Author: Salai

မရမ်းကုန်းအုပ်ချုပ်ရေးမှူး စိန်ဝင်းမြင့်အဖွဲ့ နေ့ခင်းအချိန် ပေါ်တာဆွဲဖမ်းဆီးမှုများ ဆက်လက်ပြုလုပ် အောက်တို ၄ The Kaladan Post ရန်ကုန်မြို့ မရမ်းကုန်းမြို့နယ် အမှတ် (၁) ရပ်ကွက်အုပ်ချုပ်ရေးမှူး စိန်ဝင်းမြင့်နှင့် အဖွဲ့သည် ဘုရင့်နောင်ပွဲရုံနှင့် သမိုင်းလမ်းဆုံအနီး၌ နေ့ခင်းအချိန် အိမ်စီးကားဖြင့် လူငယ်များကို ပေါ်တာဆွဲ ဖမ်းဆီးနေကြောင်း သိရသည်။ ဖမ်းဆီးခံရသူများ၏ မိသားစုများက ငွေဖြင့် ရွေးယူရန် ကြိုးစားသော်လည်း “လူပဲလိုတယ်” ဟု တုံ့ပြန်ခံရကြောင်း သက်ဆိုင်ရာ မိသားစုများက ပြောဆိုသည်။ အုပ်ချုပ်ရေးမှူး စိန်ဝင်းမြင့်သည် အရပ်ဝတ်စစ်သားများနှင့် ပူးပေါင်း၍ ပေါ်တာဆွဲဖမ်းဆီးခြင်းများပြုလုပ်ခြင်းအပြင် ဘုရင့်နောင်နယ်မြေရှိ အနှိပ်ခန်းများနှင့် မာဆတ်ဆိုင်များထံမှလည်း ဆက်ကြေးကောက်ယူလေ့ရှိကြောင်း သတင်းရသည်။ ထို့အပြင် လူမိုက်အဖွဲ့များနှင့် ရန်ပွဲများ ဖြစ်ပွားနေသဖြင့် မရမ်းကုန်းမြို့နယ်အတွင်း စိန်ဝင်းမြင့်၏ လှုပ်ရှားမှုများကြောင့် စိုးရိမ်မှုများ ပိုမိုတိုးလာနေကြောင်း ဒေသခံများက ပြောကြသည်။ သီပေါနှင့် မင်းတပ်မြို့များတွင် စစ်တပ်လေကြောင်းဗုံးကြဲတိုက်ခိုက်၊ ပြည်သူ ၃ ဦးဒဏ်ရာရ အောက်တို ၄ The Kaladan Post ရှမ်းပြည်နယ်မြောက်ပိုင်း သီပေါမြို့နယ်နှင့် ချင်းပြည်နယ် မင်းတပ်မြို့တို့ကို ယနေ့ အောက်တိုဘာလ ၄ ရက် နံနက်ပိုင်းတွင် စစ်တပ်လေယာဉ်များက ဗုံးကြဲတိုက်ခိုက်ခဲ့ကြောင်း ဒေသခံများထံမှ သိရှိရသည်။ သီပေါမြို့နယ်တွင် နမ့်ဟူးနွဲနှင့် ဂေါ်ဒန်ကျေးရွာအကြား လယ်ကွင်းတွင် ဗုံးကျရောက်ပေါက်ကွဲခဲ့ပြီး ထိခိုက်မှုအသေးစိတ် မသိရသေးသော်လည်း မြို့အတွင်းသို့ မကျရောက်ခဲ့ကြောင်း သိရသည်။ တနင်္နယ်နိုင်လွတ်တော်တော်လှန်ရေးတပ် (TNLA) သတင်းအရ မန်ဟဲကျေးရွာရှိ ရဲစခန်းဟောင်းကို ဂျက်ဖိုက်တာမှ ပေါင် ၂၅၀...

မင်းလှမြို့နယ်တွင် ကပစ ၂ စစ်ယာဉ်တန်း တိုက်ခိုက်ခံရ စစ်သား ၆ ဦး သေဆုံး အောက်တို ၃ The Kaladan Post မကွေးတိုင်း မင်းလှမြို့နယ် သရက်-မင်းလှ လမ်းပိုင်း၌ အောက်တိုဘာ ၂ ရက် ညနေက တော်လှန်ရေးတပ်များက ကပစ ၂ အောက်စစ်ယာဉ်တန်းကို ပစ်ခတ်တိုက်ခိုက်ခဲ့ကြသည်။ စစ်အင်အား ၁၀၀ ဝန်းကျင်ပါ စစ်ကား ၄ စီးအား တိုက်ခိုက်ရာ စစ်သား ၆ ဦး သေဆုံးပြီး ၁၃ ဦး ဒဏ်ရာရရှိခဲ့ကြောင်း သိရသည်။ အဆိုပါ စစ်ယာဉ်တန်းမှာ လင်းကယ် ရဲစခန်းအနီးကျေးရွာများတွင် စစ်ကြောင်းထိုးပြီး ပြန်လာစဉ် တိုက်ခိုက်ခံခဲ့ခြင်းဖြစ်သည်။ တိုက်ခိုက်သည့်နေရာတွင် စစ်တပ်ဘက်က ရပ်တန့်မလုပ်ဘဲ ဒဟတ်ပင်ရေနံမှော်အထိ ဆက်မောင်းကာ လက်နက်ကြီးများဖြင့် ပြန်ပစ်ခတ်ခဲ့ကြောင်း၊ ထိခိုက်ဒဏ်ရာရသူများကို ကပစ ၂ ထဲတွင် ကြိတ်ပြီး ကုသနေကြောင်း သတိရသည်။ USBA တပ်ဖွဲ့မှ ပြည်သူများအား အဆိုပါဒေသတွင် သတိရှိနေထိုင်ရန်နှင့် စစ်ယာဉ်တန်းအနီး မလိုက်ပါရန် သတိပေးထားသည်။ မင်းအောင်လှိုင် မန္တလေးတက္ကသိုလ် ရာပြည့်ပွဲတော်သို့ တက်ရောက်မည် အောက်တို ၃ The Kaladan Post မန္တလေးတက္ကသိုလ် ရာပြည့်ပွဲတော်ကို အောက်တိုဘာ ၄ ရက်နေ့တွင် ကျင်းပမည်ဖြစ်ပြီး အကြမ်းဖက် မင်းအောင်လှိုင်နှင့် မိန်းမ ကြူကြူလှ တက်ရောက်ဖွင့်လှစ်မည်ဟု သိရသည်။ ထိုအခမ်းအနားသို့ တက်ရောက်မည့် ကျောင်းသား၊ ဆရာ၊ မန္တလေးမြို့ခံများ၏ ကိုယ်ရေးအကျဉ်း၊ နောက်ကြောင်းရာဇဝင်များကို...