Author: Salai

မတ် ၆ The Kaladan Post အရှေ့အလယ်ပိုင်းဒေသတွင် ဆက်လက်ပြင်းထန်နေသည့် အီရန်နှင့် အစ္စရေးဆက်စပ် စစ်ပွဲသည် သောကြာနေ့တွင် ၇ ရက်မြောက်နေ့သို့ ရောက်ရှိလာခဲ့ပြီး ဒေသတွင်းသာမက နိုင်ငံတကာအထိ သက်ရောက်မှုများ ပိုမိုကျယ်ပြန့်လာနေသည်။ အစ္စရေးစစ်တပ်က စစ်ပွဲ၏ “နောက်ထပ်အဆင့်” ကို စတင်လိုက်ကြောင်း ကြေညာပြီးနောက် လက်ဘနွန်နိုင်ငံ မြို့တော် ဘေရွတ် (Beirut) ၏ တောင်ပိုင်းဆင်ခြေဖုံးဒေသများကို ပြင်းထန်စွာ လေကြောင်းမှ ဗုံးကြဲတိုက်ခိုက်ခဲ့သည်။ တိုက်ခိုက်မှု မစတင်မီ အစ္စရေးစစ်တပ်က ဒေသခံပြည်သူများအား အသက်အန္တရာယ်မှ လွတ်မြောက်စေရန် အိမ်များမှ ချက်ချင်းထွက်ခွာရန် သတိပေးချက် ထုတ်ပြန်ခဲ့သဖြင့် လူထုများသည် အထိတ်တလန့်ဖြင့် ထွက်ပြေးခဲ့ကြရသည်။ အချို့သော ဒေသခံများသည် နေစရာမရှိသဖြင့် ပင်လယ်ကမ်းခြေများတွင် သောင်တင်နေကြရသည်ဟု ဒေသခံများက ပြောဆိုကြသည်။ စစ်ပွဲ၏ သက်ရောက်မှုသည် အရှေ့အလယ်ပိုင်းဒေသအတွင်းသာမက အခြားဒေသများအထိပါ ကူးစက်လာခဲ့သည်။ သီရိလင်္ကာနိုင်ငံ ကမ်းလွန်ပင်လယ်ပြင်တွင် အမေရိကန် ရေငုပ်သင်္ဘောတစ်စင်းက အီရန် စစ်သင်္ဘောတစ်စင်းကို တော်ပီဒိုဖြင့် ပစ်ခတ်ခဲ့ကြောင်း သတင်းများ ထွက်ပေါ်ခဲ့သည်။ ထို့ပြင် အဇာဘိုင်ဂျန်နိုင်ငံရှိ လေဆိပ်တစ်ခုလည်း ဒရုန်းတိုက်ခိုက်မှု ခံခဲ့ရပြီး လက်တုံ့ပြန်မည်ဟု အာဏာပိုင်များက ခြိမ်းခြောက်ထားသည်။ ယခုစစ်ပွဲသည် တနင်္လာနေ့တွင် အီရန်အဓိပတိ အလီ ခါမေနီ (Ali Khamenei) လုပ်ကြံခံရပြီးနောက် လက်စားချေရန် ဟစ်ဇ်ဘိုလာ (Hezbollah) အဖွဲ့က အစ္စရေးကို စတင်တိုက်ခိုက်ခဲ့ရာမှ စတင်ပေါ်ပေါက်လာခဲ့ခြင်းဖြစ်သည်။ ယင်းကြောင့် လက်ဘနွန်နိုင်ငံလည်း စစ်ပွဲအတွင်းသို့ ဝင်ရောက်ပါဝင်လာခဲ့သည်။ လက်ရှိအချိန်ထိ လက်ဘနွန်တွင် လူ ၁၂၃...

မတ် ၆ The Kaladan Post အမေရိကန်သမ္မတ Donald Trump ၏ အီရန်နိုင်ငံအပေါ် စစ်ဆင်ရေးလုပ်ပိုင်ခွင့်ကို ကန့်သတ်ရန် အဆိုတင်ထားသည့် မဲခွဲမှုသည် အမေရိကန် အထက်လွှတ်တော်တွင် မအောင်မြင်ခဲ့ကြောင်း သိရသည်။ ရီပတ်ဘလစ်ကန်ပါတီက အများစု ထိန်းချုပ်ထားသည့် အထက်လွှတ်တော်တွင် ပြုလုပ်ခဲ့သော မဲခွဲမှု၏ ရလဒ်မှာ ၅၃ မဲ ကန့်ကွက်၊ ၄၇ မဲ ထောက်ခံဖြစ်ပြီး သမ္မတ၏ စစ်ရေးဆိုင်ရာ လုပ်ပိုင်ခွင့်ကို ကန့်သတ်ရန် ကြိုးပမ်းမှု ပျက်ကွက်သွားခဲ့သည်။ အဆိုပါ မဲရလဒ်များအရ ရီပတ်ဘလစ်ကန် အမတ်များ အများစုက အဆိုကို ကန့်ကွက်ခဲ့ကြသည်ကို တွေ့ရသည်။ ဒီမိုကရက်တစ်ပါတီဘက်မှ အမတ်များက သမ္မတ ထရမ့်သည် လွှတ်တော်၏ ထောက်ခံချက် မရရှိဘဲ အီရန်တွင် စစ်ရေးဆောင်ရွက်မှုများ ပြုလုပ်ခဲ့သည်ဟု စွပ်စွဲကာ သမ္မတ၏ စစ်ရေးဆိုင်ရာ လုပ်ပိုင်ခွင့်ကို ကန့်သတ်ရန် အဆိုတင်ခဲ့ခြင်း ဖြစ်သည်။ သို့သော် ယခုတစ်ကြိမ် မဲခွဲမှုတွင် ရီပတ်ဘလစ်ကန် အမတ်များက အဆိုကို တားဆီးနိုင်ခဲ့သည်။ တချို့ ရီပတ်ဘလစ်ကန် အမတ်များကလည်း အီရန်နှင့် ဖြစ်ပွားနေသည့် စစ်ရေးပဋိပက္ခသည် ရှည်လျားလာပါက ၎င်းတို့၏ ရပ်တည်ချက်ကို ပြန်လည် စဉ်းစားနိုင်ကြောင်း အရိပ်အမြွက် ပြောကြားထားသည်။ အမေရိကန်နှင့် Israel တို့သည် Iran ကို ဖေဖော်ဝါရီလ ၂၈ ရက်နေ့တွင် စတင် စစ်ရေးတိုက်ခိုက်ခဲ့ကြသည်။ အစောပိုင်းတွင် သမ္မတ ထရမ့်က စစ်ရေးပဋိပက္ခသည် လေးပတ်အတွင်း ပြီးဆုံးနိုင်ကြောင်း ပြောကြားခဲ့သော်လည်း...

မတ် ၆ The Kaladan Post အမေရိကန် သမ္မတ Donald Trump သည် သူ၏ အနီးကပ် ယုံကြည်ရသူတစ်ဦးဖြစ်သည့် Kristi Noem ကို ပြည်တွင်းလုံခြုံရေး ဝန်ကြီး (Department of Homeland Security) ရာထူးမှ ဖယ်ရှားလိုက်ကြောင်း မတ်လ ၅ ရက်နေ့တွင် ကြေညာခဲ့သည်။ ထိုရာထူးအတွက် အစားထိုးအဖြစ် ရီပတ်ဘလစ်ကန်ပါတီမှ အထက်လွှတ်တော်အမတ် Markwayne Mullin ကို သမ္မတထရမ့်က ခန့်အပ်ခဲ့ပြီး ယင်းရာထူးအပြောင်းအလဲကို မတ်လ ၃၁ ရက်နေ့မှ စတင်အသက်ဝင်မည်ဖြစ်ကြောင်း သိရသည်။ သမ္မတထရမ့်က လူမှုကွန်ရက်ပေါ်တွင် ထုတ်ပြန်ထားသော ကြေညာချက်တွင် နိုအမ်ကို ရာထူးမှ “ထုတ်ပယ်ခြင်း” မဟုတ်ဘဲ “Shield of the Americas” ဟု အမည်ပေးထားသည့် လုံခြုံရေးအစီအစဉ်သစ်ကို ဦးဆောင်ဆောင်ရွက်ရန် တာဝန်အသစ်ပေးလိုက်ခြင်းဖြစ်ကြောင်း ရေးသားထားသည်။ အဆိုပါ အစီအစဉ်သည် အနောက်ကမ္ဘာခြမ်းရှိ နိုင်ငံများ၏ လုံခြုံရေးနှင့် နယ်စပ်ကာကွယ်ရေးကို တိုးမြှင့်ရန် ရည်ရွယ်ထားကြောင်း သိရသည်။ ယခုရာထူးအပြောင်းအလဲသည် ထရမ့်၏ ဒုတိယသမ္မတသက်တမ်းအတွင်း အစိုးရအဖွဲ့အတွင်း ပြုလုပ်သည့် ပထမဆုံး ကြီးမားသော ဝန်ကြီးရာထူး အပြောင်းအလဲတစ်ခု ဖြစ်လာခဲ့သည်။ ထရမ့်က နိုအမ်သည် ပြည်တွင်းလုံခြုံရေးဝန်ကြီးအဖြစ် တာဝန်ထမ်းဆောင်စဉ် အထူးသဖြင့် နယ်စပ်လုံခြုံရေးနှင့် လူဝင်မှုကြီးကြပ်ရေးကိစ္စများကို ကိုင်တွယ်ရာတွင် ထူးခြားသော ရလဒ်များ ရရှိစေခဲ့ကြောင်း ချီးကျူးပြောကြားခဲ့သည်။ သို့သော် နိုအမ်၏ လက်အောက်တွင်ရှိသည့် လူဝင်မှုကြီးကြပ်ရေးနှင့် အကောက်ခွန်အဖွဲ့ဝင်များက Minneapolis မြို့တွင်...

မတ် ၅ The Kaladan Post   အရှေ့အလယ်ပိုင်းဒေသတွင် ဖြစ်ပွားနေသည့် အီရန်နှင့် အစ္စရေးအကြား စစ်ရေးပဋိပက္ခသည် ယခုအခါ (၆) ရက်မြောက်နေ့သို့ ရောက်ရှိလာပြီး ဒေသတွင်းနိုင်ငံများအထိ စစ်ရေးတင်းမာမှုများ တဖြည်းဖြည်း ပြန့်နှံ့လာနေကြောင်း နိုင်ငံတကာ သတင်းရင်းမြစ်များက ဖော်ပြထားသည်။ မတ်လ ၅ ရက်နေ့တွင် ထွက်ပေါ်လာသည့် သတင်းများအရ အစ္စရေး စစ်တပ်သည် အီရန်နိုင်ငံ မြို့တော် တီဟီရန် (Tehran) အနီးပတ်ဝန်းကျင်ရှိ အခြေခံအဆောက်အအုံများကို ပစ်မှတ်ထားကာ အကြီးစား လေကြောင်းတိုက်ခိုက်မှု လှိုင်းသစ်တစ်ရပ် စတင်ခဲ့ကြောင်း ကြေညာခဲ့သည်။ ထိုတိုက်ခိုက်မှုများအတွင်း တီဟီရန်မြို့ပေါ်တွင် ပေါက်ကွဲသံများ ဆက်တိုက်ကြားခဲ့ရကြောင်း ဒေသခံသတင်းများတွင် ဖော်ပြထားသည်။ တချိန်တည်းတွင် အီရန်ဘက်ကလည်း အစ္စရေးနိုင်ငံကို ဒုံးကျည်လှိုင်းများဖြင့် ပြန်လည်ပစ်ခတ်ခဲ့ရာ ဂျေရုဆလင် (Jerusalem) မြို့ပေါ်တွင် ပေါက်ကွဲသံများ ဆူညံခဲ့ကြောင်း သိရသည်။ ထို့အပြင် အစ္စရေး စစ်တပ်သည် လက်ဘနွန်နိုင်ငံ မြို့တော် ဘေရွတ် (Beirut) တောင်ပိုင်းရှိ ဟစ်ဇ်ဘိုလာ (Hezbollah) အဖွဲ့၏ အမာခံနယ်မြေများကို လေကြောင်းမှ ဗုံးကြဲတိုက်ခိုက်ခဲ့ရာ ယင်းတိုက်ခိုက်မှုအတွင်း ဟားမတ်စ် (Hamas) အဖွဲ့၏ အဆင့်မြင့်ခေါင်းဆောင်တစ်ဦး သေဆုံးခဲ့ကြောင်း သတင်းများက ဖော်ပြသည်။ ၎င်းသည် ယခုစစ်ပွဲစတင်ပြီးနောက် ဟားမတ်စ်ခေါင်းဆောင်တစ်ဦးကို ပထမဆုံးအကြိမ် တိတိကျကျ ပစ်မှတ်ထားတိုက်ခိုက်နိုင်ခဲ့သည့် ဖြစ်ရပ်ဖြစ်ကြောင်းလည်း သိရသည်။ စစ်ရေးတင်းမာမှုများသည် ပင်လယ်ကွေ့ဒေသနိုင်ငံများအထိ ရိုက်ခတ်လာနေသည်။ ကာတာနိုင်ငံ မြို့တော် ဒိုဟာ (Doha) ကောင်းကင်ယံတွင် ပေါက်ကွဲသံများ ကြားခဲ့ရပြီး ကာတာစစ်တပ်သည်...