Author: Salai

———————————————————————— ဇူလိုင် ၂၅ The Kaladan Post ချောင်းဦးမြို့၊ ဆည်မြောင်းရုံးအနီး မုံရွာ-မန္တလေးလမ်းမကြီးပေါ်သို့ ဆိုင်ကယ် ၂စီးဖြင့် ကင်းပုန်းဝပ်ရန် ထွက်လာသော စစ်ကောင်စီ တပ်သား ၄ဦးသည် ၂၀၂၅ခုနှစ် ဇူလိုင်လ ၂၃ ရက်နေ့ နံနက်၅နာရီခွဲ ခန့်တွင် Brave Heart Army – BHA အဖွဲ့နှင့်မဟာမိတ်များက ပူးပေါင်းတိုက်ခိုက်ခဲ့ကြောင်း BHA ၏ထုတ်ပြန် ချက်အရသိရသည်။ အဆိုပါထုတ်ပြန်ချက်နှင့်ပတ်သက်ပြီးBrave Heart Army – BHA တပ်ဖွဲ့ရဲ့တာဝန် ရှိသူ တစ်ဦးက “ ဒီတိုက်ပွဲအတွင်း သေဆုံးသွားတဲ့ စစ်ကောင်စီတပ်ဖွဲ့ဝင် အလောင်းများဟာဆိုရင် တိုက်ပွဲအပြီး အချိန်အတော်ကြာမှ စကစတွေက အင်အားအလုံးအရင်း အသုံးပြုပြီး လာကောက်သွား ပါတယ်ခင်ဗျ အဲ့ဒီလာကောက်သွားတဲ့ စစ်ကောင်စီတွေကို ကျွန်တော်တို့ဘက်က လက်နက်ခဲ့ယမ်းများ လိုအပ်ချက်တွေကြောင့် တိုက်ခိုက်လို့မရပါဘူး ပြီးတော့ဒီတိုက်ပွဲမှာတောင် ကျွန်‌တော်တို့က ရဲဘော် တစ်ယောက်ကို အနည်းဆုံး ကျည်(၁၅၀)အထက်ပေးရတာဆိုတော့ တိုက်ပွဲဖော်ဆောင်ဖို့အတွက် ငွေကြေးက အင်မတန်အရေးကြီးပါတယ်” ဟု The Kaladan Post သို့ပြောဆိုသည်။ ဒါ့အပြင် ကျွန်တော်တို့တပ်ဖွဲ့နှင့်မဟာမိတ်တပ်ဖွဲ့များသည် အကြမ်းဘက် စစ်ကောင်စီကို ဆက်လက်တိုက်ခိုက် သွားမှာဖြစ်တဲ့အတွက် တော်လှန်ပြည်သူများအနေဖြင့် တိုက်ပွဲ့အတွက်လိုအက်လျက်ရှိသော လက်နက် ခဲယမ်းများ ဝယ်ယူစု‌ဆောင်းနိုင်အောင် မိမိစေတနာရှိစွာဖြင့် တတ်နိုင်သလောက် ကူညီထောက်ပံ့ပေး ကြပါရန် Brave Heart Army – BHA ဖွဲ့ရဲ တာဝန်ရှိသူက မေတ္တာရပ်ခံထားပါသည်။ Brave Heart Army -BHA တပ်ဖွဲ့သည် ဘဏ္ဍာငွေအား ပုံမှန်ရရှိသော လစဥ်ဝင်ငွေမရှိဘဲ ပြည်သူတွေက ထောက်ပံ့ တာလည်းကိုစုဆောင်းပြီး လက်နက်ခဲယမ်းများဝယ်ယူကာ တိုက်ပွဲများစွာကို အောင်မြင်စွာ ဖော်ဆောင် နိုင်သောတပ်ဖွဲ့ဖြစ်ပါသည်။ ထိုကြောင့် တိုက်ပွဲ့များ ဆက်လက်ဖော်ဆောင်နိုင်ရန်အတွက် တော်လှန် ပြည်သူ ပီသစွာတတ်နိုင်သမျှဖြင့် ဝိုင်းဝန်းကူးညီထောက်ပံ့ပေးကြရန် လိုအပ်ကြောင်းနှင့် Brave Heart Army _ BHA Page ကနေပြီးတော့ ဝင်ငွေတွေတိုးလာအောင် Facebook Page နှင့် Telegram ကို Like / Share and Follow ဖြင့်အားပေးကူညီနိုင်ပါကြောင်း တပ်ဖွဲ့ရဲ့တာဝန် ရှိသူက တိုက်တွန်းထား ပါသည်။ ၎င်းတိုက်ပွဲသည် စစ်ကောင်စီတပ်ဖွဲ့များ ထွက်လာသည်ကို ကြိုတင် သတင်းရရှိထားသဖြင့် Brave Heart Army နှင့် ချောင်းဦးမြို့နယ် ပကဖ အမှတ် (၁) တိုက်နယ် တိုက်ခိုက်ရေးတပ်စိပ် တို့ ပူးပေါင်း၍ စောင့်ကြိုတိုက်ခိုက်ခဲ့ရာ စစ်ကောင်စီ တပ်သား (၄) ဦးလုံးသေဆုံးခဲ့သည့်အပြင် ဆိုင်ကယ် ၂ စီး၊ MA 3 ၁ လက်၊ MA 11 ၃ လက်၊ လက်ပစ်ဗုံး ၃ လုံး၊ ဖုန်း ၂ လုံး၊ ၅.၅၆ ကျည် ၄၀၀ တောင့် သိမ်းဆည်းရရှိခဲ့ခြင်းဖြစ်သည်။ တိုက်ပွဲဖြစ်စဉ်အတွင်း တော်လှန်ရေး ရဲဘော်များ ထိခိုက်မှု့မရှိပဲ အောင်မြင်စွာလုပ်ဆောင်နိုင်ခဲ့ပါသည်။ ပြည်သူများအနေဖြင့် တိုက်ပွဲသတင်း များရရှိသည်နှင့်အမျှ ကျေးရွာထဲမှာမနေကြဘဲ ကျေးရွာအပြင်ဘက်ကို ထွက်ပြေးကာ လုံခြုံသည့်နေရာ များသို့ ထွက်ပြေးတိန်းရှောင်ကြရန်လိုအပ်ကြောင်း Brave Heart Army -BHA ရဲ့တာဝန်ရှိသူက အကြံ...

———————————————————————- ဇူလိုင် ၂၄ The Kaladan Post ၂၀၂၅ခုနှစ်၊ ဇူလိုင် ၂၂ ရက် မွန်းလွဲ ၃ နာရီခန့်တွင် စစ်ကိုင်းတိုင်း၊ မုံရွာမြို့ရှိ ရေဦးဆန်ဆိုင်ဂိတ်ကို Gue PSFတပ်ဖွဲ့နှင့်အတူ မဟာမိတ်တော်လှန်ရေးပူးပေါင်းတပ်ဖွဲ့များက ဝင်ရောက်တိုက်ခိုက်ခဲ့ပြီး စစ်ဗိုလ် ၁ ဦး၊ ရဲအရာရှိ ၁ ဦးအပါအဝင် ဆက်ကြေးကောက်နေတဲ့ စစ်သား ၂ ဦး နေရာမှာတင် သေဆုံးခဲ့ကြောင်း Gue Gue PSF စစ်ကြောင်း (မုံရွာမြို့နယ် ပြည်သူ့လုံခြုံရေးအဖွဲ့) မှ တာဝန်ခံ ဂူးဂူးက The Kaladan Post သို့ ပြောကြားခဲ့သည်။ အဆိုပါ ရေဦးဆန်ဆိုင်အကြမ်းဘက် စကစဂိတ်သည် “တပ်အင်အား ၃၀ကျော်ဖြင့် အခြေချတဲ့ဂိတ်ကိုတိုက်ခိုက်ခဲ့ခြင်းဖြစ်ပြီး ၎င်းတိုက်ခိုက်မှု အတွင်း တော်လှန်ရေးတပ်ဖွဲ့ဘက်မှ ကုန်ကျစရိတ် မြန်မာငွေဖြင့် သိန်းသုံးဆယ်ကျော် ကုန်ခဲ့ပါ တယ်”လို့ Gue Gue PSF စစ်ကြောင်းမှ တာဝန်က ဂူးဂူးက ပြောဆို သည်။ ထို့အပြင် Gue Gue PSF စစ်ကြောင်း (မုံရွာမြို့နယ် ပြည်သူ့လုံခြုံရေးအဖွဲ့)နှင့် အဟာမိတ်များသည် ပြည်သူများ၏ လွတ်လပ်ရေးအတွက် အသက်စွန့်တိုက်ပွဲဝင်နေကြပြီး တိုက်ပွဲများအတွင်း တော်လှန်ရေးရဲဘော်များသည် အန္တရာယ်များနှင့် ရင်ဆိုင်နေရသဖြင့် အကာအကွယ်လိုအပ်လျက်ရှိသည်။ ကျည်ကာဝတ်ဆုံနှင့် ဦးထုပ်များသည် ရဲဘော်များ၏ အသက်ကို ကာကွယ်ပေးနိုင်သည့် အဓိကလိုအပ်ချက်တစ်ခုဖြစ်သဖြင့် မလိုအပ်ဘဲ ရဲဘော်များ၏ အသက်ဆုံးရှုံးမှုများ မဖြစ်ပွားလေအောင် ပြည်သူတစ်ဦးချင်းစီ၏ လှူဒါန်းမှုသည် ဤလိုအပ်ချက်ကို ဖြည့်ဆည်းပေးနိုင်မည်ဖြစ်သည်။ ထို့ကြောင့် ပြည်သူများ၏ လှူဒါန်းမှုသည် ရဲဘော်တွေရဲ့ အသက်ကိုကယ်တင်နိုင်သောကြောင့် တော်လှန်ပြည်သူပြီသစွာ တတ်နိုင်သမျှဖြင့် ကျည်ကာဝတ်ဆုံများ ဝယ်ယူပေးပို့နိုင်ရန်အတွက် ပါဝင်လှူဒါန်းပေးကြပါရန် Gue Gue PSF စစ်ကြောင်း (မုံရွာမြို့နယ် ပြည်သူ့လုံခြုံရေးအဖွဲ့)ရဲ့တာဝန်ခဲ ဂူးဂူးက တိုက်တွန်းထား ပါသည်။ ထို့အပြင် ၎င်း တိုက်ခိုက်မှုအတွင်း လက်နက်ငယ်ဖြင့် ပစ်ခတ်မှုကြောင့် ဂိတ်ရှေ့တွင် ဖုန်းသုံးနေသော စစ်ဗိုလ် ၁ ဦးနှင့် ဆက်ကြေးကောက်နေ သော စစ်သား ၂ ဦး သေဆုံးခဲ့ပြီး ၇၉ မမ ဗုံးသီးထိမှန်ခဲ့သော စစ်သား ၁ ဦး ပြင်းထန်ဒဏ်ရာရရှိခဲ့ပါသည်။ဤတိုက်ခိုက်မှုကို Gue PSF၊ Gue GUARDIAN FORCES၊ Sagaing PDF စစ်ကြောင်း (၂)၊ Democratic Guerrilla Force (DGF) နှင့် ၅/ဖိုက်တာ အဖွဲ့တို့က ပူးပေါင်းလုပ်ဆောင်ခဲ့သည်။ Gue Gue PSF မှ တာဝန်ခံ ဂူးဂူးက ပြည်သူများ အနေဖြင့် ဂိတ်အနီးတဝိုက်တွင် မလိုအပ်ဘဲ သွားလာ နေထိုင်ခြင်းများ ရှောင်ရှားရန်၊ အိမ်စီးကား များအား မှန်ချပြီး မောင်းနှင်ရန်နှင့် ညဘက် မလိုအပ်ဘဲ အပြင်မထွက်ရန်...