Author: Salai

  ဩဂုတ် ၂ The Kaladan Post စစ်ကိုင်းတိုင်းဒေသကြီး ရွှေဘိုခရိုင်၊ ရွှေဘိုမြို့နယ် ရေဘေးသင့် ရေရှည်စစ်ဘေးရှောင် ပြည်သူများ အား ရွှေဘိုမြို့နယ်ပြည်သူ့လုံခြုံရေးတပ်ဖွဲ့ ၊ shwebo Crocodile ၊ ရွှေဘိုမြို့နယ် လူ့အခွင့်အရေး တာဝန်ခံတို့မှ ပြည်တွင်း ပြည်ပ အလှူရှင်များမှရရှိသော အလှူငွေဖြင့် ဒုက္ခရောက်နေသော စစ်ဘေး ရှောင်များကို နိင်စွမ်းသည့်အားဖြင့် ပြည်သူ မှ ပြည်သူသို့ ပြန်လည်ထောက်ပံ့ လှူဒါန်းခွင့်ရသည်ကို ဝမ်းသာပီတိ ဖြစ်ရကြောင်း တာဝန်ရှိသူက The Kaladan Post သို့ သတင်း ပေးပို့ပါသည်။ ကျွန်တော် တို့သည်” ပြည်သူ့အမှုထမ်းရင်း ဘုံရန်သူကို ဖြိုဖျက်တိုက်ခိုက်နေတဲ့  အရံ စစ်သည်များ အဖြစ် တိုက်ပွဲများတွင်လည်း ပါဝင်ဆောင်ရွက်လျက်ရှိပါတယ် ပြီးတော့ ပြည်တွင်း ပြည်ပ အလှူရှင်များ ထံမှ ရရှိသော တပ်ဖွဲ့ပိုင်ရံပုံငွေများကို အသုံးပြုပြီးတော့ စစ်ဘေးရှောင်ပြည်သူများကို  လူသား စာနာထောက်ထားမှုဆိုင်ရာ အကူအညီများ ပေးအပ်ခဲ့တာဖြစ်ပါတယ်”ဟု တာဝန်ရှိသူကဆိုသည်။ ယခုအခါ ရွှေဘိုမြို့နယ်အတွင်း ရေကြီးမှုဒဏ်ခံစားနေရသော စစ်ဘေးရှောင်အိမ်ထောင်စု (၁၀၀) စာအတွက် ဆန်သုံးပြည်နှင့် စားသုံးဆီတစ်ဗူးစီ ထောက်ပံ့ကူညီပေးခဲ့ကြောင်းသိရပါသည်။ ဤ လှူဒါန်းမှုသည် ရွှေဘိုမြို့နယ် ပြည်သူ့လုံခြုံရေးတပ်ဖွဲ့မှ ဒုတိယမြောက် ကူညီထောက်ပံ့မှု ဖြစ်ပါ သည်။ရွှေဘိုမြို့နယ် ပြည်သူ့လုံခြုံရေးတပ်ဖွဲ့သည် ပြည်သူများထံမှ ရရှိသော အလှူငွေများကို စစ်ဘေးရှောင်ပြည်သူများအတွက် တိုက်ရိုက်ထောက်ပံ့ရန် အသုံးပြုထားခြင်းဖြစ်ပါသည်။ ရွှေဘို မြို့နယ်အတွင်း လူသားစာနာထောက်ထားမှုဆိုင်ရာ တာဝန်ခံတစ်ဦးရှိပြီး၊ ၎င်းသည် မြို့နယ်တစ်ခု လုံးအတွက် ဆောင်ရွက်လျက်ရှိသော်လည်း၊ ဤထောက်ပံ့မှုသည် တပ်ဖွဲ့၏ သီးသန့်ကူညီမှု ဖြစ်ပါသည်။  ပြည်သူများ၏ ပူးပေါင်းပါဝင်မှုဖြင့် ယုံကြည်အားကိုးထိုက်သော အင်အားစု တစ်ခု အဖြစ် ရပ်တည်နိုင်မည်ဟု ယုံကြည်ထားကြောင်း တာဝန်ရှိသူက ဆက်လက်ပြောဆိုသည်။ ဤ လှူဒါန်းမှုသည် ဖြစ်ချင်ရာဖြစ်ရုံမဟုတ်ဘဲ၊ ဖြစ်သင့်ဖြစ်ထိုက်သည့် လူထုကူညီထောက်ပံ့မှု တစ်ရပ် ဖြစ်ပြီး၊ တပ်ဖွဲ့၏ နိုင်စွမ်းသည့်အားဖြင့် ဆက်လက်အားဖြည့်ကူညီသွားမည်ဖြစ်ကြောင်းသိရသည်။ ရွှေဘိုမြို့နယ် ပြည်သူ့လုံခြုံရေးတပ်ဖွဲ့သည် ပြည်သူတွေရဲ့ လုံခြုံရေးကို ကာကွယ်စောင့်ရှောက်ရန် တာဝန်ယူထားတဲ့ တပ်ဖွဲ့တစ်ခုဖြစ်ပြီး၊ ပြည်သူများအပေါ် အကြမ်းဖက်မှုများကို နှိမ်နင်းတိုက်ခိုက် ရေးတပ်ဖွဲ့အဖြစ်လည်း Shwebo Crocodile Page မှတစ်ဆင့် ဖွဲ့စည်းထားပါတယ်”ဟု တာဝန်ရှိ သူက...

  ————————————————————- ဩဂုတ် ၂ The Kaladan Post ချင်းပြည်တော်လှန်ရေးတပ်ဖွဲ့ဖြစ်သော Chinland Defense Force – Mara  နှင့် Mara Land Defence Force -MDF တို့သည် ယမန်နေ့ ဩဂုတ်လ ၁ရက်နေ့တွင် တိုက်ပွဲဖြစ်ပွားတယ်လို့ ဒေသတွင်း မီဒီယာတွေ ဖော်ပြချက်အရသိရပါသည်။ အဆိုပါဖော်ပြချက်များတွင် နှစ်ဘက်တော် လှန်ရေးရဲ‌ဘော်များ၏ ထိခိုက် ဒဏ်ရာရရှိမှုကို အမျိုးမျိုးဖော်ပြကြားသည်။ ဒီဖော်ပြချက်များနှင့် ပတ်သက်ပြီး မာရာဒေသရှိ ငါးဖိုင်သဲကျေးရွာတွင် နေထိုင်သူပြည်သူတစ်ဦးကို The Kaladan Post မှ ဆက်သွယ်မေးမြန်းရာတွင် “ ဒီတိုက်ပွဲက ဇူလိုင်လကတည်း စဖြစ်ခဲ့ပါတယ် ဒီဇူလိုင်လအတွင်း ဖြစ်ပွားခဲ့တဲ့တိုက်ပွဲမှာက နှစ်ဘက်ထိခိုက်မှုမရှိခဲပါဘူး ဒါပေမယ့် ယမန်နေ့ ဩဂုတ်လ ၁ရက်နေ့  နေ့လယ်နှစ်နာရီဝန်းကျင်က ပြန်လည်ဖြစ်ပွားတဲ့အချိန်မှာတော့ CDF – Mara ဘက်က ရဲဘော် တစ်ဦးဟာ မြေမြှပ်မိုင်းနင်းမိသဖြင့် ခြေထောက်ဒဏ်ရာရရှိခဲ့ပါတယ် MDF ဘက်ကဒဏ်ရာရရှိမှု အခြေအနေကိုတော့ မသိပါဘူး ’’ပြောဆိုသည်။ လက်ရှိမှာ မိုးသည်းထန်စွာရွာသွန်းမှုကြောင့် တိုက်ပွဲကို ခဏရပ်ထားတာဖြစ်ပြီး စစ်ရေးတင်းမာနေဆဲဖြစ်ကာ မိုးနည်းလာပါက တိုက်ပွဲပြန်လည် ဖြစ်ပွားနိုင်ကြောင်း သိရပါသည်။ ၎င်းတိုက်ပွဲရပ်တန့်နိုင်ရန်အတွက် နှစ်ဖက်ကြားညှိနှိုင်းပေးတဲ့အဖွဲ့ မရှိသောကြောင့် ပြည်သူများသည် အခက်အခဲများစွာ ရင်ဆိုင်နေရသည့်အပြင် မလိုအပ်ဘဲ ရဲဘော် များရဲ့ အသက်များစွာကို ဆုံးရှုံးနိုင်ကြောင်း ၎င်းကဆက်လက်ပြောဆိုသည်။ ဤတိုက်ပွဲသည် ၂၀၂၅ခုနှစ်၊ ဇူလိုင်လ ၁၄ရက်နေ့တွင် MTC/MDF +AA တပ်ဖွဲ့များက IMC/CDF-Mara ဌါနချုပ် ဝင်စီးရန် အင်အား အလုံးရင်းဖြင့် ထိုးစစ်ဆင်လာသဖြင့် ဖန်ထလန်ကျေးရွာ ၊ဆော်မှိန် တိုက်နယ် (၃) နေရာတွင်  ထိတွေ့ ပစ်ခတ်မှု ​ဖြစ်ပွါးခဲ့ပြီဖြစ်ကြောင်း CDF Mara ၏ ၁၃/၂၅ ထုတ်ပြန်ချက် အရသိ ရပါသည်။ MTC/MDF +AA တပ်ဖွဲ့များသည် IMC/CDF-Mara ဌာနချုပ်အနီးရှိ ကျေးရွာများကို ဝိုင်းပိတ်ဆို့ထားပြီး နှစ်ဖက်စစ်ရေးတင်းမာနေသောကြောင့် ကျေးရွာများမှ ထောင်ချီပြည်သူများ၊ အထူးသဖြင့် သက်ကြီးရွယ်အိုများ၊ မသန်စွမ်းသူများနှင့် နို့ဆို့ကလေးများသည် ဘေးလွတ်ရာသို့ ထွက်ပြေး တိမ်းရှောင်နေသောကြောင့် အရေးပေါ်အကူအညီလိုအပ်နေကြောင်း ၎င်းထုတ်ပြန် ချက်တွင် ဖော်ပြထားပါသည်။ ဒီတိုက်ပွဲနှင့် ပတ်သက်ပြီး နှစ်ဘက်တာဝန်ရှိသူတွေကို The Kaladan Post မှ ဆက်သွယ်မေးမြန်း ခဲ့ပေမယ့် ပြန်လည်ဖြေကြားခြင်းမရှိပါသဖြင့် သိခြားအတည်ပြုနိုင်ခြင်း...