Author: Salai

—————————————————————————– စက်တင် ၅ The Kaladan Post စစ်ကိုင်းတိုင်း၊ ယင်းမာပင်ခရိုင်၊ ပုလဲမြို့နယ်ရှိ စစ်ဘေးရှောင်ပြည်သူများအား ပြည်သူ့လွတ် မြောက်ရေးတပ်မတော် (PLA)၊ အနောက်မြောက်စစ်ဒေသ၊ ဆေးတပ်ဖွဲ့မှ စက်တင်ဘာလ ၄ ရက်နေ့မှစတင်ကာ ဆေးကုသမှုနှင့် စားနပ်ရိက္ခာထောက်ပံ့မှုများ ပြုလုပ်ပေးလျက်ရှိကြောင်း အမှတ် ၈၁၅တပ်ဖွဲ့၊ အနောက်မြောက်စစ်ဒေသ၏ ထုတ်ပြန်ချက်အရသိရသည်။ အဆိုပါ ထုတ်ပြန်ချက်နှင့်ပတ်သက်ပြီး အမှတ် ၈၁၅ တပ်ဖွဲ့၊ အနောက်မြောက်စစ်ဒေသ၏ တာဝန်ရှိ သူတစ်ဦးက “စစ်ရှောင်ပြည်သူတွေကို လက်ရှိမှာ လူနာနှစ်ရာဝန်းကျင်ကို ကျွန်တော်တို့က ဆေးကုသမှုတွေ ကူညီပေးခဲ့နိုင်ပါတယ် ပြီးတော့ အိမ်ထောင်စု ၅၀ ဝန်းကျင်ကို တစ်အိမ်ထောင်လျှင် ဆန်တတင်း နှုန်းဖြင့်ထောက်ပဲ့ပေးခဲ့ပါတယ် ကျန်အိမ်ထောင်စု ၂၀ ကျော်ကို တစ်အိမ်ထောင်လျှင် ငွေသား တစ်သိန်း(၁၀၀,၀၀၀) ကျပ်စီဖြင့် ထောက်ပံ့ပေးခဲ့ပါတယ်ဟု “ The Kaladan Post သို့ပြောဆိုသည်။ ယခုလိုစစ်ရှောင်ပြည်သူတွေကို ထောက်ပံ့ပေးသော ငွေကြေးအပါအဝင် ဆန်နှင့်ဆေးဝါးကုသပေး မှုများသည် အလှူရှင်များထံမှ ကြားခံဖြင့်ဆောင်ရွက်ပေးခြင်းအဟုတ်ဘဲ တပ်ဖွဲ့ရဲ့ရန်ပုံငွေကို အသုံးပြုကာထောက်ပံ့ပေးခြင်းဖြစ်ကြောင်း တပ်ဖွဲ့ရဲ့တာဝန်ရှိသူက ဆက်လက်ပြောဆိုသည်။ ဩဂုတ်လ ၁၆ ရက်နေ့မှစ၍ ပုလဲ-မင်းတိုင်ပင်-ဂန့်ဂေါ လမ်းတလျောက် ဖက်ဆစ်စစ်တပ်၏ စစ်ကြောင်းထိုးခြင်းနှင့် နေအိမ်များကို မီးရှို့ဖျက်ဆီးခြင်းများကြောင့် ကျေးရွာပေါင်း ၃၀ ခန့်မှ ပြည်သူများ နေရပ်စွန့်ခွာထွက်ပြေးနေရသည်။ယခုအခါ စစ်ဘေးရှောင်ကာလ နှစ်ပတ်ကျော် ကြာမြင့်လာပြီဖြစ်ပြီး PLA ဆေးတပ်ဖွဲ့မှ စစ်ဘေးရှောင်ပြည်သူများအား ထောက်ပံ့ကူညီမှု များပေးနေသည့်အပြင် ပြည်သူ့လွတ်မြောက်ရေး တပ်မတော်၏ ခြေလှမ်းတိုင်းသည် အဖိနှိပ်ခံ ပြည်သူများ၏ အကျိုးစီးပွားအတွက်သာ ရည်ရွယ်ထားကြောင်း ၎င်းထုတ်ပြန်ချက်တွင်ဖော် ပြထားသည်။ ဤသို့ စေတနာဖြည့် ကူညီထောက်ပံ့မှုများသည် စစ်‌ရှောင်ပြည်သူများအတွက် ယာယီသက်သာရာရရှိရုံသာမက ဒုက္ခသည်များအား ခိုင်မာသော အနာဂတ်တစ်ခုဆီသို့ ဦးတည် စေနိုင်သည့်အပြင် လူသားချင်းစာနာမှုထောက်ထားမှုဖြင့် ကူညီပေးခြင်းသည် လောကကြီးကို ပိုမို ကောင်းမွန်သော ရေရှည်တည်တံ့သော ဘဝတည်ဆောက်မှုကို...

—————————————————————————– စက်တင် ၅ The Kaladan Post ပဲခူးတိုင်း၊ ညောင်လေးပင်-မဒေါက်-ရွှေကျင်လမ်းပိုင်းရှိ အကြမ်းဖက်စစ်တပ်ဂိတ်တစ်ခုကို ယနေ့ စက်တင်ဘာ ၅ ရက် နံနက် ၆ နာရီဝန်းကျင်တွင် Fire Dragon ကွန်မန်ဒို PDF တပ်ဖွဲ့ဝင်များက ပြောက်ကျားဝင်ရောက်တိုက်ခိုက်ခဲ့ရာ စစ်သား ၂ ဦး နေရာတွင်သေဆုံးခဲ့ကြောင်း ဒေသတင်းဖော်ပြ ချက်များအရသိရသည်။ အဆိုပါသတင်းဖော်ပြချက်များနှင့် ပတ်သက်ပြီး Fire Dragon တပ်ဖွဲ့မှ တာဝန်ရှိသူတစ်ဦးက “ ကျွန်တော်တို့တိုက်ခိုက်ခဲ့တဲ့ စစ်ကောင်စီဂိတ်တွင် အင်အား ၂၀နီးပါးဖြင့် မအိပ်ဘဲ အစောကြီးထိုင်တဲ့ဂိတ်ဖြစ်ပါတယ်ခင်ဗျ အဆိုပါဂိတ်စာဆိုရင် စစ်ကောင်စီအထိုင်ချစခန်း ၆ခုနှင့် နီးတဲ့ဂိတ်ပေါ့ဗျ အဲ့ဒီထဲမှာ စစ်ကောင်စီစခန်းတစ်ခုဆိုရင် ကျွန်တော်တို့ တိုက်ခိုက်ခဲ့တဲ့ ဂိတ်နှင့် ဖာလုံဝက်ခန့်သာကွာဝေးတဲ့ဂိတ်ကို တိုက်ခိုက်တာဖြစ်ပါတယ်ဟု “ The Kaladan Post သို့ပြောဆိုသည်။ အဆိုပါဂိတ်သည် ခရီးသွားကားများထံမှ ဆက်ကြေးကောက်ခံခြင်း၊ လိုင်စင်ဖမ်း ခြင်း၊ ငွေညှစ်ခြင်းနှင့် တပ်သားသစ်စုဆောင်းခြင်းများ လုပ်ဆောင်နေသည့် ယာယီဂိတ်ဖြစ်ပြီး အထိုင်ချစခန်းမဟုတ်ကြောင်း Fire Dragon PDF တာဝန်ရှိသူက ပြောသည်။ တိုက်ခိုက်မှုအတွင်း စစ်ကောင်စီတပ်ဖွဲ့ဝင် ၂ ယောက်နေရာတွင်သေဆုံးသွားသည့်အပြင် MA1 သေနတ် ၁ လက်၊ MA2 သေနတ် ၁လက်၊ ကျည်ဘောက် ၅ခု၊ အီနာဂါ ၂လုံးနှင့် ကျည် ၁၈၀ခန့်ကို PDF တပ်ဖွဲ့က သိမ်းဆည်း ရရှိခဲ့သည်။ တိုက်ခိုက်မှုအပြီး PDF တပ်ဖွဲ့ဝင်များ ဆုတ်ခွာစဉ် ညောင်လေးပင် အခြေစိုက် ခမရ ၂၀ တပ်ရင်းမှ ၁၂၀ မမ လက်နက်ကြီးဖြင့် ၄ ချက်ပစ်ခတ်ခဲ့သော်လည်း ပြည်သူများ ထိခိုက်မှုမရှိခဲ့ပေ။ Fire Dragon PDF တပ်ဖွဲ့သည် ယခင် ၂၀၂၅ခုနှစ်၊ သြဂုတ်လ ၂၃ ရက်ကလည်း အဆိုပါလမ်းပိုင်းရှိ တာပြတ်ဂိတ်အနီး ကင်းပတ်နေသည့် စစ်သားတစ်ဦးကို စနိုက်ဘာဖြင့် ပစ်ခတ်တိုက်ခိုက်ခဲ့ရာ သေဆုံးခဲ့ကြောင်းသိရသည်။ Fire Dragon PDF တာဝန်ရှိသူက ပြည်သူများကို ငွေညှစ်ခြင်း၊ ခြိမ်းခြောက်ခြင်းနှင့် သွားလာမှုနှောင့်ယှက်ခြင်းများ ဆက်လုပ်ပါက ဆက်လက်တုံ့ပြန်သွားမည်ဟု ပြောသည်။ ညောင်လေးပင်-မဒေါက်လမ်းပိုင်းအနီးရှိ ပုဇွန်မြောင်းရွာတွင် စစ်တပ်က နေရာ ၄ ခုခွဲ၍ တပ်စွဲထားပြီး မုက္ခမူ၊ တာပြတ်နှင့် ရေကြည်ချောင်းဂိတ်စခန်းများတွင် ခမရ ၂၀၊ ၂၆၄ မှ စစ်သားများ၊ ပျူစောထီးနှင့် ရဲများ ပူးပေါင်းတပ်စွဲထားကြောင်း...