Author: Salai

  ဒီဇင် ၂၄ The Kaladan Post မကွေးမြို့နယ်၊ ညောင်ပင်ကြီးကျေးရွာတွင် နေထိုင်သော ရပ်ကျေးအုပ်ချုပ်ရေးမှူးမှ ရပ်ကျေးစာရေး အောင်ကြိုင်ကို ဒီဇင်ဘာလ ၂၁ ရက် ညပိုင်းက တော်လှန်ရေးတပ်ဖွဲ့ဝင်များက နေအိမ်အတွင်း ပစ်ခတ် တိုက်ခိုက်ခဲ့ရာ ပွဲချင်းပြီး သေဆုံးခဲ့ကြောင်း မကွေးတောင်တွင်းကြီး အထူးပြောက်ကျားတပ်ဖွဲ့က အသိ ပေးထုတ်ပြန် ထားသည်။ အဆိုပါ ရပ်ကျေးစာရေး ပစ်ခတ်မှုနှင့် ပတ်သက်ပြီး မကွေးတောင်တွင်းကြီး အထူးပြောက်ကျားတပ်ဖွဲ့၏ တာဝန်ရှိသူတစ်ဦးက “ ကျွန်တော်တို့ ပစ်ခတ်ပြီး သေဆုံးသွားတဲ့ အောင်ကြိုင်ဟာ  စစ်တပ်ရွေးကောက်ပွဲ ဖြစ်မြောက်ရေးအတွက် အားကြိုးမာန်တက် လုပ်ဆောင် နေတာတွေ အပြင် မဲမပေးရင် ပြည်သူတွေကို ပေါ်တာဆွဲမယ်လို့ ခြိမ်းခြောက်တယ်။ စစ်မှုထမ်းကြေး လည်း လစဉ် အတင်းကောက်ခံနေတာကြောင့် ပစ်ခတ်တိုက်ခိုက်ခဲ့တာပါ” ဟု   The Kaladan Post ပြောဆိုသည်။ ထို့အပြင် အောင်ကြိုင်သည် သူ့မိန်းမရဲ့ ညီမကိုပြန်ယူထားတယ် မယားငယ်နဲ့နေထိုင်သူဖြစ် ကြောင်း သိရသည်။ အောင်ကြိုင်နေထိုင်သော ဒေသခံတွင်  ရွေးကောက်ပွဲ့လုပ်မှာ ဖြစ်ပြီး ဒီရွေးကောက်ပွဲရလဒ် ကနေ ဘာအပြောင်းအလဲမှရှိမှာ မဟုတ်သလို ဒီထက်မဆိုးမသွားအောင် နေထိုင်ကြဖို့ တပ်ဖွဲ့တာဝန်ရှိသူက ဆက်လက်ပြောဆိုသည်။  အဆိုပါ တိုက်ခိုက်မှုကို မကွေး-တောင်တွင်း ကြီး အထူးပြောက်ကျားတပ်ဖွဲ့ နှင့် နဂါးမင်း ပြည်သူ့ကာကွယ်ရေးတပ်ဖွဲ့တို့ ပူးပေါင်းလုပ်ဆောင်ခဲ့ခြင်း ဖြစ်ပြီး တော်လှန်ရေးရဲဘော် များ အထိအခိုက်မရှိ ပြန်လည်ဆုတ်ခွာနိုင်ခဲ့သည်။ သေဆုံးသွားသူ အောင်ကြိုင်သည် စစ်မှုထမ်းကြေး များ အတင်းအဓမ္မကောက်ခံမှု၊ စစ်ကောင်စီ၏ အတုအယောင် ရွေးကောက်ပွဲ ဖြစ်မြောက်ရေးအတွက် အဓိကဆောင်ရွက်မှုနှင့် မဲမပေးပါက ပေါ်တာဆွဲ ဖမ်းဆီးမည် ဟု ကျေးရွာသားများကို ခြိမ်းခြောက်ခဲ့သူ ဖြစ်ကြောင်း တပ်ဖွဲ့ဘက်က ဆိုသည်။ မကွေးနှင့် တောင်တွင်း ကြီးမြို့နယ်အတွင်း စစ်တပ်သတင်းပေး၊ ပျူစောထီး၊ အတင်းအဓမ္မ ငွေကောက်ခံသူများနှင့် ရွေးကောက်ပွဲတွင် ပါဝင်ပတ်သက်သူများကို ဆက်လက်အရေးယူသွားမည်ဟု တပ်ဖွဲ့က...

  ဒီဇင် ၂၃ The Kaladan Post အမျိုးသားညီညွတ်ရေးအစိုးရ (NUG) အကြမ်းဖက်မှုတိုက်ဖျက်ရေးဗဟိုအဖွဲ့က စစ်ခေါင်းဆောင် မင်းအောင်လှိုင်နှင့် စိုးဝင်း အပါအဝင် စစ်တပ်အဖွဲ့ဝင် ၄၃ ဦးကို အကြမ်းဖက်သမားများအဖြစ် ဒီဇင် ဘာလ ၂၁ ရက်နေတွင်ကြေညာခဲ့သည်။ အဆိုပါ ကြေညာချက်နှင့် ပတ်သက်ပြီး နာမည်မဖော်လိုသော ချင်းတော်လှန်ရေးခေါင်းဆေင်တစ်ဦးက” ကျွန်တော်တို့ နိုင်ငံမှာ ၂၀၂၁ခုနှစ်က ပြည်သူ့ဆန္ဒကို သိမ်းပြီး သူ့ဟာသူ အစိုးရအဖြစ်သတ်မှတ်သော မင်းအောင်လှိုင်အစိုးရနှင့် အမျိုးသားညီညွတ်ရေးအစိုးရ နှစ်ခုရှိတယ်ပေါ့နော် ဒီအစိုးရနှစ်ရပ်မှာ စစ်ကောင်စီဖက်ကလည်း အမျိုးသားညီညွတ်‌ရေးအဖွဲ့ဝင်တွေ အပါ‌အဝင် တော်လှန်‌ရေးခေါင်းဆောင်တွေကို အကြမ်းဖက်အဖြစ်ကြေညာပြီးသားဖြစ်တယ် ထိုနည်း တူ ကျွန်တော်တို့ NUG ဖက်ကလည်း ပြည်သူတွေထောက်ခံတဲ့အဖွဲ့အစည်းဖြစ်သည်နှင့် အညီ အစိုးရ အဖြစ် ကြေညာထားခြင်းဖြစ်ပြီးပါတယ်။ အဲ့ဒါကြောင့် ဒီ NUG ကလည်း သူ့ရဲ့လုပ်ငန်းဟန့်တားတဲ့ အဖွဲ့အစည်းကို အကြမ်းဖက်အဖြစ် ပြန်ပြီးကြေညာတာဖြစ်တယ် ကျွန်တော်ပြောခြင်တာက ပြည်သူ တွေရွေးချယ်တင်မြောက်ထားတဲ့ ပြည်သူ့ကိုယ်ဇလှယ်တွေကို မတရားဖမ်းဆီးချုပ်နှောင် ထားပြီး စစ်ကောင်စီက ပါတီစုံ အထွေထွေရွေးကောက်ပွဲကို မကြာမီကျင့်ပမယ်ဟုထုတ်ပြန်ပြီးသားဖြစ်တယ်  အဲ့ဒါကြောင့် ဒီ  NUG ရဲ့  ဒီကြေညာချက်သည် ပြည်သူတွေကို အားရှိစေသည့်အပြင် အကောင် အထည်ဖော်နိုင်ရေးအတွက် ကျွန်တော်တို့ တော်လှန်ရေးသမားတွေအားလုံး ပူးပေါင်းကူညီဖို့လို ပါတယ်” ဟု The Kaladan Post သို့ ပြောဆိုသည်။  ယင်းကြေညာချက်တွင် ၂၀၂၁ ခုနှစ် ဖေဖော်ဝါရီ ၂ ရက်မှ ၂၀၂၅ ခုနှစ် ဇူလိုင် ၃၁ ရက်အတွင်း ဖွဲ့စည်းခဲ့သော “နိုင်ငံတော်စီမံအုပ်ချုပ်ရေးကောင်စီ” (SAC) အဖွဲ့ဝင်များကို အကြမ်းဖက်အုပ်စုအဖြစ် သတ်မှတ်ကာ အကြမ်းဖက်တိုက်ဖျက်ရေးဥပဒေ ပုဒ်မ ၆ (င) နှင့် ပုဒ်မ ၇၂ (ခ) အရ အရေးယူဆောင်ရွက်သွားမည်ဟု ဖော်ပြထားသည်။ NUG က ယင်းအကြမ်းဖက် သမားများကို ဖမ်းဆီးရမိနိုင်ရေး ကြိုးပမ်းဆောင်ရွက်သွားမည်ဖြစ်ပြီး တော်လှန်ရေးအင်အားစုများနှင့် ပြည်သူများအား ပူးပေါင်းပါဝင်ကြရန် တိုက်တွန်းထားသည်။ ကြေညာချက်ပါ အကြမ်းဖက်သမား စာရင်းတွင် မင်းအောင်လှိုင်နှင့်  စိုးဝင်း အပါအဝင် စုစုပေါင်း ၄၃ ဦး...