Author: Salai

  စက်တင် ၂၅ The Kaladan Post ကရင်နီပြည်နယ်၊ လွိုင်ကော်-ဒီးမော့ဆို-ဖရူဆို-ဘောလခဲ လမ်းမကြီးတစ်လျှောက် စစ်ကောင်စီ တပ်များ စစ်ကြောင်းထိုးနေသဖြင့် ရက်အကန့်အသတ်မရှိ ပိတ်ထားကြောင်း Karenni Nationlities Defence Force ကသတင်းထုတ်ပြန်ထားပါသည်။ အဆိုပါထုတ်ပြန်ချက်နှင့်ပတ်သက်ပြီး KNDF၏ တာဝန်ရှိသူတစ်ဦးက “ ဒီကျွန်တော်တို့ ယာယီပိတ်ပင်ထားတဲ့နယ်မြေဘက်ကို စစ်ကောင်စီတပ်က ဩဂုတ်လကတည်းကနေ စစ်ကြောင်းထိုးလာတာဖြစ်ပါတယ် ။ လွိုင်ကော်- ဒီမော်ဆို လမ်းမကြီး တစ်လျှောက်ကို စစ်ရေးလှုပ်ရှားပြီးတော့မှ ဒီဒီးမော့ဆိုမြို့ထဲကို စစ်တပ်တွေဝင်လာတာဖြစ်ပါတယ် ဒီစက်တင်ဘာလမှ စစ်ကောင်စီယာဥ်တန်း တစ်ချို့ရရှိခဲ့တာရှိပါတယ်။  ပြီးတော့ ဒီးမော့ဆိုမှာ စကစတွေက ရိက္ခာတွေ ခဲယမ်းတွေဖြည့်ပြီးတော့မှ ဖရူဆိုဘက် လမ်းမကြီးတစ်လျှောက်ကို စစ်‌ရေးလှုပ်ရှာနေတာဖြစ်တယ်  စစ်ကြောင်းထိုးတာတွေကတော့မရှိသေးဘူးဗျ ဒီ စစ်ကောင်စီတွေ  ဘောလခဲဘက်ကို ဦးတည်နေပါတယ် အခုကတော့ ဒီးမော့ဆိုအနီးရှိ ကျေးရွာတွေကို စစ်ကြောင်း ထိုးတာရှိတယ် ကျွန်တော်တို့နှင့် နှစ်ကြိမ်ထိတွေ့မှုရှိပြီဗျ အဲ့ဒါကြောင့် စစ်ရေးအခြေအနေအရ လုံခြုံမှုမရှိသဖြင့် ရက်အကန့်အသတ်မရှိ ပိတ်ပင်ထားခြင်းဖြစ်ပါတယ်’ ဟု The Kaladan Post သို့ ပြောဆိုသည်။ အဆိုပါစစ်ကြောင်းသည် ၂၀၂၅ ခုနှစ် ၊ သြဂုတ်လမှစ၍ စစ်ကောင်စီ၏ စစ်ကြောင်း များသည် ဒီးမော့ဆိုမှ ဖရူဆိုမြို့သို့ လမ်းမကြီးတစ်လျှောက် ထိုးစစ်ဆင်လာ၍ စက်တင်ဘာလအထိ တိုက်ပွဲများ  ဖြစ်ပွားခဲ့ကြောင်းသိသည်။ ထို့အတူ စက်တင်ဘာလအတွင်း စစ်ကောင်စီ၏ စစ်ယဉ် တန်းအချို့မှာ ဖရူဆိုမြို့အတွင်းသို့ ဝင်ရောက်နိုင်ခဲ့ပြီး ဖရူဆိုမြို့နယ်ရှိ စစ်ကောင်စီ စစ်ကြောင်း အချို့မှာ ရိက္ခာ ၊ ခဲယမ်း ၊ လူအင်အား ဖြည့်တင်း၍ စက်တင်ဘာလ (၂၀) ရက်နေ့မှစ၍ ဘောလခဲ လမ်းမကြီးဖက်သို့ ဦးတည်၍ စစ်ရေးလှုပ်ရှားမှုများ ရှိလာကာ မိမိတို့တပ်များနှင့်လည်း ထိတွေ့မှု အချို့ ရှိခဲ့သည်။ ထိုသို့ စစ်ရေးလှုပ်ရှားမှုများရှိနေသဖြင့် ပြည်သူများအနေဖြင့် အန္တရာယ်ကို သတိ ကြီးကြီးထားကာ မလိုလားအပ်သော ထိခိုက်မှုများမဖြစ်ပေါာစေရန် အတွက် အဆိုပါလမ်းမကြီး အား ယာယီပိတ်ပင်ထားခြင်းဖြစ်ပြီး အရေးပေါ်ကိစ္စရပ်များရှိပါက သတင်းအချက်အလက် ခိုင်မာ စွာပေးနိုင်သော တော်လှန်ရေးတပ်ရင်းတပ်ဖွဲ့များထံ နယ်မြေအခြေအနေကို မေးမြန်းပြီးမှသာ ပြုလုပ်ကြရန် ၎င်းထုတ်ပြန်ချက်တွင်...

စက်တင် ၂၄ The Kaladan Post စစ်ကိုင်းတိုင်းဒေသကြီး၊ ပုလဲမြို့နယ်အတွင်းရှိ စစ်ဘေးရှောင်အိမ်ထောင်စု ၄၁၀စုအတွက် ဆန် ၈၃ အိတ်နှင့် စားသုံးဆီ ၁၉၀ပိဿာတို့ကို “Sosia” နှင့် “ရွှေညာသူ”တို့မှ စေတနာရှိစွာဖြင့် ကူလှူဒါန်းပေး ကြောင်း ကျားသစ်နက်တပ်တော်မတော် Black Leopard Army က သတင်းထုတ်ပြန်ထားပါသည်။ ဤလှူဒါန်းမှုကို ကျားသစ်နက်တပ်မတော် (BLPA) မှ မြေပြင်အရောက် ပို့ဆောင်ဖြန့်ဝေပေးခဲ့ပြီး၊ ရပ်ကျေးမှ တာဝန်ရှိသူများ၏ ပူးပေါင်းပါဝင်ကူညီမှုနှင့် ရဲဘော်များ၏ စွမ်းအားစိုက်ထုတ်လုပ် ဆောင်မှုကြောင့် အောင်မြင်စွာဆောင်ရွက်နိုင်ခဲ့ပါသည်။ ဤသို့ထောက်ပံ့ကူညီမှုနှင့် ပတ်သက်ပြီး ကျားသစ်နက်တပ်တော်မတော် Black Leopard Army ၏ တာဝန်ခံ ကိုဥက္ကာက” အခုလိုကျွန်တော် တို့ကူညီပေးနေတယ်ဆိုတာကလည်း စစ်ဘေးရှောင်ပြည်သူတွေကို ဒါလေးလှူချင်ပါတယ်ဆိုပြီး လာပြောတဲ့သူတွေရှိရင် ကျွန်တော်တို့က အလှူရှင်တွေခြင်တဲ့ပုံစံအတိုင်း ကြားခံအဖြစ်ဆောင်ရွက် ပေးတာဘဲဖြစ်ပါတယ် ကျွန်တော်တို့ တပ်ရင်းတပ်ဖွဲ့သည် ပြည်သူနဲ့ တစ်သားတည်းနေရမယ် ပြည်သူတွေ ချမ်းသာရင် ကျွန်တော်တို့လည်း အဆင်ပြေမည် ပြည်သူတွေ ငတ်ရင် ကျွန်တော်တို့ လည်းငတ်မယ် ဒါကြောင့် တတ်နိုင်တာ ဝင်ကူညီပေးတာဖြစ်ပါတယ် “ဟု The Kaladan Post သို့ ပြောဆိုသည်။ သို့သော် လက်ရှိတွင် စစ်ဘေးရှောင်အိမ်ထောင်စု ၂,၀၀၀ ကျော်အတွက် လှူဒါန်းရန် လိုအပ်ချက်များ ကျန်ရှိနေဆဲဖြစ်သည်။ ထပ်မံပါဝင်လှူဒါန်းလိုသူများအနေဖြင့် ကိုဥက္ကာ၏ Facebook အကောင့် (သို့မဟုတ်) ကျားသစ်နက်တပ်မတော်၏ Facebook Page Messenger မှ တစ်ဆင့် ဆက်သွယ်ပါဝင်အားဖြည့်နိုင်ပါကြောင်း ၎င်းထုတ်ပြန်ချက်တွင် ဖော်ပြထားပါသည်။ ကျားသစ်နက်တပ်မတော် (BLPA) ၏ ခြေလှမ်းတိုင်းသည် ဖိနှိပ်ခံပြည်သူလူထု၏ အကျိုးစီးပွား အတွက်သာဖြစ်ကြောင်းနှင့် စစ်ဘေးရှောင်ပြည်သူများ၏ လိုအပ်ချက်များကို ဖြည့်ဆည်းပေးရာ တွင် စေတနာရှင်များ၏ ပါဝင်ကူညီမှုသည် အလွန်အရေးပါပြီး၊ ဆက်လက်၍ ပူးပေါင်းပါဝင် ကြပါရန် ကျားသစ်နက်တပ်တော်မတော် Black Leopard Army ၏ တာဝန်ခံ ကိုဥက္ကာက တိုက်တွန်း...

  စက်တင် ၂၄ The Kaladan Post ၂၀၂၅ ခုနှစ်၊ စက်တင်ဘာ ၂၃ရက်နေ့တွင် မုံရွာခရိုင်၊ ချောင်းဦးမြို့နယ်၊ နတ်ရေကန်စစ်ကောင်စီ ဂိတ်မှ ထွက်ခွာလာသော စစ်ကောင်စီတပ်ဖွဲ့ဝင်များပါဝင်သည့် ဒိုင်နာ (၆) ဘီးကားတစ်စီးအား အောင်မြင်စွာ မိုင်းဆွဲတိုက်ခိုက်နိုင်ခဲ့ကြောင်း People’s Defence Force – South Monywa က သတင်းထုတ်ပြန်ထားပါသည်။ အဆိုပါတိုက်ခိုက်မှုနှင့်ပတ်သက်ပြီး People’s Defence Force- South Monywa တပ်ဖွဲ့ရဲတာဝန်ရှိသူတစ်ဦးက “ ကျွန်တော်တို့တိုက်ခိုက်ခဲ့တဲ့ စစ်ကောင်စီကားမှာ တပ်အင်အား ၄၀ခန့်ပါတယ်ခင်ဗျ ၎င်း စစ်ကောင်စီတပ်တွေက နတ်ရေကန်ကနေပြီးတော့ မြင်းမူးဘက်ကို ဦးတည်သွားတာ‌ဖြစ်တယ် ယခုစစ်ကောင်စီတွေက ဂွေးပင်တော့မှာ တပ်အင်အား (၇၀)နှင့် (၈၀) ပါတ်ချာလည်နေသလို နတ်ရေကန်မှာ အထိုင်ချတဲ့ စစ်ကောင်စီအင်အား ( ၆၀) ဝန်းကျင်လည်းဘဲ ဘယ်မှမသွားနိုင်ဘဲ ပတ်ချာလည်နေကြပါတယ်” ဟု The Kaladan Post သို့‌ ပြောဆိုသည်။ ဤတိုက်ခိုက်မှုကို မုံရွာခရိုင်စစ်ဌာန၊ ဗျူဟာအမှတ် (၆၄)၊ မုံရွာခရိုင်အမှတ် (၁၁) တပ်ရင်းနှင့် People’s Defence Force – South Monywaတို့က ပူးပေါင်းတိုက်ခိုက်ခဲ့ခြင်းဖြစ်သည်။ တိုက်ခိုက်မှုကို ၂၀၂၅ ခုနှစ်၊ စက်တင်ဘာ ၂၂ ရက်၊ ညနေ ၅ နာရီ ၄၇ မိနစ်တွင် ချောင်းဦးမြို့နယ်၊ နတ်ရေကန်နှင့် ရေပိုးစားရွာကြားရှိ နေလကျောက်ခွဲစက်အနီးတွင် ဆောင်ရွက်ခဲ့ခြင်းဖြစ်သည်။ ဤစစ်ဆင်ရေးတွင် ပဒေသာမိုင်း (၃) လုံးနှင့် (၁) ပွိုင့်တို့ဖြင့် အောင်မြင်စွာ မိုင်းဆွဲတိုက်ခိုက်ခဲ့ ခြင်းဖြစ်သည်။ တိုက်ခိုက်မှုအတွင်း စစ်ကောင်စီဘက်မှ ထိခိုက်ကျဆုံးမှု အရေအတွက်ကိုမူ လက်ရှိတွင် အတိအကျ မသိရှိရသေးပါ။ မိုင်းဆွဲတိုက်ခိုက်ပြီးနောက် ရန်သူဘက်မှ ပြန်လည် ပစ်ခတ်တိုက်ခိုက်ခဲ့သော်လည်း၊ တော်လှန်ရေးပူးပေါင်းတပ်ဖွဲ့ဘက်မှ အထိအခိုက်မရှိ အောင်မြင်စွာ...