Author: Salai

‌ရေဦးမြို့အနီး ရွှေကျီးမင်းဂိတ်တိုက်ခိုက်ခံရပြီး စစ်ကောင်စီတပ်ဖွဲ့ဝင် ၁၃ ဦး သေဆုံး ဇန်န ၁၃ The Kaladan Post စစ်ကိုင်းတိုင်း၊ ရေဦးမြို့ အနောက်ဘက်အထွက်ရှိ ရွှေကျီးမင်းဂိတ် (ယခင်ကုန်စုံဆိုင်တည်ရာ)ကို ၂၀၂၆ ခုနှစ် ဇန်နဝါရီ ၈ရက် မနက်၅နာရီခန့်က ရေဦးကော်လံစစ်ကြောင်း ဦးဆောင်ပြီး တော်လှန်ရေးပူးပေါင်း တပ်များ ဝင်ရောက်တိုက်ခိုက်ခဲ့ကြောင်း ရွှေဘိုခရိုင်တပ်ရင်း ၂၄ က ထုတ်ပြန်သည်။ အပြန်အလှန် ပစ်ခတ်မှု ၄၅ မိနစ်ခန့် ကြာမြင့်ခဲ့ပြီး စစ်ကောင်စီတပ်ဖွဲ့မှ ဗိုလ်တစ်ဦး အပါအဝင် အနည်းဆုံး ၉ ဦး သေဆုံးခဲ့ကြောင်း ရေဦးကော်လံ စစ်ကြောင်း တာဝန်ရှိသူက ပြောကြားသည်။ ဂိတ်အတွင်း ကျန်ရှိ နေသော စစ်ကောင်စီတပ်သားများမှာ ဆိုင်ကယ်ဖြင့် ရေဦးမြို့ထဲသို့ ထွက်ပြေးသွားခဲ့ကြောင်း သိရ သည်။ ထို့အပြင် ပွိုင့် ၅ တင်လာသော ကားတစ်စီးကိုလည်း ပူးပေါင်းတပ်ဖွဲ့က ပစ်ခတ်တိုက်ခိုက်ရာ ယာဉ်မောင်းသူ ကျည်ထိမှန်သေဆုံးပြီး ကားတိမ်းမှောက်ကာ ကားပေါ်ပါ စစ်ကောင်စီတပ်သား ၄ ဦး ထပ်မံ သေဆုံးခဲ့သည်။ စုစုပေါင်း စစ်ကောင်စီဘက်မှ ၁၃ ဦး သေဆုံးခဲ့ကြောင်း သိရှိရသည်။ ဤ တိုက်ခိုက်မှုကို ရေဦးကော်လံ စစ်ကြောင်း ဦးဆောင်ပြီး ရွှေဘိုခရိုင် တပ်ရင်း (၁၁)၊ (၁၄)၊ (၂၄) နှင့် ဒေသတွင်း တော်လှန်ရေးအင်အားစုများ ပူးပေါင်း ဝင်ရောက်တိုက်ခိုက်ခဲ့ဖြစ်သည်။ စစ်တပ်၏ရွေးကောက်ပွဲ အောင်မြင်မှုကို နိုင်ငံတကာ အံ့ဩဟု ဇော်မင်းထွန်း ပြောဆို ဇန်န...