Author: Salai

၁။ ဘုတ်ပြင်းနှင့် ပခုက္ကူတွင် တိုက်ပွဲများဖြစ်ပွားပြီး စစ်တပ်ဘက်မှ ၆ ဦးသေဆုံး ဇူလိုင် ၁ The Kaladan Post တနင်္သာရီတိုင်း၊ ဘုတ်ပြင်းမြို့နယ်တွင် ဇွန်လ ၂၁ ရက်နေ့ နံနက်ပိုင်းက တော်လှန်ရေးတပ်ဖွဲ့များ၏ စစ်ဆေးရေးဂိတ်ကို အကြမ်းဖက်စစ်ကောင်စီတပ်က နှစ်ဖက်ညှပ်တိုက်ခိုက်ရာ တိုက်ပွဲ ၂ ကြိမ်ဖြစ်ပွားခဲ့သည်။ အင်အား ၉၀ ခန့်ပါ စစ်ကြောင်းနှစ်ခုက ချောင်းမွန်နှင့် ဝါးဒင်းကျေးရွာအကြား ဂိတ်ကို လက်နက်ငယ်များဖြင့် ပစ်ခတ်ခဲ့သည်။ တော်လှန်ရေးတပ်ဖွဲ့များက လက်နက်ကြီး၊ လက်နက်ငယ်များဖြင့် မိနစ် ၃၀ ခန့် ပြန်လည်ခုခံခဲ့ပြီး အထိအခိုက်မရှိ ဆုတ်ခွာနိုင်ခဲ့သည်။ ဒုတိယအကြိမ်တိုက်ခိုက်မှုတွင်လည်း စစ်ကောင်စီတပ်သားများ ထိခိုက်သေဆုံးမှုရှိသော်လည်း အရေအတွက်ကို အတည်မပြုနိုင်သေးပေ။ ဤစစ်ဆင်ရေးကို KNLA တပ်ရင်း (၂၀၃)၊ ကော့သောင်းခရိုင်အမှတ် (၁) တပ်ရင်း၊ S.O.F (PDF) နှင့် ဘုတ်ပြင်းပြည်သူ့ကာကွယ်ရေးအဖွဲ့များက ပူးပေါင်းဆောင်ရွက်ခဲ့သည်။ အလားတူ မကွေးတိုင်း၊ ပခုက္ကူမြို့နယ်တွင် ဇွန်လ ၂၉ ရက်နေ့ နံနက် ၁၀:၃၀ ခန့်က ရိက္ခာပို့စစ်ကြောင်းနှင့် ကမ္မရဲစခန်းကို တော်လှန်ရေးတပ်ဖွဲ့များက ရော့ကတ်များဖြင့် တိုက်ခိုက်ခဲ့ရာ စစ်သား ၆ ဦးသေဆုံးခဲ့သည်။ ရဲစခန်းအတွင်း ရော့ကတ် ၂ လုံးနှင့် အရှေ့ဘက်ဘန်ကာတွင် ၁ လုံး ကျရောက်ပေါက်ကွဲခဲ့သည်။ စစ်ကောင်စီက ၆၀ မမ လက်နက်ကြီး ၄ လုံးဖြင့် ပြန်လည်ပစ်ခတ်ခဲ့သော်လည်း တော်လှန်ရေးတပ်များ ဘေးကင်းစွာ ဆုတ်ခွာနိုင်ခဲ့သည်။ ဇွန်လ ၂၇ ရက်ကလည်း ရော့ကတ်ဖြင့်...

၁။ ဖြူးမြို့နယ် ဝဲဒေါင့်ရွာ စစ်တပ်ကင်းစခန်း တိုက်ခိုက်သိမ်းပိုက်မှု ၁၀ ဦးသေဆုံး ဇွန် ၃၀ The Kaladan Post ပဲခူးတိုင်း၊ ဖြူးမြို့နယ်၊ ဝဲဒေါင့်ရွာရှိ စစ်တပ်ကင်းစခန်းကို တော်လှန်ရေးတပ်များက တိုက်ခိုက်သိမ်းပိုက်ရာ စစ်တပ်ဘက်မှ ၁၀ ဦးသေဆုံးပြီး အလောင်း ၅ လောင်း သိမ်းဆည်းရမိကြောင်း ပြည်သူ့ကာကွယ်ရေး တပ်မတော် (PDF) စစ်ရေးသတင်းရင်းမြစ်က ပြောကြားသည်။ ဇွန် ၂၉ ရက် နံနက် ၂:၃၀ မှ စတင်တိုက်ခိုက်ခဲ့ပြီး နံနက် ၇:၃၀ တွင် စခန်းကို အပြီးသတ်သိမ်းပိုက်ကာ မီးရှို့ဖျက်ဆီးခဲ့သည်။ ဤစစ်ဆင်ရေးကို PDF ဗျူဟာ ၂၄၊ ဧရာဝတီစစ်ကြောင်း၊ ဟင်္သတခရိုင်တပ်ရင်းနှင့် ဖြူးမြို့နယ်နှင့် ရန်ကုန်တိုင်း PDF အဖွဲ့များက ပူးပေါင်းဆောင်ရွက်ခဲ့သည်။ သိမ်းပိုက်ပြီးနောက် စစ်ကောင်စီက လေကြောင်းတိုက်ခိုက်မှုနှင့် လက်နက်ကြီးများဖြင့် ပစ်ခတ်ခဲ့ရာ ဝဲကြီးနှင့် ဝဲထောင့်ရွာမှ ပြည်သူ ၄ ဦးသေဆုံးပြီး အများအပြား ဒဏ်ရာရရှိခဲ့ကြောင်း သိရသည်။ စစ်ကောင်စီ၏ ဂိတ်စခန်းသည် ပြည်သူများကို ဒုက္ခပေးနေသဖြင့် တိုက်ခိုက်ခဲ့ခြင်းဖြစ်ကာ စခန်းသိမ်းပိုက်ပြီးနောက် ရှင်းလင်းရေးလုပ်ဆောင်ပြီး ဆုတ်ခွာခဲ့သည်ဟု PDF သတင်းရင်းမြစ်က ဆိုသည်။       ၂။ ကျောက်မဲမြို့သို့ စစ်ကောင်စီ လေကြောင်းဖြင့် ဗုံး ၈ လုံးထက်မနည်းကြဲချ ဇွန် ၃၀ The Kaladan Post ရှမ်းပြည်နယ်မြောက်ပိုင်း၊ ကျောက်မဲမြို့အား စစ်ကောင်စီက ယမန်နေ့ ဇွန် ၂၉...

၁။ ချင်းတွင်းမြစ်ကြောင်း စစ်သင်္ဘောအုပ်စုအား တိုက်ခိုက်မှု စစ်ကောင်စီတပ်သားများ ထိခိုက်သေဆုံးမှုရှိ ဇွန် ၂၉ The Kaladan Post စစ်ကိုင်းတိုင်း၊ ဆားလင်းကြီးမြို့နယ်ရှိ ချင်းတွင်းမြစ်ကြောင်းအတိုင်း ဆန်တက်လာသော စစ်သင်္ဘော အုပ်စုအား တော်လှန်ရေးတပ်ဖွဲ့များက တိုက်ခိုက်ရာ စစ်ကောင်စီတပ်သားများ ထိခိုက်သေဆုံးမှုရှိကြောင်း ချင်းတွင်းဒိုင်းနမိုက် ပြည်သူ့ကာကွယ်ရေးတပ်ဖွဲ့ (Salingyi) ခေါင်းဆောင် ကိုဗိုက်က ပြောသည်။ ဇွန်လ ၂၈ ရက် မွန်းလွဲ ၂ နာရီခန့်တွင် ရှေ့ထွက်မိုင်းများနှင့် လက်နက်ငယ်များဖြင့် သုံးနေရာခွဲ၍ တိုက်ခိုက်ခဲ့သည်။ တိုက်ပွဲမှာ တစ်နာရီခန့်ကြာမြင့်ပြီး စစ်သင်္ဘောများမှ ပစ်ကူပေးကာ ဆက်လက်ဆန်တက်သွားသည်။ သေဆုံးမှု အရေအတွက်ကို အတည်မပြုနိုင်သေးပေ။ တိုက်ခိုက်မှုကို ချင်းတွင်းဒိုင်းနမိုက် ပြည်သူ့ကာကွယ်ရေးတပ်ဖွဲ့အပါအဝင် မဟာမိတ်ညီနောင်အဖွဲ့များ ဖြစ်သည့် တောင်ပံနီအထူးပြောက်ကျားတပ်ဖွဲ့၊ 5/Fighter Group Local PDF (Monywa)၊ SOLO AUNG GYI (Salingyi) နှင့် အခြားအဖွဲ့များက ပူးပေါင်းဆောင်ရွက်ခဲ့သည်။ အထိအခိုက်မရှိ ပြန်လည်ဆုတ်ခွာနိုင်ခဲ့ ကြောင်း သိရသည်။ ဆက်လက်၍ တိုက်ပွဲများ ဆင်နွှဲနိုင်ရန် ပြည်တွင်း၊ ပြည်ပထောက်ပို့အဖွဲ့များထံမှ ထောက်ပံ့မှုများ လိုအပ်နေကြောင်း ကိုဗိုက်က မေတ္တာရပ်ခံသည်။ ၂။ စစ်ကိုင်းမြို့နယ်တွင် တိုက်ပွဲဖြစ်ပွားပြီး စစ်တပ်ဘက်မှ ၄ ဦးသေဆုံး ဇွန် ၂၉ The Kaladan Post စစ်ကိုင်းတိုင်း၊ စစ်ကိုင်းမြို့နယ်၊ ချောင်းမကြီးရွာအနီး ဧရာဝတီမြစ်ကမ်းဘေးတွင် ဇွန်လ ၂၇ ရက် နံနက်ပိုင်းက စစ်တပ်နှင့် ပြည်သူ့ကာကွယ်ရေးတပ်များအကြား တိုက်ပွဲဖြစ်ပွားခဲ့သည်။ တိုက်ပွဲအတွင်း...