Author: Salai

ပြည်ပရောက်မြန်မာများ စစ်တပ်အတုအယောင်ရွေးကောက်ပွဲ ကြိုတင်မဲပေးမှု အလွန်နည်း   ဒီဇင် ၂၃ The Kaladan Post စစ်တပ်လက်အောက်ခံ ရွေးကောက်ပွဲကော်မရှင်ထံမှ စုံစမ်းသိရှိရသည်မှာ ပြည်ပရောက် မြန်မာနိုင်ငံသားများ သန်းပေါင်းများစွာ ရှိနေသော်လည်း စစ်တပ်ပြုလုပ်မည့် ရွေးကောက်ပွဲအတွက် ကြိုတင်ဆန္ဒမဲ ပေးသူ စုစုပေါင်း ၅၀၀၀ ကျော်ဝန်းကျင်သာ ရှိကြောင်း တွေ့ရသည်။ ဒီဇင်ဘာ ၆ ရက်နှင့် ၇ ရက်တို့တွင် သံရုံး၊ ကောင်စစ်ဝန်ရုံးများနှင့် အမြဲတမ်းကိုယ်စားလှယ်အဖွဲ့ရုံးများ စုစုပေါင်း ၅၀ ရုံးတွင် ကောက်ခံခဲ့ရာတွင် ယင်းအရေအတွက်သာ ရရှိခဲ့ခြင်း ဖြစ်သည်။ အဆိုပါ ကြိုတင်မဲများကို ဒီဇင်ဘာ ၁၈ ရက်တွင် နိုင်ငံခြားရေးဝန်ကြီးဌာနက ကော်မရှင်ထံ လွှဲပြောင်းပေးခဲ့သော်လည်း တရားဝင် အရေအတွက်ကို ထုတ်ပြန်ခြင်း မရှိသေးပေ။ ကော်မရှင်သတင်းရင်းမြစ်က “သံရုံးဝန်ထမ်းများ၊ စစ်သံမှူးရုံးဝန်ထမ်းများနှင့် ကောင်စစ်ဝန်ရုံးဝန်ထမ်းများ၊ မိသားစုဝင်များ၏ မဲများ အများဆုံးပါဝင်ပြီး ပြည်ပရောက် အရပ်သားနိုင်ငံသားများ မဲပေးမှု နည်းပါးသည်” ဟု ရှင်းပြခဲ့သည်။ ဥပမာ ထိုင်းနိုင်ငံ ဘန်ကောက်သံရုံးတွင် ကြိုတင်မဲပေးသူ ၃၀၀ ကျော်ဝန်းကျင်သာ ရှိခဲ့သည်ဟု ဆိုသည်။ ယင်းအချက်က ပြည်ပရောက် မြန်မာအများစု စစ်တပ်ကျင်းပမည့် ရွေးကောက်ပွဲကို စိတ်မဝင်စားကြောင်း ထင်ရှားစေနေသည်။ စစ်တပ်ရွေးကောက်ပွဲက အကြမ်းဖက်မှု ပိုဆိုးစေနိုင်၊ တရားမျှတမှု လုံးဝမတွေ့ဟု ဗြိတိန် သတိပေး   ဒီဇင် ၂၃ The Kaladan Post ကုလသမဂ္ဂလုံခြုံရေးကောင်စီတွင် မြန်မာ့အရေး တံခါးပိတ်ဆွေးနွေးပွဲ မတိုင်မီ ကုလသမဂ္ဂဆိုင်ရာ...

ထွက်ပြေးအချုပ်သား ၄ ဦး လင်မယား အသတ်ခံရမှုကို ဝန်ခံ၊ KNU ပြန်ဖမ်းဆီးရရှိ   ဒီဇင် ၂၂ The Kaladan Post တနင်္သာရီတိုင်း၊ ပုလောမြို့နယ်တွင် ဒီဇင်ဘာ ၁၅ ရက် ညနေပိုင်းက CDM ကျောင်းဆရာမ ဒေါ်အေးသီအောင်နှင့် ခင်ပွန်းတို့ ဓားဖြင့်ခုတ်သတ်ခံရမှုကို ကျူးလွန်သူများက ဝန်ခံထားပြီး ကရင်အမျိုးသားအစည်းအရုံး (KNU) က ပြန်လည်ဖမ်းဆီးရမိထားသည်။ အဆိုပါ လူသတ်သမား ၄ ဦးမှာ KNDO တပ်ရင်း ၇၊ တပ်ခွဲ ၅ တွင် ချုပ်နှောင်ထားသည့် အချုပ်သားများဖြစ်သည့် မောင်အောင်နိုင်ဦး၊ မောင်ဖြိုးဝေဦး၊ မောင်ဇော်ထိုက်နှင့် မောင်ဝင်းစိုးတို့ ဖြစ်ကြပြီး ဒီဇင်ဘာ ၁၃ ရက် နံနက်ပိုင်းက အကျဉ်းခန်းမှ ထွက်ပြေးလွတ်မြောက်သွားခဲ့ခြင်း ဖြစ်သည်။ ထွက်ပြေးလွတ်မြောက်ပြီးနောက် မောင်ဝင်းစိုးက ဆရာမထံ ထမင်းတောင်းစားရန် သွားရောက်ရာ မရရှိသဖြင့် ဓားဖြင့်ခုတ်သတ်ခဲ့ပြီး အော်သံကြားသဖြင့် ထွက်လာသော ခင်ပွန်းကိုလည်း ကျန်သူ ၃ ဦးက ဖမ်းဆီးထားစဉ် သတ်ဖြတ်ခဲ့ခြင်းဖြစ်ကြောင်း စုံစမ်းစစ်ဆေးရာတွင် ဝန်ခံခဲ့သည်။ လင်မယားနှစ်ဦးကို သတ်ဖြတ်ပြီးနောက် လက်ဝတ်ရတနာများ ယူဆောင်ကာ ထိုင်းနိုင်ငံသို့ ထွက်ပြေးရန်ကြိုးစားစဉ် ဒီဇင်ဘာ ၁၇ နှင့် ၁၈ ရက်များတွင် KNU တပ်ဖွဲ့က တစ်ဦးချင်း ပြန်လည်ဖမ်းဆီးရမိခဲ့ခြင်းဖြစ်သည်။ KNU က ကရင်အမျိုးသား အစည်းအရုံး၏ ကော်သူးလေတရားဥပဒေနှင့်အညီ ထိရောက်စွာ အရေးယူသွားမည်ဟု ထုတ်ပြန်ထားသည်။ MAI လေကြောင်း လက်ဆွဲအိတ် အခမဲ့မသယ်တော့ဘဲ...