Author: Salai

၁။ တလုပ်မြို့တွင် စစ်တပ်နှင့် တိုက်ပွဲဖြစ်ပွား၊ စစ်သား ၈ ဦးသေဆုံးပြီး နေအိမ်များ မီးရှို့ခံရ ———————————————— ဩဂုတ် ၁၃ The Kaladan Post မန္တလေးတိုင်း၊ မြင်းခြံမြို့နယ်၊ တလုပ်မြို့တွင် တပ်စွဲထားသော စစ်တပ်ကို တော်လှန်ရေးတပ်ဖွဲ့များက ဩဂုတ်လ ၉ ရက်နေ့ နံနက် ၆ နာရီတွင် စစ်ကြောင်း ၃ ကြောင်းဖြင့် ဝင်ရောက်တိုက်ခိုက်ခဲ့သည်။ ၈ နာရီခန့်ကြာ ထိတွေ့တိုက်ပွဲအတွင်း စစ်သား ၈ ဦးသေဆုံးခဲ့ပြီး စစ်တပ်က လက်နက်ကြီးဖြင့် ၃၀ ကြိမ်ကျော်ပစ်ခတ်ကာ ရဟတ်ယာဉ်ဖြင့် ဗုံး ၁၂ လုံးချသဖြင့် တော်လှန်ရေးတပ်ဖွဲ့များ ဆုတ်ခွာခဲ့ရသည်။ တိုက်ပွဲအတွင်း စစ်တပ်၏ လက်နက်ကြီးနှင့် မီးလောင်ဗုံးများကြောင့် နေအိမ်များ မီးလောင်ပျက်စီးခဲ့သည်။ ဤစစ်ဆင်ရေးကို CDSOM (ဗိုလ်စင်္ကြာစစ်ကြောင်း) နှင့် PDF (Taloke) တို့ ပူးပေါင်းလုပ်ဆောင်ခဲ့ခြင်းဖြစ်ပြီး စစ်တပ်ဘက်မှ ပြင်းထန်စွာ ခုခံမှုကြောင့် မြို့ကို အပြီးသတ် သိမ်းပိုက်နိုင်ခြင်း မရှိခဲ့ပေ။ CDSOM တာဝန်ရှိသူတစ်ဦးက “စစ်တပ်ဘက်က အထိနာခဲ့ သော်လည်း လေကြောင်းနှင့် လက်နက်ကြီးပစ်ကူမှုကြောင့် ဆုတ်ခွာခဲ့ရသည်” ဟု ပြောကြားသည်။ ၂။ ကျောက်ကြီးမြို့နယ်တွင် စစ်မှုထမ်းတပ်သား ၈ ဦး အလင်းဝင် ———————————————— ဩဂုတ် ၁၃ The Kaladan Post ပဲခူးတိုင်း၊ ကျောက်ကြီးမြို့နယ်၊ နတ်သံကွင်းစခန်းနှင့် ကွင်းချောင်းဝဗျူဟာစခန်းများမှ စစ်မှုထမ်းတပ်သား ၈ ဦးသည် ဩဂုတ်လ ၁၂...

၁။ ပဲခူးမြို့လယ်ရှိ ဗိုလ်ချုပ်အောင်ဆန်း ကြေးရုပ်တု ညအချိန် ဖယ်ရှားဖျက်ဆီး ဩဂုတ် ၈ The Kaladan Post ပဲခူးမြို့လယ်ခေါင်ရှိ ဗိုလ်ချုပ်အောင်ဆန်း ကြေးရုပ်တုကို စစ်တပ်က ညသန်းခေါင်ယံတွင် လျှပ်စစ်မီးများ ဖြတ်တောက်၍ ဖယ်ရှားဖျက်ဆီးခဲ့ကြောင်း ပဲခူးမြို့ခံများက ပြောသည်။ ယမန်နေ့ ည ၁၂ နာရီဝန်းကျင်တွင် ဘုရားလမ်းနှင့် တောင်ငူလမ်းထောင့်ရှိ ရုပ်တုကို ကရိန်းကားများဖြင့် သယ်ယူဖယ်ရှားခဲ့သည်။ ရုပ်တုထားရှိရာ အထိုင်တုံးကိုလည်း ဖြိုချခဲ့ပြီး လုပ်ငန်းစဉ်တစ်ခုလုံး အမှောင်ထဲတွင် ပြုလုပ်ခဲ့သည်။ စစ်ကားများဖြင့် လုံခြုံရေးယူထားပြီး မီးပြန်လည်မလာခဲ့ဟု သိရသည်။ အလားတူ နေပြည်တော်တွင်လည်း ဇူလိုင်လ ၂၈ ရက်နေ့တွင် ဗိုလ်ချုပ်အောင်ဆန်း ကြေးရုပ်တုတစ်ခုကို စစ်တပ်က ဖယ်ရှားဖျက်ဆီးခဲ့သည်။ စစ်တပ်သတင်းရင်းမြစ်အချို့က ဤဖယ်ရှားမှုများမှာ NLD အစိုးရလက်ထက် ထုလုပ်ခဲ့သော ရုပ်တုများကို ပစ်မှတ်ထားခြင်းဖြစ်နိုင်ပြီး ယတြာတစ်ခုဖြစ်နိုင်သည်ဟု သုံးသပ်သည်။ သို့သော် တပ်ရင်းများတွင် ဗိုလ်ချုပ်ပုံတူများကို ဆက်လက်ချိတ်ဆွဲထားရန် ညွှန်ကြားထားဆဲဖြစ်သည်။             ၂။ မင်းအောင်လှိုင် အာဆီယံပဋိညာဉ်လိုက်နာရန် တိုက်တွန်းသော်လည်း ထိပ်သီးအစည်းအဝေးတက်ရောက်ခွင့် ပိတ်ပင်ခံထားရဆဲ ဩဂုတ် ၈ The Kaladan Post အာဆီယံအဖွဲ့ဝင်နိုင်ငံများအနေဖြင့် ပြည်တွင်းရေးစွက်ဖက်မှုမပြုရေး အာဆီယံပဋိညာဉ်ကို လေးစားလိုက်နာရန် စစ်ခေါင်းဆောင် မင်းအောင်လှိုင်က ၅၈ နှစ်မြောက် အာဆီယံနှစ်ပတ်လည်နေ့သို့ စာပေးပို့ပြောဆိုသည်။ ဒေသတွင်း စိန်ခေါ်မှုများကို ပြင်ပဝင်ရောက်စွက်ဖက်မှုမပါဘဲ ဖြေရှင်းရန်နှင့် ပဋိညာဉ်စာတမ်းပါ အခြေခံမူများကို လိုက်နာရန် ၎င်းက တိုက်တွန်းသည်။...

၁။ စစ်ကြောင်းထိုးလာသော စစ်တပ်ကို တော်လှန်ရေးတပ်များ ပိတ်ဆို့တိုက်ခိုက် ဩဂုတ် ၇ The Kaladan Post မန္တလေးတိုင်း၊ ငါန်းဇွန်မြို့နယ်တွင် ဇူလိုင်လအတွင်း စစ်ကြောင်းထိုးလာသော အကြမ်းဖက်စစ်တပ်ကို တော်လှန်ရေးတပ်ဖွဲ့များက အကြိမ်ကြိမ် ပိတ်ဆို့တိုက်ခိုက်ခဲ့ရာ စစ်တပ်ဘက်မှ ၂၅ ဦးသေဆုံးပြီး ၃၅ ဦးကျော် ဒဏ်ရာရရှိခဲ့ကြောင်း မန္တလေးခရိုင် အမှတ် ၅ တပ်ရင်းမှ တာဝန်ရှိသူတစ်ဦးက ပြောသည်။ တော်လှန်ရေးတပ်ဖွဲ့ဘက်မှ ရဲဘော် ၁ ဦးကျဆုံးကာ ၄ ဦး ဒဏ်ရာရရှိခဲ့သည်။ ဇူလိုင်လ ၇ ရက်မှ ၁၂ ရက်အတွင်း ဆီးမီးခုံဆိပ်ကမ်းမှ ကုန်းလည်ရွာ၊ ပေါက်တောရွာနှင့် နတ်ကြီးရွာသို့ စစ်ကြောင်းထိုးလာစဉ် တိုက်ပွဲများ ဖြစ်ပွားခဲ့သည်။ စစ်တပ်သည် ရဲကင်းစခန်းသို့ ပြန်လည်ဆုတ်ခွာသွားခဲ့ရသည်။ ထို့ပြင် ဇူလိုင်လ ၈ ရက်တွင် စစ်တပ်က ကုန်းလည်ရွာရှိ နေအိမ် ၁၃ လုံးကို မီးရှို့ဖျက်ဆီးခဲ့ပြီး၊ ဇူလိုင်လ ၁၂ ရက်တွင် တိုက်လေယာဉ်ဖြင့် နတ်ကြီးရွာသို့ ဗုံး ၆ လုံးကြဲကာ စက်သေနတ်များဖြင့် ပစ်ခတ်တိုက်ခိုက်ခဲ့သည်။ တော်လှန်ရေးတပ်ဖွဲ့များသည် စစ်ကောင်စီကို ဆက်လက်ခုခံရန် စည်းလုံးညီညွတ်စွာ ကြိုးပမ်းနေကြောင်း၊ ပြည်သူများအနေဖြင့် စိတ်မပျက်ကြရန်နှင့် သားသမီးများကို စစ်ကောင်စီ၏ လက်နက်ကိုင်အဖြစ် မဖြစ်ပေါ်စေရန် ဂရုစိုက်ရန် မန္တလေးခရိုင် အမှတ် ၅ တပ်ရင်းမှ တာဝန်ရှိသူက တိုက်တွန်းပြောကြားသည်။         ၂။ ယာယီသမ္မတ ဦးမြင့်ဆွေ ကွယ်လွန် ဩဂုတ်...