မတ် ၃ The Kaladan Post   ဒေသတွင်း စစ်ရေးတင်းမာမှုများ အရှိန်အဟုန်ပြင်းထန်နေသည့်အချိန်တွင် အစ္စရေးစစ်တပ်က အီရန်နိုင်ငံ မြို့တော် Tehran ကို ပစ်မှတ်ထား၍ လေကြောင်းတိုက်ခိုက်မှု လှိုင်းသစ်များ စတင်လိုက်ပြီဖြစ်ကြောင်း တနင်္လာနေ့ညနှောင်းပိုင်းတွင် တရားဝင် ကြေညာခဲ့သည်။ အမေရိကန်နှင့် အစ္စရေးတို့ ပူးပေါင်းဆင်နွှဲနေသည့် စစ်ရေးဆောင်ရွက်မှုအတွင်း ယခုတိုက်ခိုက်မှုသည် နောက်ထပ် အပြင်းအထန် လှုပ်ရှားမှုတစ်ရပ်အဖြစ် ပေါ်ထွက်လာခြင်းဖြစ်သည်ဟု သတင်းများက ဖော်ပြထားသည်။ လေကြောင်းတိုက်ခိုက်မှုများ မစတင်မီ အစ္စရေးဘက်မှ တီဟီရန်မြို့ခံများအား ဘေးလွတ်ရာသို့ ရွှေ့ပြောင်းကြရန် အရေးပေါ် သတိပေးချက်များ ထုတ်ပြန်ခဲ့သည်။ အထူးသဖြင့် အီရန်နိုင်ငံပိုင် ရုပ်သံထုတ်လွှင့်ရေးဌာနဖြစ်သည့် Islamic Republic of Iran Broadcasting (IRIB) ရုံးချုပ်အနီး နေထိုင်သူများကို အမြန်ဆုံး ရှောင်ရှားကြရန် သတိပေးခဲ့ပြီးနောက် ဗုံးကြဲတိုက်ခိုက်မှုများ စတင်ဆောင်ရွက်ခဲ့ခြင်းဖြစ်သည်။ မတ် ၂ ရက်နေ့တွင် ရိုက်ကူးထားသည့် သတင်းဓာတ်ပုံများအရ တီဟီရန်မြို့ ကောင်းကင်ယံ၌ ပေါက်ကွဲမှုများ ဖြစ်ပွားကာ မီးခိုးငွေ့များ အူထွက်နေသည်ကို တွေ့မြင်ရသည်။ အစ္စရေးနှင့် အမေရိကန် ပူးပေါင်းတပ်များသည် အီရန်အပေါ် စစ်ရေးဖိအားများ တိုးမြှင့်နေပြီး ဒေသတွင်း တင်းမာမှုများမှာ အထွတ်အထိပ်သို့ ရောက်ရှိနေပြီဟု ခန့်မှန်းရသည်။ ယခု လေကြောင်းတိုက်ခိုက်မှု လှိုင်းသစ်ကြောင့် အီရန်ဘက်တွင် ဖြစ်ပေါ်ခဲ့သည့် ထိခိုက်ပျက်စီးမှုနှင့် အသေအပျောက် အခြေအနေအသေးစိတ်ကိုတော့ လတ်တလောအချိန်ထိ တရားဝင် ထုတ်ပြန်ထားခြင်း မရှိသေးပေ။   ကိုးကား – Reuters ဓာတ်ပုံ –...

မတ် ၃ The Kaladan Post   အစ္စရေးက စတင်တိုက်ခိုက်ခဲ့သည့်အခြေအနေကြောင့် အီရန်၏ လက်တုံ့ပြန်မှုမဖြစ်ပွားမီ လက်ဦးမှုယူ တိုက်ခိုက်ရန် အမေရိကန်ဘက်မှ ဆုံးဖြတ်ခဲ့ခြင်းဖြစ်ကြောင်း အမေရိကန် နိုင်ငံခြားရေးဝန်ကြီး Marco Rubio က ပြောကြားခဲ့သည်။ ဖေဖော်ဝါရီ ၂၈ ရက်တွင် အစ္စရေးဘက်မှ အီရန်ကို လက်ဦးမှုယူ တိုက်ခိုက်ခဲ့ကြောင်း ကြေညာခဲ့ပြီး မကြာမီတွင် မဟာမိတ်ဖြစ်သည့် အမေရိကန်ကလည်း အီရန်ကို စစ်ရေးဆောင်ရွက်မှုများ စတင်နေပြီဟု ထုတ်ပြန်ခဲ့သည်။ မတ် ၂ ရက်တွင် သတင်းထောက်များနှင့် တွေ့ဆုံစဉ် Marco Rubio က အမေရိကန်တပ်ဖွဲ့များသည် အီရန်ပိုင်နက်အနီးတွင် စစ်အင်အားများ ကြိုတင်ဖြန့်ကျက်ထားခဲ့ကြောင်း၊ သို့ရာတွင် စစ်ရေးအရေးယူမှုကို အစ္စရေး၏ ဆုံးဖြတ်ချက်အပေါ် အခြေခံကာ အမြန်ဆုံး လက်ဦးမှုယူ ဆောင်ရွက်ခဲ့ခြင်းဖြစ်ကြောင်း ရှင်းလင်းပြောကြားခဲ့သည်။ ၎င်း၏ ပြောကြားချက်အရ အစ္စရေးက စတင်တိုက်ခိုက်သည့်အချိန်မှစ၍ အီရန်ဘက်မှ လက်တုံ့ပြန်မည်မှာ သေချာသကဲ့သို့ အမေရိကန်တပ်ဖွဲ့များလည်း ပစ်မှတ်ဖြစ်လာနိုင်သည့် အခြေအနေကို တွေးဆထားခဲ့ကြောင်း၊ ထို့ကြောင့် အီရန်၏ တိုက်ခိုက်မှုကို စောင့်ကြည့်နေမည့်အစား လက်ဦးမှုယူ ဆောင်ရွက်ခဲ့ခြင်းဖြစ်ကြောင်း ဆိုသည်။ သမ္မတ Donald Trump သည် အချိန်မီ ဆုံးဖြတ်ချက်တစ်ရပ်ကို ချမှတ်ခဲ့ခြင်းဖြစ်ပြီး၊ မိမိဘက်မှ ကြိုတင်မဆောင်ရွက်ပါက အသေအပျောက်များ ပိုမိုများပြားနိုင်ကြောင်းလည်း Marco Rubio က ပြောကြားခဲ့သည်။ သတင်းထောက်များ၏ “စစ်မဖြစ်မီ အီရန်သည် အမေရိကန်အတွက် အချိန်မရွေး ခြိမ်းခြောက်နိုင်သည့် အခြေအနေရှိခဲ့သလား” ဟူသော မေးခွန်းအပေါ် Marco...

မတ် ၃ The Kaladan Post   အမေရိကန်သည် အမြဲတမ်း စစ်တိုက်နေရမည်ဆိုပါကလည်း လုံလောက်သော လက်နက်ခဲယမ်းအင်အားများ စုဆောင်းထားပြီး ဖြစ်ကြောင်း အမေရိကန် သမ္မတ Donald Trump က ပြောကြားခဲ့သည်။ သူ၏ လူမှုကွန်ရက်ဖြစ်သော Truth Social တွင် ရေးသားထားရာတွင် အမေရိကန်က သိုလှောင်ထားသည့် အလယ်အလတ်တန်းစား သို့မဟုတ် ထိုထက် အနည်းငယ် အဆင့်မြင့်သည့် စစ်လက်နက်စနစ်များနှင့် ခဲယမ်းမီးကျောက်များကိုသာ အသုံးပြုပါကပင် ရေရှည်စစ်ဆင်ရေးများ ဆက်လက် ဆောင်ရွက်နိုင်မည်ဟု ဖော်ပြခဲ့သည်။ ထိုသို့ဆိုရသည့်အကြောင်းမှာ အမေရိကန်တွင် စစ်လက်နက်အင်အား အကန့်အသတ်မရှိလောက်အောင် စုဆောင်းထားနိုင်ခဲ့ကြောင်းလည်း ထရမ့်က ဆိုသည်။ လက်ရှိဖြစ်ပွားနေသည့် အီရန်နှင့် စစ်ရေးပဋိပက္ခသည် ရေရှည်ကြာမြင့်နိုင်ကြောင်း သုံးသပ်ချက်များ ထွက်ပေါ်နေချိန်တွင် ထရမ့်က ယခုကဲ့သို့ တုံ့ပြန်ပြောကြားခဲ့ခြင်း ဖြစ်သည်။ ယခင်ကလည်း ၎င်းက အီရန်နှင့် စစ်ပွဲကို သီတင်းလေးပတ် မပြည့်မီ အဆုံးသတ်နိုင်စေမည်ဟု ပြောဆိုထားခဲ့ဖူးသည်။ ထို့အပြင် ၎င်းမတိုင်မီ သမ္မတအဖြစ် တာဝန်ထမ်းဆောင်ခဲ့သည့် Joe Biden အား အမေရိကန်၏ အဆင့်မြင့် စစ်လက်နက်များကို ယူကရိန်းသို့ အလွန်အကျွံ ထောက်ပံ့ခဲ့ကြောင်း စွပ်စွဲ ဝေဖန်ခဲ့သည်။ ဘိုင်ဒန် အာဏာသက်တမ်းအတွင်း အမေရိကန်သည် ယူကရိန်းအတွက် အရေးအကြီးဆုံး စစ်ရေးထောက်ပံ့သူ မဟာမိတ်နိုင်ငံအဖြစ် ရပ်တည်ခဲ့ပြီး ATACMS တာဝေးပစ် ဒုံးကျည်များကို ရုရှားပိုင်နက်အတွင်း အသုံးပြုခွင့်ပေးခဲ့ကြောင်းလည်း သိရသည်။ တူရကီအခြေစိုက် သတင်းဌာန Anadolu Agency ၏ ဖော်ပြချက်အရ...

မတ် ၃ The Kaladan Post   အီရန်ရေတပ်ပိုင် ဒရုန်းတင် သင်္ဘောကြီးကို စစ်ပွဲ ပထမဆုံးနေ့အတွင်း ဖျက်ဆီး နှစ်မြှုပ်နိုင်ခဲ့ကြောင်း အမေရိကန် စစ်ရေးကွပ်ကဲမှု ဗဟိုဌာန United States Central Command (CENTCOM) က ထုတ်ပြန်ကြေညာခဲ့သည်။ မတ်လ ၂ ရက်နေ့ ထုတ်ပြန်ချက်အရ အစ္စရေးနှင့် ပူးပေါင်း ဆင်နွှဲနေသည့် “Epic Fury” စစ်ဆင်ရေး၏ ပထမနေ့တွင် အီရန်ရေတပ်၏ အကြီးဆုံး ရေယာဉ်တစ်စီးဖြစ်သော ဒရုန်းတင် သင်္ဘော IRIS Shahid Bagheri ကို ဖျက်ဆီး နှစ်မြှုပ်ခဲ့ကြောင်း ဖော်ပြထားသည်။ အီရန်မီဒီယာအချို့က အမေရိကန် လေယာဉ်တင်သင်္ဘောတစ်စီးကို ပစ်ခတ် နှစ်မြှုပ်နိုင်ခဲ့ကြောင်း သတင်းများ ထုတ်လွှင့်ခဲ့ပြီးနောက် CENTCOM ဘက်မှ ယင်းသတင်းများသည် မှားယွင်းသည့် အချက်အလက်များဖြစ်ကြောင်း တုံ့ပြန်ခဲ့ခြင်း ဖြစ်သည်။ အမှန်တကယ် ဖြစ်ပွားခဲ့သည်မှာ အီရန်ဘက်၏ တစ်ခုတည်းသော ဒရုန်းတင် သင်္ဘောဖြစ်သည့် Shahid Bagheri ကိုသာ စစ်ဆင်ရေး၏ ပထမဆုံး နာရီပိုင်းအတွင်း ဖျက်ဆီးခဲ့ခြင်းဖြစ်ကြောင်း CENTCOM က ဆိုသည်။ အမေရိကန် သမ္မတ Donald Trump ကလည်း ဖေဖော်ဝါရီ ၂၈ ရက်နေ့ စစ်ဆင်ရေး စတင်ပြီး ၂၄ နာရီအတွင်း အီရန်ရေတပ် သင်္ဘော ၉ စီးကို ဖျက်ဆီးနိုင်ခဲ့ကြောင်း အစောပိုင်းတွင် ပြောကြားထားသည်။ Shahid Bagheri သည် အီရန်၏...

မတ် ၂ The Kaladan Post   လက်ရှိ ဖြစ်ပွားနေသည့် အီရန်နှင့် စစ်ရေးပဋိပက္ခအတွင်း အမေရိကန်တပ်ဖွဲ့ဝင်များဘက်မှ ပထမဆုံး အသေအပျောက်များ ဖြစ်ပေါ်လာပြီဖြစ်ကြောင်း အမေရိကန်စစ်တပ်က တရားဝင် ထုတ်ပြန်ကြေညာခဲ့သည်။ ဖေဖော်ဝါရီ ၂၈ ရက်နေ့က စတင်ခဲ့သည့် စစ်ဆင်ရေးအစပိုင်းတွင် အမေရိကန်ဘက်မှ ထိခိုက်သေဆုံးမှု မရှိခဲ့သော်လည်း မတ်လ ၁ ရက်နေ့တွင် အမေရိကန်စစ်သည် ၃ ဦး ကျဆုံးခဲ့ပြီး ၅ ဦး ဒဏ်ရာရရှိခဲ့ကြောင်း သိရသည်။ ထို့အပြင် အခြား တပ်ဖွဲ့ဝင်တချို့လည်း ပေါက်ကွဲမှုကြောင့် အပျက်အစီးအစအနများ လွင့်စင်ထိခိုက်သဖြင့် ဒဏ်ရာအနည်းငယ် ရရှိခဲ့ကြသည်။ သေဆုံးထိခိုက်မှုများ ဖြစ်ပွားခဲ့သည့် နေရာကို အမေရိကန်စစ်တပ်ဘက်မှ အသေးစိတ် မထုတ်ပြန်သော်လည်း သတင်းရင်းမြစ်အချို့အရ Kuwait နိုင်ငံရှိ အမေရိကန် စစ်စခန်းတစ်ခုတွင် ဖြစ်ပွားခဲ့ခြင်း ဖြစ်နိုင်ကြောင်း ဖော်ပြထားသည်။ ဤဖြစ်စဉ်နှင့် ပတ်သက်၍ အမေရိကန် သမ္မတ Donald Trump သည် ၎င်း၏ လူမှုကွန်ရက်စာမျက်နှာမှ ဗီဒီယိုတစ်ခုတင်ကာ ပြင်းပြင်းထန်ထန် တုံ့ပြန်သွားမည်ဟု ကြေညာခဲ့သည်။ ကျဆုံးသွားသည့် အမေရိကန်စစ်သည်များအတွက် အီရန်ကို “အပြင်းထန်ဆုံး လက်စားချေ ထိုးနှက်မည်” ဟု ကြွေးကြော်ပြောဆိုခဲ့သည်။ အီရန်နှင့်ပတ်သက်သည့် အမေရိကန်၏ စစ်ရေးရည်မှန်းချက်များ ပြည့်စုံအောင်မြင်သည့်အထိ ဆက်လက် တိုက်ပွဲဝင်သွားမည်ဖြစ်ကြောင်း၊ ထို့ကြောင့် ရှေ့ဆက်၍ အမေရိကန်တပ်ဖွဲ့ဝင်များအကြား အသေအပျောက်များ ပိုမိုဖြစ်ပေါ်လာနိုင်ကြောင်းလည်း ကြိုတင် သတိပေးထားသည်။ ယင်းစစ်ဆင်ရေးသည် လက်ရှိ အမေရိကန်ပြည်သူများ၏ လုံခြုံရေးအတွက်သာမက နောင်လာမည့် မျိုးဆက်များ၏ အနာဂတ်လုံခြုံရေးအတွက်...

မတ် ၂ The Kaladan Post   အမေရိကန်နှင့် အစ္စရေးတို့ ပူးပေါင်း၍ အီရန်ကို စတင်တိုက်ခိုက်ခဲ့သည်ဟု သတင်းများထွက်ပေါ်လာပြီး နှစ်ရက်အကြာတွင် အရှေ့အလယ်ပိုင်းဒေသအနှံ့ရှိ အမေရိကန် စစ်စခန်းများနှင့် အစ္စရေး စစ်ရေးပစ်မှတ်များကို အီရန်ဘက်မှ အရှိန်မြှင့် လက်တုံ့ပြန်တိုက်ခိုက်မှုများ ပြုလုပ်ခဲ့ကြောင်း သိရသည်။ စစ်ပွဲ ဒုတိယနေ့ဖြစ်သော မတ်လ ၁ ရက်နေ့တွင် အမေရိကန် စစ်သည် ၃ ဦး သေဆုံးခဲ့ကြောင်း Donald Trump က အတည်ပြု ပြောကြားခဲ့သည်။ အရှေ့အလယ်ပိုင်းဒေသတွင် အမေရိကန် စစ်စခန်းများ လက်ခံထားသည့် အာရပ်နိုင်ငံများလည်း အီရန်၏ ဒုံးကျည်နှင့် ဒရုန်းတိုက်ခိုက်မှုများကို လေကြောင်းကာကွယ်ရေးစနစ်များဖြင့် ကြားဖြတ်ဟန့်တားနေရကြောင်း သိရသည်။ တိုက်ခိုက်မှုခံခဲ့ရသည့် နိုင်ငံများအနက် Qatar၊ Bahrain၊ Kuwait၊ United Arab Emirates၊ Iraq နှင့် Jordan တို့ ပါဝင်ခဲ့သည်။ ကာတာနိုင်ငံတွင် တည်ရှိသည့် အမေရိကန် စစ်ရေးဗဟိုကွပ်ကဲမှုဌာန United States Central Command (CENTCOM) ၏ အခြေစိုက်စခန်းဖြစ်သော Al Udeid Air Base သည် အီရန်မှ ပစ်လွှတ်သည့် ဒရုန်းနှင့် ဒုံးကျည်များကို ကြားဖြတ် ပစ်ချနေရကြောင်း အတည်ပြုခဲ့သည်။ ဘာရိန်းနိုင်ငံရှိ အမေရိကန် အမှတ် ၅ ရေတပ်မကြီး ဌာနချုပ်စခန်းမှာလည်း အီရန် ဒုံးကျည်ထိမှန်ခဲ့ပြီး အချို့ အပျက်အစီးများ ရှိခဲ့ကြောင်း သိရသည်။ ကူဝိတ်နိုင်ငံရှိ Ali...

မတ် ၂ The Kaladan Post   အီရန်နှင့် အမေရိကန်–အစ္စရေး တင်းမာမှုများ မြင့်တက်နေသည့် အခြေအနေကြောင့် ထိုင်းအစိုးရက ပြည်တွင်း စွမ်းအင်ဖူလုံမှု မထိခိုက်စေရန် အရေးပေါ်အစီအမံများ စတင်ကျင့်သုံးလိုက်ပါသည်။ ထိုင်း စွမ်းအင်ဝန်ကြီး Pirapan Salirathavibhaga က လာမည့် ရက်ပေါင်း ၆၀ အတွက် စွမ်းအင်လုံလောက်မှု ရှိစေရန် ရည်ရွယ်သည့် မူဝါဒများကို မတ်လ ၁ ရက်နေ့တွင် ထုတ်ပြန်ခဲ့ပါသည်။ ချက်ချင်းအသက်ဝင်သည့် ဆုံးဖြတ်ချက်အရ — ▪ ဓာတ်ဆီ၊ ရေနံနှင့် ဆက်စပ်ထုတ်ကုန်များကို ပြည်ပတင်ပို့မှု ရပ်ဆိုင်းခြင်း ▪ ကျောက်မီးသွေးသုံး ဓာတ်အားပေးစက်ရုံများကို စွမ်းအားအပြည့် လည်ပတ်စေခြင်း ▪ လောင်စာစျေးနှုန်း မြင့်တက်ပါက အမျိုးသား လောင်စာရန်ပုံငွေ အသုံးပြု၍ ထိန်းညှိရန် ပြင်ဆင်ထားခြင်း ထိုင်းနိုင်ငံမှ လောင်စာဆီကို မြန်မာ၊ လာအိုနှင့် ကမ္ဘောဒီးယားတို့ ဝယ်ယူနေကြသဖြင့် ယခု ဆုံးဖြတ်ချက်သည် ဒေသတွင်း စျေးကွက်အပေါ် သက်ရောက်မှုရှိနိုင်ပါသည်။ ထိုင်းအစိုးရသည် Strait of Hormuz ပိတ်သွားနိုင်ခြေကိုလည်း စိုးရိမ်ထားပါသည်။ ဟောမုဇ်ရေလက်ကြားသည် ကမ္ဘာလုံးဆိုင်ရာ ရေနံတင်ပို့မှု စုစုပေါင်း၏ ငါးပုံတစ်ပုံခန့် ဖြတ်သန်းသည့် အရေးကြီးသော ရေလမ်းကြောင်း ဖြစ်ပါသည်။ ထိုင်းနိုင်ငံသည် လက်ရှိတွင် ရေနံနှင့် လောင်စာ လီတာ သန်းပေါင်း ၇၆၆၀ ခန့် စုဆောင်းထားပြီး အကျပ်အတည်း ကာလ ရက်ပေါင်း ၆၀ အတွက် လုံလောက်မည်ဟု ဆိုပါသည်။ ထို့အပြင်...

မတ် ၂ The Kaladan Post ကဘူးလ်မြို့ လေပိုင်နက်အတွင်း ကျူးကျော်ဝင်ရောက်လာခဲ့သည့် ပါကစ္စတန် တိုက်လေယာဉ်များကို တုံ့ပြန်ပစ်ခတ်ခဲ့ကြောင်း အာဖဂန်နိုင်ငံကို လက်ရှိ အုပ်ချုပ်နေသည့် Afghan Taliban အစိုးရဘက်မှ ထုတ်ပြန်ကြေညာခဲ့သည်။ အာဖဂန် တာလီဘန်အစိုးရ၏ ပြောကြားချက်အရ မတ်လ ၁ ရက်နေ့တွင် ပါကစ္စတန် ဂျက်တိုက်လေယာဉ်များက Kabul မြို့တော်အတွင်းရှိ အစိုးရရုံးအချို့ကို ပစ်မှတ်ထား တိုက်ခိုက်ခဲ့ကြောင်း ဆိုသည်။ ထိုသို့ လေကြောင်းမှ တိုက်ခိုက်မှုများ ဖြစ်ပွားလာသည့်အတွက် အာဖဂန်ဘက်မှ လက်တုံ့ပြန် ပစ်ခတ်ခဲ့ကြောင်း ကြေညာချက်တွင် ဖော်ပြထားသည်။ မြို့ခံများကလည်း ပစ်ခတ်သံများနှင့် ပေါက်ကွဲသံများ ကြားနေရကြောင်း အတည်ပြုခဲ့ကြသည်။ တစ်ဖက်တွင် Pakistan အစိုးရကတော့ အာဖဂန်ကို ရည်ရွယ်ချက်ရှိရှိ တိုက်ခိုက်ခဲ့ကြောင်း စွပ်စွဲချက်များကို ငြင်းဆိုထားပြီး အာဖဂန် ပိုင်နက်အတွင်း လုပ်ဆောင်ခဲ့သည့် စစ်ဆင်ရေးများမှာ စစ်သွေးကြွ အဖွဲ့အစည်းများကိုသာ ပစ်မှတ်ထားခဲ့ခြင်းဖြစ်ကြောင်း ပြောကြားထားသည်။ ပါကစ္စတန်ဘက်မှ အစဉ်တစိုက် စွပ်စွဲထားသည့်အချက်အရ အာဖဂန် တာလီဘန်အစိုးရသည် ပါကစ္စတန် တာလီဘန်အပါအဝင် စစ်သွေးကြွ အဖွဲ့အစည်းများကို ခိုလှုံခွင့်ပေးထားကြောင်း ဆိုထားပြီး ယင်းကိစ္စကြောင့် နှစ်နိုင်ငံကြား စစ်ရေးတင်းမာမှုများ မြင့်တက်လာခဲ့သည်။ ပြီးခဲ့သည့် သီတင်းပတ်များအတွင်း ပါကစ္စတန်ဘက်မှ အာဖဂန် ပိုင်နက်အတွင်းရှိ စစ်သွေးကြွပစ်မှတ်များဟု စွပ်စွဲထားသည့် နေရာများကို လေကြောင်းတိုက်ခိုက်မှုများ ပြုလုပ်ခဲ့ရာမှ နှစ်ဖက် အပြန်အလှန် ပစ်ခတ်မှုများ ဖြစ်ပွားခဲ့ပြီး စစ်ရေးပဋိပက္ခ ပိုမိုတင်းမာလာခဲ့သည်။ ထို့နောက် ပါကစ္စတန်ဘက်က အာဖဂန် တာလီဘန်များအပေါ် အလုံးစုံ စစ်ဆင်ရေးဆောင်ရွက်မည်ဟု...