Author: Salai

ဗန်းမောက်မြို့ တော်လှန်ရေးတပ်ဖွဲ့များက အပြီးသတ်သိမ်းပိုက် စက်တင် ၂၁ The Kaladan Post စစ်ကိုင်းတိုင်း၊ ဗန်းမောက်မြို့ကို တော်လှန်ရေးတပ်ဖွဲ့များက စက်တင်ဘာလ ၂၀ ရက်နေ့ ညနေ ၆ နာရီ ၄၀ မိနစ်တွင် အပြီးသတ် တိုက်ခိုက်သိမ်းပိုက်ခဲ့ကြောင်း ဒေသတွင်း စစ်ရေးသတင်းရင်းမြစ်က ပြောသည်။ အကြမ်းဖက်စစ်တပ်နှင့် SNA တပ်ဖွဲ့များ တပ်စွဲထားသော နောက်ဆုံးဗျူဟာကုန်းကို သိမ်းပိုက်နိုင်ခဲ့ပြီး စစ်သားများနှင့် SNA အဖွဲ့ဝင်များ မြို့တွင်းမှ ထွက်ပြေးသွားသည်။ ယခုအခါ မြို့တွင်း၌ ရှင်းလင်းရေး လုပ်ငန်းများ ဆောင်ရွက်နေသည်။ ဗန်းမောက်မြို့သိမ်းတိုက်ပွဲကို စက်တင်ဘာလ ၁၄ ရက်မှ စတင်ခဲ့ပြီး ယနေ့တွင် အောင်မြင်စွာ အပြီးသတ်ခဲ့သည်။ တိုက်ပွဲအား အမှတ် (၁) စစ်ဒေသ၊ ကသာခရိုင် ကွပ်ကဲရေးမှူး၏ ဦးဆောင်မှုဖြင့် ကသာ ခရိုင်တပ်ရင်းများ၊ အထူးလှုပ်ရှားတပ်ရင်းများနှင့် ပကဖအဖွဲ့များက ပူးပေါင်းဆောင် ရွက်ခဲ့သည်။ ဤအောင်မြင်မှုသည် ဒေသတွင်း တော်လှန်ရေးအင်အားစုများ၏ ညီညွတ်မှုနှင့် ဗျူဟာမြောက် စီစဉ်ဆောင်ရွက်မှု၏ ရလဒ်ဖြစ်သည်။ ဗန်းမောက်မြို့သည် မဟာဗျူဟာအရ အရေးပါသော နေရာတစ်ခုဖြစ်ပြီး ဤအောင်မြင်မှုက ဒေသတွင်း တိုက်ပွဲများအပေါ် သိသာထင်ရှားသော အကျိုးသက်ရောက်မှုရှိမည်ဟု ယုံကြည်ရသည်။ ဖားကန့်တွင် စစ်တပ်ပစ်ခတ်မှုကြောင့် ပြည်သူ ၂ ဦးသေဆုံး၊ ၁ ဦးဒဏ်ရာပြင်းထန် စက်တင် ၂၁ The Kaladan Post ကချင်ပြည်နယ်၊ ဖားကန့်မြို့တွင် အကြမ်းဖက်စစ်တပ်၏ ပစ်ခတ်မှုကြောင့် ပြည်သူ ၂ ဦး သေဆုံးပြီး အမျိုးသမီး...

ဇီးကုန်းရဲစခန်းသိမ်းတိုက်ပွဲတွင် ဖမ်းဆီးရသူများအား ကျန်းမာရေးစောင့်ရှောက်မှုပေး စက်တင် ၂၀ The Kaladan Post စစ်ကိုင်းတိုင်း၊ ကန့်ဘလူမြို့နယ်၊ ဇီးကုန်းမြို့ ရဲစခန်းကို တော်လှန်ရေးတပ်ဖွဲ့များက စက်တင်ဘာလ ၁၇ ရက်နေ့ ညနေ ၃ နာရီခန့်တွင် တိုက်ခိုက်သိမ်းပိုက်ခဲ့ရာ ရဲဗိုလ်နှင့် ရဲတပ်သား ၆ ဦး သေဆုံးခဲ့သည်။ ရဲအရာရှိ ၂ ဦး၊ ရဲတပ်သား ၂ ဦး၊ ရဲမိသားစုဝင် ၄ ဦးနှင့် အချုပ်သား ၃ ဦးတို့ကို အရှင်ဖမ်းဆီးရမိခဲ့ပြီး G-3၊ G-4၊ MA-15 နှင့် ပစ္စတိုသေနတ်များ သိမ်းဆည်းရရှိခဲ့ကာ ရဲစခန်းအဆောက်အဦးများကို မီးရှို့ဖျက်ဆီးခဲ့သည်။ ဖမ်းဆီးရမိသူများ ထဲတွင် ကိုယ်ဝန်ဆောင်အမျိုးသမီးနှင့် ကလေးမိခင်များပါဝင်ပြီး ၎င်းတို့အား ဆေးကုသမှုနှင့် ကျန်းမာရေးစောင့်ရှောက်မှုပေးထားကြောင်း ကန့်ဘလူမြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်သည်။ တိုက်ပွဲအတွင်း ဒဏ်ရာရရှိသူများနှင့် ကိုယ်ဝန်ဆောင်အမျိုးသမီးများကို မြို့နယ်ကျန်းမာရေး အဖွဲ့က ဆေးဝါးကုသမှုပေးလျက်ရှိပြီး မီးဖွားရန်လိုအပ်သူများကိုလည်း ဂရုတစိုက်စောင့် ရှောက်ထားသည်။ တော်လှန်ရေးတပ်ဖွဲ့များက အမျိုးသမီးနှင့် ကလေးများကို ထိခိုက်မှု မရှိစေရန် ဂရုစိုက်ဆက်ဆံခဲ့ပုံကို ဗီဒီယိုဖြင့် ထုတ်ပြန်ခဲ့ရာ လူမှုကွန်ရက်တွင် ပြည်သူများက ချီးကျူးဂုဏ်ပြုခဲ့ကြသည်။ ပြည်သူတစ်ဦးက “စစ်တပ်ဆိုလျှင် အမျိုးသမီးနှင့် ကလေးများကို သတ်ဖြတ်မည်။ တော်လှန်ရေးတပ်ဖွဲ့၏ လူသားဆန်မှုကို မြင်ရသည့်အတွက် ဝမ်းသာပါ သည်” ဟု မှတ်ချက်ပြုသည်။ စိန်တစ်လုံးသရက်စိုက်ပျိုးရေးဇုန်မှ မြေကွက်များ မင်းအောင်လှိုင်ပြန်သိမ်းယူ စက်တင် ၂၀ The Kaladan Post နေပြည်တော်၊ စက်တင်ဘာ ၂၀...

မြင်းခြံရွှေစေတီဘုန်းကြီးကျောင်း စစ်တပ်လေကြောင်းတိုက်ခိုက်မှုကြောင့် ကိုရင်ကြီးတစ်ပါး ပျံလွန်တော်မူ စက်တင် ၁၉ The Kaladan Post မန္တလေးတိုင်း၊ မြင်းခြံမြို့နယ်၊ ကျောက်တိုင်ရွာရှိ ရွှေစေတီဘုန်းကြီးကျောင်းကို စစ်တပ်က Gyrocopter ၃ စီးဖြင့် တိုက်ပွဲဖြစ်ပွားခြင်းမရှိဘဲ လေကြောင်းတိုက်ခိုက်မှု ပြုလုပ်ခဲ့သည်။ စက်တင်ဘာ ၁၈ ရက် နံနက် ၁၀ နာရီ ၂၀ မိနစ်ခန့်တွင် ဖြစ်ပွားခဲ့သော ဤတိုက်ခိုက်မှုကြောင့် သက်တော် ၆၂ နှစ်အရွယ် ကိုရင်ကြီးတစ်ပါး ပျံလွန်တော်မူခဲ့သည်။ ထို့ပြင် ကုန်းသာရွာမှ တောင်သူအမျိုးသမီးတစ်ဦး ထိခိုက်ဒဏ်ရာရရှိခဲ့ပြီး ဘုန်းကြီးကျောင်းဆောင်များ ပျက်စီးခဲ့ ကြောင်း သိရသည်။ မြင်းခြံလူထုလှုပ်ရှားမှုကော်မတီမှ တာဝန်ရှိသူတစ်ဦးက ယင်းသို့ ပြောကြားခဲ့သည်။ လက်ရှိတွင် မြင်းခြံမြို့နယ်အတွင်း စစ်တပ်၏ မြေပြင်စစ်ကြောင်းထိုးမှုများနှင့် လေကြောင်း တိုက်ခိုက်မှုများ ဆက်လက်လုပ်ဆောင်နေကြောင်း တော်လှန်ရေးသတင်းရင်းမြစ်များထံမှ သိရသည်။ ဤလေကြောင်းတိုက်ခိုက်မှုသည် ဒေသခံပြည်သူများအပေါ် အကြမ်းဖက် စစ်တပ်၏ ထိခိုက်မှုဖြစ်စေရန် ရည်ရွယ်ချက်ဖြင့် လုပ်ဆောင်ခြင်းဖြစ်သည်ဟု သတင်းရင်းမြစ် များက ဆိုသည်။ ညောင်လေးပင်တွင် ပျူစောထီး ကိုကို ပစ်ခတ်ခံရပြီး သေဆုံး စက်တင် ၁၉ The Kaladan Post ပဲခူးတိုင်း၊ ညောင်လေးပင်မြို့နယ်၊ တာဦးကျေးရွာတွင် ပြည်သူများကို နည်းမျိုးစုံဖြင့် ဖိနှိပ်နေသော ပျူစောထီး ကိုကို ဆိုသူကို 9 Stars UG အဖွဲ့က ပစ်ခတ်တိုက်ခိုက်ရာ ပွဲချင်းပြီး သေဆုံးခဲ့ကြောင်း သိရသည်။ စက်တင်ဘာ ၁၈ ရက်တွင် ၎င်း၏နေအိမ်တွင် ဖမ်းဆီးရန် သွားရောက်စဉ်...