Category: Uncategorized
- Interviews
- Youth and Women
- Articles
- Editorial
NUG-BNRA ပဋိပက္ခနှင့် တော်လှန်ရေးအပေါ်သက်ရောက်မှု
Special Program / Interview with Myo Htike Tan Thein အပိုင်း(၂) အင်တာဗျူးအပြည့်အစုံကို အောက်ပါလင့်ခ်မှာ ဝင်ရောက်ကြည့်ရှုနိုင်ပါတယ်။ YouTube Channel: https://www.youtube.com/watch?v=bKqh05eV0U8...
“နွေဦးတော်လှန်ရေးလမ်းခုလတ်မှာ ရှိနေပြီ – ဆုံးဖြတ်ချက်မှန်ရင် အောင်မြင်မယ်”
မေးမြန်းသူ – RAIN ဖြေဆိုသူ – Shin Thant ၊ ဘုတလင်မြို့နယ်လူထုသပိတ်အင်အားစု RAIN – မိဘပြည်သူများ အားလုံးပဲ မင်္ဂလာပါရှင်။ The Kaladan Post ရဲ့ Youth and Women’s Affairs Program ကနေပြီးတော့ ပြန်လည်ကြိုဆိုလိုက်ပါတယ်။ ဒီတစ်ပတ် အင်တာဗျူးအစီအစဉ်မှာတော့ ဘုတလင်မြို့နယ် သပိတ်အင်အားစုမှ ဆရာရှင်းသန့်ရဲ့ တော်လှန်ရေးအပေါ်မှာ သဘောထားအမြင်တွေကို သုံးသပ်ဆွေးနွေးသွားမှာပဲ ဖြစ်ပါတယ် ရှင်။ မင်္ဂလာပါ ဆရာ။ Shin Thant – ဟုတ်ကဲ့၊ မင်္ဂလာပါခင်ဗျာ။ RAIN – ဟုတ်ကဲ့ပါ၊ အခုလိုမျိုး ကျွန်မတို့ The Kaladan Post ကို အချိန်ပေးပြီးတော့ လာရောက်ဖြေကြားပေးတဲ့အတွက် ကျေးဇူးတင်ပါတယ်ရှင်။ Shin Thant – ဟုတ်ကဲ့၊ မင်္ဂလာပါခင်ဗျာ။ RAIN – ဆိုတော့ ကျွန်မတို့ အင်တာဗျူးအစီအစဉ်လေး မစခင်လေးမှာ ဆရာ ဒီတော်လှန်ရေးမှာ ဘယ်လိုစတင်ပြီးတော့မှ ဘယ်လိုခံယူချက်တွေနဲ့ စတင်ဝင်ရောက် လာခဲ့လဲ ဆိုတာလေးရယ်၊ ပြီးတော့ လက်ရှိမှာရော ဆရာ ဆက်လက်ပြီးတော့မှ တော်လှန်ရေးမှာ ဘယ်လိုတွေ ပါဝင်နေလဲဆိုတာလေး အရင်ဆုံး မိတ်ဆက်ပေးပါဦးရှင်။ Shin Thant – ဟုတ်ကဲ့ ဟုတ်။ ကိုယ့်ကို မိတ်ဆက်ရမယ်ဆိုရင်တော့ ကျွန်တော့်နာမည် ရှင်းသန့်ပါ။ လက်ရှိ မိခင်အဖွဲ့အစည်းကတော့ မုံရွာစီးပွားရေးတက္ကသိုလ် ကျောင်းသားများ သမဂ္ဂရဲ့ ဥက္ကဋ္ဌအဖြစ် တာဝန်ယူထားတာ ဖြစ်ပါတယ်။...
Saudi Arabia နှင့် Qatar တို့ ကြားဝင်စေ့စပ်၍ Afghanistan – Pakistan ပဋိပက္ခ လျော့ချရန် ကြိုးပမ်း
ဖေဖေါ် ၂၈ The Kaladan Post ပါကစ္စတန်နှင့် အာဖဂန်နစ္စတန်ကြား စစ်ရေးတင်းမာမှုများ အရှိန်မြင့်လာနေသည့်အခြေအနေတွင် အာရပ်နိုင်ငံနှစ်နိုင်ငံဖြစ်သည့် ဆော်ဒီအာရေးဘီးယားနှင့် ကာတာတို့က ပဋိပက္ခ ပိုမိုဆိုးရွားမသွားမီ ကြားဝင်ညှိနှိုင်းပေးရန် အရေးတကြီး ကြိုးပမ်းလျက်ရှိကြောင်း သံတမန်သတင်းရင်းမြစ်များက ပြောကြားသည်။ ယခုသီတင်းပတ်အတွင်း အာဖဂန်-ပါကစ္စတန် ဆက်ဆံရေးသည် စစ်ရေးအရ ပိုမိုတင်းမာလာခဲ့ပြီး ပါကစ္စတန်ဘက်မှ အာဖဂန်နယ်မြေအတွင်း လေကြောင်းတိုက်ခိုက်မှုများ ဆင်နွှဲခဲ့ခြင်းကြောင့် အပြန်အလှန် လက်တုံ့ပြန်မှုများ ဆက်တိုက် ဖြစ်ပေါ်လာခဲ့သည်။ ပါကစ္စတန်က အာဖဂန်ဘက်မှ စစ်သွေးကြွအဖွဲ့များကို ခိုလှုံခွင့်ပေးထားသည်ဟု စွပ်စွဲထားသော်လည်း အာဖဂန်ဘက်က ငြင်းဆိုထားသည်။ ဖေဖော်ဝါရီ ၂၇ ရက်နေ့တွင် ပဋိပက္ခသည် နယ်စပ်ဒေသများကိုသာမက မြို့ကြီးများသို့ပါ ကူးစက်လာခဲ့ပြီး မြို့တော် ကဘူးလ်တွင်လည်း လေကြောင်းတိုက်ခိုက်မှုများ ဖြစ်ပွားခဲ့ကြောင်း အာဖဂန်ကို အုပ်ချုပ်နေသည့် တာလီဘန်အဖွဲ့က အတည်ပြုခဲ့သည်။ ပါကစ္စတန်အစိုးရကို ဆန့်ကျင်တိုက်ခိုက်နေသည့် ပါကစ္စတန် တာလီဘန်အဖွဲ့ကို အာဖဂန် တာလီဘန်အစိုးရက ကူညီထောက်ပံ့နေသည်ဟု ပါကစ္စတန်ဘက်မှ စွပ်စွဲထားပြီး ဖေဖော်ဝါရီ ၂၇ ရက်တွင် ပါကစ္စတန်အစိုးရက တာလီဘန် နှစ်ဖွဲ့လုံးနှင့် စစ်ဖြစ်နေပြီဟု သဘောထားထုတ်ပြန်ခဲ့သည်။ ဖေဖော်ဝါရီ ၂၆ ရက် ညပိုင်းနှင့် ၂၇ ရက် မနက်အစောပိုင်းတွင် ပါကစ္စတန်က ဆင်နွှဲခဲ့သည့် လေကြောင်းစစ်ဆင်ရေးများသည် ၂၀၂၁ ခုနှစ်တွင် တာလီဘန်များ အာဏာပြန်လည်ရယူခဲ့ပြီးနောက်ပိုင်း အာဖဂန် တာလီဘန်အစိုးရ ကြုံတွေ့ခဲ့သမျှအတွင်း အပြင်းထန်ဆုံးတိုက်ခိုက်မှုများဖြစ်ကြောင်း လေ့လာသူများက သုံးသပ်ထားသည်။ အရှေ့အလယ်ပိုင်း သံတမန်သတင်းရင်းမြစ်တစ်ဦး၏ ပြောကြားချက်အရ ဆော်ဒီနှင့် ကာတာတို့သည် အခြေအနေ ပိုမိုဆိုးရွားမသွားမီ...
အညံ့ဆုံးအာဏာရှင်ကိုမှ မနိုင်ရင် ဘယ်သူ တရားခံဖြစ်မလဲ
Editorial Talk – ဖေဖော်ဝါရီ ၇ ၊ ၂၀၂၆ ၇၀ နှစ်တာ တော်လှန်ရေးသမိုင်းမှာ လူထုထောက်ခံမှုအား အကောင်းဆုံးအချိန် ရောက်နေပေမယ့် အခုထိ အဆုံးအဖြတ်မပေးနိုင်သေးတာ ဘာကြောင့်လဲဆိုတာ ဒီတပတ် Editorial Talk မှာ ဆွေးနွေးတင်ဆက်ထားပါတယ်။ အင်တာဗျူးအပြည့်အစုံကို အောက်ပါ လင့်ခ်တွင် ဝင်ရောက် ကြည့်ရှုနိုင်မှာ...
All
မတ်လ (၂၂) ရက် သတင်းတိုပေါင်းချုပ်
ဒဂုံမြို့သစ်မြောက်ပိုင်းမြို့နယ်ရှိ Terminal ဆီဆိုင်ကြီး မီးလောင်ပျက်စီး၊ ကားများပါ မီးထဲပါဝင်ခဲ့ မတ် ၂၂ The Kaladan Post ရန်ကုန်တိုင်း၊ ဒဂုံမြို့သစ်မြောက်ပိုင်းမြို့နယ်၊ ၇/၈ လမ်းဆုံအနီး ပြည်ထောင်စုလမ်းမပေါ်ရှိ Terminal စက်သုံးဆီအရောင်းဆိုင်တွင် မတ်လ ၂၁ ရက် ည ၉ နာရီ ၃၉ မိနစ်အချိန် ဆီဖြည့်နေသော ပရိုဘောက်စ် (Probax) ကားမှ မီးစတင်လောင်ကျွမ်းခဲ့ရာ မီးကူးစက်ပြီး ဆီဆိုင်တစ်ခုလုံး လျှပ်တစ်ပြက်အတွင်း မီးလောင်ပြာကျသွားခဲ့ကြောင်း သိရသည်။ ဆီဆိုင်တွင် တစ်နေ့လျှင် ယာဉ်စီးရေ ၉၀၀ ကျော်အထိ ဆီဖြည့်နေရသည့် အချိန်တွင် ဆီတန်းစီနေသော ကားအချို့ပါ မီးလောင်ပျက်စီးခဲ့ပြီး ပတ်ဝန်းကျင်ရှိ G&G စတိုးဆိုင်နှင့် လမ်းဆုံမီးပွိုင့်များပါ ထိခိုက်ပျက်စီးခဲ့ကြောင်း ဒေသခံများက ပြောဆိုသည်။ ပေါက်ကွဲသံများနှင့်အတူ မီးလောင်မှု မိနစ် ၁၀ မှ ၁၅ မိနစ်အတွင်း ပြင်းထန်ခဲ့ကာ ည ၁၀ နာရီဝန်းကျင် တွင် မီးအပြီးသတ်ငြိမ်းသတ်နိုင်ခဲ့ကြောင်း မီးသတ်ဌာန၏ ထုတ်ပြန်သည်။မီးလောင်မှုအတွင်း ဒဏ်ရာရရှိသူအချို့ ရှိခဲ့ပြီး လူနာတင်ယာဉ်များဖြင့် ဆေးရုံသို့ အရေးပေါ်ပို့ဆောင်ခဲ့ကြောင်း သိရသည်။ လက်ရှိ မြန်မာနိုင်ငံတွင် စက်သုံးဆီရှားပါးမှုကြောင့် ဆီဆိုင်များတွင် ယာဉ်များ တန်းစီညအိပ်နေရသည့် အခြေအနေအောက်တွင် ဤကဲ့သို့ ဆီဆိုင်မီးလောင်မှု ဖြစ်ပွားလာခြင်းသည် ပြည်သူများအတွက် စိုးရိမ်စရာ ပိုမိုဖြစ်လာစေကြောင်း ဒေသခံများက ပြောဆိုကြသည်။ ကျောက်ကြီးမြို့နယ်တွင် စစ်ကြောင်းထိုးမှုကြောင့် ပြည်သူ ၃၀၀၀ ကျော် ထွက်ပြေးတိမ်းရှောင်နေ မတ် ၂၂ The Kaladan Post ပဲခူးတိုင်း၊ ကျောက်ကြီးမြို့နယ်တွင် မတ်လ ၁၇ ရက်နေ့မှ စစ်တပ်က စတင် စစ်ကြောင်းထိုးဝင်ရောက် လာခဲ့ရာ ရွာပေါင်း ၁၀ ကျော်မှ ပြည်သူ ၃၀၀၀ ကျော်သည် ဘေးလွတ်ရာ ထွက်ပြေးတိမ်းရှောင်နေရ ကြောင်း ကရင်အမျိုးသားအစည်းအရုံး (KNU) ဗဟိုက ထုတ်ပြန်ထားသည်။ စစ်ကြောင်းထိုးနေသော စစ်တပ်က လက်နက်ကြီးများနှင့် ဒရုန်းများဖြင့် ရည်ရွယ်ချက်ရှိရှိ ပစ်မှတ်ထားတိုက်ခိုက်ခဲ့သဖြင့် အမျိုးသမီး ၁ ဦး ထိခိုက်ဒဏ်ရာရရှိခဲ့ပြီး နေအိမ် ၃ လုံး ပျက်စီးခဲ့ကြောင်း သိရှိရသည်။ လက်ရှိတွင် သဲဖြူရွာဟောင်း၊ သဲဖြူရွာသစ်၊ ရွှေတဲဆုရွာ၊ ပေါက်ကုန်းရွာ၊ ဇရပ်ခင်ရွာ၊ နံဇလေးရွာ၊ ရွာသာယာရွာ၊ သစ်တဲရွာ၊ နံဇရွာ နှင့် တလဲခင်ရွာ စသည့် ကျေးရွာများမှ ပြည်သူများ ထွက်ပြေးနေရကြောင်း ပြောဆို ထားသည်။ ထို့အပြင် ကျောက်ကြီးမြို့နယ်တွင် မတ်လ ၅ ရက်နေ့ကလည်း ခမရ ၂၀၊ ခလရ ၂၆၄၊ ခမရ ၄၃၉ ပူးပေါင်း စစ်ကြောင်းက ရေးတွင်းကုန်းကျေးရွာအုပ်စုအတွင်း အရပ်သား ပြည်သူ ၁၆၀ ခန့်ကို အကြောင်းမဲ့ ဖမ်းဆီးခဲ့ပြီး ပြည်သူ ၃၀ ခန့်ကို သတ်ဖြတ်ခဲ့ကြောင်း သိရှိရသည်။ တစ်ချိန်တည်းတွင် ပဲခူးတိုင်း၊ ရွှေကျင်မြို့နယ်အတွင်း ထီးလူထာကျေးရွာကို စစ်တပ်က မတ်လ ၁၉ ရက်နေ့ ညပိုင်းတွင် လေယာဉ်ဖြင့် ဗုံး ၇ လုံး ကျဲချ တိုက်ခိုက်ခဲ့ရာ အသက် ၁၆ နှစ်အရွယ် ဝဲချစ်၊ အသက် ၃၈ နှစ်အရွယ် ဇင်မင်းလတ် နှင့် အသက် ၄၅ နှစ်အရွယ် ဦးအေးလွင် တို့ ၃ ဦး ထိခိုက်ဒဏ်ရာရရှိခဲ့ကြောင်း KNU ခလယ်လွီထူခရိုင်က ထုတ်ပြန်ထားသည်။ မတ်လ ၂၀ ရက်နေ့တွင်လည်း ထိုရွာကို ထပ်မံ လေယာဉ်ဖြင့် ဗုံးကျဲ တိုက်ခိုက်ခဲ့သော်လည်း ပြည်သူ ထိခိုက်မှု မရှိခဲ့ပေ၊ ဘက်ဖိုး ၂ စီး...
Read More
မတ်လ (၂၁) ရက် သတင်းတိုပေါင်းချုပ်
ရန်ကုန်မြို့ မရမ်းကုန်းမြို့နယ် အမှတ်(၅) ရပ်ကွက်တွင် နေအိမ် ၁၀၀ ကျော်ကို စစ်တပ်နှင့် စည်ပင်တို့က အင်အားသုံး ဖျက်ဆီး မတ် ၂၁ The Kaladan Post ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ်(၅) ရပ်ကွက် (သဇင်ရုံလမ်း အပါအဝင်) ရှိ ပြည်သူ့နေအိမ် ၁၀၀ ကျော်ကို စစ်တပ်နှင့် စည်ပင်သာယာရေးဌာနတို့က ယနေ့ (မတ်လ ၂၁ ရက်) နံနက်ပိုင်းတွင် အကြောင်းပြချက် ခိုင်လုံမှုမရှိဘဲ အင်အားအလုံးအရင်းဖြင့် အတင်းအဓမ္မ ဖျက်ဆီးနေကြောင်း ဒေသခံများက ပြောဆိုသည်။ စစ်ကား၊ ဘက်ဖိုး (backhoe) မြေတူးစက်များ၊ ဖောကားများဖြင့် အင်အား ၁၀၀ ဝန်းကျင်နှင့် ဝင်ရောက်ဖျက်ဆီးနေပြီး ရပ်ကွက်အုပ်ချုပ်ရေးမှူး ကိုယ်တိုင် လိုက်ပါ ပါဝင်နေကာ သစ်တောဌာနနှင့် စစ်ဘက်ဆိုင်ရာ တာဝန်ရှိသူများလည်း ပါဝင်နေကြောင်းသိရသည်။ တရားဝင် အမိန့်စာ သို့မဟုတ် ဖျက်သိမ်းခွင့်ပြုချက် စာရွက်စာတမ်း တစ်စုံတစ်ရာ ထုတ်ပြန်ခြင်းမရှိဘဲ နှုတ်မိန့်ဖြင့်သာ ဆောင်ရွက်နေခြင်း ဖြစ်သည်ဟု ဒေသခံတစ်ဦးက ပြောဆိုသည်။ မတ်လ ၁၉ ရက်နေ့က ကြိုတင် နှုတ်မိန့်ဖြင့် သတိပေးခဲ့သော်လည်း ယနေ့ ရုတ်တရက် အကြမ်းဖက်ဆန်စွာ ဖျက်သိမ်းလာခြင်း ဖြစ်ကြောင်း သိရသည်။ ဘက်ဖိုး ယာဉ် ၂ စီး၊ ဖောကား ၂ စီး၊ စစ်ကား ၂ စီးခန့်ဖြင့် ဖျက်ဆီးနေမှုကြောင့် အိမ်ခြေ ၁၀၀ ကျော်မှ မိသားစုများ အိုးမဲ့အိမ်မဲ့ ဖြစ်နေပြီး သင့်လျော်သော...
Read More
အီရန်ရဲ့ ပစ်ခတ်မှုကြောင့် အရေးပေါ်ဆင်းသက်ခဲ့ရတဲ့ အမေရိကန်ရဲ့ F-35 ကိုယ်ပျောက်တိုက်လေယာဉ်
မတ် ၂၁ The Kaladan Post အမေရိကန်ရဲ့ ထိပ်တန်း ကိုယ်ပျောက်တိုက်လေယာဉ် F-35 တစ်စီးဟာ အီရန်ဘက်က ပစ်ခတ်လိုက်လို့ ထိမှန်သွားတယ်လို့ ယူဆရတဲ့ အခြေအနေကြောင့် အရေးပေါ် ဆင်းသက်ခဲ့ရပါတယ်။ ရန်သူ့ရေဒါတွေကနေ ထောက်လှမ်းလို့မရအောင် ကိုယ်ပျောက် (Stealth) နည်းပညာနဲ့ တည်ဆောက်ထားတဲ့ ဒီ ပဉ္စမမျိုးဆက် တိုက်လေယာဉ်ကြီးဟာ မတ်လ ၁၉ ရက်နေ့က အရှေ့အလယ်ပိုင်းဒေသထဲမှာရှိတဲ့ လေတပ်စခန်းတစ်ခုကို အရေးပေါ် ဆင်းသက်ခဲ့ရတာဖြစ်တယ်လို့ အမေရိကန်စစ်တပ်က ပြောပါတယ်။ ဒီဖြစ်စဉ်နဲ့ပတ်သက်ပြီး အမေရိကန်စစ်တပ် ဗဟိုစစ်ရေးကွပ်ကွဲမှုဌာန (CENTCOM) ရဲ့ ပြောရေးဆိုခွင့်ရအရာရှိ တင်မ်ဟောကင်းစ်က “ဒီ F-35 လေယာဉ်ဟာ အီရန်နိုင်ငံပိုင်နက်ထဲမှာ စစ်ဆင်ရေးတာဝန် ထမ်းဆောင်နေတုန်း ထိခိုက်မှုရှိခဲ့တဲ့အတွက် ဒေသတွင်းက လေတပ်စခန်းတစ်ခုမှာ အရေးပေါ် ဆင်းသက်ခဲ့ရတာပါ။ ဆင်းသက်တာကတော့ ချောချောမွေ့မွေ့ပါပဲ။ လေယာဉ်မှူးရဲ့ အခြေအနေကလည်း တည်ငြိမ်ပါတယ်။ အခုတော့ ဒီဖြစ်စဉ်နဲ့ပတ်သက်ပြီး စုံစမ်းစစ်ဆေးမှုတွေ စတင်နေပါပြီ” လို့ အတည်ပြု ပြောကြားခဲ့ပါတယ်။ ဒါပေမဲ့ လေယာဉ်ပေါ်မှာ ဘာတွေဖြစ်ခဲ့လဲ ဆိုတာကိုတော့ သူက အတိအကျ ထည့်ပြောမသွားပါဘူး။ တစ်စီးကို အမေရိကန်ဒေါ်လာ သန်း ၁၀၀ လောက် တန်ဖိုးရှိပြီး အမေရိကန်ရဲ့ နည်းပညာအမြင့်ဆုံး ဘက်စုံသုံး တိုက်လေယာဉ်အဖြစ် သတ်မှတ်ခံထားရတဲ့ ဒီ F-35 ဟာ အီရန်ဘက်က တုံ့ပြန်ပစ်ခတ်လိုက်လို့ ထိမှန်ခဲ့တာ ဖြစ်နိုင်တယ်လို့ အမည်မဖော်လိုတဲ့ အမေရိကန် စစ်ဘက်သတင်းရင်းမြစ် နှစ်ဦးက CNN သတင်းဌာနကို ပြောပြခဲ့ပါတယ်။ တိုက်တိုက်ဆိုင်ဆိုင်ပဲ...
Read More
အီရန်စစ်ပွဲမှာ အမေရိကန် အနိုင်ရပြီလို့ ကြေညာလိုက်ပြီး တိုက်ခိုက်မှုတွေ လျှော့ချဖို့ ထရမ့် စဉ်းစားနေ
မတ် ၂၁ The Kaladan Post အီရန်နိုင်ငံမှာ ဆင်နွှဲနေတဲ့ စစ်ဆင်ရေးတွေကို အရှိန်လျှော့ချသွားဖို့ စဉ်းစားနေပြီလို့ အမေရိကန်သမ္မတ ဒေါ်နယ်ထရမ့်က ပြောလာပါတယ်။ ကမ္ဘာတစ်လွှား လောင်စာဆီ အကျပ်အတည်းတွေ ဖြစ်လာလို့ အမေရိကန်အစိုးရက အီရန်ရေနံတွေအပေါ် ပိတ်ဆို့ထားတာကို ယာယီ ကင်းလွတ်ခွင့်ပေးမယ်လို့ ကြေညာအပြီး မတ်လ ၂၀ ရက်နေ့မှာပဲ ထရမ့်က အီရန်အပေါ် တိုက်ခိုက်မှုတွေကို တစ်ဆင့်ချင်းစီ လျှော့ချသွားမယ့် အကြောင်းကို ထုတ်ပြောလာတာပါ။ အဲဒီနေ့မှာပဲ အီရန်ဘက်ကလည်း အစ္စရေးနဲ့ ဆော်ဒီအာရေးဘီးယား ပိုင်နက်တွေဆီကို ဒရုန်းတွေ၊ ဒုံးကျည်တွေ အများကြီးနဲ့ ပစ်ခတ်တိုက်ခိုက်ခဲ့ပါတယ်။ ဒီတိုက်ခိုက်မှုနဲ့ ပတ်သက်ပြီး အီရန်အစိုးရ အဓိပတိ မော့ဂျ်တာဘာ ခါမေနီက “ကျွန်တော်တို့ဟာ ရန်သူနိုင်ငံတွေကို ယိမ်းယိုင်သွားအောင် ထိုးနှက်နိုင်ခဲ့ပါတယ်” လို့ ပြောဆိုခဲ့ပါတယ်။ ဒါပေမဲ့ ထရမ့်ကတော့ သူ့ရဲ့ ကိုယ်ပိုင် လူမှုကွန်ရက်ဖြစ်တဲ့ Truth Social မှာ “အမေရိကန်အနေနဲ့ စစ်ဆင်ရေး ရည်မှန်းချက်တွေ အားလုံး ပြည့်မြောက်ဖို့ အရမ်းကို နီးစပ်နေပါပြီ။ ဒါကြောင့် အရှေ့အလယ်ပိုင်းဒေသထဲက ထူးကဲတဲ့ စစ်ရေးအားထုတ်မှုတွေကို လျှော့ချဖို့ စဉ်းစားနေပါပြီ” လို့ ရေးသားခဲ့ပါတယ်။ ဒါဟာ ဖေဖော်ဝါရီ ၂၈ ရက်နေ့က အစ္စရေးနဲ့ပေါင်းပြီး အီရန်ကို စတင်တိုက်ခိုက်ခဲ့တဲ့ စစ်ပွဲကို အဆုံးသတ်တော့မယ်ဆိုတဲ့ သဘောမျိုး အနီးစပ်ဆုံး အရိပ်အမြွက် ပြလိုက်တာပဲ ဖြစ်ပါတယ်။ ထရမ့်ရဲ့ စာထွက်လာပြီး မကြာခင်မှာပဲ အိမ်ဖြူတော် ပြောရေးဆိုခွင့်ရ အမျိုးသမီး ကာရိုလိုင်း လီယာဗစ်ကလည်း...
Read More
တောင်ကိုရီးယား ကားအပိုပစ္စည်းစက်ရုံ ပေါက်ကွဲမီးလောင်၊ အနည်းဆုံး လူ ၁၀ ဦး သေဆုံးပြီး ၅၀ ကျော် ဒဏ်ရာရ
မတ် ၂၁ The Kaladan Post တောင်ကိုရီးယားနိုင်ငံက ကားအပိုပစ္စည်းထုတ်တဲ့ စက်ရုံတစ်ခုမှာ အကြီးအကျယ် မီးလောင်မှုဖြစ်ပွားခဲ့လို့ အနည်းဆုံး လူ ၁၀ ယောက် သေဆုံးခဲ့ပြီး ၄ ယောက်ကတော့ အခုချိန်ထိ ပျောက်ဆုံးနေဆဲပဲ ဖြစ်ပါတယ်။ ပြီးခဲ့တဲ့ မတ်လ ၂၀ ရက်နေ့က ဒေဂျောင်းမြို့လယ်ခေါင်မှာရှိတဲ့ အဲဒီစက်ရုံမှာ ပေါက်ကွဲမှုတစ်ခု အရင်ဖြစ်သွားပြီးမှ မီးစလောင်ခဲ့တာလို့ သတင်းတွေက ဆိုပါတယ်။ မတ်လ ၂၁ ရက်နေ့ကို ရောက်တဲ့အခါမှာတော့ ကယ်ဆယ်ရေးအဖွဲ့တွေက မီးလောင်ပြင်ထဲကနေ ရုပ်အလောင်း ၁၀ ခုကို ရှာတွေ့ထားပြီးပါပြီ။ ဒီမီးလောင်မှုကြောင့် နောက်ထပ် လူ ၅၉ ယောက် ဒဏ်ရာရခဲ့ပြီး အဲဒီထဲက ၂၅ ယောက်ကတော့ ဒဏ်ရာအခြေအနေ ပြင်းထန်တယ်လို့ ပြည်ထဲရေးဝန်ကြီးဌာနက ပြောပါတယ်။ ဒါပေမဲ့ အသက်အန္တရာယ် စိုးရိမ်ရတဲ့အဆင့် ဘယ်နှယောက် ပါလဲဆိုတာကိုတော့ အတိအကျ ထုတ်မပြောသေးပါဘူး။ အပြင်းအထန် လောင်နေတဲ့ မီးကို ထိန်းချုပ်နိုင်ဖို့အတွက် မီးသတ်တပ်ဖွဲ့ဝင်တွေ၊ ရဲတွေနဲ့ အရေးပေါ်ကယ်ဆယ်ရေး ဝန်ထမ်းတွေ စုစုပေါင်း အင်အား ၅၀၀ ကျော်လောက် ပူးပေါင်းပြီး ကြိုးစားခဲ့ကြရပါတယ်။ နေ့လယ်ပိုင်းမှာ စလောင်ခဲ့တဲ့မီးကို ငြှိမ်းသတ်အပြီးမှာတော့ ကယ်ဆယ်ရေးအဖွဲ့တွေက တစ်ညလုံး မအိပ်ဘဲ အထဲမှာ ပိတ်မိနေသူတွေကို လိုက်ရှာခဲ့ကြပါတယ်။ လူမှုကွန်ရက်ပေါ်မှာ ပြန့်လာတဲ့ ဗီဒီယိုတွေနဲ့ ဓာတ်ပုံတွေထဲမှာဆိုရင် စက်ရုံဝင်းထဲကနေ မီးခိုးလုံးကြီးတွေ အူထွက်နေတာ၊ မီးလောင်နေတဲ့ အဆောက်အအုံပေါ်ကနေ အလုပ်သမားတွေ အသက်လုပြီး ခုန်ချနေကြတာတွေကို စိတ်မကောင်းစရာ တွေ့မြင်ခဲ့ကြရပါတယ်။ ဒီအခြေအနေနဲ့...
Read More
ဆီရှားပါးမှုပြဿနာကို ဖြေရှင်းဖို့ သင်္ဘောပေါ်က အီရန်ရေနံတွေကို ပြန်ဝယ်ခွင့်ပြုလိုက်တဲ့ အမေရိကန်
မတ် ၂၁ The Kaladan Post စစ်ပွဲတွေကြောင့် ဖြစ်လာတဲ့ ကမ္ဘာ့စွမ်းအင် အကျပ်အတည်းကို ကုစားနိုင်ဖို့အတွက် အမေရိကန်က အီရန်ရေနံတွေအပေါ် ချမှတ်ထားတဲ့ ပိတ်ဆို့မှုတချို့ကို ဖယ်ရှားပေးလိုက်ပြီ ဖြစ်ပါတယ်။ ပြီးခဲ့တဲ့ မတ်လ ၂၀ ရက်နေ့မှာ အမေရိကန် ဘဏ္ဍာရေးဝန်ကြီး စကော့ဘက်ဆန့်က ရေတိုကာလအတွက်ပဲ ရည်ရွယ်ပြီး သေချာရေးဆွဲထားတဲ့ ရေနံဝယ်ယူခွင့်တစ်ခုကို ကြေညာခဲ့တာပါ။ အဲဒီကြေညာချက်အရ ကမ္ဘာ့နိုင်ငံတွေအနေနဲ့ သင်္ဘောပေါ်တင်ထားပြီးသား ဒါမှမဟုတ် ပင်လယ်ပြင်မှာ ရောက်နေတဲ့ အီရန်ရေနံနဲ့ လောင်စာဆီတွေကို ပြန်ဝယ်ခွင့် ရလာတော့မှာ ဖြစ်ပါတယ်။ အီရန်အပေါ် ကာလရှည်ကြာ ပိတ်ဆို့ထားတဲ့ အမေရိကန်ရဲ့ မူဝါဒကို အခုလို ရုတ်တရက်ကြီး ပြောင်းလဲလိုက်တာဟာ အားလုံးအတွက်တော့ အံ့သြစရာပါပဲ။ ဒါပေမဲ့ ဒီလုပ်ရပ်က လက်ရှိအကျပ်အတည်းကို တကယ်ရော ပြေလည်သွားစေမလား ဆိုတာကတော့ မသေချာသေးပါဘူး။ ဇာတ်လမ်းစတာကတော့ ဖေဖော်ဝါရီလကုန်မှာ အမေရိကန်နဲ့ အစ္စရေးတို့ ပူးပေါင်းပြီး အီရန်ကို စတင်တိုက်ခိုက်ခဲ့ချိန်ကနေ စတာပါ။ အဲဒီနောက်မှာ အီရန်က နိုင်ငံတောင်ပိုင်း ကမ်းလွန်မှာရှိတဲ့ ကမ္ဘာ့စွမ်းအင် တင်ပို့ရေးအတွက် အရေးအကြီးဆုံး ဟောမုဇ်ရေလက်ကြားကို ပိတ်ချလိုက်ပါတယ်။ အဲဒီရဲ့ အကျိုးဆက်ကတော့ နိုင်ငံတကာမှာ ရေနံနဲ့ လောင်စာဆီ ရှားပါးမှုပြဿနာတွေ အကြီးအကျယ် ရိုက်ခတ်လာတာပါပဲ။ ဒီအကျပ်အတည်းကို ဖြေရှင်းဖို့ အမေရိကန်က အပိုလှောင်ထားတဲ့ ရေနံစည်ပေါင်း သန်းရာချီကို ထုတ်သုံးခဲ့သလို၊ ရုရှားရေနံအပေါ် ပိတ်ဆို့ထားတာတွေကိုလည်း အကန့်အသတ်နဲ့ ဖြေလျှော့ပေးခဲ့ပါတယ်။ အခုတစ်ခါမှာတော့ အီရန်ရေနံတွေကိုပါ အလားတူ ထပ်ပြီး ဖြေလျှော့ပေးလာတဲ့ သဘောပါ။ အခုဖြေလျှော့မှုအရ...
Read More
ရှောင်လင်ကျောင်းကို စီးပွားရေးလုပ်ငန်းလိုပြောင်းခဲ့တဲ့ “အမှုဆောင်ချုပ် ဘုန်းကြီး” ရာဇဝတ်မှုတွေနဲ့ တရားစွဲခံရ
မတ် ၂၁ The Kaladan Post ငွေကြေးအလွဲသုံးစားလုပ်တာတွေ၊ မိန်းမကိစ္စ အရှုပ်အထွေးတွေနဲ့ နာမည်ထွက်နေတဲ့ တရုတ်နိုင်ငံက ကမ္ဘာကျော် ရှောင်လင်ဘုန်းကြီးကျောင်းရဲ့ ကျောင်းထိုင်ဟောင်းဟာ အခုဆိုရင်တော့ တရားဝင် စွဲချက်တင်ခံလိုက်ရပါပြီ။ သူ့နာမည်ကတော့ ရှီယွန်ရှင်း လို့ခေါ်ပါတယ်။ လွန်ခဲ့တဲ့ ၄ လလောက်ကတည်းက ဖမ်းဆီးခံထားရတာဖြစ်ပြီး အခုတော့ ရန်ပုံငွေတွေကို ကိုယ်ကျိုးအတွက် သုံးတာ၊ ငွေကြေးအလွဲသုံးစားလုပ်တာ၊ NGO တွေနဲ့ပတ်သက်ပြီး လာဘ်စားတာ၊ လာဘ်ပေးလာဘ်ယူလုပ်ဖို့ ကြိုးစားတာစတဲ့ အမှုတွေနဲ့ တရားဝင် စွဲချက်တင်ခံလိုက်ရတာပါ။ ဒီစွဲချက်တွေကို ဟီနန်ပြည်နယ်၊ ချင်ကျင်းမြို့က အစိုးရရှေ့နေတွေက တင်ပြခဲ့တာဖြစ်ပြီး တရားရုံးကလည်း လက်ခံလိုက်ပါတယ်။ အသက် ၆၀ အရွယ်ရှိပြီဖြစ်တဲ့ ဒီဘုန်းကြီးဟာ ရှောင်လင်ကျောင်းမှာ ကျောင်းထိုင်အဖြစ် ၂၅ နှစ်တောင် တာဝန်ယူခဲ့တာပါ။ ဒါပေမဲ့ ပြဿနာတွေ တက်လာတာကြောင့် မနှစ်က ဇူလိုင်လမှာ ကျောင်းထိုင်ရာထူးကနေ အဖြုတ်ခံခဲ့ရသလို၊ သာသနာ့ဘောင်ကနေပါ လူဝတ်လဲခံခဲ့ရပါတယ်။ မနှစ်က နိုဝင်ဘာလတုန်းက သူ့ကို စဖမ်းတဲ့အချိန်မှာ ဒေသခံအာဏာပိုင်တွေက “ကျောင်းထိုင်ကိုယ်တော်ဟာ ရာဇဝတ်မှုဆိုင်ရာ စွပ်စွဲချက်တွေ အများကြီးနဲ့ ရှုပ်ထွေးပတ်သက်နေတယ်” လို့ ပြောခဲ့ဖူးပါတယ်။ သူဟာ ငွေကြေးဘယ်လောက်အထိ အလွဲသုံးစားလုပ်ခဲ့လဲ ဆိုတာကိုတော့ အခုထိ အတိအကျ မသိရသေးပါဘူး။ ပိုက်ဆံကိစ္စတွေတင်မကပါဘူး၊ ရှီယွန်ရှင်းဟာ ဘုန်းကြီးဝိနည်းတွေကို ဖောက်ဖျက်ပြီး အမျိုးသမီးတချို့နဲ့ မကင်းမရှင်း ဖြစ်ခဲ့တယ်လို့လည်း စွပ်စွဲခံထားရပါတယ်။ ပိုဆိုးတာက “သူဟာ အနည်းဆုံး ကလေးတစ်ယောက်ရဲ့ ဖခင်အရင်းဖြစ်တယ်” လို့တောင် သတင်းတွေ ထွက်နေတာပါ။ ဒီဘုန်းကြီးက စီးပွားရေးစီမံခန့်ခွဲမှုဘွဲ့ (MBA)...
Read More
မတ်လ (၂၀) ရက် သတင်းတိုပေါင်းချုပ်
မြင်းခြံမြို့နယ်တွင် စစ်တပ်စစ်ကြောင်း တိုက်ခိုက်ခံရပြီး စစ်ဗိုလ် ၁ ဦး အပါအဝင် ၁၅ ဦး သေဆုံး မတ် ၂၀ The Kaladan Post မန္တလေးတိုင်း၊ မြင်းခြံမြို့နယ်အတွင်း မတ်လ ၁၇ ရက်နေ့က စစ်တပ်စစ်ကြောင်း (အင်အား ၂၀၀ ခန့်) က ရွာများကို စစ်ကြောင်းထိုးလာပြီး ပြည်သူပိုင်နေအိမ်များကို မီးရှို့ဖျက်ဆီးရန် ကြိုးပမ်းချိန်၌ Myingyan Twenty one Guerilla Force (MTGF) အဖွဲ့ ဦးဆောင်ကာ မြင်းခြံ ၂၁ ပျောက်ကြားတပ်ဖွဲ့၊ TFM ပျောက်ကြားတပ်ဖွဲ့၊ Onemore စစ်ကြောင်း၊ မိုရှေဒါးယမ်း၊ မဟာမိတ်တပ်ဖွဲ့များနှင့် ပူးပေါင်း၍ ၃ ကြိမ် ကြားဖြတ်တိုက်ခိုက်ခဲ့ရာ စစ်တပ်ဘက်မှ စစ်ဗိုလ် ၁ ဦး အပါအဝင် ၁၅ ဦး သေဆုံး၊ ၂၀ ဦး ဒဏ်ရာရရှိခဲ့ကြောင်း Myingyan Twenty one Guerilla Force (MTGF) က အသိပေးထားသည်။ တိုက်ပွဲအပြီး စစ်ကြောင်းသည် ပြန်လည်ဆုတ်ခွာခဲ့ပြီး မတ်လ ၁၈ ရက်တွင် စစ်သားအလောင်းများကို လာရောက်ကောက်ယူသွားကာ သင်္ဘောတင်ရွာတွင် အလောင်းအချို့ကို မီးရှို့သဂြိုလ်ခဲ့သည်ဟု MTGF အဖွဲ့မှ Joker က ပြောကြားခဲ့သည်။ ခဲယမ်းအချို့ သိမ်းဆည်းရမိသော်လည်း လက်နက်ကြီးများ မရရှိခဲ့ကြောင်း သိရသည်။ ပူးပေါင်းတပ်ဖွဲ့များဘက်မှ ထိခိုက်မှု မရှိဘဲ ဆုတ်ခွာနိုင်ခဲ့သည်။ အလားတူ စစ်ကိုင်းတိုင်း၊ ယင်းမာပင်မြို့နယ် ပြောင်းပြာ၊...
Read More
အဖေဖြစ်သူနဲ့အတူ တင့်ကားကိုယ်တိုင်မောင်းပြခဲ့တဲ့ ကင်ဂျုံအန်းရဲ့ ဆယ်ကျော်သက်သမီး၊ အနာဂတ်ခေါင်းဆောင်သစ် ဖြစ်လာမလားလို့ သုံးသပ်နေကြ
မတ် ၂၀ The Kaladan Post မြောက်ကိုရီးယားခေါင်းဆောင် ကင်ဂျုံအန်းရဲ့ ဆယ်ကျော်သက်အရွယ် သမီးဖြစ်သူဟာ ဖခင်ကို အနောက်မှာတင်ပြီး စစ်တပ်သုံး တင့်ကားတစ်စီးကို ကိုယ်တိုင် မောင်းနှင်နေတဲ့ ဓာတ်ပုံတွေကို နိုင်ငံပိုင် ကိုရီးယားဗဟိုသတင်းအေဂျင်စီ (KCNA) ကနေ သောကြာနေ့မှာ ထုတ်ပြန်လိုက်ပါတယ်။ ဒီလို ဓာတ်ပုံတွေ ထွက်ပေါ်လာတဲ့အပေါ် နိုင်ငံတကာ အကဲခတ်တွေကတော့ “ဒီကလေးမလေးဟာ ဖခင်ဖြစ်သူရဲ့ နေရာကို အနာဂတ်မှာ ဆက်ခံဖို့အတွက် အခုကတည်းက ကြိုတင် လေ့ကျင့်ပြင်ဆင်မှုတွေ လုပ်နေတာ သေချာသလောက်ရှိတယ်” လို့ သုံးသပ်ပြောဆိုနေကြပါတယ်။ ဂျူအေး (Ju Ae) လို့ လူသိများပြီး အသက် ၁၃ နှစ်ဝန်းကျင်လောက်ရှိပြီလို့ ယူဆရတဲ့ ကင်ဂျုံအန်းရဲ့ သမီးဟာ ပြီးခဲ့တဲ့လပိုင်းတွေကစလို့ ဖခင်ဖြစ်သူနဲ့အတူ လူသိရှင်ကြား ပွဲထွက်လာတာတွေကို တော်တော်လေး ခပ်စိပ်စိပ် တွေ့လာရပါတယ်။ အခုနောက်ဆုံး ထွက်ပေါ်လာတဲ့ ဓာတ်ပုံတွေထဲမှာဆိုရင် သမီးဖြစ်သူက တင့်ကားမောင်းသူနေရာကနေ အပြင်ကိုထွက်ကြည့်နေပြီး လေတိုက်လို့ ဆံပင်တွေလွင့်နေသလို၊ မျက်နှာထားကလည်း တော်တော်လေးကို အာရုံစိုက်ထားတဲ့ ပုံစံမျိုး တွေ့ရပါတယ်။ အနောက်မှာတော့ ဖခင်ဖြစ်သူ ကင်ဂျုံအန်းက တင့်ကားအမိုးပေါ် လက်ထောက်ပြီး ပြုံးရွှင်နေသလို၊ သူတို့ရဲ့ ဘေးနားမှာတော့ စစ်ဝတ်စုံပြည့်ဝတ်ဆင်ထားတဲ့ စစ်အရာရှိ ၃ ဦး ထိုင်နေတာကို မြင်တွေ့ရပါတယ်။ ဒီလဆန်းပိုင်းတုန်းကလည်း သမီးဖြစ်သူဟာ သေနတ်ပစ်ကွင်းတစ်ခုမှာ ရိုင်ဖယ်သေနတ်ကို ချိန်ရွယ်နေတဲ့ပုံတွေ၊ နောက်တစ်ခါမှာလည်း ပစ္စတိုသေနတ်ကို ကိုယ်တိုင် ပစ်ခတ်နေတဲ့ ပုံတွေ ထွက်ပေါ်ခဲ့ပါသေးတယ်။ ဒါပေမဲ့ မြောက်ကိုရီးယားအစိုးရဘက်ကတော့ သူမရဲ့...
Read More
အမေရိကန်တွေကို ဒုက္ခပေးဖို့ တရုတ်က ကျားဖြန့်ဂိုဏ်းတွေကို မြှောက်ပေးနေတာလို့ FBI စွပ်စွဲ၊ နိုင်ငံတွင်းအထိ ဝင်ပြီး တစ်ရုံမကျန် ရှင်းလင်းပစ်မယ်လို့ သတိပေး
မတ် ၂၀ The Kaladan Post မြန်မာနိုင်ငံအပါအဝင် အရှေ့တောင်အာရှက အွန်လိုင်းငွေလိမ် (ကျားဖြန့်) ဂိုဏ်းတွေရဲ့ နောက်ကွယ်မှာ တရုတ်အာဏာရ ကွန်မြူနစ်ပါတီ (CCP) က ကျောထောက်နောက်ခံ ပေးထားတယ်လို့ အမေရိကန် ဖက်ဒရယ်ထောက်လှမ်းရေးဗျူရို (FBI) က ဖွင့်ချလိုက်ပါတယ်။ လိုအပ်ရင် အဲဒီနိုင်ငံတွေထဲအထိ တိုက်ရိုက်ဝင်ပြီး ကျားဖြန့်ရုံတွေကို တစ်ခုမကျန် ပိတ်ပစ်သွားမယ်လို့လည်း FBI က ပြတ်ပြတ်သားသား သတိပေးလိုက်ပါတယ်။ ပြီးခဲ့တဲ့ မတ်လ ၁၈ ရက်နေ့က အမေရိကန် အထက်လွှတ်တော် ထောက်လှမ်းရေးဆိုင်ရာ ကော်မတီမှာ တစ်ကမ္ဘာလုံးကနေ အမေရိကန်အပေါ် ခြိမ်းခြောက်လာနိုင်တဲ့ အန္တရာယ်တွေနဲ့ ပတ်သက်ပြီး ကြားနာပွဲတစ်ခု လုပ်ခဲ့ပါတယ်။ အဲဒီမှာ အထက်လွှတ်တော်အမတ် ဂျိမ်းစ်လင့်ဖိုဒ်က အမေရိကန်နိုင်ငံသားတွေအပေါ် အွန်လိုင်းငွေလိမ်ဂိုဏ်းတွေရဲ့ ခြိမ်းခြောက်မှု ကြီးမားလာတဲ့အကြောင်း မေးခွန်းထုတ်ခဲ့တာပါ။ ဒီမေးခွန်းကို FBI ညွှန်ကြားရေးမှူး ကက်ရှ်ပက်တဲလ်က ပြန်ဖြေရာမှာ “ကမ္ဘောဒီးယားနဲ့ မြန်မာတို့လို နိုင်ငံတွေမှာ ရှိနေတဲ့ ကျားဖြန့်လုပ်ငန်း အဆောက်အအုံ အများစုဟာ CCP ရဲ့ အားပေးထောက်ခံမှုနဲ့ တည်ဆောက်ခဲ့တာ ဖြစ်တယ်ဆိုတာ အမေရိကန်က စုံစမ်းစစ်ဆေးထားတဲ့ ရလဒ်တွေက အတိအကျ ညွှန်ပြနေပါတယ်” လို့ ထည့်သွင်းပြောဆိုသွားပါတယ်။ ဒီဂိုဏ်းတွေဟာ အမေရိကန်နိုင်ငံသားတွေနဲ့ ဒေသတွင်းက သက်ကြီးရွယ်အိုတွေကို အဓိက ပစ်မှတ်ထားပြီး ငွေကြေးလိမ်လည်နေတာပါ။ “အဲဒီဂိုဏ်းတွေက အမေရိကန်ပြည်သူတွေကို နေ့တိုင်း ဒုက္ခပေးလိမ့်မယ်ဆိုတာကို CCP က သဘောပေါက်ထားပါတယ်။ ဒါကြောင့်လည်း အခုလို ခြံဝင်းတွေ၊ အဆောက်အအုံတွေ ဆောက်လုပ်ရာမှာ...
Read More
English