If we look at our neighbours India, Thailand, and China, to be honest, none of their responses are something that we revolutionary groups find particularly satisfactory.
Read Moreပဲခူးတိုင်း စစ်တောင်းမြစ်ဝှမ်းဒေသတွင် PDF နှင့် KNLA ပူးပေါင်းတပ်များ စစ်ကောင်စီ စခန်း ၁၄ ခု တိုက်ခိုက်သိမ်းပိုက် ဇန်န ၁၀ The Kaladan Post ပဲခူးတိုင်း၊ အမှတ်(၂) စစ်ဆင်ရေးနယ်မြေ၊ စစ်တောင်းမြစ်ဝှမ်းဒေသတွင် ပြည်သူ့ကာကွယ်ရေးတပ်မ တော် (PDF) လက်အောက်ခံ တပ်ရင်းများနှင့် ကရင်အမျိုးသားလွတ်မြောက်ရေးတပ်မတော် (KNLA) တပ်ရင်း(၉) တို့ ပူးပေါင်းကာ စစ်ကောင်စီတပ်များ တပ်စွဲထားသည့် ဂိတ်စခန်းနှင့် ကင်းစခန်း ၁၄ ခုကို ဇန်နဝါရီ ၉ ရက် နံနက်အစောပိုင်းတွင် ဝင်ရောက်တိုက်ခိုက်ခဲ့ရာ တောကျွဲအင်းမြို့ (အောင်မြင်မြို့) အပါ အဝင် နေရာများကို ခေတ္တထိန်းချုပ်နိုင်ခဲ့ကြောင်း ပဲခူးတိုင်းစစ်ဌာနက ထုတ်ပြန်သည်။ တိုက်ခိုက်သည့် နေရာများတွင် ရန်ကုန်-မန္တလေးလမ်းဟောင်းပေါ်ရှိ အုတ်တွင်းမြို့နယ်၊ ညောင်ခြေထောက်နှင့် ကျွဲပွဲ ကြား စည်ပင်သာကျေးရွာဂိတ်၊ ကျောက်တံခါးမြို့နယ်၊ သာယာကုန်းမြို့ မီးရထားတံတားကင်းစခန်း နှင့် တောကျွဲအင်းမြို့အတွင်း ရဲစခန်း၊ ဘူတာဂိတ်များ ပါဝင်ကြောင်းသိရသည်။ တိုက်ပွဲအတွင်း စစ်တပ် ၅၀ ဦးထက်မနည်း သေဆုံးခဲ့ပြီး အများအပြား ဒဏ်ရာရရှိကာ လက်နက်ခဲယမ်းများ အမြောက်အများ သိမ်းဆည်းရရှိခဲ့သည်ဟု PDF ပဲခူးတိုင်းစစ်ဌာနက ထုတ်ပြန်ချက်တွင် ဖော်ပြထားသည်။ တောကျွဲ အင်းမြို့ကို ထိန်းချုပ်နိုင်ခဲ့ပြီးနောက် စစ်တပ်၏ အုပ်ချုပ်ရေးအဆောက်အအုံများ၊ ရွေးကောက်ပွဲ ကော်မရှင်ရုံးနှင့် နယ်မြေရဲစခန်းတို့ကို မီးရှို့ဖျက်ဆီးခဲ့ကာ ရဲစခန်းအတွင်း မတရားဖမ်းဆီးချုပ်နှောင် ထားသည့် ပြည်သူ ၈ ဦးကို စိစစ်လွှတ်ပေးနိုင်ခဲ့ကြောင်းသိရသည်။ ဤစစ်ဆင်ရေးကို ဗျူဟာ(၂၃) လက်အောက်ခံ တပ်ရင်း ၃၅၀၂၊ ဗျူဟာ(၂၄) လက်အောက်ခံ P27803 အာဠာဝက တပ်ရင်း၊ P23503 ဒေါင်းဖြူတပ်ရင်း၊ P29903 နဂါးနီတပ်ရင်း၊ ဗျူဟာ(၂၅) လက်အောက်ခံ တပ်ရင်း ၃၇၀၂ နှင့် P29914 အထူးကွန်မန်ဒို၊ ဗျူဟာ(၂၆) ပူးပေါင်းတပ်ဖွဲ့၊ အုတ်တွင်းမြို့နယ်ပကဖ၊ ဖြူးမြို့နယ် ပကဖ တို့က ဆောင်ရွက်ခြင်းဖြစ်ကြောင်းသိရသည်။ ရေတာရှည်မြို့နယ်တွင် စစ်ကောင်စီနှင့် PNO တိုက်ခိုက်ခံရပြီး ၂၀ ကျော် သေဆုံး ဇန်န ၁၀ The Kaladan Post ပဲခူးတိုင်း၊ ရေတာရှည်မြို့နယ်၊ စစ်တောင်းမြစ်အရှေ့ဘက်ကမ်းတွင် တပ်စွဲထားသည့် တော်လှန်ရေး တပ်ဖွဲ့များ၏ ကာကင်းပွိုင့် ၂ ခုကို စစ်ကောင်စီတပ်နှင့် ပအိုဝ်းအမျိုးသားအဖွဲ့ချုပ် (PNO) ပူးပေါင်း အင်အား ၁၅၀ ခန့်က ဇန်နဝါရီ ၂ ရက် နံနက်အစောပိုင်းတွင် လက်နက်ကြီးများဖြင့် ပစ်ကူပေးကာ ဝင်ရောက်တိုက်ခိုက်ခဲ့ရာ တိုက်ပွဲပြင်းထန်ဖြစ်ပွားခဲ့ကြောင်း တပ်ရင်း ၈၀၈ – နေပြည်တော်က ထုတ်ပြန်သည်။ ဆွာမြို့အခြေစိုက် ခလရ (၁၉) တပ်ရင်းမှ စစ်ကြောင်းထိုးလာသော ပူးပေါင်းတပ်ဖွဲ့ သည် ၆၀ မမ၊ ၈၁ မမ၊ ၁၂၀ မမ လက်နက်ကြီးများအပြင် မြစ်အနောက်ဘက်ကမ်းမှ ပွိုင့်ဖိုက်များဖြင့် ပစ်ခတ်ကူညီပြီး RPG၊ ၄၀ မမ နှင့် ချိုးနှိမ်ပစ်ခတ်မှုများဖြင့် စတင်တိုက်ခိုက်ခဲ့ဟု သတင်းရင်းမြစ်က ပြောဆိုသည်။ တိုက်ပွဲသည် ၁ နာရီကျော်ကြာမြင့်ခဲ့ပြီး အင်အားမမျှမှုကြောင့် တော်လှန်ရေးတပ်ဖွဲ့များ ဘက်မှ ခေတ္တဆုတ်ခွာပေးခဲ့ရသော်လည်း နောက်ပိုင်းတွင် အဆိုပါနယ်မြေကို ပြန်လည်ထိန်းချုပ်နိုင်ခဲ့ပြီ ဖြစ်သည်။တိုက်ပွဲအတွင်း စစ်ကောင်စီနှင့် PNO ပူးပေါင်းတပ်ဖွဲ့ဘက်မှ ၂၀ ဦးကျော် ထိခိုက်ကျဆုံးခဲ့ပြီး တော်လှန်ရေးရဲဘော်များဘက်မှ ရဲဘော် ၁ ဦး မစိုးရိမ်ရ ဒဏ်ရာရရှိခဲ့သည်ဟု တပ်ရင်း ၈၀၈ – နေပြည် တော် PDF မှ တာဝန်ရှိသူက ပြောဆိုသည်။ လက်ရှိအချိန်တွင် စစ်ကောင်စီတပ်များသည် အင်အား မလုံလောက်မှုကြောင့် PNO အင်အားများ အသုံးပြုလာသည်ကို တွေ့ရှိရပြီး...
Read Moreဇန်န ၁၀ The Kaladan Post တနင်္သာရီတိုင်း လောင်းလုံးမြို့နယ် အောက်ပိုင်းကျေးရွာများသို့ ထိုးစစ်ဆင်ဝင်ရောက်လာသော စစ်ကောင်စီ စစ်ကြောင်းနှင့် နွေဦးပြောက်ကျားတပ်ဖွဲ့အပါအဝင် ထားဝယ်ခရိုင်အတွင်း မဟာမိတ် တော်လှန်ရေး ပူးပေါင်းတပ်ဖွဲ့များအကြား ၂၀၂၅ ခုနှစ် နိုဝင်ဘာ ၁၀ ရက်မှ ဒီဇင်ဘာ ၂၈ ရက်အထိ အကြိမ်ကြိမ် ထိတွေ့တိုက်ပွဲများ ဖြစ်ပွားခဲ့ကြောင်း နွေဦးပြောက်ကျားတပ်ဖွဲ့က ထုတ်ပြန်သည်။ အဆိုပါထုတ်ပြန်ချက်နှင့် ပတ်သက်ပြီး နွေဦးပြောက်ကျားတပ်ဖွဲ့ရဲ့ တာဝန်ရှိသူတစ်ဦးက “ ကျွန်တော် တို့တိုက်ခိုက်ခဲ့တဲ့ စစ်ကောင်စီစစ်ကြောင်းဟာ အင်အား ၁၀၀ ကျော်ရှိပါတယ် လက်ရှိအချိန်တွင် အဆိုပါ စစ်ကြောင်းဟာ လောင်းလုံးမြို့ အတွင်းသို့ ပြန်လည်ဆုတ်ခွာသွားခဲ့ပြီး အပြီးသတ်ဆုတ်ခွာ မသွားသေးသတဲ့အတွက် ပြည်သူများအနေဖြင့် အသွားအလာ ဂရုစိုက်ကာ သတိရှိရှိ နေထိုင်ရန်နှင့် စစ်ကြောင်းနှင့် ဝေးဝေး ရှောင်ရှားရန် တိုက်တွန်း တောင်းဆိုထား ပါတယ် ဟု “ The Kaladan Post သို့ ပြောဆိုသည်။ တိုက်ပွဲများအတွင်း စစ်ကောင်စီဘက်မှ အရာရှိ တစ်ဦးအပါအဝင် အကြမ်းဖက် တပ်သား ၃ ဦး ကျဆုံးပြီး ၄ ဦးခန့် ဒဏ်ရာရရှိခဲ့ကြောင်း သိရသည်။ တိုက်ပွဲအတွင်း စစ်ကောင်စီက ဂျက်တိုက်လေယာဉ်ဖြင့် လေကြောင်းပစ်ကူ၊ လက်နက်ကြီးပစ်ကူနှင့် ရေကြောင်းပစ်ကူများ အသုံးပြု ခဲ့ရာ ပြည်သူ့နေအိမ် ၇ လုံး မီးလောင်ပျက်စီးခဲ့သည်ဟု နွေဦးပြောက်ကျားတပ်ဖွဲ့က ပြောဆိုသည်။ ဤကာလအတွင်း စစ်ကောင်စီ၏ ထိုးစစ်ကို နွေဦးပြောက်ကျားတပ်ဖွဲ့နှင့် ထားဝယ်ခရိုင်အတွင်း မဟာမိတ် တော်လှန်ရေး အင်အားစုများက ပူးပေါင်း ခုခံတိုက်ခိုက်ခဲ့ခြင်း ဖြစ်ပြီး တိုက်ခိုက်မှုအတွင်း တော်လှန်ရေး ပူးပေါင်းတပ်ဖွဲ့ဘက်မှ ပြည်သူ့ကာကွယ်ရေးတပ်သား ၃ ဦး မြင့်မြတ်စွာ...
Read More
ဝက်လက်မြို့နယ်တွင် အမျိုးသမီး ၉ ဦး အုပ်စုဖွဲ့ မုဒိမ်းကျင့်ခဲ့သည့် စစ်ကြောင်း တိုက်ခိုက်ခံရပြီး စစ်သား ၁၅ ဦး သေဆုံး ဇန်န ၉ The Kaladan Post စစ်ကိုင်းတိုင်း၊ ဝက်လက်မြို့နယ်၊ ကမ်းဖြူရွာတွင် ဇန်နဝါရီ ၆ ရက်နေ့ နံနက်ပိုင်းက ရှိမ်းမကားရွာ စစ်တပ်စခန်းမှ ထွက်လာသော အင်အား ၁၀၀ ကျော်ပါ စစ်ကြောင်းက ဒေသခံ အမျိုးသမီး ၉ ဦးကို အုပ်စုဖွဲ့ မုဒိမ်းကျင့်ပြီး သန္ဓေတားဆေး ထိုးပေးကာ ပြန်လွှတ်ပေးခဲ့ကြောင်းမတ္တရာမြို့နယ် ပြည်သူ့ ကာကွယ်ရေးအဖွဲ့က ထုတ်ပြန်သည်။ ယင်းနေ့တွင်ပင် မတ္တရာမြို့နယ် ပကဖနှင့် ရွှေဘိုခရိုင် တပ်ရင်း ၁၈ တို့ ပူးပေါင်း ဝင်ရောက်တိုက်ခိုက်ခဲ့ရာ စစ်သား ၁၅ ဦးထက်မနည်း သေဆုံးခဲ့ကြောင်း မတ္တရာ မြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူတစ်ဦးက ပြောကြားခဲ့သည်။ တိုက်ပွဲအတွင်း တော်လှန်ရေးတပ်ဖွဲ့ဘက်မှ ရဲဘော် ၇ ဦး ကျဆုံးခဲ့ပြီး လက်နက်ခဲယမ်းများ သိမ်းဆည်းရမိခြင်း မရှိဘဲ စစ်ကြောင်း၏ စနိုက်ပါ၊ လက်နက်ကြီး ပစ်ကူနှင့် သံခွန်ပွိုင့်ဖိုက်တို့ကြောင့် ဆုတ်ခွာရ အခက်အခဲ ဖြစ်ခဲ့ကာ ရဲဘော်များ၏ ရုပ်အလောင်းများပင် ပြန်မယူနိုင်ခဲ့ကြောင်းသိရသည်။ ယင်းစစ်ကြောင်းသည် ဒီဇင်ဘာလကုန်ပိုင်းမှ စတင်ကာ ဝက်လက်မြို့နယ်အတွင်း လှုပ်ရှားနေပြီး အင်ဒေါင်းရွာတွင်လည်း အမျိုးသမီးများကို မုဒိမ်းကျင့်ကာ ပြည်သူများကို လူသားဒိုင်းအဖြစ် အသုံးပြုခဲ့သည့်အပြင် ဇန်နဝါရီ ၃ ရက်တွင် ရွာသစ်ရွာကို ဝင်ရောက်စီးနင်း၍ နေအိမ် ၄...
Read Moreဇန်န ၉ The Kaladan Post ပဲခူးတိုင်းအနောက်ခြမ်း သာယာဝတီခရိုင် ဇီးကုန်မြို့နယ်ရှိ မီးကောက်ကျေးရွာ ပျူးစောထီးအင်အား ၃၀ ခန့်ဖြင့် အထိုင်ချထားသော စခန်းကို တော်လှန်ရေးတပ်ဖွဲ့များက ဝင်ရောက်တိုက်ခိုက်ခဲ့ကြောင်း YOMA GBK . PDF က ထုတ်ပြန်ထားသည်။ အဆိုပါထုတ်ပြန်ချက်နှင့် ပတ်သက်ပြီး YOMA GBK . PDF တာဝန်ရှိသူတစ်ဦးက “ ကျွန်တော် တပ်ဖွဲ့တွေ ဝင်ရောက်စီးနင်းချိန်မှာ ဘော်ဘင်ကျေးရွာ ပျူရွာဘတ် ကို ထက်မံ ထွက်ပြေးသွားကြတယ် ကျွန်တော်တို့ စခန်းသိမ်းပြီးချိန်မှာပဲ ဘော်ဘင်ကျေးရွာ ဘတ်ကနေ အင်အား ၇၀ ဝန်းကျင်လောက် ထပ်မံ စစ်ကြောင်း ထိုးလာပါတယ်ဗျ အစစ်ကြောင်းကိုလဲ ထပ်မံ တိုက်ခိုက်ပြီး ပြန်ဆုတ်ခဲ့ရပါတယ်ဗျ” ဟု The Kaladan Post သို့ပြောဆိုသည်။ ကျွန်တော်တို့သိမ်းနိုင်ခဲ့ မီးကောက်ပင်စခန်းဟာ စစ်ရေးဗျူဟာအရ ဇီးကုန်မြို့နယ် အတွက် စစ်တပ်အတွက် အမာခံ အသက်အသေခံပြီး ပြည်သူများအပေါ် ထင်တိုင်လုပ်နေတာတေ နောက်တခု မီးကောက်ပင်နဲ့ ဘော်ဘင်ဟာ ဇီးကုန်းမြို့နယ်အတွက် အရမ်းအရေးပါတယ် ပျူစောထီး အမာခံ ကျေးရွာတွေဖြစ် ကြောင်း တပ်ဖွဲ့၏ တာဝန်ရှိသူက ဆက်လက်ပြောဆိုသည်။ အခုလက်ရှိ စစ်ရေးအချိန်နေကတော တင်းမာနေဆဲပါပဲ စစ်တပ်ဖက်က တန်ပြန် စစ်ကြာင်း ထိုးဖို့ လုပ်နေတယ် ခွေးဘတ်က စစ်အင်အားတေလဲ ထက်မံ ဖြည့်နေကြောင်းသိရသည်။ အဆိုပါစခန်းသိမ်းတိုက်ပွဲအတွင်း ပျူစောထီးနှင့် စစ်တပ်ဖက်က ၄ဦးသေဆုံးပြီး ၅ ဦး ဒဏ်ရာရရှိခဲ့ကြောင်း ထုတ်ပြန်ချက်တွင် ဖော်ပြထားသည်။ ၎င်းတိုက်ပွဲကို ဗျူဟာ ၂၂ လက်အောက်ရှိ သာယာဝတီခရိုင် တပ်ရင်း ၉(၁) တပ်ခွဲ-၁ YOMA GBK . PDF တပ်ဖွဲ့မှ ဦး ဆောင်ပြီး တပ်ခွဲ(၅) သာယာဝတီခရိုင် တပ်ရင်း (၂) တပ်ခွဲ-၁ သာယာဝတီခရိုင် တပ်ရင်း (၂) BTZM GBK တပ်ဖွဲ့နှင့် သာယာဝတီခရိုင် ပကဖ သာယာဝတီခရိုင် ဒရုန်းတပ်ဖွဲ့ ဇီးကုန်မို့နယ် ပကဖတို့က မဟာမိတ်အဖြင့် ပူးပေါင်း တိုက်ခိုက်ခဲ့ကြောင်း သိရသည်။ ပြည်သူများအပေါ် အတင်းအဓမ္မမဲထည့်ခိုင်းခြင်း မတရားစစ်မှုထမ်း ငွေကျေးကောက်ခံခြင်းနှင့် ပြည်သူများအပေါ် ဖိနှိပ်ချုပ်ချယ်ခြင်းများကြောင်း ဝင်ရောက် တိုက်ခိုက်ခဲ့ခြင်း ဖြစ်သည်ဟု အဆိုပါတပ်ဖွဲက ပြောဆိုသည်။ ပြည်သူများအနေဖြင့် ပျူစောထီးများ စစ်ကောင်စီတပ်များနှင့် အသွားအလာ ရှောင်ကြည်ကြရန် တပ်ဖွဲ့က...
Read More
English