Author: Salai

၁။ အသက်မပြည့်သော PDF တပ်ဖွဲ့ဝင်လူငယ် ၄ ဦးအား မိဘများထံ ပြန်အပ်နှံ ဇွန် ၂၈ The Kaladan Post မန္တလေးတိုင်း၊ နွားထိုးကြီးမြို့နယ်တွင် PDF တပ်ဖွဲ့ဝင်အဖြစ် ဝင်ရောက်လာသည့် အသက်မပြည့်သေးသူ လူငယ် ၄ ဦးအား မိဘအုပ်ထိန်းသူများထံ ပြန်လည်အပ်နှံခဲ့ကြောင်း မြင်းခြံခရိုင် ပြည်သူ့ကာကွယ်ရေးတပ်ဖွဲ့ (ပကဖ) မှ တာဝန်ရှိသူတစ်ဦးက ပြောကြားသည်။ အဆိုပါ လူငယ်များမှာ အသက် ၁၅ နှစ်နှင့် ၁၇ နှစ်အရွယ်ရှိ ယောက်ျားလေးများဖြစ်သည်။ သူတို့သည် ဆိုရှယ်မီဒီယာမှတစ်ဆင့် တော်လှန်ရေးအဖွဲ့တစ်ခုနှင့် ဆက်သွယ်ကာ ဝင်ရောက်ခဲ့ခြင်းဖြစ်သည်။ သို့သော် ၎င်းတို့မှာ အသက်မပြည့်သေးကြောင်း စိစစ်တွေ့ရှိရပြီးနောက် မြင်းခြံခရိုင်ပကဖထံ ဆက်သွယ်အကြောင်းကြားခဲ့သည်။ ဇွန်လ ၂၆ ရက်နေ့တွင် မြင်းခြံခရိုင်ပကဖက အဆိုပါ လူငယ်များကို လက်ခံခဲ့ပြီး နောက်တစ်နေ့ ဇွန်လ ၂၇ ရက်တွင် ၎င်းတို့အား မိဘအုပ်ထိန်းသူများထံ ပြန်လည်အပ်နှံခဲ့သည်။ ပကဖအနေဖြင့် ပြည်သူများနှင့် တစ်သားတည်းရှိကာ ကလေးငယ်များနှင့် ၎င်းတို့၏ မိဘများ၏ လုံခြုံရေးကို ထည့်သွင်းစဉ်းစားခဲ့သည်။ ထို့ပြင် ဂျနီဗာကွန်ဗန်းရှင်းနှင့်အညီ ဆောင်ရွက်နေကြောင်း တာဝန်ရှိသူက အသိပေးသည်။         ၂။ မှော်ဘီမြို့မရဲစခန်းကို အဝေးထိန်းမိုင်းဖြင့် တိုက်ခိုက်မှု ရဲတစ်ဦး ဒဏ်ရာရ ဇွန် ၂၈ The Kaladan Post ရန်ကုန်တိုင်း၊ မှော်ဘီမြို့နယ်ရှိ မှော်ဘီမြို့မရဲစခန်းကို ဇွန်လ ၂၇ ရက် ညပိုင်းတွင် အဝေးထိန်းမိုင်း...

၁။ စေတုတ္တရာရှိ ကျေးရွာများတွင် စစ်တပ်စီးနင်းမှုကြောင့် PDF နှင့် တိုက်ပွဲဖြစ်ပွား ဇွန် ၂၇ The Kaladan Post မကွေးတိုင်း၊ စေတုတ္တရာမြို့နယ်ရှိ ကျေးရွာများကို စစ်တပ်က စစ်ကြောင်း ၂ ကြောင်းခွဲ၍ ဝင်ရောက်စီးနင်းပြီး ပြည်သူများကို ပစ်ခတ်ဖမ်းဆီးမှုများ ပြုလုပ်ခဲ့ရာ ပြည်သူ့ကာကွယ်ရေး တပ်ဖွဲ့ (PDF) နှင့် တိုက်ပွဲများ ဖြစ်ပွားနေကြောင်း စေတုတ္တရာ PDF မှ တာဝန်ရှိသူတစ်ဦးက ပြောကြားသည်။ ဇွန်လ ၂၅ ရက်မှစတင်ကာ ငမရွာ၊ သံဆည်ရွာ၊ ကြီးအုံရွာတို့သို့ စစ်တပ်က လက်နက်ကြီး၊ လက်နက်ငယ်များဖြင့် ပစ်ခတ်ဝင်ရောက်ခဲ့သည်။ ပြည်သူများကို လိုက်လံပစ်ခတ်ဖမ်းဆီးမှုကြောင့် PDF တပ်ဖွဲ့များက ကယ်ထုတ်ခဲ့ရသည်။ စစ်တပ်၏ အကြမ်းဖက်လုပ်ရပ်များကြောင့် ဒေသခံများ ထိတ်လန့်ထွက်ပြေးနေရသည်။ စစ်ကြောင်းများသည် သံဆည်ရွာ၊ ငမရွာနှင့် ကြီးအုံရွာတို့တွင် ပြည်သူပိုင်နေအိမ်များကို ဖျက်ဆီးပြီး ပစ္စည်းများ ခိုးယူခဲ့ကြောင်း သိရသည်။ စေတုတ္တရာနှင့် မြိုင်မြို့ PDF မှ တော်လှန်ရေးရဲဘော်များက ခုခံတိုက်ခိုက်ခဲ့ရာ စစ်တပ်ဘက်မှ ထိခိုက်သေဆုံးမှုများ ရှိသော်လည်း အရေအတွက်ကို အတည်မပြုနိုင်သေးပေ။ စစ်ကြောင်းတစ်ခုမှာ စလင်းလမ်းမှ ငမရွာဘက်သို့ အင်အား ၇၀ ခန့်ဖြင့် တက်လာပြီး နောက်တစ်ခုမှာ ကြီးဝရွာရဲစခန်းဘက်မှ အင်အား ၅၀ ခန့်ဖြင့် လက်နက်ကြီးပစ်ကူဖြင့် ဝင်ရောက်ခဲ့သည်။ စုစုပေါင်း စစ်သား ၁၂၀ ခန့်ပါဝင်ကြောင်း သိရသည်။     ၂။ ကမ္မမြို့တွင် စစ်ကား ၂ စီးကို...