Author: Salai

  စက်တင် ၃၀ The Kaladan Post   ၂၀၂၅ခုနှစ်၊ စက်တင်ဘာလ ၂၈ရက်နေ့ ညနေတွင် အညာမြေတပ်ပေါင်းစု စခန်းခွဲတစ်ခုကို အကြမ်းဖက် စစ်ကောင်စီက လေကြောင်းတိုက်ခိုက်မှုပြုလုပ်ခဲ့ပြီး တော်လှန်ရေးရဲဘော် ၃ဦး ကျဆုံးခဲ့ကြောင်း အညာ မြေတပ်ပေါင်းစုက ယမန်နေ့ စက်တင်ဘာလ ၂၉ရက်နေ့က သတင်းထုတ်ပြန်ခဲ့သည်။ အဆိုပါ ထုတ်ပြန် ချက်နှင့် ပတ်သက်ပြီး အညာမြေတပ်ပေါင်းစုရဲ့ တာဝန်ရှိသူတစ်ဦးက “ ကျွန်တော်တို့တပ်ပေါင်းစု စခန်း ခွဲတစ်ခုကို ဗုံးကျဲတိုက်ခိုက်သွားတဲ့လေကြောင်းက ပခုက္ကူတပ်မ ၁၀၁ကနေတက်လာတဲ့ ပါရာမော်တာ ဖြစ်ပါတယ် ဗုံးနစ်လုံးကျဲချသွားတော့ ယခုလိုပြည်သူ့ ရဲဘော်နှစ်ဦး မြင့်မြတ်စွာကျဆုံးသွားတာပေါ့ဗျ ဒီလို အတိအကျကို ဗုံးကြဲချမှုဟာလည်း ၂၀၂၅ခုနှစ်၊ စက်တင်ဘာလ ၁၉ရက်နေ့က အကြမ်းဖက်စကစ ထံ ဝင်သွားတဲ့ ယခင်က ကျွန်တော်တို့ရဲဘော်ဟောင်း ၄ယောက်က သတင်းအတိအကျပေးလို့ဗုံးကြဲခံ လိုက်ရပါ “ဟု The Kaladan Post သို့ပြောဆိုသည်။ ၎င်း လေကြောင်းတိုက်ခိုက်မှုအတွင်း ပြည်သူ့ တော်လှန်ရေးရဲဘော် အညာမြေတပ်ပေါင်းစုမှာ တာဝန်ထမ်းဆောင်နေသူ ရဲဘော် သေမင်း ၊တာဝန် စခန်းမှူး၊ တပ်စိတ်မှူး၊ အသက်( ၂၀)နှစ်၊  ရဲဘော် ဗလ ၊အသက် (၁၈) God of myaing နှင့် ရဲဘော် နိုင်ကြီး၊ အသက် (၃၄)နှစ်၊ PI pdf ရဲဘော်သုံးဦး ကျဆုံးခဲ့ခြင်းဖြစ်ပါသည်။ အဆိုပါဖြစ်စဥ်သည် တော်လှန်ရေး တပ်ဖွဲ့တွေအနေဖြင့် မိမိတို့တပ်ဖွဲ့ကနေ အကြမ်းဖက် စကစထံ ဖက်ပြောင်းသွားတဲ့ ရဲဘော်တွေရှိပါက  အကြမ်းဖက်စစ်ကောင်စီ လေကြောင်းတိုက်ခိုက်မှုပြုလုပ်မှာ အသေအခြာပင်ဖြစ်သောကြောင့် မလိုအပ် ဘဲ တော်လှန်ရေးရဲဘော်တွေ ကျဆုံးထိခိုက်မှုမရှိလေအောင် တော်လှန်ရေးတပ်ဖွဲ့ ခေါင်းဆောင်တွေ အနေဖြင့် အထူးသတိထားရဖြစ်ပြီး မိမိတို့တပ်အထိုင်ချစခန်းများအား အမြန်ဆုံးပြောင်းရွှေ့သွားရန် လိုအပ်ကြောင်း သုံးသပ်မှုများ ရှိနေသည်။ ထို့အပြင် အဖိုးတန်လှသော ဤဆုံးရှူံး မှုများအတွက် အညာမြေတပ်ပေါင်းစုမှ ဖော်မပြနိုင် အောင် ကြေကွဲခံစားရပါကြောင်းနှင့် တော်လှန် ရေးအတွက်၊ ရဲဘော်များ၏ မိဘများအတွက် အညာမြေ တပ်ပေါင်းစုမှ ဒီဆုံးရှုံးမှုများကို ပြန်လည်တောင်းယူ ကုစားပါသွားမည်ဟု ၎င်းထုတ်ပြန်ချက်တွင် ဖော်ပြထားပါသည်။ ဤသို့ ကျဆုံးခဲ့ကြသော ရဲဘော်များ၏ မျက်နှာကို ထောက်ရှူသောအားဖြင့် တော်လှန်ရေးတွင် ရိုးသားစွာ၊ ယုံကြည်စွာ၊ ခိုင်မာစွာ၊ လမ်းစဉ်မှန်စွာ ပါဝင်ပေးကြပါရန် ရဲဘော်များနှင့် ပြည်သူများအား အညာမြေတပ်ပေါင်းစုမှ လေးစားစွာ ထပ်လောင်း...

  စက်တင် ၃၀ The Kaladan Post   စလင်းမြို့နယ် ဆင်ဖြူကျွန်းမြို့ နွယ်တမယ် တံတားရှိဂိတ်တွင် တာဝန်ကျစဥ် ခ.လ.ရ(၂၅၄)မှ တပ်သား ထက်မြတ်ထွန်းသည် လက်နက်အပြည့်အစုံဖြင့် အလင်းဝင်ရောက်ခဲ့ကြောင်း မင်းဘူးခရိုင် အမှတ်(၅) တပ်ရင်းက သတင်းထုတ်ပြန်ထားပါသည်။ အဆိုပါသတင်းထုတ်ပြန်ချက်နှင့် ပတ်သက်ပြီး မင်းဘူးခရိုင် အမှတ်(၅)တပ်ရင်းမှူး ကိုမိုးကြိုးက “ ကျွန်တော်တို့ထံအလင်းဝင်လာသူ တပ်သား ထက်မြတ်ထွန်းသည် ယခင်က မြင်းခြံဘက်က တော်လှန်ရေးအဖွဲ့အစည်းတစ်ခုမှာ ထောက်ပို့တာဝန် ထမ်းဆောင်ခဲ့သူဖြစ်ပါ တယ် သူဟာ စလင်းတပ်နယ် ခလရ ၂၅၄ရောက်ကာ ဆင်ဖြူမြို့နွယ်တမယ် တံတားမှာတာဝန်ကျခဲ့ပြီး သူညီနဲ့ ချိတ်ဆက်ရခဲ့ပါတယ် သူတို့ညီအစ်ကို အချိတ်ဆက်ရရှိချိန်ကတည်းက အခွင့်သာတာနဲ့ အမျှ လက်နက်ယူဆောင်ပြီး အလင်းဝင်ရန် ဆုံးဖြတ်သူဖြစ်ပါတယ်။ သူ့ညီမှ တဆင့်ကြားခံ တစ်ယောက်က နယ်မြေခံတပ်ရင်းဖြစ်တဲ့ ကျွန်တော်တို့ မင်းဘူးခရိုင်တပ်ရင်း ၅က တာဝန်ရှိသူ တစ်ဦးကို ချိတ်ဆက်ကာ  သူထွက်ပြေးလာပြီး ကျွန်တော်တို့က သွားကြိုပေးရပါတယ်”ဟု The Kaladan Post သို့ ပြောဆိုသည်။ စစ်ကောင်စီတပ်သား ထက်မြတ်ထွန်းသည် ကိုယ်ပိုင်အမှတ် ပစ/၁၅၃၄၆၅ စစ်ပညာသင်တန်း အပါတ် စဉ် ၁/၂၀၂၄ သည် မင်းဘူးခရိုင်တပ်ရင်း (၅)တပ်ဖွဲ့ထံ MA-၂ (၁)လက်၊ ကျည်ဘောက် (၃)ခု၊ ဘောက်ဝိုင်း (၁)ခု ၊လက်ပစ်ဗုံး ( ၁)လုံး ၊ ၅.၅၆ ကျည် (၁၄၅)တောင့် ယူဆောင်ကာ ၂၀၂၅ ခုနှစ်၊ စက်တင်ဘာလ ၂၀ ရက်နေ့တွင် အလင်းဝင်ခဲ့ခြင်းဖြစ်သည်။ ထက်မြတ်ထွန်းသည် ယခင်က မြင်းခြံဘက်မှာ ထောက်ပို့ ရဲဘော်ဟောင်းတစ်ဦးဖြစ်ပြီး ထောက်ပို့လုပ်ငန်းလုပ်ဆောင်စဥ် ၂၀၂၃ခုနှစ်၇ လပိုင်းတွင် လမ်းပေါ်တွင် စစ်ကောင်စီတပ်ဖွဲ့တွေ၏ ပေါ်တာဆွဲခံခဲ့ရသူဖြစ်သည်။  ပြင်ဦးလွင် – မန္တလေး​ကြား မန္တလေးစုဆောင်း ရေးတပ် ၉၁၀တွင် ၃လ သင်တန်းတက်ခဲ့ပြီးနောက် တောင်ကြီး ဟိုပုံးမြို့တွင် ၆လ သင်တန်းတက် ရောက်ခဲ့သူဖြစ်သည်။  ထိုသို့ အလင်းဝင်လာသူ တပ်သား ထက်မြတ်ထွန်းကို မင်းဘူး ခရိုင်၊ အမှတ်(၅) တပ်ရင်းမှ သိန်း(၁၀၀)ကျပ်တိတိကို ဂုဏ်ပြုဆုငွေ ချီးမြှင့်ပေးအပ်ခဲ့ပြီး ၎င်းဖြစ်ချင်သည့် ဆန္ဒအတိုင်း ဆက်လက်လုပ်ဆောင်ပေးသွားမည် ဖြစ်ကြောင်းသိရသည်။ ထို့အပြင်ယခုလို အကြမ်းဖက်စစ်တပ်၏ လက်အောက်မှ ရုန်းထွက်ကာ တော်လှန်ရေးတပ်ဖွဲ့များထံ ပူးပေါင်းပါဝင်လိုသူများကို မင်းဘူးခရိုင်ရှိ တော်လှန်ရေးတပ်ဖွဲ့များမှ ဝမ်းမြောက်ဝမ်းသာစွာ ကြိုဆိုလျှက်ရှိကြောင်း အဆိုပါထုတ်ပြန်ချက်တွင်...