Author: Salai

  အောက်တို ၇ The Kaladan Post ၂၀၂၅ခုနှစ်၊ အောက်တိုဘာလ ၂ရက်နေ့တွင် မုံရွာမြို့၊ အနောက်မြောက်တိုင်းစစ်ဌာနချုပ် အတွင်းသို့ Chindwin Rocket Brother (CRB) ဦးဆောင်သော မဟာမိတ်အဖွဲ့များသည် သီတင်း ကျွတ်အကြို အနေဖြင့် ၉ ကြိမ်မြောက် ဒုံးကျည် ၁၀ လုံးဖြင့် အောင်မြင်စွာ ပစ်ခတ်တိုက်ခိုက်မှု တစ်ခုပြုလုပ်ခဲ့ ကြောင်း CBR က သတင်းထုတ်ပြန်ထားပါသည်။ အဆိုပါထုတ်ပြန်ချက်နှင့် ပတ်သက်ပြီး (CRB) Chindwin Rocket Brother တာဝန်ရှိသူတစ်ဦးက “ ကျွန်တော်တို့တိုက်ခိုက် ခဲ့တဲ့ ဒုံးကျည် ၁၀ လုံးဟာ (နမခ) အတွင်းသို့ အောင်မြင်စွာ ကျရောက်ပေါက်ကွဲခဲ့ပါတယ် ဒီတိုက် ခိုက်မှုအတွင်းမှာ စစ်တိုင်းရုံးမှ အကြမ်းဖက် စစ်ကောင်စီ အရာရှိ (၅)ဦးနှင့် ရိက္ခာဂို‌ဒေါင် စောင့် စစ်သား ၂ဦးတို့ဟာ နေရာမှာတင် ပွဲခြင်းပြီး သေဆုံးသွားပါတယ်’ဟု The Kaladan Post သို့ ပြောဆို သည်။ ဤ တိုက် ခိုက်မှုသည် စစ်ကောင်စီတပ်ဖွဲ့များအတွက် သိသာထင်ရှားသော ထိခိုက်မှု များ ဖြစ်ပေါ်စေခဲ့သည့် အပြင် အဆိုပါတိုက်ခိုက်မှုတွင် အနောက်မြောက်တိုင်းစစ်ဌာနချုပ်ရှိ စစ်ကောင်စီတပ်တွင်း မိသားစု ၅ စုထိခိုက်ခဲ့ပြီး၊ ထိုအထဲမှ မိသားစုဝင် ၅ ဦးလည်း ပွဲချင်းပြီး သေဆုံးခဲ့ကြသည်။ ၎င်းတိုက်ခိုက်မှု အတွင်း ထိခိုက်ဒဏ်ရာရရှိခဲ့သော ကျန်ရှိမိသားစုဝင် များကို အရေးပေါ်အခြေအနေဖြင့် ၄/၃၀၀ တပ်ဆေးရုံသို့ ပို့ဆောင်ကုသခဲ့ရကြောင်းသိရသည်။ ထို့အပြင် တိုက်ခိုက်မှုကြောင့် စစ်ဌာနချုပ် အတွင်းရှိ ရိက္ခာဂိုထောင် ၂ လုံး ပြိုကျပျက်စီးခဲ့ပြီး၊ စစ်ကောင်စီ တပ်ဖွဲ့၏ ထောက်ပံ့ရေးစနစ်ကို သိသာထင်ရှားစွာ ထိခိုက်စေခဲ့သည်။ ဤတိုက်ခိုက်မှုကို Chindwin Rocket Brother (CRB) ဦးဆောင်ပြီး၊ မဟာမိတ်အဖွဲ့များဖြစ်သည့် ချိုမိုင်မိုင် (ကနီ)၊ Chindwin Brother၊ Budalin Defense Force၊ Bandula Defense Force၊ Federal Democratic Force၊ Burmer Army၊ မုံရွာခရိုင်တပ်ရင်း (၁၄) ဗိုလ်လက်ကောက်နှင့် ယင်းမာပင်ခရိုင် အမှတ် (၉) တပ်ရင်းတို့ ပူးပေါင်းပါဝင်ဆောင်ရွက် ခဲ့ကြသည်။ ဤပူးပေါင်းဆောင်ရွက်မှုသည် ဒေသတွင်း တော်လှန်ရေးအင်အားစုများ၏ စည်းလုံး ညီညွတ်မှုနှင့် ဗျူဟာမြောက်စွမ်းရည်ကို ထင်ဟပ်ပြသခဲ့သည်။ သီတင်းကျွတ်အကြို ဤတိုက်ခိုက် မှုသည် အနောက်မြောက်တိုင်းစစ်ဌာန ချုပ်အတွင်း စစ်ကောင်စီ၏ လှုပ်ရှားမှုများကို ထိရောက်စွာ ဟန့်တားရန် ရည်ရွယ်ခဲ့ခြင်းဖြစ်သည်။ CRB နှင့် မဟာမိတ်အဖွဲ့များသည် ဒေသတွင်း စစ်ရေးအရ အရေးပါသော ရိက္ခာထောက်ပံ့ရေးစနစ် ကို ပစ်မှတ်ထားတိုက်ခိုက်ခဲ့ပြီး၊ စစ်ကောင်စီတပ်ဖွဲ့၏ စွမ်းရည်ကို အားနည်းစေရန် ရည်မှန်းခဲ့သည်။ ဤတိုက်ခိုက်မှုသည် ဒေသတွင်းရှိ ပြည်သူများ အကြား တော်လှန်ရေးအင်အားစုများအပေါ် ယုံကြည်မှုကို...

  အောက်တို ၆ The Kaladan Post ၂၀၂၅ ခုနှစ်၊ အောက်တိုဘာလ ၅ ရက်၊ နံနက် ၈ နာရီတွင် မင်းတုန်းမြို့မှ အလယ်ချောင်းရဲစခန်းသို့ လူပြောင်းလဲရန် ဦးတည်လာသည့် အကြမ်းဖက်စစ်ကောင်စီ စစ်တပ်နှင့် ရဲပူးပေါင်းစစ်ကြောင်း (အင်အား ၄၀ ခန့်) ကို United States of Burma Army (USBA) တပ်ဖွဲ့မှ ခုန်တိုင်ရွာအနီးတွင် ကြိုတင်စောင့်ဆိုင်းပြီး အနီးကပ်ခြုံခိုတိုက်ခိုက်ခဲ့တယ်ဟု  USBA တပ်ဖွဲ့၏ ပြန်ကြားရေးတာဝန်ခံ ပြည်သူ့ရဲဘော် ကိုသာချိုက The Kaladan Post သို့ ပြောကြားသည်။ အဆိုပါ အကြမ်းဖက်စစ်ကောင်စီစစ်ကြောင်းဟာ မင်းတုန်းမြို့မှ ညောင်းကြပ်ကျေးရွာအထိ ပေါ့ပါးထရပ်ကား (Light Truck) တစ်စီးနှင့် အိမ်စီးကားတစ်စီးတို့ဖြင့် ရောက်ရှိလာခဲ့တာဖြစ်ပြီး ထိုမှတဆင့် အလယ်ချောင်းရဲစခန်းကို ဦးတည်ကာ ကားများကို နောက်မှမောင်းလာပြီး ရှေ့မှ ခြေလျင်စစ်ကြောင်းဖြင့် ထိုးဖောက်လာခဲ့တာဖြစ်တယ်။ ဒီလို “အကြမ်းဖက် စစ်ကောင်စီပူးပေါင်း တပ်ဖွဲ့တွေ လူပြောင်းရန်အတွက် စစ်ကြောင်းထိုးနေတာကို ကျွန်တော်တို့  USBA တပ်ဖွဲ့မှ သတင်းကြိုတင်ရရှိထားတာကြောင့် ခုန်တိုင်ရွာအနီးတွင် ကြိုတင်ပြင်ဆင်ထားပြီးတော့ အနီးကပ် ခြုံခိုတိုက်ခိုက်ခဲ့ပါတယ် ဒီတိုက်ခိုက်မှုဟာ ၁၅ မိနစ်ခန့်ကြာ ပြင်းထန်သည့် တိုက်ပွဲဖြစ်ပွားခဲ့တယ်”ဟု ၎င်းက ဆက်လက်ပြောကြားသည်။ တိုက်ပွဲအတွင်း အကြမ်းဖက်စစ်ကောင်စီဘက်မှ ထိခိုက်ကျဆုံးမှုများ မျက်မြင်သက်သေများက တွေ့မြင်ခဲ့ရသော်လည်း အတိအကျအချက်အလက်များ မသိရှိရသေးကြောင်း ပြည်သူ့ရဲဘော် ကိုသာချိုက ထပ်မံဖြည့်စွက်ပြောကြားသည်။ လက်ရှိအချိန်တွင် အဆိုပါစစ်ကြောင်းသည် မင်းတုန်းမြို့သို့ ပြန်လည်ဆုတ်ခွာသွားပြီဖြစ်သည်။ ထိုစစ်ကြောင်းသည် လမ်းတစ်လျှောက်တွင် လူငယ်များကို အကြောင်းပြချက်မရှိ ဖမ်းဆီးခေါ်ဆောင်သွားပြီး ပြည်သူပိုင်နေအိမ်အချို့မှ စားသောက်ကုန်များနှင့် တန်ဖိုးရှိပစ္စည်းများကို လုယူသွားခဲ့သည်ဟု သိရသည်။ USBA တပ်ဖွဲ့ဘက်တွင် ထိခိုက်ဒဏ်ရာရရှိမှု အနည်းငယ်ရှိခဲ့သော်လည်း၊ ထိုဒဏ်ရာရရှိသည့် ပြည်သူ့ရဲဘော်များမှာ စိုးရိမ်စရာမရှိသည့် ထိခိုက်မှုအနည်းငယ်သာဖြစ်ကြောင်း ပြည်သူ့ရဲဘော် ကိုသာချိုက The Kaladan Post သို့...