Author: Salai

——————————————————————– ဇူလိုင် ၁၈ The kaladan Post ပခုက္ကူမြို့နယ်၊ လေယာဉ်ကွင်းအနောက်ဘက်တွင် ဇူလိုင်လ ၁၅ ရက်၊ ၂၀၂၅ ခုနှစ် ညနေ ၃ နာရီ အချိန်က စကစကင်းပတ်စစ်ကြောင်းတစ်ခုကို Southern Yesagyo Local တပ်ပေါင်းစုက ကြားဖြတ် ပစ်ခတ်ခဲ့ကြောင်း Southern YSO တာဝန်ခံ ကိုအောင်မောင်းက The Kaladan Post သို့ သတင်းပေး ပို့ခဲ့ပါသည်။ ဤစစ်ဆင်ရေးတွင် ‘ကျွန်တော်တို့ ဖော်ဆောင်တဲ့ ပင်မစစ်ကြောင်းနှင့် ထိပ်တိုက်ထိ တွေ့တာမဟုတ်ဘဲ အရံကင်းအဖွဲ့က ထိပ်တိုက်တွေ့ဆုံပစ်ခတ်မှုဖြစ်ပွာတာဖြစ်ပြီး ရလဒ်အနေဖြင့် စစ်ကောင်စီတပ်ဖွဲ့ဘက်မှခလရ ၂၅၄ တပ်မှ အရာရှိတစ်ဦး အပါအဝင် ((၆)ယောက် သေဆုံးခဲ့ ကြောင်း တပ်ဖွဲ့တာဝန်ခဲကပြောဆိုသည်။ ထို့ပြင်အဆိုပါတိုက်ပွဲတွင် စစ်ကောင်စီတပ်ဖွဲဝင် (၃) ကောင် ထိခိုက်ဒဏ်ရာရရှိခဲ့သည်။ တိုက်ပွဲအတွင် သေဆုံးခဲ့သည့် စစ်ကောင်စီ အလောင်းများကို ဇူလိုင်လ ၁၆ ရက် နေ့လည်ခင်းတွင် အစိမ်းရောင်သုံးဘီးဖြင့် ပခုက္ကူမြို့သို့ သယ်ဆောင်သွားသည် ဟု သိရှိရသည်။ ဤစစ်ဆင်ရေးကို Southern Yesagyo Local တပ်ပေါင်းစုမှ ဦးဆောင်ပြုလုပ်ခဲ့ပြီး၊ Southern YSO PDF၊ ဒေါင်းညီနောင်၊ ပြည်သူ့အားမာန် PDF နှင့် Yesagyo Revolution Group (YRG) တို့ ပါဝင်ခဲ့သည်။ ဤဖြစ်စဉ်သည် ဒေသတွင်း လက်နက်ကိုင်ခုခံမှု၏ တစ်စိတ်တစ်ပိုင်း ဖြစ်ပြီး၊ ခွေးစစ်ကြောင်းများကို ထိရောက်စွာ တိုက်ခိုက်နိုင်ခဲ့ကြောင်း ဖော်ပြသည်။ ပခုက္ကူမြို့နယ် အတွင်း ခွေးစစ်ကြောင်းများကို ဆက်လက်စောင့်ကြည့်နေပြီး၊ လိုအပ်သည့်အခါ ထိရောက်စွာ တုံ့ပြန်သွားမည်ဖြစ်ကြောင်း သိရသည်။ဤစစ်ဆင်ရေးသည် ဒေသတွင်း ခုခံမှုအင်အားများ၏ ညီညွတ်မှုကို ပြသခဲ့သည်အပြင် အနာဂတ်စစ်ဆင်ရေးများအတွက် အားတက်မှုတစ်ခုဖြစ်ပါသည်။ Southern YSO PDF နှင့် မဟာမိတ်အဖွဲ့များသည် ပြည်သူများ၏ အကျိုးစီးပွားကို ကာကွယ်ရန် ပြည်သူများနှင့်လက်တွဲ၍ တရားမျှတမှုနှင့် လွတ်လပ်ရေးအတွက်...

  ဇူလိုင် ၁၇   The kaladan Post   လောက်တူဒေသပြည်သူ့အုပ်ချုပ်ရေးအဖွဲ့သည် အခြေခံစားသုံးကုန်များ၊ ဆေးဝါးများနှင့် အလှကုန် ပစ္စည်းများအပါအဝင် အခြားသွင်းကုန်များအားလုံး သက်တမ်းကုန်ဆုံးမှုကို စစ်ဆေးခဲ့ကြောင်း စစ်ဆေးမှုမှတ်တမ်းများထုတ်ပြန်ထားပါသည်။ အဆိုပါထုန်ပြန်ချက်နှင့် ပတ်သက်ပြီး လောက်တူ ဒေသပြည်သူ့အုပ်ချုပ်ရေးအဖွဲ့ရဲ့ ပြောရေးဆိုခွင့်ရှိသူက “ ကျွန်တော်တို့ ဒီသက်တမ်းကုန် ပစ္စည်းများ စစ်ဆေးမှုလုပ်ငန်းကို ၂၀၂၅ခုနှစ်၊ ဇူလိုင်လ ၁ရက်နေ့ကနေစတင်ကာ ရပ်ကွက်၊ ကျေးရွာ ပြည်သူ့ အုပ်ချုပ်ရေးမှူးများနှင့် လူငယ်များ အကူအညီဖြင့် စစ်ဆေးဆောင်ရွက်ခဲ့ပါတယ် ပြီးတော့ ဒီစစ်ဆေး မှုအတွင်း သက်တမ်းကုန်ဆုံးပြီဖြစ်သော အစားကုန်အချို့ဟာဆိုရင် သက်တမ်းကုန်ဆုံးရက်ကို အတု ပြုလုပ်ပြီး တင်သွင်းလာမှုတွေ တွေ့နေရပါတယ်ဟု “ The Kaladan Post သို့ ပြောဆိုသည်။ တွေ့ရှိ ထားသော သက်တမ်းကုန်ပစ္စည်းများမှာ ဆေးဝါးများနှင့် အခြေခံစားသုံးကုန်အများအပြား တွေရှိခဲ့ ပြီး ၎င်းသက်တမ်းကုန်ပစ္စည်းအားလုံးကို မီးရှို့ဖျက်ဆီးခဲ့ကြသည်။ ဒီသက်တမ်းကုန်ပစ္စည်းများသည် စီးပွား‌ရေးသမားများမှ နေရာပေါင်စုံကနေတင်သွင်းတာတွေ ပါဝင်နေသလို ‌ဒေသတွင်း ဈေးဆိုင် များမှ ရောင်းမထွက်ဘဲ ကြာရှည်တာတွေကြောင့် ဖြစ်သည်။ ပြည်သူလူထုကို အခက်အခဲမရှိဘဲ ဘေးကင်းလုံခြုံအောင် နောက်နောင်တွင် သက်တမ်းကုန်ပစည်းများ သယ်ဆောင်တင်သွင်းခွင့် မရရှိရန်နှင့် ရောင်းချခွင့်မရရှိအောင် တားမြစ်ပိတ်ပင်ထားသည့်အပြင် ပြည်သူ့အကျိုးအတွက် ဈေးနှုန်းမှန်ကန်မှုရှိပြီး၊ ပြည်သူ့များလိုအပ်သော စားသုံးကုန်များရရှိနိုင်ရန် ဆောင်ရွက်သွားမည် ဖြစ်ကြောင်း လောက်တူ‌ဒေသပြည်သူ့အုပ်ချုပ်ရေးအဖွဲ့ ပြောရေးဆိုခွင့်ရှိသူက ဆက်လက်ပြောဆို သည်။ အခြေခံစားသုံးကုန်ပစ္စည်းများနှင့် ဆေးဝါးများသည် အချိန်ကြာရှည်ထားရှိပါက ၎င်းတို့၏ အရည်အသွေးနှင့် အာဟာရဓာတ်များ ဆုံးရှုံးသွားပြီး ၎င်းတို့၏ ထိရောက်မှုကို လျော့ကျစေကာ အာနိသင် မရှိတော့ပါ။ ထို့ကြောင့် ထုတ်လုပ်သူများသည် စားသုံးသူများအတွက် ကျန်းမာရေးကို ကာကွယ်ရန် အာမခံထားသော အသုံးပြုမှုနှင့် ဘေးကင်းလုံခြုံမှုကို ကန့်သတ်ထားခြင်းဖြစ်သည်။ စားသုံးကုန်များတွင် သက်တမ်းကုန်ဆုံးပါက ဘက်တီးရီးယားနှင့် မှိုများ ပေါက်ဖွားလာပြီး ကျန်းမာရေးထိခိုက်စေနိုင်သောကြောင့် ပြည်သူများအနေဖြင့် သက်တမ်းကုန်ဆုံးပစ္စည်းများကို ရှောင်ရှားခြင်းဖြင့် ကျန်းမာရေးနှင့် ဘေးကင်းမှုကို ထိန်းသိမ်းနိုင်လိုအပ်ပါသည်။...