Author: Salai

ရွာအုပ်ချုပ်ရေးမှူး လူငယ်သုံးဦး စစ်မှုထမ်းရန် ရောင်းချ စက်တင် ၂၈ The Kaladan Post ရန်ကုန်တိုင်း၊ လှိုင်သာယာအရှေ့ပိုင်းမြို့နယ်၊ ရှမ်းချောင်းကျေးရွာအုပ်ချုပ်ရေးမှူး ဇော်ကြီးက လူငယ်သုံးဦးကို ခိုးမှုကျူးလွန်သည်ဟု စွပ်စွဲ ဖမ်းဆီးခဲ့ကြောင်း သိရသည်။ စက်တင်ဘာ ၁၂ ရက်ညနေပိုင်းတွင် ရပ်ကွက်မီးဖြတ်ကာ တပည့်လူမိုက်များနှင့်အတူ နေအိမ်များကို ဝင်ရောက်စစ်ဆေး၍ ယင်းလူငယ်များကို ဖမ်းဆီးခဲ့သည်။ ရွှေလင်ပန်းစက်မှုဇုန်မှ အထည် အလိပ်များ ပျောက်ဆုံးမှုအတွက် သံသယရှိသူများဟု အကြောင်းပြ ဖမ်းဆီးခဲ့သော်လည်း လူငယ်များမှာ မည်သည့်ခိုးမှုမှ ကျူးလွန်ခြင်းမရှိကြောင်း ဆွေမျိုးများက ပြောသည်။ ဖမ်းဆီးခံရသူများမှာ လက်လုပ်လက်စား ဝင်ငွေနည်းမိသားစုမှ လူငယ်များဖြစ်ပြီး တစ်ဦးလျှင် ငွေကျပ်သိန်း ၅၀ ဖြင့် စစ်မှုထမ်း လူစားထိုးအဖြစ် ရောင်းချခဲ့ကြောင်း အသိပေးချက်ရရှိသည်။ ယင်းလူငယ်များကို စစ်မှုထမ်း အပတ်စဉ် ၁၇ တွင် အပို့ခံခဲ့ရသည်။ ထို့ပြင် မကွေးဒေသခံ ဆေးဆိုင်ပိုင်ရှင်တစ်ဦး၏ ဆိုင်နှစ်ခုကို လူမှုကွန်ရက်တွင် အကြောင်း တင်သည်ဟု စွပ်စွဲ၍ ချိတ်ပိတ်ခဲ့ကြောင်း ဒေသခံများက ပြောသည်။ မှတ်ပုံတင်အမှတ် ၈/ ဖြစ်သဖြင့် ပဒီအက်ဖ်ထောက်ပို့ဟု အကြောင်းပြ ဆိုင်ဖွင့်ခွင့်မပေးခဲ့ပေ။ ဇော်ကြီးမှာ လူမိုက်များကို လက်သပ်မွေးမြူ၍ ပြည်သူများကို ညှဉ်းပန်းနှိပ်စက်မှုများ ပြုလုပ်နေကြောင်း ဒေသခံများက ဆိုသည်။ ယင်းဖြစ်ရပ်များက အုပ်ချုပ်ရေးမှူး၏ အာဏာအလွဲသုံးစားမှုကို ထင်ရှားစေသည်။ AA က ARSA နှင့် RSO တိုက်ခိုက်မှုများကို ချေမှုန်း၊ ဘင်္ဂလားဒေ့ရှ်နှင့် နိုင်ငံတကာ ထိန်းသိမ်းရန် တောင်းဆို စက်တင် ၂၈...

စစ်တပ်လေကြောင်း တိုက်ခိုက်မှုကြောင့် ပြည်သူ သေဆုံး၊ ပျက်စီး စက်တင် ၂၇ The Kaladan Post ရခိုင်ပြည်နယ် တောင်ကုတ်မြို့နယ်နှင့် ရှမ်းပြည်နယ်မြောက်ပိုင်း ကျောက်မဲမြို့နယ်တို့တွင် စစ်တပ်က လေကြောင်း တိုက်ခိုက်မှုများ ပြုလုပ်ခဲ့ရာ ပြည်သူ တစ်ဦး သေဆုံးခဲ့ပြီး နေအိမ်များနှင့် ဘုန်းကြီးကျောင်းများ ပျက်စီးခဲ့ကြောင်း ဒေသခံ တိုင်းရင်းသား လက်နက်ကိုင်အဖွဲ့များက ထုတ်ပြန်သည်။ စက်တင်ဘာ ၂၆ ရက် မွန်းလွဲပိုင်း တောင်ကုတ်မြို့နယ် တပ်ဦး ဘုန်းကြီးကျောင်းကို တိုက်လေယာဉ်ဖြင့် ပေါင် ၅၀၀ ဗုံးကြဲချခဲ့ရာ ကျောင်းတစ်ခုလုံး ပျက်စီးခဲ့ကြောင်း APM သတင်းရင်းမြစ်က ဖော်ပြသည်။ အလားတူ ကျောက်မဲမြို့နယ် ပါပုတ်ကျေးရွာကို ဒရုန်းဖြင့် ဗုံးကြဲ တိုက်ခိုက်ခဲ့ရာ အသက် ၆၁ နှစ်အရွယ် အမျိုးသား တစ်ဦး သေဆုံးခဲ့ပြီး နေအိမ် တစ်လုံး ပျက်စီးခဲ့ကြောင်း TNLA က ထုတ်ပြန်သည်။ ယင်းဗုံးကြဲမှုများမှာ တိုက်ပွဲ မဖြစ်ပွားဘဲ ရည်ရွယ်ချက်ရှိရှိ ပြုလုပ်ခဲ့ခြင်း ဖြစ်ကြောင်း သိရသည်။ ကရင်ပြည်နယ် မြဝတီမြို့နယ်တွင်လည်း စစ်တပ်က လေကြောင်း တိုက်ခိုက်မှုများကို နေ့စဉ် ဆက်တိုက် ပြုလုပ်နေကြောင်း ကရင်စစ်ရေး သတင်းရင်းမြစ်က ပြောဆိုသည်။ စက်တင်ဘာ ၂၀ ရက်မှ စတင်ကာ လေးကေ့ကော်မြို့သစ်ဘက်သို့ စစ်ကြောင်း ထိုးခဲ့ပြီးနောက် တိုက်ပွဲများ ပြင်းထန်လာခဲ့ကြောင်း သိရသည်။ စက်တင်ဘာ ၂၄ ရက်တွင် ထီးမယ်ဝါးခီး ကျေးရွာကို တိုက်လေယာဉ်ဖြင့် ဗုံးကြဲ ခဲ့ရာ နှစ်ကြိမ်တိုင်...