Author: Salai

၁။ တောင်ငူမြို့နယ်တွင် စစ်ဆေးရေးဂိတ်များမှ မတရားငွေကြေးကောက်ခံ ———————————————————————————– ဇွန် ၂၆ The Kaladan Post ပဲခူးတိုင်း၊ တောင်ငူမြို့နယ်ရှိ ခပေါင်းဂိတ်၊ စစ်တောင်းတံတားဂိတ်နှင့် ၄ မိုင်စစ်ဆေးရေးဂိတ်တို့တွင် ဗိုလ်ကြီးဖြိုးဝေဝင်း၊ ဗိုလ်ကြီးဇော်မင်းထိုက်နှင့် စစ်အရာရှိများက ပြည်သူများထံမှ မတရားငွေကြေးတောင်းခံနေကြောင်း ဒေသခံများက ပြောသည်။ စစ်ကောင်စီက လုံခြုံရေးအတွက် စစ်ဆေးရေးဂိတ်များ ချထားသော်လည်း ယခင်က လုံခြုံရေးစစ်ဆေးမှုသာ ပြုလုပ်ခဲ့သည်။ သို့သော် ညောင်လေးပင်၊ ကျောက်ကြီးနှင့် ကျောက်တံခါးတို့တွင် တိုက်ပွဲများဖြစ်ပြီးနောက် ရိက္ခာနှင့် ဆေးဝါးသယ်ယူမှုကို ကန့်သတ်ခဲ့သည်။ ငွေပေးပါက ဖြတ်သန်းခွင့်ပြုသဖြင့် ဂိတ်များသည် စီးပွားဖြစ်နေရာများ ဖြစ်လာသည်။ လက်ရှိ အိမ်စီးကား တစ်စီးလျှင် ၅၀၀၀ ကျပ်၊ ကုန်ကားများအတွက် ကုန်ပစ္စည်းပေါ်မူတည်၍ သောင်းဂဏန်းမှ သိန်းအထိ ကောက်ခံနေသည်။ ဆန်အိတ်အနည်းငယ်ပါ ကားတစ်စီးလျှင် ၁၀၀၀၀ ကျပ်၊ ဆန်အိတ်များလျှင် ၇၀၀၀၀ မှ ၁ သိန်းအထိ ပေးရသည်။ ဒူးရင်းသီးသယ်ယူမှုတွင် သောင်းချီပေးရသည့်အပြင် ဗိုလ်ကြီးများက ဒူးရင်းသီးကိုပါ ခြိမ်းခြောက်တောင်းယူသည်။ ဒေသခံများက စစ်ကောင်စီထံ တိုင်ကြားသော်လည်း အရေးယူမှုမရှိကြောင်း သိရသည်။   ၂။ မင်းလှမြို့နယ်တွင် စစ်တပ်က ရွာသားတစ်ဦးကို သတ်ဖြတ်ပြီး ကျေးရွာများ မီးရှို့ ———————————————————————————– ဇွန် ၂၆ The Kaladan Post ပဲခူးတိုင်း၊ မင်းလှမြို့နယ်၊ ငလှစမ်းရွာသား ကိုသန်းဇော်ဝင်းကို အကြမ်းဖက်စစ်တပ်က ဖမ်းဆီးသတ်ဖြတ်ပြီး ရုပ်အလောင်းကို ဗုံးခိုကျင်းထဲ စွန့်ပစ်ခဲ့ကြောင်း ဒေသတွင်း စစ်ရေးသတင်းရင်းမြစ်က ပြောသည်။...

၁။ ထိုင်းမှ ပြန်ပို့ခံရသူများ အပါအဝင် စစ်မှုထမ်းသစ်နှင့် ပျူစောထီး ၁၀ ဦး အလင်းဝင် —————————————————————————————————- ဇွန် ၂၅ The Kaladan Post တနင်္သာရီတိုင်း၊ ပလောက်မြို့ အမှတ် ၁၂ တပ်မတော်တန်းမြင့်လေ့ကျင့်ရေးကျောင်းမှ စစ်မှုထမ်းတပ်သားသစ် ၄ ဦး ဇွန်လ ၁၈ ရက်တွင် သေနတ်မပါဘဲ အလင်းဝင်ခဲ့ကြောင်း PDF Myeik District Battalion 1 – P23401 မှ တာဝန်ရှိသူက ပြောသည်။ ၎င်းတို့အနက် ၂ ဦးမှာ ထိုင်းနိုင်ငံတွင် ဗီဇာသက်တန်းကုန်သဖြင့် ဖမ်းဆီးပြီး မြန်မာနိုင်ငံသို့ ပြန်ပို့ခံရပြီးနောက် စစ်မှုထမ်းအဖြစ် အဓမ္မစုဆောင်းခံရသူများဖြစ်သည်။ ကျန် ၂ ဦးမှာ တနင်္သာရီ ဒေသခံများ ဖြစ်ပြီး အိမ်တွင် စုဆောင်းရေးတပ်ဖွဲ့က ဖမ်းဆီးခဲ့ခြင်းဖြစ်သည်။ အလင်းဝင်သူများအား ကောင်းမွန်စွာ ထိန်းသိမ်းထားပြီး လိုအပ်သည်များ ဆက်လက်ဆောင်ရွက်ပေးနေသည်။ မွန်ပြည်နယ်၊ သထုံစစ်မှုထမ်းသင်တန်းကျောင်းမှ စစ်မှုထမ်းတပ်သားသစ် ၄ ဦးသည် ဇွန်လ ၂၂ ရက်တွင် သေနတ်မပါဘဲ အလင်းဝင်ခဲ့ကြောင်း Black Panther Column မှ တာဝန်ရှိသူက ပြောသည်။ ထို့ပြင် စစ်ကိုင်းတိုင်း၊ ခင်ဦးမြို့နယ်တွင် ပျူစောထီး ၂ ဦးသည် သေနတ် ၁ လက်နှင့် ခဲယမ်းများ ယူဆောင်ကာ အလင်းဝင်ခဲ့သည်။ ၎င်းတို့သည် အကြမ်းဖက် စစ်ကောင်စီ၏ ဖိနှိပ်မှုမှ လွတ်မြောက်ရန် ကြိုးစားခဲ့ပြီး ပကဖထံ ချိတ်ဆက်ဝင်ရောက်ခဲ့ ကြသည်။...