Author: Salai

ဖေဖေါ် ၂၁ The Kaladan Post ဂျပန်နိုင်ငံကို အားကောင်း၊ ခိုင်မာပြီး ကြွယ်ဝချမ်းသာသည့် နိုင်ငံတစ်ခုအဖြစ် တည်ဆောက်သွားမည်ဟု ဝန်ကြီးချုပ် Sanae Takaichi က ဖေဖော်ဝါရီ ၂၀ ရက်နေ့တွင် လွှတ်တော်မိန့်ခွန်းအတွင်း ကတိပြု ပြောကြားခဲ့သည်။ ဖေဖော်ဝါရီ ၈ ရက်နေ့ ကျင်းပခဲ့သည့် ရွေးကောက်ပွဲတွင် အာဏာရ Liberal Democratic Party (LDP) က ပြတ်သားသည့် အနိုင်ရလဒ် ရရှိခဲ့ပြီး လွှတ်တော်အမတ်နေရာ သုံးပုံနှစ်ပုံနီးပါးကို ထိန်းချုပ်နိုင်ခဲ့သဖြင့် တကအိချိ ဦးဆောင်သည့် အစိုးရအဖွဲ့အနေဖြင့် လုပ်ပိုင်ခွင့် အားကောင်းလာခဲ့ကြောင်း နိုင်ငံရေး လေ့လာသူများက သုံးသပ်ထားသည်။ လွှတ်တော်မိန့်ခွန်းတွင် ဝန်ကြီးချုပ်က ဒေသတွင်း လုံခြုံရေး အခြေအနေများအပေါ် စိုးရိမ်ချက်များကိုလည်း ထုတ်ဖော်ပြောကြားခဲ့သည်။ တရုတ်အစိုးရသည် South China Sea နှင့် East China Sea တို့ရှိ နိုင်ငံတကာ အသိအမှတ်ပြု နယ်နိမိတ်များကို တစ်ဖက်သတ် ပြောင်းလဲရန် ကြိုးပမ်းနေကြောင်း၊ ထိုဒေသများအနီး စစ်ရေးလှုပ်ရှားမှုများကိုလည်း အရှိန်မြှင့် လုပ်ဆောင်နေကြောင်း စွပ်စွဲခဲ့သည်။ ထို့အပြင် ယခင် ဝန်ကြီးချုပ်ဟောင်း Shigeru Ishiba ၏ အမြင်ကို ကိုးကားကာ ဂျပန်သည် ဒုတိယ ကမ္ဘာစစ်နောက်ပိုင်း အရေးအကြီးဆုံးနှင့် အရှုပ်ထွေးဆုံး လုံခြုံရေး စိန်ခေါ်မှုများကို ရင်ဆိုင်နေရကြောင်းလည်း ထောက်ပြခဲ့သည်။ လက်ရှိအခြေအနေများအရ ကာကွယ်ရေးကဏ္ဍတွင် ပိုမို အားစိုက်ရမည်ဖြစ်ကြောင်း၊ စစ်ရေးဆိုင်ရာ နည်းလမ်းသစ်များ ရှာဖွေကာ ရေရှည်ပဋိပက္ခများအတွက် ကြိုတင်ပြင်ဆင်မှုများ...

ဖေဖေါ် ၂၁ The Kaladan Post   မြောက်ကိုရီးယား စစ်တပ်အတွက် ဒုံးကျည်လောင်ချာစနစ် ၅၀ ကို လွှဲပြောင်းပေးအပ်သည့် အခမ်းအနားကို နိုင်ငံခေါင်းဆောင် Kim Jong Un ကိုယ်တိုင် တက်ရောက် ဦးဆောင်ခဲ့ကြောင်း နိုင်ငံပိုင် သတင်းဌာန Korean Central News Agency (KCNA) က ဖော်ပြခဲ့သည်။ အဆိုပါ အခမ်းအနားကို ဖေဖော်ဝါရီ ၁၈ ရက်တွင် ပြုံယမ်းမြို့တော်၌ ကျင်းပခဲ့ပြီး ကင်မ်ဂျုံအွန်းသည် လောင်ချာစနစ် တပ်ဆင်ထားသည့် စစ်ထရပ်ကားတစ်စီး၏ ယာဉ်မောင်းနေရာတွင် ကိုယ်တိုင် တက်ထိုင်ကြည့်ရှုခဲ့ကြောင်းလည်း သိရသည်။ KCNA ၏ ဖော်ပြချက်အရ ယခု လွှဲပြောင်းပေးအပ်ခဲ့သည့် ဒုံးကျည်လောင်ချာစနစ်များသည် နျူကလီးယားထိပ်ဖူး တပ်ဆင်နိုင်သည့် ဒုံးကျည်များကို ပစ်လွှတ်နိုင်ပြီး အထူးတိုက်ခိုက်ရေး စွမ်းရည်မြင့်မားသည့် လက်နက်စနစ်များဖြစ်ကြောင်း ဆိုသည်။ ထို့ပြင် ပြည်တွင်းထုတ် တာဝေးပစ် ဒုံးကျည်များတွင် ဉာဏ်ရည်တု (AI) နည်းပညာ ပေါင်းစပ်အသုံးပြုထားကာ ခေတ်မီ ပစ်မှတ်ရှာဖွေ ပဲ့ထိန်းစနစ်များ တပ်ဆင်ထားကြောင်းလည်း ဖော်ပြခဲ့သည်။ အဆိုပါ လက်နက်အင်အား သရုပ်ပြမှုကို အာဏာရ Workers’ Party of Korea ၏ ပြည်လုံးကျွတ် ညီလာခံ မတိုင်မီ တစ်ရက်အလိုတွင် ပြုလုပ်ခဲ့ခြင်းဖြစ်ပြီး ညီလာခံကို ဖေဖော်ဝါရီ ၁၉ ရက်တွင် စတင်ခဲ့သည်။ ကင်မ်ဂျုံအွန်းက ညီလာခံအတွင်း နိုင်ငံ၏ နျူကလီးယား တိုက်ခိုက်ရေး စွမ်းရည်များ မြှင့်တင်ရေးကို ဆွေးနွေးသွားမည်ဟုလည်း ပြောကြားခဲ့သည်။...

ဖေဖေါ် ၂၁ The Kaladan Post အမေရိကန် သမ္မတ Donald Trump က အီရန်ကို စစ်ရေးအရ “အကန့်အသတ်နဲ့” တိုက်ခိုက်ခြင်းမျိုး ဖြစ်ပေါ်လာနိုင်ကြောင်း ဖေဖော်ဝါရီ ၂၀ ရက်တွင် ပြောကြားခဲ့သည်။ အီရန်နှင့် အမေရိကန်ကြား မကြာသေးမီရက်ပိုင်းအတွင်း စစ်ရေးတင်းမာမှုများ မြင့်တက်နေစဉ် ထရမ့်၏ ယခုမှတ်ချက် ထွက်ပေါ်လာခြင်းဖြစ်သည်။ အမေရိကန်က အီရန်အား နျူကလီးယားနည်းပညာ စီမံကိန်းများကို စွန့်လွှတ်ရန် ဖိအားပေးလျက်ရှိသော်လည်း သဘောတူညီချက် တစ်ရပ်တိတိကျကျ မရရှိသေးသည့် အခြေအနေတွင် ထရမ့်က ယခုကဲ့သို့ သတိပေးစကား ပြောကြားခဲ့ခြင်းဖြစ်သည်။ ယခင်ကလည်း ထရမ့်က နျူကလီးယားအရေး ဆွေးနွေးမှုများအတွက် ၁၀ ရက်မှ ၁၅ ရက်အတွင်း သဘောတူညီချက်တစ်ရပ် ရရှိမရရှိကို ကမ္ဘာကြီး မြင်တွေ့ရမည်ဟု ပြောကြားထားခဲ့သည်။ ဖေဖော်ဝါရီ ၂၀ ရက်နေ့တွင် သတင်းထောက်များက အမေရိကန်အနေဖြင့် အီရန်ကို အလုံးအရင်းနဲ့ မဟုတ်သော်လည်း အကန့်အသတ်နဲ့ တိုက်ခိုက်နိုင်ခြေ ရှိမရှိ မေးမြန်းရာတွင် ထရမ့်က “စဉ်းစားနေသည်” ဟုသာ တုံ့ပြန်ခဲ့သည်။ လက်ရှိတွင် အမေရိကန်သည် အရှေ့အလယ်ပိုင်းဒေသ၌ စစ်အင်အားများ တိုးမြှင့် ဖြန့်ကျက်နေပြီး ကမ္ဘာပေါ်ရှိ အကြီးဆုံး လေယာဉ်တင်သင်္ဘောအဖြစ် သတ်မှတ်ခံထားရသည့် USS Gerald R. Ford ဦးဆောင်သည့် တိုက်ရေယာဉ်အုပ်သည် မြေထဲပင်လယ်ရေပြင်သို့ ဖေဖော်ဝါရီ ၂၀ ရက်တွင် စတင် ဝင်ရောက်ခဲ့ကြောင်း သိရသည်။ ထို့အပြင် USS Abraham Lincoln ဦးဆောင်သည့် လေယာဉ်တင်သင်္ဘောအုပ်တစ်စုသည်လည်း...