Author: Salai

အောက်တို ၃ The Kaladan Post PRA-Magway သည် နိုင်ငံတဝှမ်း စစ်ရှိန်မြင့်တက်လာမှုနှင့်အညီ မကွေးဒေသတွင် စစ်ဆင်ရေးများ ကို မဟာမိတ်များနှင့် ပူးပေါင်းကာ ငဖဲမြို့နယ်၊ အမ်း-ပဒါန်းလမ်းနှင့် ပုသိမ်-မုံရွာလမ်းတစ်လျှောက် ရှိ ဒေသများတွင် တိုက်ပွဲများ ပြင်းထန်စွာ ဖော်ဆောင်နေပြီး ဤတိုက်ပွဲများတွင် စစ်ကောင်စီတပ် ဖွဲ့ဝင်များ ထိခိုက်ကျဆုံးမှု များပြားခဲ့ကြောင်း PRA-Magway တပ်ဖွဲ့က သတင်းထုတ်ပြန်ထားပါ သည်။ ထို့အပြင် ငဖဲမြို့နယ် နတ်ရေကန်ဝန်းကျင်တိုက်ပွဲများမှ ထွက်ပြေးလာသော တပ်မ (၉၉) နှင့် စကခ (၁၇) လက်အောက်ခံ တပ်ဖွဲ့ဝင် ၂၇ ဦးကို PRA-Magway မှ အရှင်ဖမ်းဆီးရမိခဲ့ကြောင်း ဖော်ပြထားပါသည်။ အဆိုပါထုတ်ပြန်ချက်နှင့်ပတ်သက်ပြီး  PRA-Magwayတပ်ဖွဲ့ရဲ့တာဝန်ရှိသူ တစ်ဦးက “ ကျွန်တော်တို့ဖမ်းဆီးခဲ့တဲ့ စစ်သုံးပန်းများဟာ တစ်ချိန်တည်းဖမ်းဆီးထားတာ မဟုတ်ဘဲ နဲ့ ၇ပိုင်းနှင့် ၉လပိုင်းတို့မှာ နတ်ရေကန်ဝန်းကျင်တိုက်ပွဲကနေ အမျိုးထွက်လာကြတဲ့သူတွေဖြစ်ပါ တယ် ဒီဖမ်းဆီးသူတွေထံမှ လက်နက်အနည်းငယ် ယူဆေင်လာတဲ့သူတွေပါရှိသလို လက်နက်ထား ခဲ့ပြီး ထွက်ပြေးလာတဲ့သူတွေလည်း ပါတယ်ဟု “ The Kaladan Post သို့ ပြောဆိုသည်။ ၎င်း ဖမ်းဆီးခံရသူများမှာ အဓမ္မစစ်မှုထမ်းဥပဒေဖြင့် ပေါ်တာဆွဲခံရပြီး အပတ်စဉ် (၇) မှ (၁၃) အထိ သင်တန်းဆင်းထားသူများ ဖြစ်သည်။ ဤစစ်သုံ့ပန်းများကို နိုင်ငံတကာ စစ်သုံ့ပန်းဥပဒေနှင့်အညီ ကောင်းမွန်စွာ ထိန်းသိမ်းထားရှိသည်။ မင်းအောင်လှိုင်ဦးဆောင်သော အကြမ်းဖက်စစ်တပ်သည် အာဏာသိမ်းပြီးနောက် အဖက်ဖက်မှ ရှုံးနိမ့်ပြိုလဲနေသော်လည်း၊ ရွေးကောက်ပွဲဖြင့် နိုင်ငံရေး ထွက်ပေါက်ရှာဖွေခြင်း၊ ရင်းနှီးမြှုပ်နှံမှုနှင့် ကုန်သွယ်ရေးကို အသုံးပြု၍ နိုင်ငံတကာဆက်ဆံရေး ထူထောင်ခြင်း၊ အဓမ္မစစ်မှုထမ်းဥပဒေဖြင့် စစ်အင်အားဖြည့်တင်းခြင်းတို့ဖြင့် တကျော့ပြန် အား ကောင်းလာရန် ကြိုးပမ်းလျက်ရှိသည်။ ယခုအခါ စစ်ကောင်စီသည် နိုင်ငံတဝှမ်း ထိုးစစ်ဆင်ရေး များ ပြုလုပ်နေသည်။ နွေဦးတော်လှန်ရေးတွင် လက်နက်ကိုင် တော်လှန်ရေးတပ်ဖွဲ့များသည် အလျားလိုက်ပုံစံဖြင့် အောင်မြင်မှုများ ရရှိခဲ့သော်လည်း၊ ၅ နှစ်နီးပါး ကြာမြင့်လာသည့်တိုင် တစ်ဖွဲ့ချင်း အားကောင်းမှုမှာ ကန့်သတ်ဖြစ်ပြီး တပ်ပေါင်းစုစုစည်းမှု အားနည်းနေခဲ့ကြောင်း PRA-Magway ထုတ်ပြန်ချက်တွင်ထည့်သွင်းထားပါသည်။ အကြမ်းဖက်စစ်ကောင်စီ၏ တကျော့ပြန် အားကောင်းလာမှုကြောင့် ထိန်းချုပ် ဒေသအချို့ ပြန်လည်လက်လွှတ်ရမှုများ ရင်ဆိုင်ရခြင်းဖြစ် ကြောင်း ၎င်းတပ်ဖွဲ့က ထောက်ပြထားသည်။ ထို့ကြောင့် ယခုအချိန်သည် တော်လှန်ရေးအင်အားစု များ၏ တပ်ပေါင်းစုမူဝါဒကို လက်တွေ့အကောင်အထည်ဖော်ရမည့်ကာလဖြစ်ဟု ဆိုသည်။ ဒီ တပ်ပေါင်းစုမူဝါဒကို အကောင်အထည်ဖော်ဆောင်နိုင်ရန်အတွက် “ ကျွန်တော်တို့တော်လှန်ရေး တပ်ဖွဲ့တွေအနေနဲ့ ကျွန်တော်တို့၏ ရည်းမှန်းကဘာလဲဆိုတာသိဖို့လိုတယ် ပြီးတော့ ဘုံလုပ်ငန်းစဥ် ကို ကြည့်ပြီးတော့ တူတဲ့ဟာကို အရင်ရှေ့ရှုးပြီးတော့ ရည်မှန်းချက်ကဘာလဲ ဆိုတာကို အဓိက ထားပြီးတော့ စဥ်းစားဖို့လိုလိမ့်မည်ဟု “ ဆက်လက်ပြောဆိုသည်။  ဖိနှိပ်မှုပေါင်းစုံကို ခံစားခဲ့ရသော လူထုကို အာရုံထားပြီး၊ တစ်ဖွဲ့ချင်းအားကောင်းရေးထက် တော်လှန်ရေးတစ်ခုလုံး အားကောင်းလာ စေရန် ဦးတည်ရမည်ဖြစ်သည်။ ကွဲပြားသော အမိန့်ပေးကွပ်ကဲမှု၊ တပ်အင်အားပြန့်ကြဲမှု၊ ဘဏ္ဍာရေးလေလွင့်မှုများကို အကျစ်လစ်ဆုံး ပေါင်းစည်းကာ တညီတညွတ်တည်း တိုက်ပွဲဝင်ရန် လိုအပ်သည်ဟု PRA-Magway က...

  အောက်တို ၃ The Kaladan Post ဒဟတ်ပင်ရေနံမှော်အနီး သရက် – မင်းလှ လမ်းပိုင်းတစ်နေရာတွင် စစ်ကောင်စီစစ်ကြောင်းအား ၂၀၂၅ ခုနှစ် အောက်တိုဘာလ (၂) ရက်နေ့ ညနေ (၄) နာရီ ကြားဖြတ်တိုက်ခိုက်ခဲ့ကြောင်း United States Of Burma Army _ USBA တပ်ဖွဲ့ရဲ့ သတင်းပြန်ကြားရေးတာဝန်ခံ ရဲဘော် ကိုသာချိုက The Kaladan Post သို့ ပြောဆိုသည်။ အဆိုပါတိုက်ပွဲသည် (၃) မိနစ် သာကြာခဲ့ပါတယ် အပြန်အလှန်ပစ်ခတ်ခြင်းမဟုတ်ပဲ တစ်ဘက်သက်ခြုံခို ပစ်ခတ်ခြင်းတာဖြစ်ပြီးတော့ စစ်ကောင်စီ ဘက်က ကျည်(၁) တောင့်မှ ပြန်မပစ်နိုင် ကြောင်းသိရသည်။ထိုသို့ ပစ်ခတ်နေစဉ် အရပ်သားကုန် တင်ကားတစ်စီး မောင်း၀င်လာသဖြင့် များစွာအနှောက်ယှက်ဖြစ်ခဲ့ရပြီး အဆိုပါကားကို မထိအောင် ရှောင်ပစ်ရင်း ပစ်အားလျှော့ချခဲ့ရသဖြင့် စခ (၁၃) ဦးဒဏ်ရာရပြီး (၆) ဦးကျဆုံး ကြောင်းဖရဲသီး သတင်းရ သိရပါတယ်ဟု ပြန်ကြားရေးတာဝန်ခံက ဆက်လက်ပြောဆိုသည်။ ကပစ(၂) မလွန်မှ အင်အား ၁၀၀ ၀န်းကျင်ပါ စစ်စိမ်းရောင် စစ်ဖောကား (၄) စီးဖြင့် အထက်မင်းလှမြို့နယ် လင်းကယ် ရဲ စခန်း အနီးတဝိုက်ကျေးရွာတွေမှာ ‌(၃) ညအိပ် (၄)ရက် စစ်ကြောင်းထိုးပြီး အပြန် တိုက်ခိုက်ခံရတဲ့နေရာမှာ ရပ်တန့်ခြင်းမရှိပဲ ဒဟတ်ပင်ရေနံမှော်ရောက်မှ ရပ်ပြီး လက်နက်ကြီး အချက်ပေါင်းများစွာ ရမ်းသတ်ပစ်ခတ်ခဲ့ကြသည်။ တိုက်ပွဲအတွင်း ကျဆုံးသူတွေကို ကပစ(၂) ထဲသို့ သယ်ဆောင်သွားပြီး ထိခိုက်ဒဏ်ရာ ရသူတွေကိုလဲ ကပစ (၂) ထဲမှာပဲ ကြိတ်ပြီးကုသနေ ကြသည်။ အဆိုပါတိုက်ခိုက်ခံရ‌တဲ့နယ်မြေအား မကြာခင် စစ်ကြောင်းထိုးပြီး နယ်မြေလာရှင်းမယ်လို့ အပြန်လမ်းတစ်လျှောက်ရှိ ၎င်းတို့ကို ထောက်ခံအားပေးသူများကို အားပေးစကားပြောပြီး အခြားဒေသခံပြည်သူများကိုတော့ တွေ့ကြသေးတာပေါ့ဟု ကြိမ်းမောင်းသွားကြသည်။ သို့ဖြစ်ပါ၍  အကြမ်းဖက်စစ်အုပ်စုမှ စစ်ကြောင်းထိုးလာနိုင်သလို လေကြောင်းတိုက်ခိုက်မှုများ ပြုလုပ်လာနိုင် သဖြင့် အဆိုပါ ဒဟတ်ပင် ရေနံမှော်အနီးနားရှိပြည်သူများ သတိဝီရိယထားပြီး စစ်အုပ်စုရဲ့အန္တရာယ် ကို ကြိုတင်ပြင်ဆင်ထားကြပါရန်နှင့် ခရီးသွား ပြည်သူတွေအနေဖြင့် အကြမ်းဖက်စစ်အုပ်စု ယာဉ်တမ်းတွေနဲ့ မီတာ (၃၀၀) အတွင်း အနီးကပ်လိုက်ပါခြင်း လုံး၀ မပြုလုပ်ကြရန်နှင့် ပစ်ခတ်မှု အသံများကြားပါက ဘေးကင်းရာအရပ်မှာ ခေတ္တရပ်နားထားပေးကြပါရန် တပ်ဖွဲ့ရဲ့တာဝန်ခံ ရဲဘော် ကိုသာချိုက...

  အောက်တို ၂ The Kaladan Post ၂၀၂၅ခုနှစ်၊ အောက်တိုဘာလ ၁ရက်နေ့၊ နံနက် ၉ နာရီ ၃၀မိနစ်ခန့်တွင် ပဲခူးတိုင်း၊ လက်ပံတန်းမြို့နယ်၊ ကမ်းပြိုကြီးရွာမှ စစ်မှုထမ်းကြေးကောက်ခံရန် ထွက်ခွာလာသော စစ်ကောင်စီတပ်ဖွဲ့ဝင်များအား တိုက်ခိုက်ခဲ့ ကြောင်း သာယာဝတီခရိုင် တပ်ရင်း ၃၈၀၂ တပ်ခွဲ ၂က သတင်းထုတ်ပြန်ထားပါသည်။ အဆိုပါထုတ်ပြန်ချက် နှင့်ပတ်သက်ပြီး သာယာဝတီခရိုင် တပ်ရင်း ၃၈၀၂ တပ်ခွဲ ၂ တပ်ဖွဲ့ရဲ့ တာဝန်ရှိသူတစ်ဦးက “ ကျွန်တော်တို့ တိုက်ခိုက်ခဲ့တဲ့ စစ်မှုထမ်းကြေးကောက်ရန်ထွက်လာတဲ့ စကစတွေက အင်အား ၂၀ ကျော်ပါတယ် ဒီအကြမ်းဖက်စစ်တပ်စစ်ကြောင်းကို ကျွန်တို့ သာယာဝတီခရိုင် တပ်ရင်း ၃၈၀၂ တပ်ခွဲ ၂ မှ ရဲဘော်များက သဲကောဆည်လမ်းဆုံမှ စောင့်ကြိုတိုက်ခိုက်ခဲ့တဲဖြစ်ပြီး စစ်သား ၁ ဦးနှင့် ရဲ ၁ ဦး သေဆုံးပြီး သေနတ် ၂ လက်အပါအဝင် လက်နက်ခဲယမ်းများ သိမ်းဆည်းရရှိခဲ့ပါတယ်”ဟု သာယာဝတီခရိုင် တပ်ရင်း ၃၈၀၂ တပ်ခွဲ ၂ မှ တာဝန်ရှိသူတစ်ဦးက The Kaladan Post သို့ ပြောဆိုသည်။ တိုက်ပွဲအတွင်း လက်နက်ကြီးနှင့် လက်နက်ငယ်များဖြင့် ၄၀ မိနစ်ခန့် အပြန်အလှန်ပစ်ခတ်မှုဖြစ်ပွားခဲ့ပြီး အကြမ်းဖက်စစ်တပ်ဘက်မှ အထိနာကာ တပ်ပျက်ပြီး ဆုတ်ခွာသွားခဲ့သည်။ တိုက်ပွဲပြီးဆုံးပြီးနောက် တော်လှန်ရေးတပ်ဖွဲ့များက နယ်မြေရှင်းလင်းရေးပြုလုပ်စဉ် စစ်သား ၁ ဦးနှင့် ရဲ ၁ ဦး၏ ရုပ်အလောင်းများအပြင် G-3 သေနတ် ၁ လက်၊ ကာဘိုင်သေနတ် ၁ လက်၊ ကျည်ဘောက် ၄ ခု၊ ကာဘိုင်ကျည် ၄၂ တောင့်၊ လက်ပစ်ဗုံး ၂ လုံး၊ ဓား ၁ ချောင်း၊ ဘတ်တံဆိပ် ၂ ခု၊ မိုလ်ဘိုင်းဖုန်း ၁ လုံး၊ ငွေသား ၅၂၈၀၀၀ ကျပ်နှင့် မှတ်ပုံ တင်ကတ် ၁ ခုတို့ကို သိမ်းဆည်းရရှိခဲ့သည်။ စစ်ခွေးတွေ ကမ်းပြိုကြီးရွာမှာ စစ်မှုထမ်းကြေး ကောက်နေတာကို သာယာဝတီခရိုင် တပ်ရင်း ၃၈၀၂ တပ်ခွဲ ၂ မှ ရဲဘော်တွေက စောင့်ကြိုတိုက်ခိုက်ရာ ၄၀ မမ ဗုံးသီးထိမှန်ပြီး စစ်ခွေး ၂ ကောင် ပွဲချင်းပြီးသေဆုံးခဲ့သည်။ သေဆုံးမှုအရေအတွက်က ပိုများနိုင်ပြီး ရှင်းလင်းရေးလုပ်နေတုန်း စစ်ခွေးတွေက လက်နက်ကြီးတွေနဲ့ ဆက်တိုက်ပစ်ခတ်လို့ သာယာဝတီခရိုင် တပ်ရင်း ၃၈၀၂ တပ်ခွဲ ၂ ပြန်လည်ဆုတ်ခွာခဲ့ရခြင်းဖြစ်သည်။ လက်ရှိအချိန်တွင် အထိနာသွားသော အကြမ်းဖက်စစ်တပ်က လက်နက်ကြီးများဖြင့် ရမ်းသမ်းပစ်ခတ်နေသဖြင့် တိုက်ပွဲများ ထပ်မံဖြစ်ပွားနိုင်သောကြောင့် ပြည်သူများအနေဖြင့် ၎င်းတို့အနီးတဝိုက်တွင် သွားလာ နေထိုင်ခြင်းမပြုရန် သာယာဝတီခရိုင် တပ်ရင်း ၃၈၀၂ တပ်ခွဲ ၂ က...