Author: The Kaladan

၁။ စစ်ကောင်စီ၏ လေကြောင်းဗုံးကြဲမှုကြောင့် ပြည်သူ ၁ ဦးသေဆုံးပြီး ၄ ဦးဒဏ်ရာရ ဇူလိုင် ၈ The Kaladan Post ရှမ်းပြည်နယ်မြောက်ပိုင်း၊ ကျောက်မဲမြို့တွင် ယနေ့နံနက် ၉ နာရီဝန်းကျင်က အကြမ်းဖက်စစ်ကောင်စီက တိုက်ပွဲမရှိဘဲ လေယာဉ်ဖြင့် ဗုံးကြဲချခဲ့ရာ ပြည်သူ ၁ ဦးသေဆုံးပြီး ၄ ဦးဒဏ်ရာရရှိခဲ့ကြောင်း နမ့်ခုံးရှမ်းများပရဟိတအသင်း ကျောက်မဲအသင်းခွဲမှ အဖွဲ့ဝင်တစ်ဦးက ပြောသည်။ ဗုံးကြဲမှုသည် ငြိမ်းချမ်းရေးကုန်းရှိ အောက်ဆီဂျင်စက်ရုံအနီးသို့ ပေါင် ၅၀၀ ဗုံး ၂ လုံးကြဲချခဲ့ခြင်းဖြစ်သည်။ ဒဏ်ရာရသူများထဲမှ ၁ ဦးမှာ စိုးရိမ်ရကြောင်း သိရသည်။ ယခင်လများတွင်လည်း ကျောက်မဲမြို့ပေါ်သို့ စစ်ကောင်စီက လေကြောင်းတိုက်ခိုက်မှုများ ထပ်ခါတလဲလဲ ပြုလုပ်ခဲ့သည်။ ဇွန်လ ၂၉ ရက်က ၁ ကွက် ပင်လုံလမ်း ကမ္ဘောဇရှမ်းကျောင်းအနီးသို့ ဗုံးကြဲချခဲ့ရာ ပြည်သူ ၅ ဦးဒဏ်ရာရခဲ့သည်။ ထို့ပြင် ဇွန်လ ၂၇ ရက်နှင့် ၂၄ ရက်တို့တွင်လည်း ဗုံးကြဲမှုများကြောင့် ပြည်သူ ၅ ဦးသေဆုံးခဲ့သည်။ ယခုဖြစ်စဉ်များသည် စစ်ကောင်စီ၏ အရပ်သားများပစ်မှတ်ထားသည့် အကြမ်းဖက်လုပ်ရပ်များအဖြစ် ဒေသခံများက ရှုတ်ချလျက်ရှိသည်။       ၂။ နတ်မောက်တွင် စစ်ကောင်စီတပ်ကို တိုက်ခိုက်မှု စစ်သား ၃ ဦးသေဆုံး ဇူလိုင် ၈ The Kaladan Post မကွေးတိုင်း၊ နတ်မောက်မြို့နယ်တွင် စစ်ကြောင်းထိုးနေသည့် အကြမ်းဖက်စစ်ကောင်စီ တပ်ကို တော်လှန်ရေးတပ်ဖွဲ့များက တိုက်ခိုက်ရာ...

၁။ မိုးဗြဲတွင် တိုက်ပွဲများ ဆက်လက်ပြင်းထန်နေ၍ စစ်တပ်က နေအိမ်များ မီးရှို့ ဇူလိုင် ၇ The Kaladan Post စစ်ကောင်စီတပ်က မိုးဗြဲမြို့ကို ထိန်းချုပ်ထားပြီဟု ကြေညာထားသော်လည်း တိုက်ပွဲများ ဆက်လက်ပြင်းထန်နေပြီး နေအိမ်များကို မီးရှို့ဖျက်ဆီးမှုများ ဆက်တိုက်လုပ်ဆောင်နေ ကြောင်း KNDF ဗဟိုသတင်းနှင့်ပြန်ကြားရေးဌာနမှ တာဝန်ရှိသူတစ်ဦးက ပြောကြားသည်။ ကရင်နီပြည်နယ်နှင့် ရှမ်းပြည်နယ်အစပ်ရှိ ဖယ်ခုံမြို့နယ်၊ မိုးဗြဲမြို့တွင် စစ်ကောင်စီတပ်က နေအိမ်အလုံး ၂၀ ကျော်ကို မီးရှို့ဖျက်ဆီးခဲ့သည်။ မိုးဗြဲ-လွိုင်ကော်လမ်းမကြီးပေါ်တွင်လည်း တိုက်ပွဲများ ဆက်လက်ဖြစ်ပွားနေသည်။ ဇူလိုင် ၅ ရက်နှင့် ၆ ရက်တွင် မိုးဗြဲမြို့၏ တောင်ဘက်ရှိ မြို့မရပ်ကွက်နှင့် အရှေ့ဘက်ရှိ ညောင်ဝိုင်းရပ်ကွက်များကို စစ်ကောင်စီ တပ်က ထိန်းချုပ်ခဲ့သည်။ စစ်ကောင်စီတပ်သည် PNO ပြည်သူ့စစ်သားများ၊ ဒရုန်း၊ လေကြောင်းနှင့် လက်နက်ကြီး များဖြင့် ထိုးစစ်ဆင်ခဲ့သဖြင့် တော်လှန်ရေးတပ်များ ယာယီဆုတ်ခွာခဲ့ရသည်ဟု KA စစ်ရေး ချုပ် ဗိုလ်မှူးကြီးဘုန်းနိုင်က ပြောကြားသည်။ “ထိန်းချုပ်ထားပြီဟု ပြောသူများမှာ လော်ဘီသမားများသာ ဖြစ်မည်။ ပအိုဝ်းလူမျိုးများပါဝင်သဖြင့် စစ်ကောင်စီအင်အားမှာ ပိုမိုအားကောင်းလာသည်” ဟု ၎င်းက ဆိုသည်။ သို့သော် တော်လှန်ရေးတပ်များက မိုးဗြဲမြို့ကို ပြန်လည်သိမ်းပိုက်ရန် ကြိုးပမ်းနိုင်သည်ဟု ယုံကြည်ထားသည်။     ၂။ သပိတ်ကျင်းတွင် စစ်တပ်က Cluster ဗုံးများဖြင့် လေကြောင်းတိုက်ခိုက် ဇူလိုင် ၇ The Kaladan Post မန္တလေးတိုင်း၊ သပိတ်ကျင်းမြို့နယ်ရှိ ကွင်း ၂၉...

၁။ ပခုက္ကူလေယာဉ်ကွင်း ရော့ကတ်ဖြင့် တိုက်ခိုက်မှုရာ စစ်ကောင်စီတပ်သား ၄ ဦးသေဆုံး ဇူလိုင် ၆ The Kaladan Post မကွေးတိုင်း၊ ပခုက္ကူမြို့ လေယာဉ်ကွင်းကို ဇူလိုင် ၅ ရက် နံနက် ၁၀:၄၈ ခန့်တွင် တော်လှန်ရေး တပ်ဖွဲ့များက ရော့ကတ် ၁၀ လုံးနှင့် ၆၀ မမ လက်နက်ကြီးများဖြင့် ပစ်ခတ်တိုက်ခိုက်ခဲ့သည်။ ရော့ကတ် ၅ လုံးသည် လေယာဉ်ကွင်းအတွင်း ကျရောက်ပေါက်ကွဲခဲ့ပြီး လေယာဉ်ပြေးလမ်း ပျက်စီးကာ စစ်ကောင်စီတပ်သား ၁၃ ဦး ထိခိုက်ဒဏ်ရာရရှိခဲ့သည်။ ထိုအထဲမှ ၄ ဦး သေဆုံးခဲ့ကြောင်း ပခုက္ကူ ပကဖ လက်နက်ကြီးတပ်ဖွဲ့ COBRA ONE မှ ဗိုလ်မြွေဟောက်က ပြောသည်။ တော်လှန်ရေးတပ်ဖွဲ့များမှာ အထိအခိုက်မရှိ အောင်မြင်စွာ ဆုတ်ခွာနိုင်ခဲ့သည်။ ဤတိုက်ခိုက်မှုသည် လေယာဉ်ကွင်းမှ Y-12 လေယာဉ်နှင့် စက်တပ်လေထီးများဖြင့် ပြည်သူများကို ဗုံးကြဲတိုက်ခိုက်မှုများနှင့် စစ်ကောင်စီ၏ အကြမ်းဖက်လုပ်ရပ်များကို တုံ့ပြန်ရန် လုပ်ဆောင်ခဲ့ခြင်းဖြစ်သည်။ တိုက်ခိုက်မှုကို COBRA ONE၊ ပခုက္ကူမြို့နယ်တပ်ရင်း ၁ ပကဖ၊ Colum 1၊ BA NYEIN GUERRILLA FORCE၊ ဧရာဒေါင်းနယ်မြေ (၁) ကာကွယ်ရေး Ploplo Young Force၊ ဒေါင်းညီနောင် (PKU)၊ Southern (YSO)၊ Yesagyo Revolution Group (YRG) နှင့် King Cobra တို့က ပူးပေါင်းဆောင်ရွက်ခဲ့သည်။...