Author: Salai

စက်တင် ၂ The Kaladan Post   အမျိုးသားဒီမိုကရေစီအဖွဲ့ချုပ် (NLD) က ရန်ကုန်၊ ပန်းဘဲတန်းမြို့နယ် ပြည်သူ့လွှတ်တော် ကိုယ်စားလှယ်၊ ပြည်ထောင်စုလွှတ်တော်ကိုယ်စားပြုကော်မတီ (CRPH)၏ ပြောရေးဆိုခွင့်ရှိသူ ဦးစည်သူမောင်အား ပါတီဝင်အဖြစ်မှ ယာယီရပ်ဆိုင်းရန် ဆုံးဖြတ်လိုက်ခြင်းသည် ပြင်းထန်သော အငြင်းပွားမှုများကို ဖြစ်ပေါ်စေခဲ့သည်။ ဩဂုတ်လ ၃၀ ရက်နေ့က ကျင်းပခဲ့သော ပြည်နယ်နှင့်တိုင်း NLD ပါတီ ပုံမှန်အစည်းအဝေးတွင် ချမှတ်ခဲ့သည့် ဤဆုံးဖြတ်ချက်အား ဦးစည်သူမောင်က လုပ်ထုံးလုပ်နည်းနှင့် လုပ်ပိုင်ခွင့်အာဏာဆိုင်ရာ မေးခွန်းထုတ်မှုများဖြင့် ပြင်းပြင်းထန်ထန် ပြန်လည်တုံ့ပြန်ခဲ့သည်။ အဆိုပါအစည်းအဝေးတွင် ဦးစိုးထက် (ခ) ဆလိုင်းမဲလုအား ပါတီမှ ထုတ်ပယ်ရန် ဆုံးဖြတ်ခဲ့ပြီး ၎င်း၏ ထုတ်ပယ်ခြင်းကို တရားဝင် ကြေညာခဲ့သော်လည်း ဦးစည်သူမောင်ကို ပါတီဝင်အဖြစ်မှ ယာယီရပ်ဆိုင်းထားသည့် ကိစ္စမှာမူ ပြည်သူသို့ တရားဝင် ထုတ်ပြန်ထားခြင်း မရှိသေးသည့်အပြင် ကာယကံရှင် ဦးစည်သူမောင်ထံသို့လည်း အကြောင်းကြားခြင်း မရှိသေးပေ။ ၂၀၂၀ ရွေးကောက်ပွဲတွင် လွှတ်တော်ကိုယ်စားလှယ်အဖြစ် အနိုင်ရခဲ့ပြီး စစ်အာဏာ သိမ်းပြီးနောက် CRPH နှင့် အမျိုးသားညီညွတ်ရေးအတိုင်ပင်ခံကောင်စီ (NUCC) တို့တွင် တက်ကြွစွာ လှုပ်ရှားနေသူ ဦးစည်သူမောင်က ၎င်း၏ Facebook စာမျက်နှာမှတစ်ဆင့် ယင်းဆုံးဖြတ်ချက်သည် တရားမဝင်ကြောင်း ချက်ချင်းတုံ့ပြန်ခဲ့သည်။ ပါတီစည်းကမ်း ထိန်းသိမ်းရေးဆိုင်ရာ အရေးယူမှုများသည် စည်းကမ်းထိန်းသိမ်းရေးကော်မတီမှ စစ်ဆေးပြီး ဗဟိုအလုပ်အမှုဆောင်ကော်မတီ (CEC) မှသာ ဆုံးဖြတ်ရမည်ဖြစ်ကြောင်း၊ ယခု “CWC” အမည်ခံအဖွဲ့တွင် ထိုသို့လုပ်ပိုင်ခွင့်မရှိကြောင်း ၎င်းက ထောက်ပြခဲ့သည်။ The Kaladan...

တောင်ငူမြို့နယ် ပဒဲရွာအနီး စစ်ကြောင်းတိုက်ခိုက်ခံရ၊ စစ်သား ၁၀ ဦးသေဆုံး စက်တင် ၁ The Kaladan Post ပဲခူးတိုင်း၊ တောင်ငူမြို့နယ်၊ ပဒဲကျေးရွာအနီးတွင် စစ်တပ်စစ်ကြောင်းတစ်ခုကို တော်လှန်ရေးတပ်ဖွဲ့များက ကြားဖြတ်တိုက်ခိုက်ရာ စစ်သား ၁၀ ဦးသေဆုံးခဲ့ကြောင်း ဝရဇိန်တပ်ဖွဲ့ထံမှ သိရသည်။ ဩဂုတ်လ ၃၁ ရက် မွန်းလွဲ ၁၂ နာရီခန့်တွင် ပဒဲရွာမှ ထွက်ခွာလာသော အင်အား ၁၅၀ ပါ စစ်ကြောင်းကို ဝရဇိန်တပ်ဖွဲ့၊ သံတောင်မြောက်ပိုင်းပြည်သူ့ကာကွယ်ရေးတပ်ဖွဲ့၊ ပုဝါနီစစ်ကြောင်းနှင့် သမန်းကြားတပ်ဖွဲ့တို့က ပူးပေါင်းတိုက်ခိုက်ခဲ့သည်။ တိုက်ပွဲမှာ ၁ နာရီခန့်ကြာမြင့်ခဲ့ပြီး တော်လှန်ရေးတပ်ဖွဲ့များ အထိအခိုက်မရှိ ဆုတ်ခွာနိုင်ခဲ့သည်။ စစ်တပ်မှာ အထိနာပြီး ပဒဲရွာသို့ ပြန်လည်ဆုတ်ခွာသွားခဲ့သည်။ တောင်ငူမြို့နယ်အတွင်း စစ်တပ်က ကျေးရွာများသို့ စစ်ကြောင်းထိုးမှုများ မကြာခဏလုပ်ဆောင်လျက်ရှိပြီး၊ ရွေးကောက်ပွဲကာလမတိုင်မီ တည်ငြိမ်အေးချမ်းရေးဟု အကြောင်းပြချက်ဖြင့် ကျေးရွာများကို ဝင်ရောက်စီးနင်းမှုများ ပြုလုပ်လာကြောင်း ဒေသခံသတင်းရင်းမြစ်များထံမှ သိရသည်။ ဤတိုက်ခိုက်မှုသည် တော်လှန်ရေးတပ်ဖွဲ့များ၏ ပူးပေါင်းဆောင်ရွက်မှုကို ပြသသည့် နောက်ထပ်ဖြစ်ရပ်တစ်ခုဖြစ်သည်။ ယင်းမာပင်တွင် ရွှေရေကြည်သပိတ်စစ်ကြောင်း စစ်အာဏာရှင်ဆန့်ကျင်ရေး ဆန္ဒပြ စက်တင် ၁ The Kaladan Post ရန်ကုန်တိုင်း၊ ယင်းမာပင်မြို့နယ်တွင် ရွှေရေကြည်သပိတ်စစ်ကြောင်းက ဦးဆောင်ပြီး စစ်အာဏာရှင်ဆန့်ကျင်ရေး ချီတက်ဆန္ဒပြပွဲတစ်ခုကို ဩဂုတ်လ ၃၁ ရက်က ပြုလုပ်ခဲ့ ကြောင်း သိရသည်။ အောင်လံလွှင့်မည်အဖွဲ့အစည်းမှ ဦးဆောင်သည့် ယခုဆန္ဒပြပွဲသည် စစ်အာဏာသိမ်းမှုကို ဆန့်ကျင်သည့် လှုပ်ရှားမှုတစ်ရပ်ဖြစ်သည်။ ဆန္ဒပြသူများသည် စစ်အုပ်ချုပ်ရေးကို ဆန့်ကျင်ကြောင်း ကြွေးကြော်သံများဖြင့် မြို့နယ်အတွင်း...

လှည်းကူးရပ်ကွက်ရုံးကို မိုင်းဖြင့်တိုက်ခိုက်ရာ ထိခိုက်မှုရှိ ဩဂုတ် ၃၁ The Kaladan Post ရန်ကုန်တိုင်း၊ လှည်းကူးမြို့နယ်၊ အောင်မင်္ဂလာရပ်ကွက်ရုံးကို ဩဂုတ် ၃၀ ရက် ညနေ ၆ နာရီ ၅၀ မိနစ်တွင် ပြင်းအားမြင့်မိုင်း ၂ လုံးဖြင့် ဖောက်ခွဲတိုက်ခိုက်ခဲ့ရာ ထိခိုက်မှုရှိကြောင်း Yangon Army တပ်ဖွဲ့မှ တာဝန်ရှိသူတစ်ဦးက ပြောကြားသည်။ မိုင်းကို ရုံးအဝင်အထွက်လမ်းတွင် တပ်ဆင်ဖောက်ခွဲခဲ့ခြင်းဖြစ်သည်။ ထိခိုက်မှုအသေးစိတ်ကို ဆက်လက်စုံစမ်းနေဆဲ ဖြစ်ကြောင်း သိရသည်။ ယင်းရုံးတွင် အကြမ်းဖက်စစ်တပ်လက်အောက်ခံ အုပ်ချုပ်ရေးမှူးနှင့် လူမိုက်အဖွဲ့များ လှုပ်ရှားနေသည်ဟု ဆိုသည်။ အဆိုပါတိုက်ခိုက်မှုသည် အုပ်ကြီးနှင့် လူမိုက်အဖွဲ့များ၏ တရားမဝင်ရွေးကောက်ပွဲ လုပ်ဆောင်မှုနှင့် လူကုန်ကူးမှုများကို ပစ်မှတ်ထားခဲ့ခြင်းဖြစ်သည်ဟု Yangon Army က ဖော်ပြသည်။ စစ်ကောင်စီနှင့် ဆက်နွယ်သည့် ပစ်မှတ်များနှင့် တရားမဝင်ရွေးကောက်ပွဲတွင် ပါဝင်သူများကို ဆက်လက်တိုက်ခိုက်သွားမည်ဟု သတိပေးထားသည်။ Yangon Army သည် UG မဟာမိတ်များနှင့် ပူးပေါင်း၍ ပိုမိုထိရောက်သော တိုက်ခိုက်မှုများ စီစဉ်နေသည်ဟု ဆိုသည်။ ဂျုပ်ပင်ကျေးရွာတွင် ဆွမ်းလောင်းပွဲအတွင်း လူငယ် ၄ ဦး စစ်တပ်က ဖမ်းဆီး ဩဂုတ် ၃၁ The Kaladan Post မကွေးတိုင်း၊ ရေနံချောင်းမြို့နယ်၊ ဂျုပ်ပင်ကျေးရွာရှိ ရွာဦးဘုန်းကြီးကျောင်းတွင် ဩဂုတ် ၃၀ ရက် ဝါတွင်းဥပုသ်နေ့အခါသမယတွင် ဆွမ်းလောင်းရေစက်ချပွဲ ပြုလုပ်နေစဉ် စစ်တပ်နှင့် ရဲတပ်ဖွဲ့က ဝင်ရောက်ဖမ်းဆီးခဲ့ရာ ဘုန်းကြီးကျောင်းသား ၄ ဦး အဖမ်းခံခဲ့ရသည်ဟု...

နတ်မောက်တွင် စစ်တပ်လေကြောင်းဗုံးကြဲမှု ၁၄ နှစ်အရွယ်မိန်းကလေးသေဆုံး ဩဂုတ် ၃၀ The Kaladan Post မကွေးတိုင်း၊ နတ်မောက်မြို့နယ်၊ သနပ်ပေါက်တောတဲတိုက်ကို အကြမ်းဖက်စစ်တပ်က ဩဂုတ်လ ၃၀ ရက် နံနက် ၉ နာရီ ၁၅ မိနစ်တွင် စက်တပ်လေထီးဖြင့် ဗုံးကြဲတိုက်ခိုက်ခဲ့သည်။ ဤတိုက်ခိုက်မှုကြောင့် အသက် ၁၄ နှစ်အရွယ် မိန်းကလေးတစ်ဦးသေဆုံးပြီး အမျိုးသားတစ်ဦး ဒဏ်ရာပြင်းထန်ရရှိခဲ့ကြောင်း နတ်မောက်မြို့နယ် ပကဖတာဝန်ခံက ပြောကြားသည်။ ဗုံးကြဲမှုသည် တိုက်ပွဲဖြစ်ပွားခြင်းမရှိဘဲ ပြည်သူနေထိုင်ရာနေရာကို ပစ်မှတ်ထားလုပ်ဆောင်ခဲ့ခြင်းဖြစ်သည်။ လူနာအား ဆေးကုသမှုပေးထားပြီး အခြားနေရာများတွင် ထပ်မံဗုံးကြဲမှုမရှိကြောင်း သိရသည်။ အကြမ်းဖက်စစ်ကောင်စီသည် အပြစ်မဲ့ပြည်သူများ နေထိုင်ရာ ကျေးရွာများ၊ ဘာသာရေး အဆောက်အအုံများနှင့် စစ်ဘေးရှောင်စခန်းများကို လေကြောင်းဖြင့် ပစ်မှတ်ထားတိုက်ခိုက် လျက်ရှိသည်။ ထို့ကြောင့် ပြည်သူများအနေဖြင့် လေကြောင်းရန်ကာကွယ်ရေးနည်းလမ်း များကို လိုက်နာကျင့်သုံးရန်နှင့် ဗုံးခိုကျင်းများကို ခိုင်မာစွာ တည်ဆောက်ထားရန် တော်လှန်ရေးအင်အားစုများက တိုက်တွန်းထားသည်။ ကျောက်မဲတွင် စစ်တပ်၏ ဒရုန်းနှင့်လက်နက်ကြီးတိုက်ခိုက်မှု စစ်ဘေးရှောင်သေဆုံး ဩဂုတ် ၃၀ The Kaladan Post ရှမ်းပြည်နယ်မြောက်ပိုင်း၊ ကျောက်မဲမြို့နယ်တွင် စစ်တပ်က ဒရုန်းဖြင့်ဗုံးကြဲမှုနှင့် လက်နက်ကြီးဖြင့် ပစ်ခတ်မှုကြောင့် စစ်ဘေးရှောင် ဦးစိုးမောင် ကျည်ထိမှန်သေဆုံးခဲ့ကြောင်း ဒေသခံများနှင့် ပရဟိတအဖွဲ့ထံမှ သိရသည်။ ဩဂုတ်လ ၂၉ ရက် မွန်းလွဲ ၂ နာရီဝန်းကျင်တွင် ခိုက်တုန်ဟုန်းကျေးရွာသို့ လက်နက်ကြီးဖြင့် ပစ်ခတ်ခဲ့ရာ အသက် ၅၁ နှစ်အရွယ် ဦးစိုးမောင် လက်နက်ကြီးကျည်ထိမှန်ပြီး ပွဲချင်းပြီး သေဆုံးခဲ့သည်။...