Author: Salai

၁။ ဥကရစ်ထစခန်းသိမ်းတိုက်ပွဲမှ လက်နက်ခဲယမ်းများရရှိ ဇူလိုင် ၁၃ The Kaladan Post ကရင်ပြည်နယ်၊ မြဝတီမြို့နယ်ရှိ ဥကရစ်ထစစ်ကောင်စီစခန်းကို ဇူလိုင် ၁၂ ရက်တွင် KNLA၊ PDF ဗျူဟာ ၃၂ နှင့် Cobra Column စစ်ကြောင်း ၁၊ တပ်ခွဲ ၂ ပူးပေါင်းတပ်ဖွဲ့များက တိုက်ခိုက်သိမ်းပိုက်ခဲ့သည်။ တိုက်ပွဲအတွင်း ၆၀ မမ လက်နက်ကြီးများအပါအဝင် လက်နက်ခဲယမ်းအများအပြား သိမ်းဆည်းရရှိခဲ့ကြောင်း Cobra Column က သတင်းထုတ် ပြန်သည်။ စစ်ကောင်စီတပ်ဖွဲ့ဝင် ၁၀၀ နီးပါးမှာ ထိုင်းနိုင်ငံဘက်သို့ ထွက်ပြေးသွားခဲ့ပြီး အလောင်း ၁ လောင်းနှင့် စစ်သား ၁ ဦးအား အရှင်ဖမ်းဆီးရရှိခဲ့သည်။ ဤစခန်းမှာ လွန်ခဲ့သော ၃ နှစ်ခန့်က KNLA ၏ ပထမအကြိမ်ထိုးစစ်ဆင်မှု မအောင်မြင်ခဲ့ဖူးသော စခန်းဖြစ်သည်။ KNU သည် ထိုင်း-မြန်မာနယ်စပ်တစ်လျှောက် ထိန်းချုပ်ရန် စစ်ကောင်စီစခန်း ၂ ခုသာ ကျန်ရှိတော့ပြီး ၎င်းတို့မှာ ဝေါ်လေဗျူဟာကုန်းနှင့် တီသဲလယ်စခန်းများဖြစ်သည်။ မတ်လမှ ဇူလိုင်လအတွင်း စစ်ကောင်စီ၏ ပူးလူးတူ၊ ခလယ့်ဒေး၊ မယ်လ၊ ဘလက်ဒို၊ ဥကရစ်ထအပါအဝင် စခန်းများစွာကို KNU ဦးဆောင်သော တော်လှန်ရေးတပ်များက သိမ်းပိုက်ရရှိခဲ့သည်။ ဤအောင်မြင်မှုများသည် နယ်စပ်ဒေသ ထိန်းချုပ်ရေးအတွက် အရေးပါသော အောင်မြင်မှုများဖြစ်သည်။     ၂။ စီတုန်းရွာကို စစ်တပ်က စီးနင်းမီးရှို့ပြီးပြည်သူများကို လူသားဒိုင်းအဖြစ်ဖမ်းဆီး ဇူလိုင် ၁၃ The Kaladan...

၁။ ဖားကန့်တွင် တိုက်ပွဲများ ဆက်လက်ပြင်းထန်ပြီး စစ်တပ်ဘက်မှ ၅၀ ဦးဝန်းကျင် ထိခိုက်သေဆုံး ဇူလိုင် ၁၂ The Kaladan Post ကချင်ပြည်နယ်၊ ဖားကန့်မြို့နယ်တွင် KIA နှင့် PDF ပူးပေါင်းတပ်ဖွဲ့များနှင့် စစ်ကောင်စီ တပ်များအကြား တိုက်ပွဲများ ဆက်လက်ပြင်းထန်နေပြီး ၇ ရက်အတွင်း စစ်တပ်ဘက်မှ ၅၀ ဦးဝန်းကျင် ထိခိုက်သေဆုံးခဲ့ကြောင်း KIA သတင်းရင်းမြစ်က ပြောသည်။ ဇူလိုင် ၁၁ ရက်နံနက်ပိုင်းတွင် အမှိုက်ပုံရွာနှင့် ဖားကန့်သင်္ချိုင်းတွင် ဒရုန်းဗုံးကြဲမှု၊ လက်နက်ကြီး ပစ်ခတ်မှုများဖြင့် တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၂၀ ဦးနီးပါး ထိခိုက်သေဆုံးခဲ့သည်။ စစ်ကောင်စီ၏ လက်နက်သိုလှောင်ရာနေရာ ထိမှန်ပြီး ပေါက်ကွဲမှုများဖြစ်ပွားခဲ့သည်ဟု KIA စစ်ရေးသတင်းရင်းမြစ်က ဆိုသည်။ ထို့ပြင် မော်မောင်လယန်ကျေးရွာသို့ စစ်ကြောင်းထိုး ဝင်ရောက်လာသည့် စစ်တပ်က ပြည်သူ ၅ ဦးကို ပစ်သတ်ခဲ့သည်။ ဇူလိုင် ၄ ရက်မှစတင်ခဲ့သည့် ဖားကန့်မြို့နယ်အတွင်း တိုက်ပွဲများတွင် စစ်ကောင်စီတပ်သည် မော်မောင်လယန်၊ စုငယန်၊ အမှိုက်ပုံ၊ မှော်ဆီဇာနှင့် အခြားနေရာများတွင် နေရာယူထားပြီး လမောင်ကုန်းကို ပြန်လည်သိမ်းပိုက်ရန်ပြင်ဆင်နေသည်။ လဝကျေးရွာအနီးရှိ စစ်ကောင်စီ စခန်းတစ်ခုကို KIA နှင့် PDF ပူးပေါင်းတပ်ဖွဲ့က သိမ်းပိုက်ခဲ့သည်ဟု သတင်းရင်းမြစ်က ပြောသည်။ စစ်ကောင်စီသည် ဖားကန့်မြို့အနောက်ဘက်တွင် စစ်ကြောင်းခွဲ၍ တိုက်ပွဲများဖန်တီးနေပြီး၊ မေလနှောင်းပိုင်းမှစတင်ကာ ဖားကန့်တွင် စစ်ရေးလှုပ်ရှားမှုများ ပြုလုပ်နေသည်။ ဒေသခံပြည်သူများထံမှ သိရှိရသည့်အချက်အရ မော်မောင်လယန်ရွာတွင် သေဆုံးသူ ၃ ဦး၏...