Author: Salai

  ဩဂုတ် ၅ The Kaladan Post ချင်းပြည်နယ်၊ ဟားခါးမြို့တွင် ပြီးခဲ့သည့် ဩဂုတ်လ ၃ ရက်နေ့က ဘာသာရေးအခမ်းအနားမှ အပြန် လူငယ် ၅၀ ကျော်ကို အကြမ်းဖက်စစ်ကောင်စီတပ်ဖွဲ့ဝင်များက အစုလိုက်အပြုံလိုက် ဖမ်းဆီးခေါ် ဆောင်သွားခဲ့ကြောင်း ဒေသခံများထံမှ သိရသည်။ ဟားခါးမြို့ပေါ်ရှိ ဘာသာရေးလူငယ်ခေါင်းဆောင်များ ဦးဆောင်၍ လူငယ်များ ချစ်ကြည်ရေး ဝတ်ပြုကိုးကွယ်ပွဲကို ဘုရားကျောင်းတစ်ခုတွင် ပြုလုပ်ခဲ့ပြီး အပြန်လမ်းတွင် စစ်ကောင်စီတပ်ဖွဲ့ဝင် များက ကြိုတင်စောင့်ဆိုင်းကာ ဖမ်းဆီးခဲ့ခြင်းဖြစ်သည်ဟု မြို့ခံလူငယ်တစ်ဦးက The Kaladan Post သို့ ပြောသည်။ “ဟားခါးမြို့ပေါ်မှာ နေထိုင်တဲ့ ဘာသာရေးလူငယ်ခေါင်းဆောင်တွေ ဦးဆောင်မှုနဲ့ လူငယ်တွေအား လုံး ချစ်ကြည်ရေးအဖြစ် အဲ့ဒီနေ့တုန်းက ဘုရားကျောင်းတစ်ခုမှာ ဝတ်ပြုကိုးကွယ်ခြင်းပြုလုပ်ခဲ့ပြီး အပြန်မှာ အကြမ်းဖက် စစ်ကောင်စီတပ်ဖွဲ့တွေက ကြိုတင်စောင့်ဆိုင်းကာ အစုလိုက်ဖမ်းဆီးခြင်းပါ” ဟု ၎င်းက ပြောသည်။ ဖမ်းဆီးခံရသူများမှာ ယနေ့အချိန်အထိ တစ်ဦးတစ်ယောက်မျှ ပြန်လည်လွတ်မြောက်လာခြင်း မရှိ သေးကြောင်းလည်း ၎င်းက ဆက်လက်ပြောဆိုသည်။ အဆိုပါ ဖမ်းဆီးမှုမဖြစ်ပွားမီ Chinland Defense Force – Hakha (CDF-Hakha) က စစ်ကောင်စီ အရာရှိတစ်ဦးကို ဖမ်းဆီးခဲ့သည့် ဖြစ်စဉ်ရှိခဲ့သောကြောင့် ယခုကဲ့သို့ စစ်ကောင်စီဘက်က လက်တုံ့ ပြန်သည့်အနေဖြင့် ပြုလုပ်ခြင်းဖြစ်နိုင်ကြောင်း အဆိုပါဒေသခံက သုံးသပ်သည်။ သို့သော် စစ်ကောင်စီအရာရှိ ဖမ်းဆီးခံရမှုနှင့် ပတ်သက်၍ Hakha Center Council GS ထံ Telegram မှတစ်ဆင့် ဆက်သွယ်မေးမြန်းခဲ့သော်လည်း ဤသတင်းရေးသားသည့်အချိန်အထိ အကြောင်းပြန် ကြားခြင်း မရှိသေးသဖြင့် The Kaladan Post အနေဖြင့် သီးခြားအတည်ပြုနိုင်ခြင်း မရှိသေးပေ။ ဖမ်းဆီးခံထားရသည့် လူငယ်များကို စစ်ကောင်စီက စစ်မှုထမ်းဥပဒေအရ သင်တန်းတက်ခိုင်းခြင်း သို့မဟုတ် CDF-Hakha က ဖမ်းဆီးထားသည့် စစ်ကောင်စီအရာရှိနှင့် အကျဉ်းသားချင်း လဲလှယ်ရန် ဓားစာခံအဖြစ် အသုံးပြုလာနိုင်သည်ဟုလည်း သုံးသပ်မှုများရှိနေသည်။ ဟားခါးမြို့တွင် ယခင်က ယခုကဲ့သို့ လူငယ်များကို အစုလိုက်အပြုံလိုက် ဖမ်းဆီးမှုမျိုး မရှိခဲ့ဖူး သော်လည်း စစ်ကောင်စီက လူငယ်များကို တစ်ဦးချင်း ဖမ်းဆီးခြင်းများမှာမူ မကြာခဏ ဖြစ်ပွား လျက်ရှိသည်။ ထိုသို့ ဖမ်းဆီးခံရသူများအနက် အများစုကို ငွေကြေးဖြင့် ပြန်လည်ရွေးထုတ်ခိုင်းခဲ့ သလို အမှုဖွင့်တရားစွဲဆိုခံရပြီး ထောင်ဒဏ်ကျခံရသူများလည်း ရှိခဲ့ကြောင်း...

  ဩဂုတ် ၅ The Kaladan Post ၂၀၂၅ခုနှစ်၊ ဇွန်လ ၂၃ ရက်နေ့ကစတင် စစ်ကြောင်းထိုးလာသော စစ်ကောင်စီစစ်ကြောင်းအား YOUNG WOLF PDF ရဲဘော်များနှင့် ပူပေါင်းမဟာမိတ် တပ်ပေါင်းစုမှ တာစီးပိတ်ဆို့ထားနိုင် ကြောင်း မန်နေ့ ဩဂုတ်လ ၄ရက်နေ့က YOUNG WOLF PDF တပ်ဖွဲ့က ဗီဒီယိုမှတ်ထမ်း ထုတ် ပြန်ထားပါသည်။ အဆိုပါထုတ်ပြန်ချက်နှင့် ပတ်သက်ပြီး YOUNG WOLF PDF တပ်ဖွဲ့ရဲ့ တာဝန်ရှိ သူက “ဒီစစ်ကောင်စီ စစ်ကြောင်းဟာဆိုရင် စစ်ကိုင်းတိုင်း စစ်ကိုင်းမြို့နယ် အတွင်းမှာရှိတဲ့ စစ် ကိုင်းတပ်မ ၃၃ နှင့် အုန်းတော ၆၀၀၅ တင်ကားတပ်များမှ ပူပေါင်းစစ်ကြောင်းထိုးလာတာဖြစ် ပါတယ် ဒီအာဏာရူး စစ်ကောင်စီတပ်ဖွဲ့ဘက်က အင်အား ၁၀၀ကျော်တယ်ဗျ တိုက်ပွဲဖြစ်ပွားတာ ၂၃.၆ ၂၀၂၅ ကနေ ယနေ့ထိပေါ့ သူတို့က ရှေ့တိုးလာတယ်ထိတွေ့မှု ဖြစ်တယ် တိုးမရတော့ ပြန်ဆုတ် သွားတယ် အဲ့လိုမျိုးကတော့ ခဏခဏဘဲဗျ ထိတွေ့တိုက်ပွဲကတော့ ဘယ်နှစ်ကြိမ်ြလဲ မမှတ်မိတော့ ပါဘူးဟု “ The Kaladan Post သို့ပြောဆိုသည်။ တိုက်ပွဲဖြစ်စဥ်တစ်လျှောက်လုံးမှာ ကျွန်တော်တို့ အနေနဲ့ အတည်ပြုနိုင်တာ စစ်ကောင်စီဘက်က ၁၁ ကောင်သေဆုံးခဲ့ပြီး အရှင် ၇ကောင်နှင့် လက်နက်ခဲယမ်းနဲ့ အတူ သိမ်းစဥ်း ရမိထားပြီး ကျွန်တော်တို့ရဲ့ ရှေ့တန်း ရဲဘော်တွေ အနေနဲ့တော့ ခုထိ ထိခိုက်ကျဆုံး မရှိဘူးလို့ တပ်ဖွဲ့ ရဲ့တာဝန်ရှိသူက ဆက်လက်ပြောဆိုသည်။ ဤစစ်ဆင်ရေး အတွင်း ထိတွေ့တိုက်ပွဲများ အကြိမ်များ စွာ ဖြစ်ပွားခဲ့ပြီး၊ စစ်ကောင်စီတပ်ဖွဲ့များ သည် ရှေ့တိုးရန် ကြိုးစားသော်လည်း တိုက်ပွဲများကြောင့် ပြန်လည်ဆုတ်ခွာသွားရသည့် အခြေအနေများ ထပ်ခါ တလဲလဲ ဖြစ်ပေါခဲ့သည်။ စစ်ကိုင်းတိုင်းသည် ပြည်သူ့ကာကွယ်ရေးတပ်များ (PDF) နှင့် စစ်ကောင် စီတပ်များအကြား ပြင်းထန်သော တိုက်ပွဲများ ဖြစ်ပွားနေသည့် ဒေသဖြစ်ပြီး၊ စစ်ကိုင်းတိုင်း၏ ၇၀ ရာခိုင်နှုန်းကျော်ကို PDF နှင့် မဟာမိတ်တပ်ဖွဲ့ များက ထိန်းချုပ်ထားနိုင်ဆဲဖြစ်ကြောင်းသိရသည်။...

ဩဂုတ် ၄ The Kaladan Post ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်အတွင်းရှိ ပဲခူးရိုးမရှိ မင်းလှသည်ဘောင်တွင် စကစ တပ်မှ ထွက် ပြေးလာသော တပ်သား စောထူးဖော (ပစ-၁၅၇၂၇၄) နှင့် စောအယ်ကညော (ပစ-၁၅၇၂၇၇) တို့အား ၂၀၂၅ ခုနှစ်၊ ဇူလိုင်လ ၂၉ ရက် နံနက် ၈ နာရီခန့်တွင် ဖမ်းဆီးရမိခဲ့ကြောင်း သာယာဝတီခရိုင် တပ်ရင်း ၃၈၀၂၊ တပ်ခွဲ ၅၊ ထုတ်ပြန်ချက်အရသိရသည်။ အဆိုပါထုတ်ပြန်ချက်နှင့်ပတ်သက်ပြီး တပ်ဖွဲ့ရဲ့တာဝန်ရှိသူက “  စစ်ကောင်စီကနေထွက်ပြေးလာတဲ့သူတွေက စုစုပေါင်း ၆ ယောက်ရှိပါတယ် ကျွန်တော်တို့ ဖမ်းမိတာက ၂ယောက်ပါခင်ဗျ  တခြားလူငယ် ၄ယောက်ကိုတော့ မဖမ်းမိပါဘူး  သူတို့ အစီအစဥ်နဲ့သူတို့ပြေးကြတာဆိုတော့ ဘယ်ကိုထွက်ပြေးလဲမသိပါဘူး ပြီးတော့ ယခုဖမ်းဆီးထား သူတွေကိုလည်း မကြာမီပြန်ပြီးလွှတ်ပေးမှာဖြစ်ပါတယ် “ဟု The Kaladan Post သို့ပြောဆိုသည်။ စောထူးဖောသည် အုတ်ဖိုမြို့နယ်မှဖြစ်ပြီး ၂၀၂၅ ခုနှစ်၊ မတ်လ ၁၄ ရက်တွင် သစ်ရောင်း၍ ဆိုင်ကယ်ဖြင့် ပြန်လာစဉ် တောင်သုံးလုံးရွာသစ်တွင် စစ်ကောင်စီတပ်၏ ပေါ်တာဆွဲခံခဲ့ရသူဖြစ်သည်။ စောအယ်ကညော သည် မင်းလှမြို့နယ်မှဖြစ်ပြီး ၂၀၂၅ ခုနှစ်၊ မတ်လ ၂၈ ရက်တွင် ကိုင်းပြင်ကြီးရွာထိပ်တွင် ဝါးခုတ်နေစဉ် စစ်ကောင်စီတပ်၏ ပေါ်တာဆွဲခံခဲ့ရကြောင်း ၎င်းတို့၏ ပြောဆိုချက်အရ သိရှိရသည်။ ၎င်းတို့ သည် သက်ဆိုင်ရာမြို့နယ်ထွေအုပ်ရုံးများမှတဆင့် ရန်ကုန်တိုင်း၊ လှည်ကူးမြို့နယ်၊ ရဲမွန်တပ်မြို့ရှိ သင်တန်း ကျောင်းသို့ ပို့ဆောင်ခံခဲ့ရပြီး စစ်မှုထမ်း အပတ်စဉ်(၁၂)အဖြစ် ၁၁ ပတ်ကြာ စစ်သင်တန်းတက်ခဲ့ရသည်။ ထို့နောက် ရခိုင်ပြည်နယ်သို့ ပို့ဆောင်ရန် လှိုင်မြို့နယ်ရှိ ဘုရင့်နောင် စစ်ကြောရေးစင်တာတွင် လူစုနေစဉ် ၂၀၂၅ ခုနှစ်၊ ဇူလိုင်လ ၂၁ ရက်တွင် ၎င်းတို့အပါအဝင် တပ်သားသစ် ၄ ဦးနှင့်အတူ ထွက်ပြေးခဲ့ခြင်းဖြစ် ကြောင်း ၎င်းထုတ်ပြန်ချက်တွင်ဖော်ပြထားပါသည်။၎င်းတို့သည် မတရားပေါ်တာဆွဲခံရပြီး စစ်ကောင်စီ တပ်ထဲသို့ အတင်းအဓမ္မထည့်သွင်းခံခဲ့ရသူများဖြစ်သည်။ ၎င်းတို့၏ ထွက်ပြေးမှုမှာ ၎င်းတို့၏ ကိုယ်ပိုင် အစီအစဉ်ဖြင့် လုပ်ဆောင်ခဲ့ခြင်းဖြစ်ပြီး မည်သည့်နေရာသို့ ဦးတည်မည်ကို မသိရှိရပေ။ သို့သော် ၎င်းတို့အား ပြန်လည်လွတ်မြောက်ရန် စီစဉ်ထားကြောင်း သိရှိရသည်။ ဤဖြစ်ရပ်သည် စစ်ကောင်စီ၏ မတရားပေါ်တာ ဆွဲခြင်းနှင့် အတင်းအဓမ္မစစ်မှုထမ်းခိုင်းစေမှုများကို ထင်ရှားစေသည့် သာဓကတစ်ခုဖြစ်သည်။ ဖမ်းဆီးရမိ ထားသူများအား လွတ်မြောက်ရေးအတွက် ဆောင်ရွက်မည်ဖြစ်ပြီး ၎င်းတို့၏ လွတ်လပ်မှုနှင့် လုံခြုံမှုအ တွက်...