Author: Salai

ဖေဖေါ် ၁၈ The Kaladan Post   မြန်မာစစ်တပ်က ကျင်းပခဲ့သော ရွေးကောက်ပွဲအပြီး ပေါ်ပေါက်လာသည့် နိုင်ငံရေးအခြေအနေသစ်အောက်တွင် မြန်မာ့အရေး ပြဿနာများအား ဖြေရှင်းနိုင်ရေးအတွက် ထိုင်းနိုင်ငံက မြန်မာနှင့် အာဆီယံအကြား “ပေါင်းကူးတံတား” အဖြစ် ဆောင်ရွက်ပေးသွားမည်ဖြစ်ကြောင်း Sihasak Phuangketkeow က ပြောကြားလိုက်သည်။ ၎င်းနှင့် မြန်မာစစ်တပ်၏ နိုင်ငံခြားရေးဝန်ကြီး သန်းဆွေ တို့သည် ယနေ့ ဗုဒ္ဓဟူးနေ့တွင် တွေ့ဆုံဆွေးနွေးမည်ဖြစ်ပြီး ယင်းတွေ့ဆုံမှုသည် ဇန်နဝါရီလအတွင်း မြန်မာနိုင်ငံ၌ ကျင်းပခဲ့သော ရွေးကောက်ပွဲအပြီး အရေးပါသည့် နိုင်ငံရေးအချိုးအကွေ့တစ်ခု ဖြစ်လာနိုင်ကြောင်း ထိုင်းဘက်က ထုတ်ဖော်ပြောကြားထားသည်။ ထိုင်းနိုင်ငံခြားရေးဝန်ကြီးဌာန၏ ထုတ်ပြန်ချက်အရ ယနေ့ကျင်းပမည့် နှစ်နိုင်ငံတွေ့ဆုံမှုတွင် ထိုင်း–မြန်မာ နှစ်နိုင်ငံဆက်ဆံရေးသာမက မြန်မာနိုင်ငံနှင့် Association of Southeast Asian Nations (အာဆီယံ) အကြား ဆက်ဆံရေးကို မည်သို့ ရှေ့ဆက်နိုင်မည်ဆိုသည်ကိုလည်း အဓိကထား ဆွေးနွေးသွားမည်ဖြစ်သည်။ “ကျွန်တော်တို့အနေနဲ့ မြန်မာရွေးကောက်ပွဲကို လက်ခံအတည်ပြုတယ်လို့ မပြောပါဘူး။ ဒါပေမဲ့ ရွေးကောက်ပွဲက လက်တွေ့တွင် ဖြစ်ပွားခဲ့ပြီးသား ဖြစ်ပါတယ်။ အဲဒီအတွက် မြန်မာနဲ့ အာဆီယံကြားမှာ ကျွန်တော်တို့က ပေါင်းကူးတံတားအဖြစ် ကူညီဆောင်ရွက်ပေးသွားမှာပါ။ ဒါပေမဲ့ အောင်မြင်စေရန်အတွက် နှစ်ဖက်လုံးမှ ပူးပေါင်းဆောင်ရွက်မှု လိုအပ်ပါတယ်” ဟု Sihasak Phuangketkeow က သတင်းထောက်များအား ပြောကြားခဲ့သည်။ ထို့ပြင် အာဆီယံအနေဖြင့် မြန်မာနိုင်ငံ၏ အသွင်ကူးပြောင်းရေးကာလအတွင်း အပြုသဘောဆောင်သည့် ရလဒ်များ ထွက်ပေါ်လာစေရန် လိုလားကြောင်း၊ ယခုအချိန်သည် နှစ်ဖက်အပြန်အလှန် ဆွေးနွေးမှုများ အားကောင်းစွာ...

ဖေဖေါ် ၁၈ The Kaladan Post   စစ်တပ်အာဏာသိမ်းပြီး ငါးနှစ်နီးပါးကြာမြင့်လာချိန်တွင် Myanmar ကို Association of Southeast Asian Nations (အာဆီယံ) နှင့် ပြန်လည်ချိတ်ဆက်နိုင်ရန် Thailand က ကြားခံတံတားအဖြစ် ဆောင်ရွက်ပေးလိုကြောင်း ထိုင်းနိုင်ငံခြားရေးဝန်ကြီးက ပြောကြားခဲ့ကြောင်း သိရသည်။ Sihasak Phuangketkeow သည် အကြမ်းဖက်စစ်ကော်မရှင်၏ နိုင်ငံခြားရေးဝန်ကြီး Than Swe နှင့် ဖေဖော်ဝါရီ ၁၈ ရက်နေ့တွင် ထိုင်းနိုင်ငံတောင်ပိုင်း Phuket မြို့၌ တွေ့ဆုံခဲ့သည်။ တွေ့ဆုံမှုအပြီးတွင် ထိုင်းနိုင်ငံအနေဖြင့် မြန်မာနိုင်ငံကို အာဆီယံမိသားစုအတွင်း ပြန်လည်ပါဝင်နိုင်စေရန် တံတားတစ်စင်းအဖြစ် ဆောင်ရွက်လိုကြောင်း သတင်းထောက်များအား ပြောကြားခဲ့သည်ဟု သတင်းများတွင် ဖော်ပြထားသည်။ ထို့အပြင် ပြည်တွင်းစစ်ဒဏ် ပြင်းထန်စွာ ခံနေရသည့် မြန်မာနိုင်ငံအနေဖြင့် တည်ငြိမ်မှု ပြန်လည်ရရှိရေးအတွက် အာဆီယံ၏ ဘုံသဘောတူညီချက်များကို လိုက်နာရန် လိုအပ်ကြောင်းလည်း ထိုင်းနိုင်ငံခြားရေးဝန်ကြီးက တိုက်တွန်းခဲ့သည်။ အထူးသဖြင့် အကြမ်းဖက်မှုများ လျှော့ချရန်၊ အရပ်သားများအပေါ် တိုက်ခိုက်မှုများ ရပ်တန့်ရန်နှင့် နိုင်ငံရေးဆွေးနွေးမှုများ စတင်ရန် လိုအပ်ကြောင်း ထည့်သွင်းပြောကြားခဲ့သည်။ ယင်းလုပ်ငန်းစဉ်များတွင် ထိုင်းနိုင်ငံက ဦးဆောင်မှုအခန်းကဏ္ဍမှ ပါဝင်သွားမည်ဟုလည်း ဆီဟာဆက်က ကတိပြုခဲ့သည်။ ၂၀၂၁ ခုနှစ် စစ်အာဏာသိမ်းမှုနောက်ပိုင်း အာဆီယံသည် ၎င်းတို့၏ ထိပ်သီးအစည်းအဝေးများတွင် မြန်မာစစ်ကော်မရှင်၏ ထိပ်ပိုင်းခေါင်းဆောင်များကို တက်ရောက်ခွင့် ပိတ်ပင်ထားခဲ့သည်။ မြန်မာနှင့် ထိုင်းနှစ်နိုင်ငံသည် ကီလိုမီတာ ၂၄၀၀ ကျော် နယ်နိမိတ်ချင်း ထိစပ်လျက်ရှိပြီး အခြားအာဆီယံအဖွဲ့ဝင်များထက် မြန်မာ့အရေးတွင်...

ဖေဖေါ် ၁၈ The Kaladan Post   United States သည် Iran အနီးဝန်းကျင် အရှေ့အလယ်ပိုင်းဒေသသို့ အဆင့်မြင့် တိုက်လေယာဉ် ၅၀ ကျော်ကို အလျင်အမြန် ပို့ဆောင်ဖြန့်ကျက်ထားကြောင်း သိရသည်။ ပို့ဆောင်ထားသည့် လေယာဉ်များတွင် အမေရိကန် လေတပ်၏ ခေတ်အမီဆုံး ပဉ္စမမျိုးဆက် တိုက်လေယာဉ်များဖြစ်သည့် F-22 Raptor ဝေဟင်စိုးမိုးရေး တိုက်လေယာဉ်များနှင့် F-35A Lightning II ဘက်စုံသုံး ကိုယ်ပျောက် တိုက်လေယာဉ်များ ပါဝင်သည်။ အဆိုပါ လေယာဉ်များသည် ရေဒါထောက်လှမ်းမှုကို ရှောင်တိမ်းနိုင်သည့် အဆင့်မြင့် ကိုယ်ပျောက်နည်းပညာများ တပ်ဆင်ထားသည်။ အထူးသဖြင့် F-35A တိုက်လေယာဉ် ၁၈ စီးကို United Kingdom အခြေစိုက်စခန်းမှ အရှေ့အလယ်ပိုင်းဒေသသို့ တိုက်ရိုက် ပျံသန်းပို့ဆောင်ခဲ့ကြောင်း သိရသည်။ ထို့ပြင် စတုတ္ထမျိုးဆက် တိုက်လေယာဉ်များဖြစ်သည့် F-16 Fighting Falcon နှင့် F-15E Strike Eagle များကိုလည်း ဖြည့်တင်းပို့ဆောင်ထားသည်။ အမေရိကန်နှင့် အီရန်တို့ကြား နျူကလီးယား ထိန်းချုပ်ရေးဆိုင်ရာ ဆွေးနွေးမှုများ ဆက်လက် ပြုလုပ်နေချိန်တွင် အမေရိကန်သမ္မတ Donald Trump က နှစ်ပတ်ခန့်အတွင်း သဘောတူညီချက်တစ်ခု ထွက်ပေါ်လာရန် မျှော်လင့်ထားကြောင်း ပြောကြားထားသည်။ သို့သော် ဆွေးနွေးပွဲများမှ ရလဒ်မထွက်ပေါ်ပါက စစ်ရေးအရ အရေးယူမှုများ အပါအဝင် အခြားရွေးချယ်စရာများကို အသုံးပြုနိုင်ကြောင်းလည်း သတိပေးထားသည်။ လက်ရှိတွင် အမေရိကန်သည် အီရန်အနီးရှိ စစ်စခန်းများတွင် လေတပ်နှင့် ကြည်းတပ်...

ဖေဖေါ် ၁၈ The Kaladan Post   Iran သည် နိုင်ငံ၏ မဟာဗျူဟာအရေးပါသည့် Strait of Hormuz တွင် ခဲယမ်းမီးကျောက်အစစ်များ အသုံးပြု၍ စစ်ရေးလေ့ကျင့်မှု တစ်ရပ်ကို ဖေဖော်ဝါရီ ၁၆ ရက်နေ့တွင် စတင်ခဲ့သည်။ အစိုးရပိုင် Islamic Republic News Agency (IRNA) ၏ ဖော်ပြချက်အရ လေ့ကျင့်မှုကို အီရန်၏ အင်အားအကြီးဆုံး လက်နက်ကိုင်တပ်ဖွဲ့ဖြစ်သည့် Islamic Revolutionary Guard Corps (IRGC) က ဦးဆောင်ပြီး အစိုးရရေတပ်လည်း ပူးပေါင်းပါဝင်ခဲ့ကြောင်း သိရသည်။ ယခုစစ်ရေးလေ့ကျင့်မှုသည် အီရန်၏ နျူကလီးယား ထိန်းချုပ်ရေးဆိုင်ရာ ကိစ္စများအတွက် United States ကိုယ်စားလှယ်အဖွဲ့နှင့် Geneva တွင် တွေ့ဆုံဆွေးနွေးမည့် အချိန်မတိုင်မီ တစ်ရက်အလိုတွင် စတင်ခဲ့ခြင်းဖြစ်သည်။ လေ့ကျင့်မှု၏ ကြာချိန်ကိုတော့ တရားဝင် မထုတ်ပြန်သေးပါ။ လက်ရှိအချိန်တွင် အီရန်နှင့် အမေရိကန်တို့အကြား စစ်ရေးတင်းမာမှုများ မြင့်တက်နေပြီး အီရန်အနီးပတ်ဝန်းကျင်ဒေသတွင် အမေရိကန်က ရေတပ်နှင့် လေတပ်အင်အားများ တိုးမြှင့်ဖြန့်ကျက်ထားသည်။ IRGC ဘက်မှတော့ ယခုလေ့ကျင့်မှုသည် လိုအပ်လာပါက ဟောမုဇ် ရေလက်ကြားကို ထိန်းချုပ်နိုင်ရေးအတွက် ကြိုတင်ပြင်ဆင်သည့် အစီအစဉ်တစ်ရပ်ဖြစ်ကြောင်း ပြောကြားထားသည်။ ဟောမုဇ် ရေလက်ကြားသည် ကမ္ဘာလုံးဆိုင်ရာ ရေနံတင်ပို့မှု စုစုပေါင်း၏ ငါးပုံတစ်ပုံခန့် ဖြတ်သန်းသည့် မဟာဗျူဟာအရေးပါသည့် ရေလမ်းကြောင်းဖြစ်သည်။ အီရန်ကလည်း နိုင်ငံအား တိုက်ခိုက်မှုတစ်စုံတစ်ရာ ကြုံတွေ့လာပါက ယင်းရေလက်ကြားကို ပိတ်ဆို့နိုင်ကြောင်း ယခင်က ခြိမ်းခြောက်ထားဖူးသည်။...