ဩဂုတ် ၁၄၊ ၂၀၂၆

The Kaladan Post

ပြည်သူ့ထောက်ခံမှု ကျဆင်းနေပြီး ကုန်စည် တင်ပို့မှု ထိန်းချုပ်ရေး အစီအစဉ်များနှင့် ပတ်သက်၍ ရင်းနှီးမြှုပ်နှံသူများ၏ သံသယများ ရှိနေချိန်တွင် အင်ဒိုနီးရှား သမ္မတ ပရာဘိုဝို ဆူဘီယန်တို (Prabowo Subianto) သည် ၂၀၂၇ ဘတ်ဂျက် အဆိုပြုချက်များကို သောကြာနေ့ (ဩဂုတ်လ ၁၄ ရက်) တွင် တင်ပြသွားမည် ဖြစ်ပါတယ်။

၂၀၂၄ အောက်တိုဘာလတွင် တာဝန်စတင်ယူခဲ့သည့် ပရာဘိုဝို၏ ပြည်သူ့ထောက်ခံမှုမှာ စီးပွားရေး ကျဆင်းမှုနှင့် တရားဥပဒေ စိုးမိုးရေး မအားကောင်းမှုတို့ကြောင့် ၈ လအတွင်း ၅၁ ရာခိုင်နှုန်းအထိ ၃၀ ရာခိုင်နှုန်းခန့် ထက်ဝက်နီးပါး ကျဆင်းသွားခဲ့ပါတယ်။ ဒါ့အပြင် ရူပီးယား ငွေကြေး တန်ဖိုးကျဆင်းခြင်းနှင့် ကလေးငယ်များအတွက် အခမဲ့ အာဟာရကျွေးမွေးရေး စီမံကိန်းတွင် ဘတ်ဂျက် လျှော့ချခံရမှုများ ကြုံတွေ့နေရတာ ဖြစ်ပါတယ်။

ဘဏ် ဒါနာမွန် (Bank Danamon) မှ စီးပွားရေးပညာရှင် အီရ်မန် ဖိုက်ဇ် (Irman Faiz) က “၂၀၂၇ ဘတ်ဂျက်ဟာ မကြာမီနှစ်တွေအတွင်း ကမ္ဘာ့ရင်းနှီးမြှုပ်နှံသူတွေအတွက် အရေးအကြီးဆုံး ယုံကြည်မှု စစ်ဆေးရေး စခန်းတစ်ခု ဖြစ်ပါတယ်” ဟု ပြောကြားခဲ့ပါတယ်။ ၎င်းက စျေးကွက်၏ မူဝါဒ မရေရာမှုအပေါ် သည်းခံနိုင်စွမ်း နည်းပါးလာပြီဖြစ်ကြောင်း ထည့်သွင်း ပြောဆိုခဲ့ပြီး ဘဏ္ဍာရေး လိုငွေပြမှုမှာလည်း အခြေခံဥပဒေ ကန့်သတ်ချက်ဖြစ်သည့် ၃ ရာခိုင်နှုန်းသို့ နီးကပ်လာနေပါတယ်။

ပရာဘိုဝိုသည် အရေးပါသော သယံဇာတပစ္စည်းများ တင်ပို့မှုကို Danantara Sumberdaya Indonesia ဟုခေါ်သည့် ရာထူးသစ် ဗဟိုအဖွဲ့အစည်းအောက်တွင် ထိန်းချုပ်ရန် စီစဉ်နေသဖြင့် ရင်းနှီးမြှုပ်နှံသူများက ရှင်းလင်းချက် ရရှိရန် မျှော်လင့်နေကြပါတယ်။ CSIS မှ အာရ်ယာ ဖာနန်ဒက်စ် (Arya Fernandes) က “လက်ရှိ အခြေအနေအရ ဒါဟာ လွယ်ကူတဲ့ လုပ်ငန်းစဉ် မဟုတ်တာတော့ သေချာပါတယ်” ဟု သုံးသပ်ထားပါတယ်။

Source – Reuters