Author: Salai

မတ် ၁၇ The Kaladan Post   အီရန်ကို ဗဟိုပြုပြီး အရှေ့အလယ်ပိုင်းဒေသမှာ ဖြစ်ပွားနေတဲ့ စစ်ပွဲတွေကို အမြန်ဆုံး အပစ်အခတ်ရပ်စဲကြဖို့ ပုပ်ရဟန်းမင်းကြီးက တိုက်တွန်းတောင်းဆိုလိုက်ပါတယ်။ ပြီးခဲ့တဲ့ မတ်လ ၁၅ ရက်နေ့က ဗာတီကန်မှာလုပ်ခဲ့တဲ့ ဝတ်ပြုဆုတောင်းပွဲမှာ ရိုမန်ကက်သလစ် သာသနာပိုင်ချုပ် ပုပ်ရဟန်းမင်းကြီးက အခုလို မိန့်ကြားခဲ့တာပါ။ “အီရန်စစ်ပွဲရဲ့ ကြမ်းတမ်းရက်စက်မှုတွေကြောင့် အပြစ်မဲ့ အရပ်သားပြည်သူ ထောင်နဲ့ချီ သေဆုံးခဲ့ရပြီး ဒေသကြီးတစ်ခုလုံးမှာ စိုးရိမ်ကြောင့်ကြမှုတွေ၊ ထိခိုက်နာကျင်မှုတွေကို ခံစားနေကြရတယ်” လို့ သူက ပြောပါတယ်။ ဒါ့အပြင် အမေရိကန်နဲ့ အစ္စရေးတို့ကနေ အီရန်ကို စတင်တိုက်ခိုက်ရာကနေ ဖြစ်လာတဲ့ ဒီစစ်ပွဲကြီးနဲ့ ပတ်သက်ပြီးတော့လည်း “ဒီစစ်ပွဲဟာ တရားမျှတမှု၊ ဒေသတွင်း တည်ငြိမ်ရေးနဲ့ ငြိမ်းချမ်းရေးတွေကို ရှာဖွေပေးနိုင်မယ့် အဖြေမဟုတ်ဘူး” လို့ ပုပ်ရဟန်းမင်းကြီးက သတိပေးခဲ့ပါသေးတယ်။ စစ်ပွဲစတင်ခဲ့တာ နှစ်ပတ်လောက် ကြာလာတဲ့အချိန်မှာ အရှေ့အလယ်ပိုင်းက ပြည်သူတွေဟာ စစ်ရဲ့ အနိဋ္ဌာရုံတွေကို အပြင်းအထန် ခံစားနေရပြီလို့ စိန့်ပီတာရင်ပြင်က အပတ်စဉ် ဝတ်ပြုဆုတောင်းပွဲမှာ သူက ထည့်သွင်းပြောဆိုခဲ့ပါတယ်။ ပုပ်ရဟန်းမင်းကြီးက “အရှေ့အလယ်ပိုင်း ဒေသက ခရစ်ယာန်တွေ၊ စိတ်နှလုံးကောင်းရှိတဲ့ အမျိုးသား၊ အမျိုးသမီးတွေနဲ့အတူ လက်ရှိ ပဋိပက္ခအတွက် တာဝန်ရှိသူတွေကို ကျနော့်အနေနဲ့ တောင်းဆိုချင်တာကတော့ အပစ်အခတ် ရပ်ကြဖို့ပါပဲ” လို့ တိုက်တွန်းခဲ့ပါတယ်။ အီရန်စစ်ပွဲရဲ့ ဂယက်ကြောင့် လက်ဘနွန်နိုင်ငံမှာ အစ္စရေးနဲ့ ဟစ်ဇ်ဘိုလာအဖွဲ့ကြား တိုက်ပွဲတွေဖြစ်နေတာကိုလည်း အထူးစိုးရိမ်မိတယ်လို့ ဆိုပါတယ်။ လက်ဘနွန်ပြည်သူတွေအတွက် ရေရှည်တည်တံ့မယ့် ငြိမ်းချမ်းရေးအဖြေကို သက်ဆိုင်သူတွေအနေနဲ့...

မတ် ၁၆ The Kaladan Post အီရန်နိုင်ငံရဲ့ ရေနံတင်ပို့မှု အဓိကဇုန်ဖြစ်တဲ့ ခါ့ဂ် (Kharg) ကျွန်းကို နောက်ထပ် တိုက်ခိုက်မှုတွေ ဆက်လုပ်သွားနိုင်သေးတယ်လို့ အမေရိကန်သမ္မတ ဒေါ်နယ်လ်ထရမ့်က ခြိမ်းခြောက်ပြောဆိုလိုက်ပါတယ်။ ဒီတစ်ပတ်ထဲမှာပဲ အမေရိကန်က အဲဒီ ခါ့ဂ်ကျွန်းကို ပစ်မှတ်ထား တိုက်ခိုက်ခဲ့ပြီး ကျွန်းရဲ့ အစိတ်အပိုင်း အများစုကို လုံးဝနီးပါး ချေမှုန်းပစ်နိုင်ခဲ့တယ်လို့ ထရမ့်က ဆိုပါတယ်။ ဒီကျွန်းဟာ နိုင်ငံတကာ ရေနံတင်ပို့မှုကဏ္ဍမှာ အသက်သွေးကြောတစ်ခုဖြစ်တဲ့ ဟောမုဇ်ရေလက်ကြားရဲ့ အနောက်မြောက်ဘက် မိုင် ၃၀၀ လောက်အကွာ ပါရှန်းပင်လယ်ကွေ့ထဲမှာ တည်ရှိတာပါ။ Reuters သတင်းဌာနရဲ့ ဖော်ပြချက်အရ သမ္မတထရမ့်က NBC သတင်းဌာနနဲ့ အင်တာဗျူးရာမှာ ခါ့ဂ်ကျွန်း အကြီးအကျယ် ပျက်စီးသွားပြီဖြစ်ပေမယ့်လည်း “အပျော်သဘောမျိုးနဲ့ နောက်ထပ် နည်းနည်း ထပ်ပစ်တာတွေ ရှိလာနိုင်သေးတယ်” လို့ ထည့်သွင်းပြောကြားခဲ့ပါတယ်။ ဒါ့အပြင် အီရန်ဘက်က စစ်ပွဲကိုရပ်တန့်ဖို့ ညှိနှိုင်းချင်နေပုံရပေမယ့် “အီရန်ဘက်က လိုက်လျောနိုင်တဲ့ အခြေအနေတွေက အမေရိကန်အတွက် လုံးဝ မလုံလောက်သေးဘူး” လို့လည်း သူက ဆက်ပြောပါတယ်။ ဒါပေမယ့် NBC နဲ့ အင်တာဗျူးမှာ ခါ့ဂ်ကျွန်းတစ်ခုလုံးနီးပါးကို ဖျက်ဆီးပစ်လိုက်ပြီလို့ ထရမ့် ပြောခဲ့တဲ့စကားဟာ အရင်က သူပြောခဲ့ဖူးတဲ့ စကားတွေနဲ့တော့ ကွဲလွဲနေပါတယ်။ အစောပိုင်းတုန်းကတော့ အမေရိကန်ဟာ ကျွန်းပေါ်က စစ်ရေးပစ်မှတ်တွေကို ရွေးချယ်ပြီးမှ တိတိကျကျ ချေမှုန်းခဲ့တာလို့ ထရမ့်က ကြေညာခဲ့ဖူးတာပါ။ စစ်ပွဲစတင်ကတည်းက အီရန်ဟာ ဟောမုဇ်ရေလက်ကြားကို ပိတ်ချထားပြီး အဲဒီကနေ ဖြတ်သန်းသွားလာနေတဲ့ ရေနံတင်သင်္ဘောတွေနဲ့...