Author: Salai

ဇွန် ၁၉၊ ၂၀၂၆ The Kaladan Post   အမေရိကန် ဒုတိယသမ္မတ ဂျေဒီဗန့်စ် (JD Vance) ဟာ အီရန်နဲ့ ငြိမ်းချမ်းရေးဆွေးနွေးဖို့ ဆွစ်ဇာလန်နိုင်ငံ၊ ဂျီနီဗာမြို့ကို သွားရောက်မယ့် ခရီးစဉ်ကို ရုတ်တရက် ဖျက်သိမ်းလိုက်တယ်လို့ အိမ်ဖြူတော်က ဇွန်လ ၁၈ ရက်နေ့မှာ ထုတ်ပြန်လိုက်ပါတယ်။ အမေရိကန်နဲ့ အီရန်ကြား စစ်ပွဲအဆုံးသတ်ရေး ၁၄ ချက်ပါ သဘောတူညီချက်ကို အကောင်အထည်ဖော်ဖို့ သွားရောက်မှာဖြစ်ပေမဲ့ အီရန်ဘက်က ဒီခရီးစဉ်ဟာ မလိုအပ်ဘူးလို့ ဆိုလာတာကြောင့် ခုလို ဖျက်သိမ်းလိုက်တာ ဖြစ်တယ်လို့ သိရပါတယ်။ ပြီးခဲ့တဲ့ ဗုဒ္ဓဟူးနေ့ကပဲ အမေရိကန်နဲ့ အီရန် သမ္မတနှစ်ဦးဟာ အပစ်ရပ်စာချုပ်ကို အသီးသီး လက်မှတ်ရေးထိုးထားပြီး ဖြစ်တာကြောင့် ထပ်မံပြီး လက်မှတ်ထိုးပွဲ အခမ်းအနားလုပ်ဖို့ မလိုတော့ဘူးလို့ အီရန်နိုင်ငံခြားရေးဝန်ကြီးဌာနက ပြောကြားထားပါတယ်။ အီရန်ဘက်ကတော့ နောက်ထပ် ငြိမ်းချမ်းရေး ဆွေးနွေးပွဲတွေ မစတင်ခင်မှာ အမေရိကန်ဘက်က ယာယီသဘောတူညီချက်တွေကို အမှန်တကယ် လုပ်ဆောင်နေပြီလားဆိုတဲ့ လက္ခဏာတွေကို အရင်မြင်ချင်နေတာ ဖြစ်တယ်လို့ ဆိုပါတယ်။ “ဒီညှိနှိုင်းမှုတွေရဲ့ လုပ်ငန်းစဉ်တွေဟာ ဘယ်တုန်းကမှ မရိုးရှင်းသလို ခန့်မှန်းရလည်း ခက်ခဲပါတယ်” လို့ အိမ်ဖြူတော် ပြောရေးဆိုခွင့်ရှိသူက ပြောပါတယ်။ အခုသဘောတူညီချက်အရ အပစ်ရပ်စဲမှုကို ရက်ပေါင်း ၆၀ ထပ်မံ သက်တမ်းတိုးမှာဖြစ်ပြီး ဟောမုဇ်ရေလက်ကြားကိုလည်း ပြန်ဖွင့်ပေးမှာ ဖြစ်ပါတယ်။ ဒါ့အပြင် အီရန်အတွက် ဒေါ်လာ ၃၀၀ ဘီလီယံတန် ပြန်လည်ထူထောင်ရေး ရန်ပုံငွေကိုလည်း ထည့်သွင်းထားပါတယ်။ နျူကလီးယားကိစ္စမှာတော့ အီရန်က...