Author: Salai

၁။ ညောင်လေးပင်ခရိုင်တွင် ၆ လအတွင်း တိုက်ပွဲ ၃၀၀ ဖြစ်ပွားပြီး စစ်သား ၂၄၂ ဦး သေဆုံး ဇူလိုင် ၁၆ The Kaladan Post ပဲခူးတိုင်း၊ ညောင်လေးပင်ခရိုင်တွင် ၂၀၂၅ ခုနှစ် ဇန်နဝါရီလမှ ဇွန်လအထိ ၆ လအတွင်း တိုက်ပွဲအကြိမ် ၃၀၀ ဖြစ်ပွားခဲ့ပြီး အကြမ်းဖက်စစ်ကောင်စီတပ်ဖွဲ့မှ ၂၄၂ ဦး သေဆုံးကာ လက်နက် ၂၀၉ လက် သိမ်းဆည်းရရှိခဲ့ကြောင်း KNU ညောင်လေးပင်ခရိုင်က ထုတ်ပြန်သည်။ တိုက်ပွဲများအတွင်း စစ်ကောင်စီတပ်သား ၁၈၉ ဦး ဒဏ်ရာရရှိ၊ ၇ ဦး လက်နက်ချ အလင်းဝင်ရောက်ပြီး ၂၅ ဦးကို အရှင်ဖမ်းမိခဲ့သည်။ KNU ဘက်မှ ရဲဘော် ၄၄ ဦး သေဆုံးပြီး ၁၂၇ ဦး ဒဏ်ရာရရှိခဲ့သည်။ စစ်ကောင်စီသည် ကျေးရွာနေ ပြည်သူများကို လေကြောင်းနှင့် လက်နက်ကြီးများဖဖြင့် တိုက်ခိုက်ခဲ့ရာ ပြည်သူ ၄၉ ဦး သေဆုံးပြီး ၁၈၁ ဦး ဒဏ်ရာရရှိခဲ့သည်။ ထို့ပြင် ပြည်သူ ၁၇ ဦးကို ဖမ်းဆီးချုပ်နှောင်ခဲ့သည်။ စာသင်ကျောင်း ၈ လုံး၊ ဘုရားကျောင်း ၂၁ လုံးနှင့် နေအိမ် ၁၆၈ လုံး အပါအဝင် ဆိုင်ကယ်၊ လယ်ထွန်စက်များ ပျက်စီးခဲ့သည်။       ၂။ ကုန်စည်တင်ပို့မှု လာဘ်ငွေယူမှုအတွက် အရာရှိကြီးများကို ထောင်ဒဏ်နှင့် သေဒဏ်ချမှတ်...

၁။ တောင်ဒဂုံတွင် ပျူစောထီးများကို မိုင်းခွဲတိုက်ခိုက်မှု ၃ ဦးဒဏ်ရာရ ဇူလိုင် ၁၅ The Kaladan Post ရန်ကုန်မြို့၊ တောင်ဒဂုံမြို့နယ်၊ အမှတ် ၇၁ ရပ်ကွက်အုပ်ချုပ်ရေးရုံးမှ ဆိုင်ကယ်များဖြင့် ထွက်လာသည့် ပျူစောထီးများကို မြို့ပြကြွက်ကွန်ရက်မှ UG ရဲဘော်များက မိုင်းခွဲပစ်ခတ်တိုက်ခိုက်ခဲ့ရာ ပျူစောထီး ၃ ဦး အပြင်းအထန်ဒဏ်ရာရရှိခဲ့သည်။ ယမန်နေ့ ဇူလိုင် ၁၄ ရက် ည ၁၀ နာရီခန့်က ဆိုင်ကယ် ၅ စီးဖြင့် ထွက်လာစဉ် အဝေးထိန်းမိုင်း ၂ လုံးနှင့် လက်ပစ်ဗုံး ၂ လုံးဖြင့် တိုက်ခိုက်ခဲ့ခြင်းဖြစ်သည်။ တိုက်ခိုက်မှုကြောင့် ဆိုင်ကယ် ၂ စီး မီးလောင်ပျက်စီးခဲ့ပြီး ဒဏ်ရာရသူများကို မြောက်ဥက္ကလာပ ဆေးရုံတွင် အရေးပေါ်ကုသမှု ခံယူနေရသည်။ မြို့ပြကြွက်ကွန်ရက်မှ တာဝန်ရှိသူတစ်ဦးက ပျူစောထီး ၃ ဦး၏ ဒဏ်ရာမှာ သေဆုံးနိုင်ဖွယ်ရှိကြောင်း ပြောကြားခဲ့သည်။ ဤတိုက်ခိုက်မှုသည် အကြမ်းဖက်စစ်ကောင်စီ၏ တရားမဝင်ရွေးကောက်ပွဲနှင့် ပြည်သူများကို မတရားစစ်သားစုဆောင်းမှုကို ဆန့်ကျင်သည့်အနေဖြင့် မြို့ပြကြွက်ကွန်ရက်က လုပ်ဆောင်ခဲ့ ခြင်းဖြစ်သည်။ ၎င်းတို့က စစ်ကောင်စီ၏ ဒေါက်တိုင်များဖြစ်သည့် ရပ်ကျေးအုပ်ချုပ်ရေးမှူး များ၊ ပျူစောထီးများနှင့် စစ်ကောင်စီထောက်တိုင်များကို ရန်သူအဖြစ် သတ်မှတ်ထားပြီး အချိန်မရွေး တိုက်ခိုက်မည်ဟု သတိပေးထားသည်။ ပြည်သူများအနေဖြင့် စစ်ကောင်စီ၏ ရွေးကောက်ပွဲတွင် မပါဝင်ရန်နှင့် ၎င်းတို့၏ လုပ်ဆောင်မှုများနှင့် အနီးကပ်မနေရန် မြို့ပြကြွက်ကွန်ရက်က တိုက်တွန်းထားသည်။ စစ်ကောင်စီနှင့် ပူးပေါင်းလုပ်ကိုင်နေသူများ အား အမြန်နှုတ်ထွက်ရန်နှင့် ငွေကြေးထောက်ပံ့မှု မပြုလုပ်ရန်လည်း...