းဖြစ်သည်။ ဖြန့်ဝေခဲ့သည့် စာသားများတွင် “သင့်မဲဖြင့် တရားဝင်လူသတ်ခွင့်မပေးနဲ့”၊ “ဖက်ဆစ်ရွေးကောက် ခွေးတိုးပေါက် မဲမပေးနဲ့ သပိတ်မှောက်”၊ “အတုအယောင်ရွေးကောက်ပွဲ လူထုအားနဲ့ ဆန့်ကျင်ကြ” စသည့် ဆောင်ပုဒ်များ ပါဝင်ခဲ့သည်။ ဤလှုပ်ရှားမှုသည် စစ်အာဏာသိမ်းမှုကို တရားဝင်မှုရရှိစေရန် ရည်ရွယ်သည့် ရွေးကောက်ပွဲအစီအစဉ်ကို ပြည်သူလူထု၏ ဆန္ဒအစစ်အမှန်ဖြင့် ငြင်းပယ်ကြောင်း ပြသရန် ပြည်သူများ၏ ကိုယ်စား ပြည်သူ့ကာကွယ်ရေးအဖွဲ့က ဆောင်ရွက်ပေးခြင်းဖြစ်ကြောင်း ပြောဆို သည်။

တောင်သာတွင် တော်လှန်ရေးတပ်များက ဂိတ်စခန်း ၃ ခု တစ်ပြိုင်နက် တိုက်ခိုက် စစ်သား ၃ ဦး သေဆုံး

နိုဝင် ၆
The Kaladan Post
မန္တလေး၊ နိုဝင်ဘာ ၆ ရက်။ မန္တလေးတိုင်း၊ တောင်သာမြို့နယ်တွင် စစ်ကောင်စီ ဂိတ်စခန်း ၃ ခုကို မြင်းခြံခရိုင် အမှတ် ၃ တပ်ရင်းနှင့် ပူးပေါင်းတပ်ဖွဲ့များက တစ်ပြိုင်နက်တည်း ဝင်ရောက်တိုက်ခိုက် သိမ်းပိုက်ခဲ့ရာ စစ်သား ၃ ဦး သေဆုံးပြီး ဘန်ကာ ၂၄ လုံး သိမ်းရရှိကြောင်း တပ်ရင်း တာဝန်ရှိသူက ပြောဆိုသည်။ ယမန်နေ့ နိုဝင်ဘာ ၅ ရက် နံနက် ၆ နာရီခန့်တွင် မကျီးရိုးဂိတ်၊ ပိဿနိုးတောင်နှင့် ဇဂျမ်းအထွက်သံလမ်းဂိတ်တို့ကို တစ်ပြိုင်နက်တည်း တိုက်ခိုက်ခဲ့ခြင်းဖြစ်သည်။ မကျီးရိုးဂိတ်တွင် စစ်သားများ တိုက်ခိုက်မှုနှင့် အပြိုင်ဆိုင် ထွက်ပြေးခဲ့ပြီး ဘန်ကာ ၁၃ လုံး အားလုံး ထားခဲ့ခဲ့ကြရာ အလောင်း ၃ လောင်း တွေ့ရှိခဲ့ကြောင်းသိရသည်။ ဒဏ်ရာရသူများ စွာရှိနိုင်သော်လည်း စစ်တပ် လေကြောင်း တိုက်ခိုက်မှုကြောင့် ပြည်သူများ ထိခိုက်မည်ကို စိုးရိမ်သောကြောင့် ဘန်ကာများကို မီးရှို့ ဖျက်ဆီးပြီး ပြန်လည်ဆုတ်ခွာခဲ့သည်ဟု တပ်ရင်းတာဝန်ရှိသူက ဆိုသည်။ ပိဿနိုးတောင်တွင် စစ်သားများ အားလုံး ထွက်ပြေးခဲ့ရာ ဘန်ကာ ၁၂ လုံးအနက် ၁၁ လုံး သိမ်းရရှိခဲ့ပြီး ကျန်လုံး ၁ လုံး ကို ခဲယမ်း မလုံလောက်မှုကြောင့် မသိမ်းနိုင်ခဲ့ဟု ဆိုသည်။ ဤတိုက်ခိုက်မှုတွင် တော်လှန်ရေးဘက် မှ ရဲဘော် ၁ ဦး ကျည်ထိ ဒဏ်ရာ ရရှိခဲ့သော်လည်း မစိုးရိမ်ရ ဟု ဆိုသည်။ တောင်သာမြို့နယ်တွင် စစ်ကောင်စီ ရွေးကောက်ပွဲ လုံခြုံရေး တိုးမြှင့်နေသော်လည်း ကျေးရွာများအားလုံး တော်လှန်ရေး တပ်များ စိုးမိုးထားပြီး မြို့ပေါ်တွင်သာ စစ်ကောင်စီ အထိုင်ချ တပ်စွဲနိုင်နေကြောင်း ဒေသခံများက ဆိုကြသည်။

နှမ်းဆီကန်ရွာ စစ်တပ်မီးရှို့ဖျက်ဆီး၊ လေကြောင်း ဗုံး ၁၀ လုံး ကျဲချ တိုက်ခိုက်

နိုဝင် ၆
The Kaladan Post
မကွေးတိုင်း မြိုင်မြို့နယ် နှမ်းဆီကန်ရွာကို အကြမ်းဖက်စစ်ကောင်စီ စစ်ကြောင်းက ဝင်ရောက်စီး နင်းကာ နေအိမ်များ မီးရှို့ဖျက်ဆီးခဲ့ပြီး အနီးအနားကျေးရွာများကို ဂျက်ဖိုက်တာ၊ စက်တပ်လေထီး များဖြင့် ဗုံး ၁၀ လုံး ကျော် ကျဲချ တိုက်ခိုက်နေကြောင်း ဒေသခံများက ပြောဆိုသည်။ နိုဝင်ဘာ ၅ ရက် တွင်းမပျူစောထီးရွာမှ ထွက်လာသော စစ်ကြောင်းက နှမ်းဆီကန်ရွာကို ဝင်ရောက်စီးနင်းပြီး မွန်းလွဲပိုင်းမှ ရွာထဲ နေအိမ်များကို မီးရှို့နေခဲ့ခြင်းဖြစ်ပြီး ယနေ့ နံနက် ၈ နာရီကျော်မှ ဂျက်ဖိုက်တာ ၆ ကြိမ်၊ စက်တပ်လေထီး ၃ ကြိမ် ဗုံး ကျဲချ တိုက်ခိုက်ခဲ့ကြောင်းသိရသည်။ စစ်ကြောင်း ရှိရာ နှမ်းဆီကန်ရွာမှ ပြည်သူများအပါအဝင် အနီးအနားကျေးရွာများမှ ထောင်နှင့်ချီ ပြည်သူများ ဘေးလွတ်ရာ ထွက်ပြေးတိမ်းရှောင်နေရသည်။ တွင်းမပျူစောထီးရွာမှ ထွက်လာသော စစ်ကြောင်း က မနေ့ညတည်း နှမ်းဆီကန်ရွာ နေအိမ်တွေ မီးရှို့ပြီး ဒီမနက်ဘဲ ဂျက်ဖိုက်တာနှင့် စက်တပ်လေ ထီးများ အသုံးပြုပြီး ဗုံး ၉ ကြိမ် ဗုံး ကျဲချသဖြင့် ဒေသပြည်သူတွေ စစ်ဘေး ရှောင်နေရကြောင်း ဒေသခံ တစ်ဦး က ပြောဆိုသည်။ အောက်တိုဘာလ ပိုင်းက မြိုင်မြို့နယ်နှင့် ပေါက်မြို့နယ် အစပ် ကျောက်ခွက်ရွာ နှင့် မှန်ရင်းရွာ များကို စစ်ကောင်စီ စက်တပ်လေထီး ဖြင့် ဗုံးကျဲ တိုက်ခိုက်ခဲ့ရာ ပြည်သူ ၅ ဦး သေဆုံးခဲ့ပြီး မြိုင်မြို့နယ်တွင် စစ်ကြောင်း ထိုးနှင့် လေကြောင်း တိုက်ခိုက်မှုများ ဆက်တိုက်ဖြစ်ပွားနေကြောင်း ဒေသခံများက ဆိုသည်။

ဖရူဆို-ထားလဲ-နန်းဖဲ လမ်းမကြီး တိုက်ပွဲပြင်းထန်နေရာ ရွာသားများ သွားလာမှုကို KNDF တားမြစ်

နိုဝင် ၆
The Kaladan Post
ကရင်နီပြည်၊ နိုဝင်ဘာ ၆ ရက်။ ကရင်နီ ဖရူဆိုမြို့နယ်တွင် ဖရူဆို-ထားလဲ-နန်းဖဲ-ဘောလခဲ လမ်းမ ကြီးပေါ်တွင် စစ်ကောင်စီနှင့် တော်လှန်ရေးတပ်များ တိုက်ပွဲ ပြင်းထန်နေကြောင်း ကရင်နီ ကာကွယ် ရေး တပ်မတော် (KNDF)ဗဟိုက နိုဝင်ဘာ ၅ရက်နှင့် ယမန်နေ့ စွဲဖြင့် ရွာသားများအား လမ်းပိတ်ပြီး သွားလာမှု လုံးဝရပ်ထားရန် သတိပေးချက် ထုတ်ပြန်သည်။ နိုဝင်ဘာ ၃ ရက်မှ စတင်ကာ မာခရော် ရှေ့ကျေးရွာဘက်မှ စစ်တပ်များက လမ်းမကြီးအတိုင်း ထားလဲဖက်သို့ မျက်နှာမူ စစ်ကြောင်းထိုး လှုပ်ရှားနေရာ KNDF နှင့် ထိတွေ့ တိုက်ပွဲငယ်များ ဆက်တိုက် ဖြစ်ပွားနေပြီး နန်းဖဲတွင် တိုက်ပွဲ ပြင်းထန်ဆုံး ဖြစ်နေကြောင်း သိရသည်။ “ဖရူဆိုနဲ့ ဘောလခဲကြား နန်းဖဲမှာ တိုက်ပွဲပြင်းထန်နေပြီး၊ မိုးဗြဲ၊ လွိုင်ကော်ဘက်မှာ စစ်ကောင်စီ လူအင်အား ထပ်ဖြည့်နေတာ” ဟု KNDF ဝင်တစ်ဦးက ပြောဆိုသည်။ ထို့ကြောင့် လမ်းမကြီး အပါအဝင် ဖြတ်သန်းရမည့် လမ်းသွယ်များအားလုံး ကို ၂၀၂၅ ခုနှစ် နိုဝင်ဘာ ၆ရက်မှ စ၍ ရက်ကန့်အသတ်မရှိ ပိတ်ဆို့ထားမည်ဖြစ်ကြောင်း KNDF က ထုတ်ပြန် ထားပြီး ရွာသားများ ဘေးကင်းရန် သတိပေးထားသည်။ လက်ရှိ ကရင်နီ ပြည်တွင် စစ်ကောင်စီက ဒီးမော့ဆို၊ ဖရူဆို၊ ဘောလခဲတို့သို့ စစ်ကြောင်း များစွာ အင်အား ဖြည့်ကာ ထိုးစစ်ဆင်မှု ဆက်လက် ပြုလုပ်နေရာ တိုက်ပွဲ ပြင်းထန်မှု ဆက်လက်မြင့်တက်နေကြောင်း ဒေသခံများက ဆိုကြသည်။

စစ်တပ်က စိုက်ကွင်းများကို ရည်ရွယ်ချက်ရှိ ပစ်မှတ်ထား တိုက်ခိုက် ပြည်သူများ သီးနှံ မရိတ်သိမ်းနိုင် အငတ်ဘေး စိုးရိမ်ရ

နိုဝင် ၆
The Kaladan Post
အောက်တိုဘာလ အတွင်း စစ်ကောင်စီက လူထုနှင့် စစ်ရှောင်များ၏ စိုက်ပျိုးသီးနှံများ မရိတ်သိမ်း နိုင်စေရန်နှင့် စားနပ်ရိက္ခာ ပြတ်လပ်စေရန် ရည်ရွယ်ချက်ရှိရှိ စိုက်ကွင်းများသို့ လက်နက်ကြီး ပစ်ခတ်ခြင်း၊ ဒရုန်းဗုံး အသုံးပြု တိုက်ခိုက်ခြင်းများကြောင့် အရပ်သား ထိခိုက် သေဆုံးသူများ ရှိနေကြောင်း ကရင်နီ လူ့အခွင့်အရေးအဖွဲ့ ထုတ်ပြန်သည်။ စိုက်ပျိုးရေး ဧရိယာများသို့ စစ်ကြောင်း အလုံးအရင်း တိုးလာမှုကြောင့် သီးနှံ စိုက်ပျိုးမှု လျော့နည်းလာပြီး လုံခြုံရေး အန္တရာယ်ကြောင့် ရိတ်သိမ်းမှု မပြုနိုင်သည့် အခြေအနေ ရင်ဆိုင်နေရသည်။ စပါးရိတ်သူများ ဖမ်းဆီးခံရခြင်း၊ ဓါးစာခံ ဖြစ်ခံရခြင်း၊ နှိပ်စက်ခံရခြင်းများကြောင့် အသက်အန္တရာယ်နှင့် မိသားစု ဝမ်းရေး စိုးရိမ်မှု မြင့်တက် နေကြောင်း ဖော်ပြထားသည်။ စားနပ်ရိက္ခာ နှင့် ဝင်ငွေ လမ်းကြောင်းများကို ပစ်မှတ်ထား တိုက်ခိုက်လာမှုကြောင့် လူထုနှင့် စစ်ရှောင်များ ဝင်ငွေ ရပ်တန့်ကာ စားဝတ်နေရေး စိန်ခေါ်မှု ရင်ဆိုင်နေရပြီး ရှေ့ဆက်တွင် အငတ်ဘေး ကြုံတွေ့ လာနိုင်ကြောင်း ဒေသခံများကို သတိပေးထားသည်။

တရုတ်ကြားဝင်အပစ်ရပ်ပြီး ဆုတ်ခွာရန် သဘောတူချိန် TNLA ဗိုလ်ချုပ်၏ ပြင်းထန်မိန့်ခွန်း ထွက်ပေါ်

နိုဝင် ၆
The Kaladan Post
တအာင်း (ပလောင်) အမျိုးသားလွတ်မြောက်ရေးတပ်မတော် (TNLA) ဗိုလ်ချုပ် တာဘုန်းကျော်က အကြမ်းဖက်အာဏာရှင် မင်းအောင်လှိုင်ကို လက်နက်ကိုင်တိုက်ဖြိုချ အမြစ်ဖြတ်ရုံသာ ရှိတော့ ကြောင်း၊ ရိုးရိုးဆန္ဒပြ ဆွေးနွေးပွဲများဖြင့် မဖြစ်နိုင်ကြောင်း အလေးပေး ပြောဆိုခဲ့သည်။ အောက်တို ဘာလထုတ် TNLA သတင်းစာစောင်တွင် ဖော်ပြထားသည့် ယင်းမိန့်ခွန်းကို Ta’ang Law Academy ကျောင်းဆင်းပွဲ၌ ဗိုလ်ချုပ် တာဘုန်းကျော်က ပြောကြားခဲ့သည်။ ၁၀၂၇ စစ်ဆင်ရေးရလဒ်အရ မြို့များစွာ သိမ်းပိုက်နိုင်ခဲ့သည့်အတွက် တစ်ဖွဲ့တည်း မလုပ်နိုင်ဘဲ အားလုံး ပူးပေါင်း၍ အာဏာရှင် ကို ဖြိုချပြီးမှ တိုင်းပြည်တည်ဆောက်ရေး ဆောင်ရွက်နိုင်မည်ဟု ဗိုလ်ချုပ်က ဆိုသည်။ TNLA အနေဖြင့် NUG၊ PDF များနှင့် နွေဦးတော်လှန်ရေး ချိတ်ဆက်ဆောင်ရွက်ခဲ့ပြီး၊ တအာင်း CSO များဖြင့် TPCC ကောင်စီ ဖွဲ့စည်းခဲ့ကြောင်း ထည့်သွင်း ပြောဆိုခဲ့သည်။ သိမ်းပိုက်ထားသည့် ဒေသများတွင် အုပ်ချုပ်ရေး၊ တရားစီရင်ရေး၊ ဥပဒေပြုရေး၊ ကာကွယ်ရေးများကို တစ်ပြိုင်နက် ပြင်ဆင်တည်ဆောက်ရမည်ဟုလည်း အလေးပေး မှာကြားခဲ့သည်။ သို့ရာတွင် တရုတ်ကြားဝင်မှု ဖြင့် အောက်တိုဘာ ၂၉ ရက်မှစ၍ TNLA က စစ်တပ်နှင့် အပစ်ရပ်ကာ မိုးကုတ်၊ မိုးမိတ်မှ ဆုတ်ခွာရန် သဘောတူညီထားပြီး ဖြစ်သည်။

စစ်ကိုင်း ဝက်လက်အနောက်ခြမ်း ကျေးရွာများကို စစ်တပ် မီးရှို့ဖျက်ဆီးပြီး အရပ်သား ၄၀ နီး ဓားစာခံအဖြစ်ဖမ်းဆီး

နိုဝင် ၆
The Kaladan Post
စစ်ကိုင်းတိုင်း၊ ဝက်လက်မြို့နယ်အနောက်ခြမ်း ရွာသာကြီး ကျေးရွာအထိုင်တွင် စစ်ကောင်စီတပ်က စစ်ကြောင်းများ ခွဲထိုးရင်း ကျေးရွာများကို မီးရှို့ဖျက်ဆီးနေကြသည့် အပြင် အရပ်သား ၄၀ နီးပါး ဓားစာခံ ဖမ်းဆီးထားကြောင်း Wetlet Informational Network တာဝန်ရှိသူ ပြောဆိုသည်။ နိုဝင် ဘာလအစမှ စစ်ကိုင်း ခြေမြန်တပ်မ ၃၃မှ Mi17 ရဟတ်ယာဉ် ၃စီးနှင့် စစ်အင်အား ရောက်ရှိလာပြီး ဆားတောင်မြို့ပေါ်မှ စစ်ကြောင်း ၁ ခုနှင့် မောက္ကဒီး ရွာတွင် ပေါင်း စည်းခဲ့ရာ ယင်းစစ်အုပ်စုများက ကျေးရွာများထဲ ဝင်ရောက်ရင်း အရပ်သားများ ဖမ်းဆီး၊ ရမ်းကား ပစ်ခတ်နှင့် နေအိမ်များ မီးရှို့ ဖျက် ဆီးခဲ့သည်။ ဖမ်းဆီးခံရသူ ၄၀ကျော်တွင် သက်ကြီး ပိုင်းအချို့မှလွဲ၍ ကျန်သူများ လွတ်မြောက် မှု မရှိသေးကြောင်း သိရပြီး၊ ဆားတောင်မှ စစ်ကြောင်း ရမ်းကား ပစ်ခတ်မှုကြောင့် လှထွေကျေးရွာ အရပ်သား ၁ ဦး သေဆုံးပြီး ၂ ဦး ဒဏ်ရာ ရရှိကြောင်းသိရသည်။ ရွာသာကြီးမှ ခွဲထွက်စစ်ကြောင်း ၂ ခု အင်အား ၁၅၀ ခန့်က ထုံးဘို၊ တမာကုန်း၊ တံတားဦး စသည့် ကျေးရွာများကို နိုဝင်ဘာ ၅ ရက်မှ မီးရှို့ ဖျက်ဆီးခဲ့ရာ ယနေ့ (၆ ရက်) မနက်ပိုင်းတွင် ထုံးဘို၊ တံတားညီနောင်၊ မူးကြီး ရွာများကို ထပ်မံ မီးရှို့ရင်း အရှေ့ဘက် ဆက်ထွက်ခွာ နေကြောင်းသိရသည်။ တဆက်တည်း နယ်ချင်း ထိစပ်ရှေ့ဘက် ရွှေဘို မြို့မှ စစ်ကြောင်း ထွက်လာရာ ယနေ့ မနက်ပိုင်း ဘုံဘွတ် ကျေးရွာ နေအိမ်များ မီးရှို့ ဖျက်ဆီး နေကြောင်း သိရသည်။ မြေပြင် သတင်းရင်းမြစ်များ အရ ဝက်လက်အနောက်ခြမ်း ရွာသာကြီး ဝိုက်တွင် ပြီးခဲ့တဲ့ လကစလို စစ်ရေး တင်းမာ နေမှု ရှိပြီး၊ စစ်အုပ်စု လေကြောင်း တိုက်ခိုက်မှု နှင့် မြေပြင် အင်အား ဖြည့်ကာ ကျေးရွာများ ဖျက်ဆီး ရက်ရော ထွေး နေခြင်းကြောင့် ဒေသခံများ ရေရှည် စစ်ရှောင် နေရမှု ဖြစ်ပေါ်နေသည်။