Author: Salai

  ဇူလိုင် ၁၇   The kaladan Post   လောက်တူဒေသပြည်သူ့အုပ်ချုပ်ရေးအဖွဲ့သည် အခြေခံစားသုံးကုန်များ၊ ဆေးဝါးများနှင့် အလှကုန် ပစ္စည်းများအပါအဝင် အခြားသွင်းကုန်များအားလုံး သက်တမ်းကုန်ဆုံးမှုကို စစ်ဆေးခဲ့ကြောင်း စစ်ဆေးမှုမှတ်တမ်းများထုတ်ပြန်ထားပါသည်။ အဆိုပါထုန်ပြန်ချက်နှင့် ပတ်သက်ပြီး လောက်တူ ဒေသပြည်သူ့အုပ်ချုပ်ရေးအဖွဲ့ရဲ့ ပြောရေးဆိုခွင့်ရှိသူက “ ကျွန်တော်တို့ ဒီသက်တမ်းကုန် ပစ္စည်းများ စစ်ဆေးမှုလုပ်ငန်းကို ၂၀၂၅ခုနှစ်၊ ဇူလိုင်လ ၁ရက်နေ့ကနေစတင်ကာ ရပ်ကွက်၊ ကျေးရွာ ပြည်သူ့ အုပ်ချုပ်ရေးမှူးများနှင့် လူငယ်များ အကူအညီဖြင့် စစ်ဆေးဆောင်ရွက်ခဲ့ပါတယ် ပြီးတော့ ဒီစစ်ဆေး မှုအတွင်း သက်တမ်းကုန်ဆုံးပြီဖြစ်သော အစားကုန်အချို့ဟာဆိုရင် သက်တမ်းကုန်ဆုံးရက်ကို အတု ပြုလုပ်ပြီး တင်သွင်းလာမှုတွေ တွေ့နေရပါတယ်ဟု “ The Kaladan Post သို့ ပြောဆိုသည်။ တွေ့ရှိ ထားသော သက်တမ်းကုန်ပစ္စည်းများမှာ ဆေးဝါးများနှင့် အခြေခံစားသုံးကုန်အများအပြား တွေရှိခဲ့ ပြီး ၎င်းသက်တမ်းကုန်ပစ္စည်းအားလုံးကို မီးရှို့ဖျက်ဆီးခဲ့ကြသည်။ ဒီသက်တမ်းကုန်ပစ္စည်းများသည် စီးပွား‌ရေးသမားများမှ နေရာပေါင်စုံကနေတင်သွင်းတာတွေ ပါဝင်နေသလို ‌ဒေသတွင်း ဈေးဆိုင် များမှ ရောင်းမထွက်ဘဲ ကြာရှည်တာတွေကြောင့် ဖြစ်သည်။ ပြည်သူလူထုကို အခက်အခဲမရှိဘဲ ဘေးကင်းလုံခြုံအောင် နောက်နောင်တွင် သက်တမ်းကုန်ပစည်းများ သယ်ဆောင်တင်သွင်းခွင့် မရရှိရန်နှင့် ရောင်းချခွင့်မရရှိအောင် တားမြစ်ပိတ်ပင်ထားသည့်အပြင် ပြည်သူ့အကျိုးအတွက် ဈေးနှုန်းမှန်ကန်မှုရှိပြီး၊ ပြည်သူ့များလိုအပ်သော စားသုံးကုန်များရရှိနိုင်ရန် ဆောင်ရွက်သွားမည် ဖြစ်ကြောင်း လောက်တူ‌ဒေသပြည်သူ့အုပ်ချုပ်ရေးအဖွဲ့ ပြောရေးဆိုခွင့်ရှိသူက ဆက်လက်ပြောဆို သည်။ အခြေခံစားသုံးကုန်ပစ္စည်းများနှင့် ဆေးဝါးများသည် အချိန်ကြာရှည်ထားရှိပါက ၎င်းတို့၏ အရည်အသွေးနှင့် အာဟာရဓာတ်များ ဆုံးရှုံးသွားပြီး ၎င်းတို့၏ ထိရောက်မှုကို လျော့ကျစေကာ အာနိသင် မရှိတော့ပါ။ ထို့ကြောင့် ထုတ်လုပ်သူများသည် စားသုံးသူများအတွက် ကျန်းမာရေးကို ကာကွယ်ရန် အာမခံထားသော အသုံးပြုမှုနှင့် ဘေးကင်းလုံခြုံမှုကို ကန့်သတ်ထားခြင်းဖြစ်သည်။ စားသုံးကုန်များတွင် သက်တမ်းကုန်ဆုံးပါက ဘက်တီးရီးယားနှင့် မှိုများ ပေါက်ဖွားလာပြီး ကျန်းမာရေးထိခိုက်စေနိုင်သောကြောင့် ပြည်သူများအနေဖြင့် သက်တမ်းကုန်ဆုံးပစ္စည်းများကို ရှောင်ရှားခြင်းဖြင့် ကျန်းမာရေးနှင့် ဘေးကင်းမှုကို ထိန်းသိမ်းနိုင်လိုအပ်ပါသည်။...

ဇူလိုင် ၁၅ The Kaladan Post မုံရွာမြို့အခြေစိုက် နမခမှစစ်ကောင်စီ တပ်သား(ပစ) ၃ ယောက်သည် မုံရွာမြို့နယ် ပြည်သူ့ကာကွယ် ရေးအဖွဲ့၊ တိုက်နယ် ၂ ပြည်သူ့ကာကွယ်ရေးတပ်ဖွဲ့ တိုက်ရေးအဖွဲ့နှင့်ချိတ်ဆက်ပြီး ၂၀၂၅ ခုနှစ်၊ ဇူလိုင် ၁၃ရက်နေ့တွင် အလင်းဝင်လာတယ်လို့ မုံရွာမြို့နယ် ပြည်သူ့ကာကွယ်ရေး တပ်ဖွဲ့က ထုတ်ပြန် ထားပါသည်။ အဆိုပါထုတ်ပြန်ချက်နှင့် ပတ်သက်ပြီး မုံရွာမြို့နယ် ပြည်သူ့ ကာကွယ်ရေး တပ်ဖွဲ့ရဲ့ တာဝန်ရှိသူတစ်ဦးက “ ယခုလိုအလင်းဝင်လာတဲ့သူတွေရဲ့ အချက်အလက်တွေကို မဖော်ပြတာက သူတို့မိသားစုရဲ့ လုံခြုံရေးအခြေနေကြောင့် ဖြစ်ပါတယ် ပြီးတော့ ကျွန်တော်တို့ တော်လှန်ရေးတွေ အတွက် အဲ့ဒီလိုအလင်းဝင်လာသူတွေများလေလေ တော်လှန်ရေးအောင်လေလေပါပဲဗျ ဒါ့အပြင် သွေးထွက် သံယိုမှုလည်း နည်းလာမည်”ဟု The Kaladan Post သို့ပြောဆိုသည်။  မုံရွာမြို့နယ် ပြည်သူ့ကာကွယ်‌ရေးတပ်ဖွဲ့က အလင်းဝင်လာသူများကို နွေးထွေးစွာကြိုဆိုပြီး ၎င်းတို့သည် စစ်ဆေးချက်အရ စစ်ရာဇဝတ်မှုများနှင့် ပတ်သက်မှုမရှိတဲ့ သူတွေဖြစ်သောကြောင့် သူတို့ဖြစ်စေ ချင်တဲ့ အတိုင်းအတတ်နိုင်ဆုံး ကြိုးစားဆောင်ရွက်ပေးနေပါတယ်ဗျဟု ဆက်လက်ပြောဆိုသည်။ ထို့အတူ ယခုနှစ် ဇူလိုင် ၃ရက်နေ့တွင် စစ်ကိုင်းတိုင်း၊ မုံရွာမြို့ရှိ အနောက်မြောက်တိုင်းစစ်ဌာနချုပ် (နမခ) မှ အတင်းအဓမ္မစစ်မှုထမ်းခိုင်းခံရသူ တပ်သား ၄ ဦးသည် မုံရွာမြို့နယ် ပြည်သူ့ကာကွယ်ရေး အဖွဲ့ (ပကဖ) တိုက်နယ် ၂ တိုက်ခိုက်ရေးအဖွဲ့နှင့် ချိတ်ဆက်ပြီး အလင်းဝင်ရောက်ခဲ့ကြသည်။ ၎င်းတို့ သည် စစ်ကောင်စီမှ ပေါ်တာအစားထိုးအဖြစ် စစ်မှုထမ်းခိုင်းခံရသူများဖြစ်ပြီး အောက်ခြေအုပ်ချုပ် ရေးမှူးများက ငွေကြေးရှိ သူများ၏ သားသမီးများအစား ၎င်းတို့ကို စစ်မှုထမ်းရန် အတင်းအကြပ်  စေလွှတ်ခဲ့ခြင်းဖြစ်ကြောင်းသိရသည်။ အလင်းဝင်လာသူများကို စစ်ကောင်စီက ပြည်သူ့ကာကွယ် ရေးတပ်ဖွဲ့ (PDF) ထံသို့ထွက်ပြေးပါက ပစ္စည်းများသိမ်းဆည်းပြီး သတ်ဖြတ်မည်ဟု ခြိမ်းခြောက် ခဲ့သော်လည်း၊ ၎င်းတို့သည် သတ္တိရှိရှိ ထွက်ပြေးလာခဲ့ကြသည်။ ပကဖအဖွဲ့က ၎င်းတို့အားနွေးထွေး စွာကြိုဆိုကြပြီး၊ စစ်ကောင်စီ၏ လိမ်ညာမှုများကို သိရှိခဲ့ကြောင်း ၎င်းတို့က ပြောကြားခဲ့သည်။ မုံရွာမြို့နယ် ပြည်သူ့ကာကွယ်ရေးတပ်ဖွဲ့သည် မည်သည့်အကြောင်းကြောင့်ဖြစ်စေ အလင်းဝင်လာ သူများအား အမြဲကြိုဆိုထားပြီး၊ လုံခြုံမှုနှင့် ပြည်သူ့ချစ်ခြင်းကို ခံစားလိုသူများအား ချက်ချင်းဆက် သွယ်ရန် တိုက်တွန်းထားသည်။ ယခုအလင်းဝင်လာသူများသည် သူတို့၏လုံခြု့ရေးအခြေနေ ကြောင့် လက်နက်များမယူဆောင်နိုင်ခြင်း ဖြစ်ကြောင်းသိရသည်။...