နိုဝင် (၁၆) သတင်းတိုပေါင်းချုပ်

သပြေညို Drone တပ်ဖွဲ့ ဒရုန်းဗုံးကျဲတိုက်ခိုက်မှုကြောင့် စစ်သား ၂ ဦးသေဆုံး

နိုဝင် ၁၆
The Kaladan Post
မွန်ပြည်နယ် ကျိုက်ထို-ဘီလင်းမြို့နယ်အစပ် ရန်ကုန်-မော်လမြိုင်လမ်းပိုင်းတွင် နိုဝင်ဘာ ၁၄ ရက် နံနက် ၈:၅၄ ခန့်တွင် သပြေညို Drone တပ်ဖွဲ့နှင့် ပူးပေါင်းတပ်ဖွဲ့များက ဒရုန်းဖြင့် ဗုံး ၃ လုံး ကျဲချတိုက်ခိုက်ခဲ့ကြောင်းသပြေညို Drone တပ်ဖွဲ့ရဲ့ တာဝန်သူတစ်ဦးက ပြောဆိုသည်။ ၎င်း ကင်းပုန်းဝပ်နေသော စစ်သားများကို ပစ်မှတ်ထားရာ စစ်သား ၂ ဦးသေဆုံး၊ ၄ ဦးဒဏ်ရာရရှိခဲ့ ကြောင်း သိရသည်။ တော်လှန်ရေးရဲဘော်များ အထိအခိုက်မရှိ ပြန်ဆုတ်နိုင်ခဲ့ကြသည်။ တပ်ဖွဲ့တာဝန်ရှိသူက ကျွန်တော်တို့ရတဲ့နည်းနဲ့ စစ်အာဏာရှင်စနစ်ကို ဆက်လက်တိုက်ပွဲဝင်မည် ဟု ပြောဆိုခဲ့သည်။အဆိုပါ တိုက်ခိုက်မှုကို သထုံခရိုင် တပ်မဟာ ၁ PDF တပ်ရင်း ၇၈၀၅ တပ်ခွဲ ၄၊ သပြေညို Drone တပ်ဖွဲ့မှ ရဲဘော်များက လုပ်ဆောင်ခဲ့ခြင်းဖြစ် ကြောင်း သိရသည်။

ကြေးနီတွဲကား ၂၂ စီး မိုင်းဆွဲတိုက်ခိုက်ခံရ၍ စစ်သား ၃ ဦးသေဆုံး

နိုဝင် ၁၆
The Kaladan Post
စစ်ကိုင်းတိုင်း၊ မုံရွာမြို့နယ်အတွင်း နိုဝင်ဘာ ၁၄ ရက် မနက်ပိုင်းက အနောက်မြောက်တိုင်းစစ် ဌာန ချုပ်နှင့် ဝမ်ပေါင်ကုမ္ပဏီမှ ထွက်လာ Ophthalmology သံပြားကား ၈ စီးနှင့် ကြေးနီတင်တွဲကား ၂၂ စီးကို တိုက်ခိုက်ခဲ့ကြောင်း Brave Heart Army -BHA က သတင်းထုတ်ပြန်ထားသည်။ အဆိုပါ တိုက်ခိုက်မှုက် BHA တပ်ဖွဲ့က ဦးဆောင်ပြီး CFG နှင့် MONYWA DYNAMITE .STF ပူးပေါင်း၍ ပဒေသာမိုင်း ၅လုံး တစ်ပွိုင့်တည်း ဖောက်ခွဲတိုက်ခိုက်ခဲ့ရာ စစ်သား ၃ဦးသေဆုံး၊ ၆ဦး အပြင်းထန် ဒဏ်ရာရရှိခဲ့ကြောင်းတပ်ဖွဲ့က ပြောဆိုသည်။ ကားများ ခင်မွန်ရွာဘက်စုံခြံအနီး ထိုးရပ်သွားပြီး လက်နက်ငယ်များဖြင့် ဆက်လက်ပစ်ခတ်ခဲ့ကြောင်း သိရသည်။ သေဆုံးထိခိုက်သူများကို ကျန်းမာရေးယာဉ် ၄ စီးဖြင့် တိုင်းစစ်ဌာနချုပ်သို့ ပို့ဆောင်ခဲ့ပြီး တော်လှန်ရေးတပ်ဖွဲ့ဝင် ၁ ဦး ထိခိုက်ဒဏ်ရာရရှိခဲ့ကြောင်းသိရသည်။

ကျားဖြန့်နှိမ်နင်းရေး အမေရိကန်တပ်ဖွဲ့ဖွဲ့ပြီးနောက် မင်းအောင်လှိုင်က ကျားဖြန့်ရှင်းလင်းရေး ကြေညာ

နိုဝင် ၁၆
The Kaladan Post
အမေရိကန်အထူးတပ်ဖွဲ့ဖွဲ့စည်းမှုနှင့် နိုင်ငံတကာဖိအားများကြောင့် ကျော်ကြားသော ကျားဖြန့် လုပ်ငန်းရှိ မြန်မာ-ထိုင်းနယ်စပ် KK Park ကို အမျိုးသားရေးတာဝန်အဖြစ် အပြီးပြတ်ရှင်းလင်း မည်ဟု စစ်ခေါင်းဆောင် မင်းအောင်လှိုင်က နိုဝင်ဘာ ၁၅ ရက် ဘားအံမြို့ခရီးစဉ်တွင် ပြောဆိုခဲ့ သည်။ ကရင်ပြည်နယ်တွင် လက်နက်ကိုင်သောင်းကျန်းမှုများကြောင့် တည်ငြိမ်မှုပျက်ယွင်း၊ ပြည်သူနှင့် နိုင်ငံတော်ထိခိုက်နေကြောင်း ဆိုကာ အောက်တိုဘာလတွင် စစ်တပ်က ဝင်ရောက်စီး နင်းရှင်းလင်းခဲ့ပြီး အဆောက်အအုံများကို မိုင်းခွဲဖျက်ဆီးလျက်ရှိကြောင်း သိရသည်။ မကြာမီ ကျင်းပမည့် ရွေးကောက်ပွဲကို သိက္ခာရှိရန် ဆောင်ရွက်နေပြီး ဒေသအခြေခံ ဖက်ဒရယ်စနစ်ကို ကျင့်သုံးရန်၊ ဆန္ဒမဲပေးရန်နှင့် အောင်မြင်ရန် စည်းရုံးရန်လည်း တိုက်တွန်းခဲ့သည်။ ခရီးစဉ်မတိုင်မီ ဘားအံမြို့လုံခြုံရေး တင်းကျပ်ထားပြီး စစ်တပ်နှင့် BGF၊ KNU/KNLA-PC၊ DKBA တို့အား ဖြတ်သန်းခွင့်မပြုကြောင်း ကရင်သတင်းဌာနများက ဖော်ပြထားသည်။ နိုဝင်ဘာ ၁၂ ရက်တွင် အမေရိကန်ဘဏ္ဍာရေးဝန်ကြီးဌာနက DKBA ခေါင်းဆောင် ၄ ဦးကို ကျားဖြန့်ပါဝင်မှုဖြင့် ဒဏ်ခတ် ပိတ်ဆို့ခဲ့ပြီး အမေရိကန်က အရှေ့တောင်အာရှ ကျားဖြန့်နှိမ်နင်းရန် တပ်ဖွဲ့ဖွဲ့စည်းခဲ့ကြောင်း သိရသည်။

ရေဒါစခန်းတွင် စစ်တပ်ဝါဒဖြန့်ဓာတ်ပုံရိုက်နေစဉ် AA လက်နက်ကြီးပစ်ခတ်ရာမှ စစ်သား ၂၄ ဦးထိ သေဆုံး

နိုဝင် ၁၆
The Kaladan Post
ရခိုင်ပြည်နယ်၊ ကျောက်ဖြူမြို့နယ်၊ မင်းပြင်ရွာရှိ ရေဒါစခန်းကို အာရက္ခတပ်တော် (AA) က ယာယီ ဆုတ်ခွာပေးခဲ့ပြီးနောက် စစ်ကောင်စီတပ်များ ဝင်ရောက်နေရာယူခဲ့ရာ၊ ဝါဒဖြန့်ဓာတ်ပုံရိုက်ကူးရန် စစ်သား ၂၀ ကျော် ပြင်ဆင်နေစဉ် AA ပစ်ခတ်သော လက်နက်ကြီးကျည် တိုက်ရိုက်ကျရောက် ပေါက်ကွဲခဲ့သဖြင့် စစ်သားအများအပြား သေဆုံးခဲ့ကြောင်း AA စစ်ရေးသတင်းရင်းမြစ်က နိုဝင်ဘာ ၁၄ ရက်တွင် ထုတ်ဖော်ပြောဆိုသည်။ နိုဝင်ဘာ ၁၄ ရက်က စစ်ကောင်စီတပ်များ အင်အားအလုံး အရင်း ဖြင့် စစ်ကြောင်းထိုး တိုက်ခိုက်လာသဖြင့် AA က မင်းပြင်ရွာစခန်းမှ ယာယီဆုတ်ခွာခဲ့ရပြီး စစ်တပ်က နေရာယူခဲ့ခြင်းဖြစ်သည်။ ထို့နောက် ဝါဒဖြန့်အတွက် ဓာတ်ပုံရိုက်ကူးရန် ပြင်ဆင်နေချိန် AA ၏ လက်နက်ကြီးပစ်ခတ်မှုကြောင့် ကျည်များ တိုက်ရိုက်ကျရောက်ခဲ့ပြီး သေဆုံးသူ အနည်းဆုံး ၁၀ ဦးမှ ၂၄ ဦးအထိ ရှိနိုင်သော်လည်း အတိအကျ အတည်မပြုနိုင်သေးပါ။ စစ်တပ်က အင်အားများ စွာနဲ့ လာတိုက်လို့ ဆုတ်ပေးလိုက်ခြင်းဖြစ်ပြီး စစ်တပ်များ ဝါဒဖြန့်ဓာတ်ပုံရိုက်နေတုန်း AA တပ်က လက်နက်ကြီးပစ်ခတ်သဖြင့် အကုန်သေကုန်တယ် ဟု သတင်းရင်းမြစ်က ဆိုသည်။ ကျောက်ဖြူ မြို့နယ်အတွင်း ကျေးရွာအများစုကို AA က စိုးမိုးထားပြီး စစ်တပ်က ရေတပ်နှင့် မြို့ပေါ်တပ်များ တွင်သာ အခြေစိုက်ထားရာ ကြည်းရေလေ အင်အားသုံး တန်ပြန်ထိုးစစ်ဆင်နေကြောင်းသိရသည်။ AA က ၂၀၂၃ နိုဝင်ဘာ ၁၃ ရက်မှ စတင်ကာ ရခိုင်မြို့နယ် ၁၄ ခုနှင့် ချင်းပြည်နယ် ပလက်ဝမြို့နယ် ကို သိမ်းပိုက်ထားပြီး ရခိုင်တစ်ပြည်လုံး သိမ်းပိုက်ရန် ထိုးစစ်အရှိန်မြှင့်နေကြောင်း တရားဝင် ကြေညာထားသည်။

စစ်အုပ်စုနှင့် မဟာမိတ်များ ဆိုက်ဘာလိမ်လည်မှုမှ အမြစ်ဖြတ်ရန် နိုင်ငံတကာနှင့် ပူးပေါင်းမည်ဟု NUG ကြေညာ

နိုဝင် ၁၆
The Kaladan Post
အမျိုးသားညီညွတ်ရေးအစိုးရ (NUG) က မြန်မာအကြမ်းဖက်စစ်အုပ်စု၊ နယ်ခြားစောင့်တပ်များနှင့် မဟာမိတ်ပြည်သူ့စစ်အဖွဲ့များသည် ဆိုက်ဘာလိမ်လည်မှုများမှ အကျိုးခံစားနေကြောင်း တရားဝင် ထုတ်ပြန်ကြေညာခဲ့ပြီး၊ နိုင်ငံဖြတ်ကျော်ရာဇဝတ်မှုများကို နှိမ်နင်းအမြစ်ဖြတ်ရန် ပြည်တွင်းပြည်ပ ညှိနှိုင်းဆောင်ရွက်သွားမည်ဟု ထုတ်ပြန်သည်။ NUG အနေဖြင့် တိုင်းရင်းသားတော်လှန်ရေး အဖွဲ့များ (ERO)၊ ကြားဖြတ်အုပ်ချုပ်ရေးအဖွဲ့များ၊ နိုင်ငံတကာ တရားဥပဒေစိုးမိုးရေးအဖွဲ့များနှင့် ပူးပေါင်း၍ ရာဇဝတ်မှုများကို ရပ်တန့်ရန်၊ ထိခိုက်သူများကို ပံ့ပိုးရန်နှင့် နိုင်ငံတကာ၏ တိုးမြှင့် အရေးယူမှုများကို ကြိုဆိုကြောင်း ပြောဆိုသည်။ အရှေ့တောင်အာရှရှိ ဆိုက်ဘာဂိုဏ်းများသည် တစ်နှစ်လျှင် ဒေါ်လာ ၆၅ ဘီလီယံ လိမ်လည်နေပြီး မြန်မာပြည်သူ ၁၂၀,၀၀၀ ခန့် ဖိအားပေး ထိန်းသိမ်းခံနေရကြောင်း၊ စစ်အုပ်စုနှင့် မဟာမိတ်များက အကျိုးခံစားနေသဖြင့် ရာဇဝတ်မှုများနှင့် ပြည်သူအပေါ် ရက်စက်မှုများကို ဆက်လက်ကျူးလွန်နေကြောင်း NUG က ဆိုသည်။ ထိုင်း၊ တရုတ်တို့၏ ဂိုဏ်းခေါင်းဆောင်ဖမ်းဆီးမှု၊ အမေရိကန် Scam Center Strike Force ဖွဲ့စည်းမှု၊ ပိတ်ဆို့အရေးယူမှုများကို ကျေးဇူးတင်ကြောင်း ဖော်ပြပြီး၊ ဂိုဏ်းခေါင်းဆောင်များကို ပစ်မှတ်ထား၊ ငွေပြန်ရရှိရေး၊ လူကုန်ကူးခံရသူများ နေရပ်ပြန်ရေးအတွက် နိုင်ငံတကာ တိုးမြှင့်ကြိုးပမ်းရန် တိုက်တွန်းသည်။ ဤလုပ်ဆောင်ချက်များသည် မြန်မာငြိမ်းချမ်းရေးနှင့် ဒေသတည်ငြိမ်ရေးကို ပံ့ပိုးမည်ဟု ဆိုသည်။ NUG ၏ ရာဇဝတ်မှုဆိုင်ရာ အလုပ်အဖွဲ့နှင့် ပြည်သူ့ရဲတပ်ဖွဲ့တို့ ပါဝင်ဆောင် ရွက်နေပြီး၊ စစ်တပ်၏ တရားမဝင်ငွေစီးဆင်းမှုကို ဖြတ်တောက်နှင့် တရားမျှတမှုရရှိရေး နိုင်ငံတကာ ပူးပေါင်းမှုများ ဆက်လက်ဆောင်ရွက်သွားမည်ဟု ထုတ်ပြန်ထားသည်။

ပေါက်မြို့နယ်တွင် စစ်တပ် စစ်ကြောင်း တိုက်ခိုက်ခံရပြီး စစ်သား ၁၇ ဦးသေဆုံး

နိုဝင် ၁၆
The Kaladan Post
မကွေးတိုင်း၊ ပေါက်မြို့နယ် ပြည်သူ့ကာကွယ်ရေး အဖွဲ့ က မိတ္ထီလာ အခြေစိုက် တပ်မ (၉၉) မှ အင် အား ၄၀၀ ကျော်ပါသော စကစ်ကြောင်း အောက်တိုဘာ ၃၀ ရက်နှင့် ၃၁ ရက်တွင် ဆိပ်ဖြူ မြို့နယ် ကပစ် ၂၂ မှ တဆင့် တောင်ပိုင်း ကျေးရွာများသို့ စစ်ကြောင်း ၃ ကြောင်း ခွဲ၍ ထိုးဝင်လာပြီး နေအိမ် မီးရှို့ ပြည်သူဖမ်းဆီး သတ်ဖြတ်မှုများကို တိုက်ခိုက်ကြောင်း ပေါက်မြို့နယ် ပြည်သူ့ကာကွယ်ရေး အဖွဲ့က ယမန်နေ့ နိုဝင်ဘာလ ၁၅ရက်နေ့က ထုတ်ပြန်သည်။ ယင်းကြောင်း ပကဖ နှင့် MGY PDF တို့ ပူးပေါင်း တန်ပြန်တိုက်ခိုက်ရာ နိုဝင်ဘာ ၃ ရက်နှင့် ၅ ရက်တွင် ကျောက်ကာ၊ ယောချောင်း နှင့် သီးချောက်ရွာ အနီး တိုက်ပွဲများ ဖြစ်ပွားခဲ့ကြောင်း တပ်ဖွဲ့ပြောဆိုသည်။ နိုဝင်ဘာ ၃ ရက်က တိုက်ပွဲတွင် စစ်တပ် တပ်ရင်း ၃ ရင်း ပူးပေါင်း အင်အား ၁၅၀ ခန့်နှင့် ထိတွေ့ရာ စစ်သား ၁၀ ဦး သေဆုံး၊ အလောင်း နေရာတွင်ထားခဲ့ပြီး ဒဏ်ရာ ၁၀ ဦး ထိခိုက်ကာ ပျက်ကွက်ဆုတ်ခွာ ပင်တောင်ပသစ်ရွာ သို့ ပြန်ရောက်ခဲ့ကြောင်းသိရ သည်။ ထို့အပြင် နိုဝင်ဘာ ၅ ရက်က အင်အား ၁၃၀ ခန့်ပါ စကစ်ကြောင်း ထိုးဝင်ရာ ထိတွေ့တိုက်ပွဲ တွင် စစ်တပ် အလောင်း ၇ လောင်း ရရှိခဲ့ပြီး MA သေနတ် ၅ လက်၊ ကာဗိုင်သေနတ်၊ ဘောက်ဝိုင်း ၃ ခု၊ ဘောက် ၁၉ ခု၊ ကျည် ၁၅၀၀ ကျပ်၊ ၆၀ မယ် ဗုံး ၅ ဖူး၊ RPG ၇ ဖူး၊ အီနာဂါ ၁၀ ဖူး၊ မိုင်း အမျိုးမျိုး ၁၆ လုံး၊ လက်ပစ် ၆ လုံး၊ ဆက်သွယ်ရေး စက်ကြီး၊ ကွန်ပျူတာ၊ ဖုန်း ၂ လုံး၊ ဓား ၃ လက် စသည့် စစ်သုံး လက်နက်ပစ္စည်း အများအပြား သိမ်းဆည်းရရှိခဲ့ထုတ်ပြန်ချက်တွင် ဖော်ပြထား သည်။ နိုဝင်ဘာ ၁ ရက်တွင် စစ်တပ်ကြောင်း မှ ထွက်ပြေး လာသော စစ်သား ၂ ဦး ကို ခဲယမ်း နှင့်အတူ ဖမ်းဆီး ရရှိခဲ့သည်။ ယင်းတိုက်ပွဲများကို ပကဖ၊ ပေါက်-ဆိပ်ဖြူ တပ်ရင်း နှင့် MGY PDF တို့ ပူးပေါင်း ဆောင်ရွက်ခဲ့ပြီး စစ်တပ်ကြောင်း ထိုးဝင်မှုကြောင့် ပေါက်မြို့နယ်တောင်ပိုင်း ကျေးရွာ ၂၀ ခန့်မှ ပြည်သူ ၁၀,၀၀၀ ကျော် ဘေးလွတ်ရာ ထွက်ပြေး တိမ်းရှောင်နေရသည်ဟု ပကဖ လူသားစာနာဌာန က နိုဝင်ဘာ ၄ ရက်တွင် ထုတ်ပြန်ဖော်ပြထားသည်။

MNDAA တပ်စွဲကျေးရွာများကို စစ်တပ်က တပ်ဆုတ်ခိုင်း လမ်းပိတ်ဆို့မှုများ လုပ်နေသဖြင့် စစ်ရေးတင်းမာ

နိုဝင် ၁၆
The Kaladan Post
ရှမ်းပြည်နယ်မြောက်ပိုင်း၊ မိုင်းရယ်မြို့အနီး ဟိုဟတွင် မြန်မာ့အမျိုးသားဒီမိုကရက်တစ် မဟာမိတ် တပ်မတော် (MNDAA) နှင့် စစ်ကောင်စီ တပ်များအကြား နိုဝင်ဘာ ၁၃ ရက်တွင် သေနတ်ပစ် ဖောက်မှုများ ဖြစ်ပွားခဲ့ပြီး နှစ်ဖက်စစ်ရေး တင်းမာမှု ဆက်လက်ရှိနေကြောင်း ဒေသသတင်းရင်း မြစ်များက ပြောဆိုကြသည်။ ယင်းပစ်ဖောက်မှုများသည် စစ်ကောင်စီက MNDAA တပ်စွဲထား သော နမ့်ပေါင်-ဟိုယ ရွာများမှ ဆုတ်ခွာပေးရန် ဖိအားပေးလာမှုကြောင့် ဖြစ်နေပြီး လားရှိုး-သီပေါ လမ်းပိုင်း ကိုးကန့်တပ်များကိုလည်း ဆုတ်ခိုင်းနေကြောင်း စစ်ရေးလေ့လာသူများက သုံးသပ်ကြ သည်။ ၁၀၂၇ စစ်ဆင်ရေး (၂၀၂၃ အောက်တိုဘာ) အတွင်း MNDAA က ညီနောင်မဟာမိတ်ဖြစ် သော အာရက္ခတပ်တော် (AA) နှင့် တအောင်းတော်လှန်ရေးတပ်မတော် (TNLA) တို့နှင့်အတူ ရှမ်းမြောက်ပိုင်း လားရှိုး၊ လောက်ကိုင်၊ ချင်းရွှေဟော်၊ မုန်းကိုး၊ ဖောင်းဆိုင်၊ ကုန်းကြမ်း၊ ပန်လုံ၊ ကွမ်းလုံ၊ သန္ဓီ၊ တာမိုးညဲ၊ ပန်ဆိုင်း စသည့် မြို့နယ်များကို သိမ်းပိုက်နိုင်ခဲ့သော်လည်း တရုတ်ဖိအား ကြောင့် ဧပြီ ၂၀၂၅ တွင် လားရှိုးမြို့ကို စစ်ကောင်စီ ထံ ပြန်လည်ပေးအပ်ခဲ့ရပြီး မြို့ပတ်ပတ်လည် ကျေးရွာများတွင်သာ တပ်စွဲထားခဲ့သည်။ လက်ရှိ စစ်ကောင်စီက မိုးကုတ်ဘက်ကို အာရုံစိုက်နေပြီး ရှမ်းမြောက်ပိုင်း အင်အားလျှော့ထားမှုကြောင့် ညီနောင်မဟာမိတ်များအနေဖြင့် ထိုးစစ်ဆင်ရန် အကောင်းဆုံး အချိန်ဖြစ်နေကြောင်း စစ်ရေးလေ့လာသူများက မှတ်ချက်ပြုကြသည်။ စစ်တပ်က မိုင်းရယ်ရော- ဟိုယရောပေါ့နော်၊ ပြီးရင် လားရှိုး-သီပေါ လမ်းပိုင်းက ကိုးကန့်တပ်တွေကို ဆုတ်ခိုင်းနေတာဖြစ်ပြီး စစ်တပ်ဘက်ကသာ ဆက်ပြီး တင်းမယ်ဆိုရင်တော့ ထိတွေ့မှု ဖြစ်နိုင်ပါ တယ် ဟု CDM ဗိုလ်ကြီး ဇင်ယော်က ပြောဆိုသည်။ ယင်းနောက် နိုဝင်ဘာ ၁၄ ရက်တွင် လားရှိုး-သီပေါ-မိုင်းရယ် လမ်းကို စစ်ကောင်စီက ပိတ်ဆို့ခဲ့ရာ နှစ်ဖက် အင်အားဖြည့်တင်း လုပ်ဆောင်နေ ပြီး တိုက်ပွဲ ပြန်ဖြစ်နိုင်သဖြင့် ဒေသခံများက စိုးရိမ်ကြောင်း ဒေသတွင်း သတင်းရင်းမြစ်များက ဖော်ပြထားသည်။